თორნიკე შენგელია და სალომე ჯუღელი ბავშვს ელოდებიან
1 686 ნახვა
საქართველოს კალათბურთის ეროვნული ნაკრების წევრი, თორნიკე შენგელია, თავის საოცნებო გუნდში მოხვდა, ამიერიდან ის ლეგენდარულ "ჩიკაგო ბულსში" იასპარეზებს. როგორც "სარკესთან" თორნიკემ აღნიშნა, ამ გუნდში თამაში მისი ოცნება ყოფილა. აქამდე, სანამ ქართველი კალათბურთელი "ბრუკლინ ნეთსში" თამაშობდა, ის და მისი ცოლი, მოდელი სალომე ჯუღელი, ნიუ იორკში ცხოვრობდნენ, ახლა კი ჩიკაგოში მოუწევთ გადასვლა. ახალგაზრდა წყვილი კიდევ ერთი ძალზე მნიშვნელოვანი და სასიამოვნო მოვლენის მოლოდინშია – შვილს ელოდება. მართალია, ჯერ ბავშვის სქესი არ იციან, მაგრამ ამას არც ანიჭებენ დიდ მნიშვნელობას.
მომავალი დედა "სარკეს" ამერიკიდან ესაუბრა იმ სიახლეებზე, რაც მათ ახალშექმნილ ოჯახშია.
– სალომე, პირველ რიგში, გილოცავთ მეუღლის წარმატებას. რა ემოციებით შეხვდით თქვენ და თორნიკე ამ სიახლეს – "ჩიკაგო ბულსში" გადასვლას?
– მადლობა. თორნიკეს "ჩიკაგო ბულსთან" ერთად პირველი თამაში უკვე ჰქონდა. მისი ეს წარმატება ყველას ძალიან გაგვიხარდა, რადგან "ჩიკაგო ბულსი" ისტორიული გუნდია. როცა თორნიკე ნბა–ში მოხვდა, ვკითხე, სად სურდა თამაში და მითხრა, "ჩიკაგო ბულსშიო". მართლაც ძალიან დიდი მიღწევაა, რომ ქართველი სპორტსმენი ასეთ ლეგენდარულ გუნდში იასპარეზებს. ეს დიდი წარმატებაა!
– ახლა ერთმანეთისგან ცალ–ცალკე ცხოვრობთ, თქვენ – ნიუ იორკში, ის – ჩიკაგოში?
– თუ არ ვცდები, ნიუ იორკიდან 3–4 საათის საფრენი მანძილია. სანამ თორნიკე იქ ბინის ამბებს მოაგვარებს, მე აქ ვიქნები. მერე კი მეც მასთან გადავალ საცხოვრებლად. რა თქმა უნდა, ყოველთვის ძალიან მიჭირს, როცა თორნიკე ჩემ გვერდით არ არის. ორი დღითაც რომ მიდის, ისე მენატრება, ერთი სული მაქვს, როდის ვნახავ. ახლაც უკვე ძალიან მენატრება.
– უკვე იცით, ჩიკაგოში სად იცხოვრებთ?
– ჯერ ჩიკაგოს კარგად არ ვიცნობთ და რა ადგილსაც გვირჩევენ, იქ ვიცხოვრებთ. ალბათ, სადაც მისი გუნდელები ცხოვრობენ.
– თქვენ როგორ შეეჩვიეთ ამერიკაში ცხოვრებას და კალათბურთელის რთულ გრაფიკს?
