მიშა შაყულაშვილი: "ისეთი სიყვარული, როგორიც სოფო ბედიას ჩემ მიმართ ჰქონდა, არსად მსმენია"
3 746 ნახვა
დაახლოებით ნახევარი წელია, რაც მომღერალ სოფო ბედიასა და მუსიკოს მიშა შაყულაშვილის ოჯახი დაინგრა. მათ 5 წელი იცხოვრეს ერთად, გააჩინეს ბიჭი ნიკოლოზი და, როგორც მაშინდელ ინტერვიუებში ამბობდნენ, ძალიან ბედნიერები იყვნენ. ამიტომაც ჰგავდა მათი გაყრის ამბავი მოწმენდილ ცაზე გავარდნილ მეხს. მაშინვე გავრცელდა ინფორმაცია, რომ დაშორების მიზეზი ვიღაც მესამე იყო, თუმცა სოფო ამას კატეგორიულად გამორიცხავდა. რამდენიმე თვეში კი მის ცხოვრებაში ახალი სიყვარული გამოჩნდა და სოფომ ის საზოგადოებასაც წარუდგინა. ეს ახალგაზრდა კაცი მიშა მესხი გახლავთ. გავრცელებული ცნობით, ის სააკაშვილის ხელისუფლების დროს პოლიტპატიმარი იყო.
მიშა შაყულაშვილი ცოლთან გაშორებას ძალიან განიცდის. "სარკესთან" გულახდილად საუბრობს, ამბობს, რომ ვერ აუხსნია, რამ შეიწირა მისი და სოფოს დიდი სიყვარული.
– მიშა, თქვენ და სოფო ბედია ყოველთვის მოსიყვარულე ცოლ–ქმრის, მყარი ოჯახის შთაბეჭდილებას ტოვებდით. რა უნდა მომხდარიყო ისეთი, რამაც გაშორებმადე მიგიყვანათ?
– მე და სოფო 24 საათი მართლაც სულ ერთად ვიყავით, მის კარიერაზე ვიყავი გადართული. სოფო მარტო არასოდეს არსად გამიშვია, განა იმიტომ, რომ ვეჭვიანობდი, უბრალოდ მასაც არ ჰქონია მარტო წასვლის სურვილი. ისეთი სიყვარული, როგორიც სოფოს ჩემ მიმართ ჰქონდა, არსად მსმენია. იმაზე ვარ გაგიჟებული, რომ ეს ყველაფერი ასე უცებ გაქრა. ადამიანმა ყველაფერში საკუთარი თავი უნდა დაადანაშაულოს. მე და სოფომ რაღაც სწორად ვერ გავაკეთეთ.
– თქვენ რაში ადანაშაულებთ საკუთარ თავს?
– ბევრ რამეში ვარ დამნაშავე, მაგრამ კონკრეტულ ფაქტებზე საუბარს არ ვაპირებ. ჩემს განვლილ ცხოვრებას რომ ვუყურებ, უკვე ვხვდები, რაც დავაშავე. ალბათ სოფოს სათანადოდ ვერ ვუფრთხილდებოდი, თორემ ის ახლა ჩემთან იქნებოდა. ჩვენ უზარმაზარი სიყვარული გვაკავშირებდა. თვით უფალია სიყვარული და ის არ ქრება, ამიტომ ვფიქრობ, რომ ჩვენი გრძნობა უბრალოდ რაღაცამ მიაძინა. სოფოსთან დაშორების მერე ეკლესიას, უფალს დავუახლოვდი, ცხოვრებასაც სხვა თვალით შევხედე და ეს განშორებაც ღმერთმა გადამატანინა.
არ ვიცი, სოფო საკუთარ თავს თვლის თუ არა, დამნაშავედ, ეს მისი პრობლემაა. ისე კი, უდანაშაულო და უცოდველი ადამიანი არ არსებობს. სოფო ბედია თუ თვლის, რომ ის უცოდველია, ყველაფერში მართალია და ჩვენს ურთიერთობაში ნაკლი არ ჰქონდა, მისი პრობლემაა.
