მიშა მშვილდაძის მიერ დაწუნებული ლამაზი როკერი სცენას დაუბრუნდა...
1 453 ნახვა
იკა ქიმერიძე მაყურებელმა „საქართველოს ვარსკვლავიდან“ გაიცნო. სცენაზე გამოჩენილი პატარა, ლამაზი ბიჭი მალე გაქრა, მაგრამ სცენას ისევ დაუბრუნდა. ამჯერად დღე და ღამე სტუდიაშია შეკეტილი და რობერტა ფლეკის სიმღერას წერს.
- საქართველოს ვარსკვლავის“ შემდეგ ერთი პერიოდი სიმღერას დიდ დროს ვეღარ ვუთმობდი, რადგან აბიტურიენტი ვიყავი და სამხატვრო აკადემიაში ვაბარებდი, თუმცა მუსიკას არასდროს დავშორებივარ, ის ყოველთვის ჩემში იყო და მის გარეშე არც ერთ დღეს არ ჩაუვლია. ამ კონკურსმა დიდი სცენისა და ეკრანის ერთგვარი კომპლექსი მომიხსნა, უდიდესი პასუხისმგებლობა იყო ჩემთვის იმ სცენაზე დგომა, სადაც ამხელა მუსიკოსები და არტისტები მოღვაწეობენ. ახლა პირველ კურსზე ვსწავლობ და მუსიკას ისევ დავუბრუნდი, შეიძლება ითქვას, ჩემი საყვარელი საქმით ვცხოვრობ, ვხატავ, ვძერწავ და რამდენიმე სიმღერაც დავწერე. ხშირად სიმღერა მიჩვენებს, რა დავხატო და ნახატს კი პი-რიქით, ისეთ ემოციებამდე მივყავარ, რომ სიმღერას მაწყებინებს. ზოგადად ხელოვნების ფერები უკიდეგანოა, არც საწყისი აქვს და არც ბოლო. ალბომზე მუშაობა დავიწყე. უცხოური სიმღერების „ქავერ“ ვერსიებსაც ჩავწერ, მაგრამ უფრო მეტად მინდა, საკუთარი სიმღერები შევთავაზო მსმენელს.
- იკა, პროდიუსერი თუ გყავს?
- დიახ, ის ოჯახის ახლო მეგობარია. ვგეგმავთ, გაზაფხულზე კლიპი გადავიღოთ საკუთარ სიმღერაზე. ზაფხულის დასაწყისში ვიდეორგოლს მაყურებელს აუცილებლად შევთავაზებ.
- ამ პერიოდის განმავლობაში სხვა მუსიკალურ კონკურსებში მონაწილეობა არ გიცდია?
- არა. სამწუხაროა, რომ დღეს თუ გინდა, მუსიკალურ სფეროში ტრიალებდე და ხალხი გისმენდეს, ამისთვის ყველაზე ხელსაყრელი კონკურსებია. კონკურსების დადებითი მხარეა, რომ ნიჭიერ ადამიანებს გაცნობს, გაყვარებს, მაგრამ შემდეგ მონაწილეები აღარსად ჩანან. ძალიან მინდა, საქართველოში ყველა ნიჭიერი ადამიანი დავაფასოთ და მოვუაროთ, გავუფრთხილდეთ, ჩვენვე ვაქციოთ ვარსკვლავად და შემდეგ გავაცნოთ მსოფლიოს და არა პირიქით, როგორც ხდება ხოლმე - გავაქციოთ და მსოფლიო აღიარებას რომ მოიპოვებს, მერე უი, თურმე როგორი ნიჭიერი ყოფილაო, ვიძახოთ. ასეთი ბევრი მაგალითი გვაქვს. ეს არ შეიძლება! სოციალურ ქსელებში ხშირად ნახავთ ნიჭიერი ადამიანის კრიტიკასა და ლანძღვას და სამწუხაროდ, ხშირ შემთხვევაში ადამიანები ამ ორ რამეს ერთმანეთისგან ვერ არჩევენ. უდიდეს სიამოვნებას მანიჭებს, როცა ნიჭიერ ადამიანს ვუყურებ, ვუსმენ. ჩემს დაწერილ სიმღერებში კი საკუთარ სულიერ მდგომარეობას ავსახავ, ვცდილობ, ჩემი ნამღერით ადამიანებს სიყვარული გავუნაწილო. ეს გრძნობა ყველაფერია.
- ძირითადად რა ჟანრში მუშაობ?
- ახლა სოულს ვწერ, მაგრამ საერთოდ, როკსა და პოპსაც ვმღერი. ყველაზე მეტად სიმღერების დაწერისას სიყვარული მეხმარება. ეს გრძნობა ჩემთვის ღმერთის საჩუქარია.
- კონკურსის ერთ-ერთ ტურში ჟიურის წევრმა მიშა მშვილდაძემ კომენტარში თქვა, ჩვენ, როკერებს, ლამაზი ბიჭები არ გვიყვარსო.