– მათ მართლაც ძალიან რთული რეჟიმი აქვთ, დიდი ხელშეწყობა სჭირდებათ, ყველაფერი უნდა აუწყო. მეც მაქსიმალურად ვცდილობ, დავეხმარო და ალბათ გამომდის. მაგალითად, კვებიდან დაწყებული, ბევრ რამეში სჭირდება დახმარება, ასევე გამხნევებაც. თორნიკე დილაობით ყოველთვის ვარჯიშობს, თამაშის დღეები მუდმივად დატვირთული აქვს. როცა აგებენ, ცუდ ხასიათზე დგება. ამ დროს ვცდილობ, ხასიათზე მოვიყვანო და გამომდის კიდეც. რაღაცეებს ველაპარაკები, ვეუბნები, რომ ყველაფერი კარგად იქნება და ა.შ. აქ მასთან ერთად ცხოვრებას ძალიან კარგად შევეჩვიე და მოვერგე. წესით, არც ჩიკაგოში უნდა გამიჭირდეს.
– საკუთარი თავისთვის თავისუფალი დრო გრჩებათ?
– როცა თორნიკეს თავისუფალი დრო აქვს, სულ ვცდილობთ, სადმე წავიდეთ გასართობად, შოუებზე, კინოში, რესტორნებში. როცა თამაშები აქვს, მაქსიმალურად უნდა დაისვენოს და ძირითადად სახლში ვართ. თორნიკეს გუნდელის ცოლთან დავმეგობრდი და როცა ჩემი ქმარი არ არის, მასთან ერთად დავდივარ ხოლმე.
– ახლა ნიუ იორკში მარტო ხართ?
– ახლა მარტო არ ვარ, თოკოს დედა და და მყავს სტუმრად, ამიტომ თოკოს წასვლა ჩიკაგოში ძალიან არ გამჭირვებია. როცა არც ის არის და არც მისი ოჯახის წევრები, როგორც გითხარით, მიჭირს ხოლმე, რადგან მარტო არასდროს ვყოფილვარ. ამერიკაში ცხოვრებას კარგად შევეჩვიე. სანამ თოკოსთან ერთად საცხოვრებლად ჩამოვიდოდი, აქ სამოდელო სააგენტოში ვმუშაობდი, აქაურობას შეჩვეული ვიყავი, ამიტომაც ადაპტაცია ადვილად გავიარე.
– როგორც შევიტყვეთ, ოჯახში მატებას ელოდებით.
– დიახ, ფეხმძიმედ ვარ. ჩემი ორსულობის ამბავი რომ გავიგეთ, ისე გაგვიხარდა, მეც და თოკოც ჭკუაზე არ ვიყავით. რა თქმა უნდა, ძალიან ბედნიერები ვართ. ეს ენით აღუწერელი განცდაა!
– ბიჭი უფრო გინდათ თუ გოგო?
– ჯერ 3 თვის ორსული ვარ, ამიტომ სქესი არ ვიცით. გოგო იქნება თუ ბიჭი, სულერთია, ორივე ძალიან გვინდა. გოგოს ყოლაც კარგია სხვადასხვა მიზეზის გამო და ბიჭისაც. გოგო მინდა, რადგან გავპრანჭავ, გავერთობი. ბიჭი იმიტომ მინდა, დებს რომ მიხედოს, ამიტომ მართლა ვერ ვიტყვი, რომელი უფრო მინდა. თორნიკეც იმავეს ფიქრობს. საერთოდ, ტყუპები მინდა, მაგრამ არ არის.
– თორნიკეს კიდევ ერთი საზრუნავი დაემატა თქვენი ფეხმძიმობის სახით. როგორ გრძნობთ თავს, ჭირვეულობა ხომ არ დაგეწყოთ?
– მადლობა ღმერთს, ძალიან კარგი ორსულობა მაქვს, საერთოდ არ შევუცვლივარ. ცხოვრებას ჩვეულ რიტმში ვაგრძელებ. რაღაცეები ამოჩემებული მაქვს, რასაც ხშირად ვჭამ, მაგრამ ისე არ ვარ, რომ უცებ განსაკუთრებული რამ მომინდეს. თოკო ძალიან მზრუნველია, თუ რაიმე არასწორი გავაკეთე, მეჩხუბება, ნუ აკეთებო.
– შვილის დაბადების შემდეგ განაგრძობთ სამოდელო კარიერას?