– თქვენი გრძნობა არ განელებულა?
– მოგატყუებთ, რომ გითხრათ, არ მაინტერესებს–მეთქი. ჩემი ცოლი ძალიან მიყვარდა. ზოგი იტყვის ხოლმე, ჩემს ყოფილ ცოლს პატივს ვცემ, იმიტომ, რომ ჩემი შვილის დედააო. მე კი ჩემი ცოლი, უპირველეს ყოვლისა, როგორც ჩემი ქალი, ისე მიყვარდა და შემდეგ ამას ემატებოდა ის, რომ ჩემი შვილის დედაა. სოფომ 5 თვეში იმდენი არასწორი საქციელი ჩაიდინა, რომ... ის არასოდეს შემძულდება. მინდა, ბედნიერება და სიკეთე ვუსურვო.
– სოფოსთან შერიგების სურვილი ისევ გაქვთ?
– მასთან შერიგების სურვილი აღარ მაქვს. შეიძლება ცხოვრების ბოლომდე სოფოს გარდა აღარავინ შევიყვარო, მაგრამ მასთან აღარ ვიცხოვრებ. არის რაღაცეები, რასაც ვერ გადავაბიჯებ, მის ახალ სიყვარულს ვგულისხმობ, მაგრამ ლოცვაში წერია, შეგვიწყალე, უფალო, რამეთუ ყოვლისა სიტყვისა მიცემისგან უღონო ვართო. მე კი ვამბობ, რომ მასთან ცხოვრება აღარ მინდა, მაგრამ თუ ღმერთს ნებავს ჩვენი შერიგება, უძლურები ვიქნებით, მის ნებას შევეწინააღმდეგოთ.
– თქვენი გაცნობის, ურთიერთობის დაწყების დღე გახსოვთ?
– კი, 2005 წელს გავიცანი, მაშინ 20 წლის იყო. ჯემალ სეფიაშვილი რაღაც მიუზიკლს დგამდა, ახალბედა მომღერლებს თავი მოუყარა და სტუდიაში მომიყვანა, მათ სიმღერებს ვაწერინებდი, მათ შორის იყო სოფოც. მალევე შემიყვარდა. 3 წელიწადში დავქორწინდით. სოფოზე 13 წლით უფროსი ვარ.
– სოფოს თქმით, მიშა მესხი, ვის გვერდითაც დღეს არის, თქვენი დაშორების შემდეგ გაიცნო.
– კი, რა თქმა უნდა, ჩვენი დაშორების მერე გაიცნო. ქობულეთში ერთად ვიყავით, ვმუშაობდით. 9 აგვისტოს, იქიდან რომ წამოვედი, სოფო ბედია ჩემთვის უკვე აღარ იყო. იქ მოხდა ყველაფერი, მაგრამ ამაზე აღარ დავწვრილმანდები. ჩვენს დაშორებას ისეთი მიზეზები აქვს, რომ კაცობრიობის უმეტეს ნაწილს ეს სასაცილოდაც არ მიაჩნია. სექტემბერში ოფიციალურად გავეყარეთ და თურმე ოქტომბერში ის უკვე ბედნიერი იყო. ცამ ქუხილი დაიწყო და სოფო ბედიას ბედნიერება თავზე დაეცა! მე რა სიმღერასაც მიმღეროდა, ახლა იმ მიშას უმღერის. ხანდახან მეცინება კიდეც, ოღონდ იმას არ ვამბობ, რომ სოფო ბედიაა სასაცილო, ზოგიერთ მომენტში სასაცილოც აღარ არის.
– ამბობენ, რომ სოფო ვერ ეგუებოდა თქვენს ხშირ სმას.
