პრინტები, ყვავილები, ზოლები და კომბინეზონები ამ სეზონის ჰიტია
2 093 ნახვა
დიზაინერი თამარა კოპალიანი სისტემატურად არ ქმნის კოლექციებს, ხანდახან აქვს ჩავარდნები, მაგრამ მოსწონს პერფორმანსის ტიპის ჩვენებები. ამჟამად კომერციულ შეკვეთებზე მუშაობს.
- ამჯერად 80-იანი წლების სილუეტია მოდური, რაც ივ სენ ლორანის სახლმა წარმოადგინა და ამით უფრო მეტად აქტუალური გახდა. გარდა ამისა, თანამედროვე ტენდენციაა მიდი ქვედაბოლოები, ასევე ე.წ. ''ფენსილ'' ფორმა, ტრაპეცია და ძალიან გაშლილი ე.წ. ''სოლნცე კლიოში''.
- ვიწრო და სწორტოტიანი შარვლები ქართულმა საზოგადოებამ კარგად აითვისა, დღეს რა უნდა გავითვალისწინოთ ამ მხრივ?
- თუ დღეს ვიწრო შარვალს ჩაიცვამ, არ ნიშნავს იმას, რომ მოდურად არ გაცვია, მაგრამ უფრო მოდურია კომბინეზონები და დიდი ზომის შარვლები. მაინც ვფიქრობ, რაც ძალიან გიხდება, ის უნდა მოირგო.
წელს ძალიან აქტუალურია ლამაზი და განსხვავებული ჩანთები, რომლის ტარებითაც შენ უკვე ხაზს უსვამ შენი ჩაცმულობის განსაკუთრებულობას.
- დიზაინერები აქცენტს აკეთებთ ჩანთებზე, როგორი უნდა იყოს მოდური ჩანთა?
- ქლაჩები დიდად აღარაა მოთხოვნადი, რადგან ნაკლებად პრაქტიკულია, ქალბატონებს ვურჩევდი, მხარზე გადასაკიდი ჩანთები უფრო გამოიყენონ, თუმცა ეს არ ნიშნავს იმას, რომ დიდი ჩანთებია აქტუალური, უფრო იმ ზომაზე შეაჩერეთ არჩევანი, სადაც ჩაგეტევათ პატარა ბლოკნოტი, ''კოსმეტიჩკა'' და ტელეფონი, ოღონდ ეს უნდა იყოს მხარზე გადასაკიდი.
- ჩანთაზე პრინტის დატანა აქტუალურია?
- წელს სხვადასხვა მხატვრის ნამუშევართა სამოსზე გადატანა ძალიან მოდურია. გარდა ამისა, ზამთრის კოლექციაში ბევრმა დიზაინერმა გააკეთა პორტრეტები ქურქებზე, რაც ტექნიკურად ძნელი შესასრულებელი იქნებოდა, მაგრამ ძალიან ლამაზი და საინტერესო გამოვიდა.
- გარდა ამისა, კიდევ რა ფაქტურებია მოდური საქართველოში?
- ბუკლეს ტიპის პალტოები, რომელიც ჩვენთანაც კარგად აითვისეს და ევროპაშიც წარმატებით იყიდება. გარდა ამისა, მოდური იქნება მაქმანით გაფორმებული ქვედაბოლოები და მასთან შეხამებული დაპრინტული მაისური. მგონია, რომ ამ სტილსაც თავისუფლად აითვისებენ, აგრეთვე - სპორტული სტილის კლასიკურთან შეხამება.
- გარდა ბოტასისა, კიდევ როგორი ფეხსაცმლის ჩაცმას გვირჩევთ?
- გაზაფხულზე მოდური იქნება სახლის ჩუსტები, ე.წ. ქოშები, რომელსაც ჩაიცვამ თბილ წინდებზე. შარშან სელინმა ასეთ ქოშებს შიდა ნაწილში, სადაც ფეხი უნდა ჩავდგათ, დაუმატა სხვადასხვა ფერის ბეწვი და იმდენად მოთხოვნადი გახდა, რომ მერე ბევრმა დიზაინერმა მიმართა ამ ტენდენციას.
- აქსესუარების მხრივ მოდა რას გვთავაზობს?
- შეგვიძლია, ფერადი სამკაულები გამოვიყენოთ, ასევე გავიკეთოთ ბევრი, სხვადასხვაგვარი აქსესუარი, მაგრამ აქაც ჩანთას უნდა გავუსვა ხაზი. კარგი ჩანთა შენს ჩვეულებრივ ჩაცმულობას თვალში საცემს გახდის.
- გაზაფხული-ზაფხულის სეზონზეც დიდი ზომის ზედა სამოსი იქნება აქტუალური?
- კი. ამ სეზონზეც გრძელი, ოღონდ ''ოვერსაიზ'' ქურთუკებია მოდური, ასევე რეგლანი, გადასული მკლავი, სამკუთხედი, ე.წ. ''სერცე'' გული, ასევე წინიდან უკან, მხრებისკენ ''გადაგდებული'' სვიტერი. წელის დაფიქსირების საკითხი კი ძალიან ინდივიდუალურია. თუ გამოკვეთ ამ დეტალს, არ იქნები ამოვარდნილი მოდიდან, მაგრამ თუ არ მოგწონს, არც ამ მხრივ ხარ მოდას ჩამორჩენილი. გარდა პრინტებისა, სიჭრელე, ყვავილები და ზოლები თანამედროვე ტენდენციაა. ასევე კომბინეზონები, რომლებიც აქტუალობას არ კარგავს. ოღონდ ამ შემთხვევაში ვგულისხმობ არა ბრეტელიან კომბინეზონს, არამედ მთლიან ჩასაცმელს.