– კი. იმედი მაქვს, ფორმიდან ისე ძალიან არ ამოვვარდები, რომ კარიერის გაგრძელება ვერ შევძლო. ჯერ მხოლოდ 900 გრამი მაქვს მომატებული. ახლა ორსულებისთვის სპეციალურ იოგას ვარჯიშს ვიწყებ, აქამდე არ შეიძლებოდა. ჩიკაგოში ჩასვლის შემდეგ აუცილებლად დავიწყებ ვარჯიშს. თუ ბიჭი დაიბადება, მაქსიმალურად ვეცდებით, მამასავით წარმატებული გამოვიდეს. ახლა ჩვენს ცხოვრებაში ძალიან, ძალიან მაგარ სიახლეს ველოდებით, რაც კიდევ უფრო დიდ ბედნიერებას შეგვმატებს. ბავშვი ამერიკაში დაიბადება, პატარა ამერიკელი იქნება.
– ქმარი როგორ უყურებს თქვენს საქმიანობას, მოსწონს, პოდიუმზე რომ გამოდიხართ?
– ყოველთვის მოსწონდა, როცა პოდიუმზე გამოვდიოდი. ყველაზე მაგარი შენ იყავიო, მეუბნებოდა. ყოველთვის კომპლიმენტებით მანებივრებდა.
...
მიუხედავად ძალიან დატვირთული მუშაობისა, თორნიკე შენგელიამ მაინც მოახერხა, "სარკისთვის" თავისი ემოციები გაეზიარებინა მის ცხოვრებაში მომხდარ მნიშვნელოვან მოვლენებთან დაკავშირებით.
– ლეგენდარულ, ისტორიულ გუნდში მოვხვდი, რამაც ძალიან გამახარა. "ჩიკაგო ბულსში" თამაში სულ მინდოდა, ამიტომ ძალიან ბედნიერი ვარ. ეს წარმატება ჩემთვის ბევრს ნიშნავს, რადგან ვთვლი, რომ წინგადადგმული დიდი ნაბიჯია. ჩემს ცხოვრებაში მეორე მნიშვნელოვანი ცვლილებაა, რამდენიმე თვეში მამა გავხდები, ეს ჩემთვის უსაზღვრო სიხარულია, მე და სალომე უდიდეს ბედნიერებას ველოდებით! მამობისთვის უკვე მზად ვარ, – გვითხრა თორნიკემ.
"სარკე" ახალგაზრდა წყვილს წარმატებას და ბედნიერებას უსურვებს.
ეკა ლემონჯავა, ჟურნალი სარკე
მომავალი დედა "სარკეს" ამერიკიდან ესაუბრა იმ სიახლეებზე, რაც მათ ახალშექმნილ ოჯახშია.
– სალომე, პირველ რიგში, გილოცავთ მეუღლის წარმატებას. რა ემოციებით შეხვდით თქვენ და თორნიკე ამ სიახლეს – "ჩიკაგო ბულსში" გადასვლას?
– მადლობა. თორნიკეს "ჩიკაგო ბულსთან" ერთად პირველი თამაში უკვე ჰქონდა. მისი ეს წარმატება ყველას ძალიან გაგვიხარდა, რადგან "ჩიკაგო ბულსი" ისტორიული გუნდია. როცა თორნიკე ნბა–ში მოხვდა, ვკითხე, სად სურდა თამაში და მითხრა, "ჩიკაგო ბულსშიო". მართლაც ძალიან დიდი მიღწევაა, რომ ქართველი სპორტსმენი ასეთ ლეგენდარულ გუნდში იასპარეზებს. ეს დიდი წარმატებაა!
– ახლა ერთმანეთისგან ცალ–ცალკე ცხოვრობთ, თქვენ – ნიუ იორკში, ის – ჩიკაგოში?