– კვირაში 7 დღეა და 8–ჯერ თვრებოდაო? საშინელი სიცრუეა! ბევრს კი არ ვსვამდი, ცუდი სიმთვრალე მქონდა. ფეთქებადი კი ვიყავი, მაგრამ პათოლოგი, გიჟი და გადარეული ნამდვილად არ ვყოფილვარ. სიმთვრალეში ვიღაცის სიტყვა შეიძლებოდა ყურში ცუდად მომხვედროდა და ამის გამო მეკამათა.
საშინელი ბოროტების მანქანაა დაქოქილი, რომელსაც საწყალი სოფო ბედიაა აყოლილი. 16 თებერვალს ქორწინებიდან 6 წელი შეგვისრულდებოდა. არ არსებობს ოჯახი, სადაც კამათი არ არის. თუ ასე არ ხდება, გამოდის, ადამიანი, ვისთანაც ცხოვრობ, წიხლზე გკიდია. მე და სოფო ბოლო პერიოდში ხშირად ვკამათობდით. ჩვენ მთავარი, უფლის დანაბარები ვერ შევასრულეთ, სიყვარულს ვერ გავუფრთხილდით და არ შევინარჩუნეთ. უფალი ამბობს, ჩემი შექმნილი კაცმა ვერ დაანგრიოსო და სოფომ დაანგრია. ის ამით უფალს ეურჩება და ვინც მას ეურჩება, ის ცხოვრებაში ყველაფერს ცუდად ასრულებს. ოჯახი მე არ დამინგრევია, ეს ნაბიჯი მან გადადგა.
– თქვენს დაშორებაში ვიღაც მესამის ხელი ხომ არ ურევია?
– სოფოს გარდა, ჩვენს დაშორებაში უამრავი ადამიანი შემიძლია დავადანაშაულო, მაგრამ ამით ისევ მე მოვიგროვებ ცოდვის ქვებს თავზე. არ ვიცი, ვისი გავლენის ქვეშ მოექცა და ვის დაუჯერა. ჩვენი დაშორების მიზეზი მესამე პირიც იყო, მეოთხეც და მეხუთეც. ბევრი ბოროტი ადამიანი დავინახე, რომლებიც სოფოს ჩემთან დაშორებას ულოცავდნენ. გილოცავ ოჯახის დანგრევასო, ამას რომ გეტყვიან და მოიწონებ, დაბრმავებული ხარ, აბა, რა არის?!
მე დავრწმუნდი, რომ სიყვარულიდან სიძულვილამდე ერთი ნაბიჯიაო – ეს სოფოს სიტყვებია, ყველგან ამას ამბობს. სიყვარული უფალია, სიძულვილი კი სატანა. საით დგამ ნაბიჯს და რა გიხარია? ეს სიტყვები ვუთხარი სოფოს, მაგრამ ისეა დაბრმავებული, არაფრის გაგონება არ უნდა. შესახვეწი არაფერი მჭირს და რომ მოვინდომო, სოფოზე ბევრად უკეთესიც მეყოლება. ეს ამპარტავნობაც ცოდვაა და უფალმა მომიტევოს.
მასთან დაშორება რთულად გადავიტანე. მადლობა ღმერთს, სოფოს არ ვგავარ და ერთ თვეში მეც ვიღაც სოფო არ გამომიჩნდა, ვისთანაც დიდ ბედნიერებას ვიპოვიდი. მე ასე არ დამაჯილდოვა ღმერთმა და სოფოს ეგრევე ახალი მიშა ესროლა. დღესდღეობით სოფო ბედია ვისაც იმსახურებს, ის ჰყავს გვერდით. ძალიან უხდებიან ერთმანეთს, ერთიმეორეს ავსებენ. რაც მოხდა, უფალმა ყველაფერი იმისთვის გააკეთა, რომ სწორ გზას დავდგომოდი. ეკლესიისგან შორს ვიყავი. ოჯახი რომ არ დამნგრეოდა, ისევ ისეთ ცხოვრებას გავაგრძელებდი, გამუდმებულ ქეიფსა და დროსტარებას ვგულისხმობ.