ციცი ომანიძე
ჟურნალი ''რეიტინგი''
- ამჯერად 80-იანი წლების სილუეტია მოდური, რაც ივ სენ ლორანის სახლმა წარმოადგინა და ამით უფრო მეტად აქტუალური გახდა. გარდა ამისა, თანამედროვე ტენდენციაა მიდი ქვედაბოლოები, ასევე ე.წ. ''ფენსილ'' ფორმა, ტრაპეცია და ძალიან გაშლილი ე.წ. ''სოლნცე კლიოში''.
- ვიწრო და სწორტოტიანი შარვლები ქართულმა საზოგადოებამ კარგად აითვისა, დღეს რა უნდა გავითვალისწინოთ ამ მხრივ?
- თუ დღეს ვიწრო შარვალს ჩაიცვამ, არ ნიშნავს იმას, რომ მოდურად არ გაცვია, მაგრამ უფრო მოდურია კომბინეზონები და დიდი ზომის შარვლები. მაინც ვფიქრობ, რაც ძალიან გიხდება, ის უნდა მოირგო.
წელს ძალიან აქტუალურია ლამაზი და განსხვავებული ჩანთები, რომლის ტარებითაც შენ უკვე ხაზს უსვამ შენი ჩაცმულობის განსაკუთრებულობას.
- დიზაინერები აქცენტს აკეთებთ ჩანთებზე, როგორი უნდა იყოს მოდური ჩანთა?
- ქლაჩები დიდად აღარაა მოთხოვნადი, რადგან ნაკლებად პრაქტიკულია, ქალბატონებს ვურჩევდი, მხარზე გადასაკიდი ჩანთები უფრო გამოიყენონ, თუმცა ეს არ ნიშნავს იმას, რომ დიდი ჩანთებია აქტუალური, უფრო იმ ზომაზე შეაჩერეთ არჩევანი, სადაც ჩაგეტევათ პატარა ბლოკნოტი, ''კოსმეტიჩკა'' და ტელეფონი, ოღონდ ეს უნდა იყოს მხარზე გადასაკიდი.
- ჩანთაზე პრინტის დატანა აქტუალურია?
- წელს სხვადასხვა მხატვრის ნამუშევართა სამოსზე გადატანა ძალიან მოდურია. გარდა ამისა, ზამთრის კოლექციაში ბევრმა დიზაინერმა გააკეთა პორტრეტები ქურქებზე, რაც ტექნიკურად ძნელი შესასრულებელი იქნებოდა, მაგრამ ძალიან ლამაზი და საინტერესო გამოვიდა.
- გარდა ამისა, კიდევ რა ფაქტურებია მოდური საქართველოში?
- ბუკლეს ტიპის პალტოები, რომელიც ჩვენთანაც კარგად აითვისეს და ევროპაშიც წარმატებით იყიდება. გარდა ამისა, მოდური იქნება მაქმანით გაფორმებული ქვედაბოლოები და მასთან შეხამებული დაპრინტული მაისური. მგონია, რომ ამ სტილსაც თავისუფლად აითვისებენ, აგრეთვე - სპორტული სტილის კლასიკურთან შეხამება.
- გარდა ბოტასისა, კიდევ როგორი ფეხსაცმლის ჩაცმას გვირჩევთ?
- გაზაფხულზე მოდური იქნება სახლის ჩუსტები, ე.წ. ქოშები, რომელსაც ჩაიცვამ თბილ წინდებზე. შარშან სელინმა ასეთ ქოშებს შიდა ნაწილში, სადაც ფეხი უნდა ჩავდგათ, დაუმატა სხვადასხვა ფერის ბეწვი და იმდენად მოთხოვნადი გახდა, რომ მერე ბევრმა დიზაინერმა მიმართა ამ ტენდენციას.
- აქსესუარების მხრივ მოდა რას გვთავაზობს?
- შეგვიძლია, ფერადი სამკაულები გამოვიყენოთ, ასევე გავიკეთოთ ბევრი, სხვადასხვაგვარი აქსესუარი, მაგრამ აქაც ჩანთას უნდა გავუსვა ხაზი. კარგი ჩანთა შენს ჩვეულებრივ ჩაცმულობას თვალში საცემს გახდის.
- გაზაფხული-ზაფხულის სეზონზეც დიდი ზომის ზედა სამოსი იქნება აქტუალური?
- კი. ამ სეზონზეც გრძელი, ოღონდ ''ოვერსაიზ'' ქურთუკებია მოდური, ასევე რეგლანი, გადასული მკლავი, სამკუთხედი, ე.წ. ''სერცე'' გული, ასევე წინიდან უკან, მხრებისკენ ''გადაგდებული'' სვიტერი. წელის დაფიქსირების საკითხი კი ძალიან ინდივიდუალურია. თუ გამოკვეთ ამ დეტალს, არ იქნები ამოვარდნილი მოდიდან, მაგრამ თუ არ მოგწონს, არც ამ მხრივ ხარ მოდას ჩამორჩენილი. გარდა პრინტებისა, სიჭრელე, ყვავილები და ზოლები თანამედროვე ტენდენციაა. ასევე კომბინეზონები, რომლებიც აქტუალობას არ კარგავს. ოღონდ ამ შემთხვევაში ვგულისხმობ არა ბრეტელიან კომბინეზონს, არამედ მთლიან ჩასაცმელს.
ციცი ომანიძე
ჟურნალი ''რეიტინგი''