– თუ არ ვცდები, ნიუ იორკიდან 3–4 საათის საფრენი მანძილია. სანამ თორნიკე იქ ბინის ამბებს მოაგვარებს, მე აქ ვიქნები. მერე კი მეც მასთან გადავალ საცხოვრებლად. რა თქმა უნდა, ყოველთვის ძალიან მიჭირს, როცა თორნიკე ჩემ გვერდით არ არის. ორი დღითაც რომ მიდის, ისე მენატრება, ერთი სული მაქვს, როდის ვნახავ. ახლაც უკვე ძალიან მენატრება.
– უკვე იცით, ჩიკაგოში სად იცხოვრებთ?
– ჯერ ჩიკაგოს კარგად არ ვიცნობთ და რა ადგილსაც გვირჩევენ, იქ ვიცხოვრებთ. ალბათ, სადაც მისი გუნდელები ცხოვრობენ.
– თქვენ როგორ შეეჩვიეთ ამერიკაში ცხოვრებას და კალათბურთელის რთულ გრაფიკს?
– მათ მართლაც ძალიან რთული რეჟიმი აქვთ, დიდი ხელშეწყობა სჭირდებათ, ყველაფერი უნდა აუწყო. მეც მაქსიმალურად ვცდილობ, დავეხმარო და ალბათ გამომდის. მაგალითად, კვებიდან დაწყებული, ბევრ რამეში სჭირდება დახმარება, ასევე გამხნევებაც. თორნიკე დილაობით ყოველთვის ვარჯიშობს, თამაშის დღეები მუდმივად დატვირთული აქვს. როცა აგებენ, ცუდ ხასიათზე დგება. ამ დროს ვცდილობ, ხასიათზე მოვიყვანო და გამომდის კიდეც. რაღაცეებს ველაპარაკები, ვეუბნები, რომ ყველაფერი კარგად იქნება და ა.შ. აქ მასთან ერთად ცხოვრებას ძალიან კარგად შევეჩვიე და მოვერგე. წესით, არც ჩიკაგოში უნდა გამიჭირდეს.
– საკუთარი თავისთვის თავისუფალი დრო გრჩებათ?
– როცა თორნიკეს თავისუფალი დრო აქვს, სულ ვცდილობთ, სადმე წავიდეთ გასართობად, შოუებზე, კინოში, რესტორნებში. როცა თამაშები აქვს, მაქსიმალურად უნდა დაისვენოს და ძირითადად სახლში ვართ. თორნიკეს გუნდელის ცოლთან დავმეგობრდი და როცა ჩემი ქმარი არ არის, მასთან ერთად დავდივარ ხოლმე.
– ახლა ნიუ იორკში მარტო ხართ?
– ახლა მარტო არ ვარ, თოკოს დედა და და მყავს სტუმრად, ამიტომ თოკოს წასვლა ჩიკაგოში ძალიან არ გამჭირვებია. როცა არც ის არის და არც მისი ოჯახის წევრები, როგორც გითხარით, მიჭირს ხოლმე, რადგან მარტო არასდროს ვყოფილვარ. ამერიკაში ცხოვრებას კარგად შევეჩვიე. სანამ თოკოსთან ერთად საცხოვრებლად ჩამოვიდოდი, აქ სამოდელო სააგენტოში ვმუშაობდი, აქაურობას შეჩვეული ვიყავი, ამიტომაც ადაპტაცია ადვილად გავიარე.
– როგორც შევიტყვეთ, ოჯახში მატებას ელოდებით.
– დიახ, ფეხმძიმედ ვარ. ჩემი ორსულობის ამბავი რომ გავიგეთ, ისე გაგვიხარდა, მეც და თოკოც ჭკუაზე არ ვიყავით. რა თქმა უნდა, ძალიან ბედნიერები ვართ. ეს ენით აღუწერელი განცდაა!
– ბიჭი უფრო გინდათ თუ გოგო?