– განქორწინებამდე სოფოს მუცელი მოეშალა, ნაყოფი დაკარგა. მეორე შვილი რომ გყოლოდათ, როგორ ფიქრობთ, თქვენი ოჯახი გადარჩებოდა?
– მე სურვილი მქონდა, ბევრი შვილი გვყოლოდა... სოფოს მუცელი ნერვიულობის ნიადაგზე არ მოშლია. თავს არ გაუფრთხილდა. ქალმა, რომელიც უკვე დედაა, უნდა იცოდეს, ორსულობის დროს როგორ მოიქცეს. ნიკასთან ერთად პარკში წავიდა და ატრაქციონის მანქანებზე გაერთო. სახლში რომ დაბრუნდა, გონება დაკარგა და დაეცა. სოფოს კი არ ვადანაშაულებ, უბრალოდ ეგონა, რომ ყველაფერი კარგად იქნებოდა. ბავშვის დაკარგვა საშინლად განიცადა, ისევე როგორც მე. ეს მაისში მოხდა და აგვისტოში დავშორდით.
– ამბობთ, სოფოს კარიერაზე ვიყავი გადართულიო, თქვენსაზე არ ფიქრობდით?
– 1990 წლიდან 1994 წლამდე ანსამბლ "ივერიაში" ვმღეროდი. იმ პერიოდში ძალიან პოპულარული ვიყავი, უბრალოდ ცუდი დრო დაემთხვა. მერე მოსკოვში წავედი... მადლობა ღმერთს, მუსიკალურ პროექტებში ასაკი არ არის შეზღუდული და ვაპირებ მონაწილეობას. შეიძლება ითქვას, რომ მუსიკალურ კარიერას თავიდან ვიწყებ. ამჟამად თემურ ნიკოლაიშვილის სტუდიაში ვმუშაობ და ერთ–ერთ რესტორანში ვმღერი.
– ახლა რა ურთიერთობა გაქვთ სოფოსთან?
– არანაირი, უბრალოდ ჩემი შვილის დედაა. ნიკოლოზი 19 თებერვალს 5 წლის გახდება, მამას კაცი და სიამაყეა! მას კვირაში რამდენჯერმე ვნახულობ, დაწესებული დღეები არ გვაქვს. ასეთი სისულელე არც მე და არც სოფოს მოგვივა თავში. ბავშვი ჩვენს დაშორებას ძალიან განიცდის. ნიკა ნაღვლიანი თვალებით მიყურებს, ძალიან ვენატრები. უჩემოდ არ იძინებდა, ჩვენთან ეძინა. ტრავმირებულია.
სოფიო ბოჭორიძე, ჟურნალი სარკე
მიშა შაყულაშვილი ცოლთან გაშორებას ძალიან განიცდის. "სარკესთან" გულახდილად საუბრობს, ამბობს, რომ ვერ აუხსნია, რამ შეიწირა მისი და სოფოს დიდი სიყვარული.
– მიშა, თქვენ და სოფო ბედია ყოველთვის მოსიყვარულე ცოლ–ქმრის, მყარი ოჯახის შთაბეჭდილებას ტოვებდით. რა უნდა მომხდარიყო ისეთი, რამაც გაშორებმადე მიგიყვანათ?
– მე და სოფო 24 საათი მართლაც სულ ერთად ვიყავით, მის კარიერაზე ვიყავი გადართული. სოფო მარტო არასოდეს არსად გამიშვია, განა იმიტომ, რომ ვეჭვიანობდი, უბრალოდ მასაც არ ჰქონია მარტო წასვლის სურვილი. ისეთი სიყვარული, როგორიც სოფოს ჩემ მიმართ ჰქონდა, არსად მსმენია. იმაზე ვარ გაგიჟებული, რომ ეს ყველაფერი ასე უცებ გაქრა. ადამიანმა ყველაფერში საკუთარი თავი უნდა დაადანაშაულოს. მე და სოფომ რაღაც სწორად ვერ გავაკეთეთ.