- რას ნიშნავს ლამაზი და მახინჯი სცენაზე? ნიჭი ყველას ალამაზებს და ფასადი აქ არაფერ შუაშია.
დიჯეი ბუკლე
ჟურნალი „რეიტინგი“
- საქართველოს ვარსკვლავის“ შემდეგ ერთი პერიოდი სიმღერას დიდ დროს ვეღარ ვუთმობდი, რადგან აბიტურიენტი ვიყავი და სამხატვრო აკადემიაში ვაბარებდი, თუმცა მუსიკას არასდროს დავშორებივარ, ის ყოველთვის ჩემში იყო და მის გარეშე არც ერთ დღეს არ ჩაუვლია. ამ კონკურსმა დიდი სცენისა და ეკრანის ერთგვარი კომპლექსი მომიხსნა, უდიდესი პასუხისმგებლობა იყო ჩემთვის იმ სცენაზე დგომა, სადაც ამხელა მუსიკოსები და არტისტები მოღვაწეობენ. ახლა პირველ კურსზე ვსწავლობ და მუსიკას ისევ დავუბრუნდი, შეიძლება ითქვას, ჩემი საყვარელი საქმით ვცხოვრობ, ვხატავ, ვძერწავ და რამდენიმე სიმღერაც დავწერე. ხშირად სიმღერა მიჩვენებს, რა დავხატო და ნახატს კი პი-რიქით, ისეთ ემოციებამდე მივყავარ, რომ სიმღერას მაწყებინებს. ზოგადად ხელოვნების ფერები უკიდეგანოა, არც საწყისი აქვს და არც ბოლო. ალბომზე მუშაობა დავიწყე. უცხოური სიმღერების „ქავერ“ ვერსიებსაც ჩავწერ, მაგრამ უფრო მეტად მინდა, საკუთარი სიმღერები შევთავაზო მსმენელს.
- იკა, პროდიუსერი თუ გყავს?
- დიახ, ის ოჯახის ახლო მეგობარია. ვგეგმავთ, გაზაფხულზე კლიპი გადავიღოთ საკუთარ სიმღერაზე. ზაფხულის დასაწყისში ვიდეორგოლს მაყურებელს აუცილებლად შევთავაზებ.
- ამ პერიოდის განმავლობაში სხვა მუსიკალურ კონკურსებში მონაწილეობა არ გიცდია?
- არა. სამწუხაროა, რომ დღეს თუ გინდა, მუსიკალურ სფეროში ტრიალებდე და ხალხი გისმენდეს, ამისთვის ყველაზე ხელსაყრელი კონკურსებია. კონკურსების დადებითი მხარეა, რომ ნიჭიერ ადამიანებს გაცნობს, გაყვარებს, მაგრამ შემდეგ მონაწილეები აღარსად ჩანან. ძალიან მინდა, საქართველოში ყველა ნიჭიერი ადამიანი დავაფასოთ და მოვუაროთ, გავუფრთხილდეთ, ჩვენვე ვაქციოთ ვარსკვლავად და შემდეგ გავაცნოთ მსოფლიოს და არა პირიქით, როგორც ხდება ხოლმე - გავაქციოთ და მსოფლიო აღიარებას რომ მოიპოვებს, მერე უი, თურმე როგორი ნიჭიერი ყოფილაო, ვიძახოთ. ასეთი ბევრი მაგალითი გვაქვს. ეს არ შეიძლება! სოციალურ ქსელებში ხშირად ნახავთ ნიჭიერი ადამიანის კრიტიკასა და ლანძღვას და სამწუხაროდ, ხშირ შემთხვევაში ადამიანები ამ ორ რამეს ერთმანეთისგან ვერ არჩევენ. უდიდეს სიამოვნებას მანიჭებს, როცა ნიჭიერ ადამიანს ვუყურებ, ვუსმენ. ჩემს დაწერილ სიმღერებში კი საკუთარ სულიერ მდგომარეობას ავსახავ, ვცდილობ, ჩემი ნამღერით ადამიანებს სიყვარული გავუნაწილო. ეს გრძნობა ყველაფერია.
- ძირითადად რა ჟანრში მუშაობ?
- ახლა სოულს ვწერ, მაგრამ საერთოდ, როკსა და პოპსაც ვმღერი. ყველაზე მეტად სიმღერების დაწერისას სიყვარული მეხმარება. ეს გრძნობა ჩემთვის ღმერთის საჩუქარია.
- კონკურსის ერთ-ერთ ტურში ჟიურის წევრმა მიშა მშვილდაძემ კომენტარში თქვა, ჩვენ, როკერებს, ლამაზი ბიჭები არ გვიყვარსო.
- რას ნიშნავს ლამაზი და მახინჯი სცენაზე? ნიჭი ყველას ალამაზებს და ფასადი აქ არაფერ შუაშია.
დიჯეი ბუკლე
ჟურნალი „რეიტინგი“