– ჯერ 3 თვის ორსული ვარ, ამიტომ სქესი არ ვიცით. გოგო იქნება თუ ბიჭი, სულერთია, ორივე ძალიან გვინდა. გოგოს ყოლაც კარგია სხვადასხვა მიზეზის გამო და ბიჭისაც. გოგო მინდა, რადგან გავპრანჭავ, გავერთობი. ბიჭი იმიტომ მინდა, დებს რომ მიხედოს, ამიტომ მართლა ვერ ვიტყვი, რომელი უფრო მინდა. თორნიკეც იმავეს ფიქრობს. საერთოდ, ტყუპები მინდა, მაგრამ არ არის.
– თორნიკეს კიდევ ერთი საზრუნავი დაემატა თქვენი ფეხმძიმობის სახით. როგორ გრძნობთ თავს, ჭირვეულობა ხომ არ დაგეწყოთ?
– მადლობა ღმერთს, ძალიან კარგი ორსულობა მაქვს, საერთოდ არ შევუცვლივარ. ცხოვრებას ჩვეულ რიტმში ვაგრძელებ. რაღაცეები ამოჩემებული მაქვს, რასაც ხშირად ვჭამ, მაგრამ ისე არ ვარ, რომ უცებ განსაკუთრებული რამ მომინდეს. თოკო ძალიან მზრუნველია, თუ რაიმე არასწორი გავაკეთე, მეჩხუბება, ნუ აკეთებო.
– შვილის დაბადების შემდეგ განაგრძობთ სამოდელო კარიერას?
– კი. იმედი მაქვს, ფორმიდან ისე ძალიან არ ამოვვარდები, რომ კარიერის გაგრძელება ვერ შევძლო. ჯერ მხოლოდ 900 გრამი მაქვს მომატებული. ახლა ორსულებისთვის სპეციალურ იოგას ვარჯიშს ვიწყებ, აქამდე არ შეიძლებოდა. ჩიკაგოში ჩასვლის შემდეგ აუცილებლად დავიწყებ ვარჯიშს. თუ ბიჭი დაიბადება, მაქსიმალურად ვეცდებით, მამასავით წარმატებული გამოვიდეს. ახლა ჩვენს ცხოვრებაში ძალიან, ძალიან მაგარ სიახლეს ველოდებით, რაც კიდევ უფრო დიდ ბედნიერებას შეგვმატებს. ბავშვი ამერიკაში დაიბადება, პატარა ამერიკელი იქნება.
– ქმარი როგორ უყურებს თქვენს საქმიანობას, მოსწონს, პოდიუმზე რომ გამოდიხართ?
– ყოველთვის მოსწონდა, როცა პოდიუმზე გამოვდიოდი. ყველაზე მაგარი შენ იყავიო, მეუბნებოდა. ყოველთვის კომპლიმენტებით მანებივრებდა.
...
მიუხედავად ძალიან დატვირთული მუშაობისა, თორნიკე შენგელიამ მაინც მოახერხა, "სარკისთვის" თავისი ემოციები გაეზიარებინა მის ცხოვრებაში მომხდარ მნიშვნელოვან მოვლენებთან დაკავშირებით.
– ლეგენდარულ, ისტორიულ გუნდში მოვხვდი, რამაც ძალიან გამახარა. "ჩიკაგო ბულსში" თამაში სულ მინდოდა, ამიტომ ძალიან ბედნიერი ვარ. ეს წარმატება ჩემთვის ბევრს ნიშნავს, რადგან ვთვლი, რომ წინგადადგმული დიდი ნაბიჯია. ჩემს ცხოვრებაში მეორე მნიშვნელოვანი ცვლილებაა, რამდენიმე თვეში მამა გავხდები, ეს ჩემთვის უსაზღვრო სიხარულია, მე და სალომე უდიდეს ბედნიერებას ველოდებით! მამობისთვის უკვე მზად ვარ, – გვითხრა თორნიკემ.
"სარკე" ახალგაზრდა წყვილს წარმატებას და ბედნიერებას უსურვებს.
ეკა ლემონჯავა, ჟურნალი სარკე