– თქვენ რაში ადანაშაულებთ საკუთარ თავს?
– ბევრ რამეში ვარ დამნაშავე, მაგრამ კონკრეტულ ფაქტებზე საუბარს არ ვაპირებ. ჩემს განვლილ ცხოვრებას რომ ვუყურებ, უკვე ვხვდები, რაც დავაშავე. ალბათ სოფოს სათანადოდ ვერ ვუფრთხილდებოდი, თორემ ის ახლა ჩემთან იქნებოდა. ჩვენ უზარმაზარი სიყვარული გვაკავშირებდა. თვით უფალია სიყვარული და ის არ ქრება, ამიტომ ვფიქრობ, რომ ჩვენი გრძნობა უბრალოდ რაღაცამ მიაძინა. სოფოსთან დაშორების მერე ეკლესიას, უფალს დავუახლოვდი, ცხოვრებასაც სხვა თვალით შევხედე და ეს განშორებაც ღმერთმა გადამატანინა.
არ ვიცი, სოფო საკუთარ თავს თვლის თუ არა, დამნაშავედ, ეს მისი პრობლემაა. ისე კი, უდანაშაულო და უცოდველი ადამიანი არ არსებობს. სოფო ბედია თუ თვლის, რომ ის უცოდველია, ყველაფერში მართალია და ჩვენს ურთიერთობაში ნაკლი არ ჰქონდა, მისი პრობლემაა.
– თქვენი გრძნობა არ განელებულა?
– მოგატყუებთ, რომ გითხრათ, არ მაინტერესებს–მეთქი. ჩემი ცოლი ძალიან მიყვარდა. ზოგი იტყვის ხოლმე, ჩემს ყოფილ ცოლს პატივს ვცემ, იმიტომ, რომ ჩემი შვილის დედააო. მე კი ჩემი ცოლი, უპირველეს ყოვლისა, როგორც ჩემი ქალი, ისე მიყვარდა და შემდეგ ამას ემატებოდა ის, რომ ჩემი შვილის დედაა. სოფომ 5 თვეში იმდენი არასწორი საქციელი ჩაიდინა, რომ... ის არასოდეს შემძულდება. მინდა, ბედნიერება და სიკეთე ვუსურვო.
– სოფოსთან შერიგების სურვილი ისევ გაქვთ?
– მასთან შერიგების სურვილი აღარ მაქვს. შეიძლება ცხოვრების ბოლომდე სოფოს გარდა აღარავინ შევიყვარო, მაგრამ მასთან აღარ ვიცხოვრებ. არის რაღაცეები, რასაც ვერ გადავაბიჯებ, მის ახალ სიყვარულს ვგულისხმობ, მაგრამ ლოცვაში წერია, შეგვიწყალე, უფალო, რამეთუ ყოვლისა სიტყვისა მიცემისგან უღონო ვართო. მე კი ვამბობ, რომ მასთან ცხოვრება აღარ მინდა, მაგრამ თუ ღმერთს ნებავს ჩვენი შერიგება, უძლურები ვიქნებით, მის ნებას შევეწინააღმდეგოთ.
– თქვენი გაცნობის, ურთიერთობის დაწყების დღე გახსოვთ?
– კი, 2005 წელს გავიცანი, მაშინ 20 წლის იყო. ჯემალ სეფიაშვილი რაღაც მიუზიკლს დგამდა, ახალბედა მომღერლებს თავი მოუყარა და სტუდიაში მომიყვანა, მათ სიმღერებს ვაწერინებდი, მათ შორის იყო სოფოც. მალევე შემიყვარდა. 3 წელიწადში დავქორწინდით. სოფოზე 13 წლით უფროსი ვარ.
– სოფოს თქმით, მიშა მესხი, ვის გვერდითაც დღეს არის, თქვენი დაშორების შემდეგ გაიცნო.
– კი, რა თქმა უნდა, ჩვენი დაშორების მერე გაიცნო. ქობულეთში ერთად ვიყავით, ვმუშაობდით. 9 აგვისტოს, იქიდან რომ წამოვედი, სოფო ბედია ჩემთვის უკვე აღარ იყო. იქ მოხდა ყველაფერი, მაგრამ ამაზე აღარ დავწვრილმანდები. ჩვენს დაშორებას ისეთი მიზეზები აქვს, რომ კაცობრიობის უმეტეს ნაწილს ეს სასაცილოდაც არ მიაჩნია. სექტემბერში ოფიციალურად გავეყარეთ და თურმე ოქტომბერში ის უკვე ბედნიერი იყო. ცამ ქუხილი დაიწყო და სოფო ბედიას ბედნიერება თავზე დაეცა! მე რა სიმღერასაც მიმღეროდა, ახლა იმ მიშას უმღერის. ხანდახან მეცინება კიდეც, ოღონდ იმას არ ვამბობ, რომ სოფო ბედიაა სასაცილო, ზოგიერთ მომენტში სასაცილოც აღარ არის.
– ამბობენ, რომ სოფო ვერ ეგუებოდა თქვენს ხშირ სმას.
– კვირაში 7 დღეა და 8–ჯერ თვრებოდაო? საშინელი სიცრუეა! ბევრს კი არ ვსვამდი, ცუდი სიმთვრალე მქონდა. ფეთქებადი კი ვიყავი, მაგრამ პათოლოგი, გიჟი და გადარეული ნამდვილად არ ვყოფილვარ. სიმთვრალეში ვიღაცის სიტყვა შეიძლებოდა ყურში ცუდად მომხვედროდა და ამის გამო მეკამათა.
საშინელი ბოროტების მანქანაა დაქოქილი, რომელსაც საწყალი სოფო ბედიაა აყოლილი. 16 თებერვალს ქორწინებიდან 6 წელი შეგვისრულდებოდა. არ არსებობს ოჯახი, სადაც კამათი არ არის. თუ ასე არ ხდება, გამოდის, ადამიანი, ვისთანაც ცხოვრობ, წიხლზე გკიდია. მე და სოფო ბოლო პერიოდში ხშირად ვკამათობდით. ჩვენ მთავარი, უფლის დანაბარები ვერ შევასრულეთ, სიყვარულს ვერ გავუფრთხილდით და არ შევინარჩუნეთ. უფალი ამბობს, ჩემი შექმნილი კაცმა ვერ დაანგრიოსო და სოფომ დაანგრია. ის ამით უფალს ეურჩება და ვინც მას ეურჩება, ის ცხოვრებაში ყველაფერს ცუდად ასრულებს. ოჯახი მე არ დამინგრევია, ეს ნაბიჯი მან გადადგა.
– თქვენს დაშორებაში ვიღაც მესამის ხელი ხომ არ ურევია?
– სოფოს გარდა, ჩვენს დაშორებაში უამრავი ადამიანი შემიძლია დავადანაშაულო, მაგრამ ამით ისევ მე მოვიგროვებ ცოდვის ქვებს თავზე. არ ვიცი, ვისი გავლენის ქვეშ მოექცა და ვის დაუჯერა. ჩვენი დაშორების მიზეზი მესამე პირიც იყო, მეოთხეც და მეხუთეც. ბევრი ბოროტი ადამიანი დავინახე, რომლებიც სოფოს ჩემთან დაშორებას ულოცავდნენ. გილოცავ ოჯახის დანგრევასო, ამას რომ გეტყვიან და მოიწონებ, დაბრმავებული ხარ, აბა, რა არის?!
მე დავრწმუნდი, რომ სიყვარულიდან სიძულვილამდე ერთი ნაბიჯიაო – ეს სოფოს სიტყვებია, ყველგან ამას ამბობს. სიყვარული უფალია, სიძულვილი კი სატანა. საით დგამ ნაბიჯს და რა გიხარია? ეს სიტყვები ვუთხარი სოფოს, მაგრამ ისეა დაბრმავებული, არაფრის გაგონება არ უნდა. შესახვეწი არაფერი მჭირს და რომ მოვინდომო, სოფოზე ბევრად უკეთესიც მეყოლება. ეს ამპარტავნობაც ცოდვაა და უფალმა მომიტევოს.
მასთან დაშორება რთულად გადავიტანე. მადლობა ღმერთს, სოფოს არ ვგავარ და ერთ თვეში მეც ვიღაც სოფო არ გამომიჩნდა, ვისთანაც დიდ ბედნიერებას ვიპოვიდი. მე ასე არ დამაჯილდოვა ღმერთმა და სოფოს ეგრევე ახალი მიშა ესროლა. დღესდღეობით სოფო ბედია ვისაც იმსახურებს, ის ჰყავს გვერდით. ძალიან უხდებიან ერთმანეთს, ერთიმეორეს ავსებენ. რაც მოხდა, უფალმა ყველაფერი იმისთვის გააკეთა, რომ სწორ გზას დავდგომოდი. ეკლესიისგან შორს ვიყავი. ოჯახი რომ არ დამნგრეოდა, ისევ ისეთ ცხოვრებას გავაგრძელებდი, გამუდმებულ ქეიფსა და დროსტარებას ვგულისხმობ.
– განქორწინებამდე სოფოს მუცელი მოეშალა, ნაყოფი დაკარგა. მეორე შვილი რომ გყოლოდათ, როგორ ფიქრობთ, თქვენი ოჯახი გადარჩებოდა?
– მე სურვილი მქონდა, ბევრი შვილი გვყოლოდა... სოფოს მუცელი ნერვიულობის ნიადაგზე არ მოშლია. თავს არ გაუფრთხილდა. ქალმა, რომელიც უკვე დედაა, უნდა იცოდეს, ორსულობის დროს როგორ მოიქცეს. ნიკასთან ერთად პარკში წავიდა და ატრაქციონის მანქანებზე გაერთო. სახლში რომ დაბრუნდა, გონება დაკარგა და დაეცა. სოფოს კი არ ვადანაშაულებ, უბრალოდ ეგონა, რომ ყველაფერი კარგად იქნებოდა. ბავშვის დაკარგვა საშინლად განიცადა, ისევე როგორც მე. ეს მაისში მოხდა და აგვისტოში დავშორდით.
– ამბობთ, სოფოს კარიერაზე ვიყავი გადართულიო, თქვენსაზე არ ფიქრობდით?
– 1990 წლიდან 1994 წლამდე ანსამბლ "ივერიაში" ვმღეროდი. იმ პერიოდში ძალიან პოპულარული ვიყავი, უბრალოდ ცუდი დრო დაემთხვა. მერე მოსკოვში წავედი... მადლობა ღმერთს, მუსიკალურ პროექტებში ასაკი არ არის შეზღუდული და ვაპირებ მონაწილეობას. შეიძლება ითქვას, რომ მუსიკალურ კარიერას თავიდან ვიწყებ. ამჟამად თემურ ნიკოლაიშვილის სტუდიაში ვმუშაობ და ერთ–ერთ რესტორანში ვმღერი.
– ახლა რა ურთიერთობა გაქვთ სოფოსთან?
– არანაირი, უბრალოდ ჩემი შვილის დედაა. ნიკოლოზი 19 თებერვალს 5 წლის გახდება, მამას კაცი და სიამაყეა! მას კვირაში რამდენჯერმე ვნახულობ, დაწესებული დღეები არ გვაქვს. ასეთი სისულელე არც მე და არც სოფოს მოგვივა თავში. ბავშვი ჩვენს დაშორებას ძალიან განიცდის. ნიკა ნაღვლიანი თვალებით მიყურებს, ძალიან ვენატრები. უჩემოდ არ იძინებდა, ჩვენთან ეძინა. ტრავმირებულია.
სოფიო ბოჭორიძე, ჟურნალი სარკე
