კრისტი ყიფშიძე: "გიორგი ყიფშიძე დღესაც ძალიან მიყვარს"
2 164 ნახვა
მოდელ კრისტის მსახიობ გიორგი ყიფშიძესთან 7 წლიანმა ქორწინებამ ყველაზე დიდი სიმდიდრე დაუტოვა – ქალიშვილი ნატალია, რომელიც ახლა უკვე 12 წლისაა და ყიფშიძეების სამსახიობო დინასტიის გაგრძელება მტკიცედ აქვს გადაწყვეტილი. კრისტი და გიორგი თავის დროზე ეცადნენ, მათი განქორწინება შვილისთვის ნაკლებად მტკივნეული ყოფილიყო, ერთმანეთთან კარგი ურთიერთობა შეინარჩუნეს, მაგრამ ნატალიას ტკივილი მაინც ვერ აარიდეს. ის მშობლების გაყრას დღემდე განიცდის.
34 წლის კრისტი პოდიუმზე ისევ გამოდის, ფოტოსესიებშიც მონაწილეობს, ამავე დროს ნატალიას ყოველ ნაბიჯს აკვირდება.
არცთუ შორეულ წარსულზე, ახლანდელ ყოფასა და სამომავლო ჩანაფიქრებზე სასაუბროდ დედა–შვილი "სარკეს" შეხვდნენ.
– კრისტი, რა ასაკში გახდით დედა?
კრისტი: 23 წლის ვიყავი, როცა ნატა ქვეყანას მოევლინა. 26 ივლისი ნატას დაბადების დღეა და ეს თარიღი გამორჩეულია ჩემთვის. ნატა გველის წელში დაიბადა, ზოდიაქოთი – ლომია. ზურა (მსახიობი ზურა ყიფშიძე – კრისტის ყოფილი მამამთილი. ავტ.), გიორგი, მე და ნატალია, ყველანი გველის წელში ვართ დაბადებული. მოკლედ, ყიფშიძეები გველების ოჯახია. სხვათა შორის, გველის წელში შემოქმედი, ნიჭიერი ადამიანები იბადებიან.
ნატა ჩვილობიდან მე მგავს. როგორ ბანალურადაც უნდა ჟღერდეს, მისმა დაბადებამ ჩემი ცხოვრება თავიდან ბოლომდე შეცვალა. მივხვდი, რომ მხოლოდ საკუთარი თავი კი არა, შვილიც მაბარია, რომელზეც უნდა ვიზრუნო. 9 თვე ბუნებრივ კვებაზე მყავდა. ახლა დიდი გოგოა, 12 წელი შეუსრულდა, ჩვენ კარგი მეგობრები ვართ. თითქმის არაფერზე მაბრაზებს, მოწესრიგებული ბავშვია.
ბუნებით ძალიან შრომისმოყვარე, კაცური ტიპი ვარ, ოჯახში მთავარი შემომტანი მე გახლავართ. ვცდილობ, ნატას სურვილები დავაკმაყოფილო. რასაც ვაკეთებ, ყველაფერს მას ვუძღვნი. დედა ძალიან მეხმარება საოჯახო საქმეებში.
– ბავშვის გაჩენამ, ძუძუთი კვებამ იმ პერიოდში პოდიუმს ალბათ ჩამოგაშორათ.
კრისტი: როცა ნატა გაიზარდა და ხელოვნურ კვებაზე გადავიყვანე, 2 წლის განმავლობაში სხეულის პროპორციები დარღვეული მქონდა, მაგრამ დროთა განმავლობაში თავისით ჩადგა ფორმაში. მადლიერი ვარ ჩემი გენეტიკის, 34 წლის ვარ და დღემდე არანაირი პლასტიკური ქირურგია არ დამჭირვებია, არც სხვა ხელოვნური მეთოდისთვის მიმიმართავს და, სიმართლე გითხრათ, არც ვაპირებ. ვცდილობ, ცხოვრების ბოლომდე ბუნებრივი სილამაზე შევინარჩუნო და ჩემს შვილსაც იმავეს ვარიგებ. ასეთი დავიბადე და ასეთი მინდა, მოვკვდე.
ორსული პოდიუმზე პირველად მე გამოვედი საქართველოში. ეს ჩვენება ჩემთვის გამორჩეულად მნიშვნელოვანი იყო. ჩვენ ორნი ვიყავით პოდიუმზე.
– ნატალია, როგორია დედა შინ და გარეთ?
ნატალია: კრისტი, როგორც მოდელი, შემდგარია, თავისი საქმის პროფესიონალია. 21 წელია პოდიუმზეა და მისით ვამაყობ. თავის ასაკთან შედარებით არაჩვეულებრივ ფორმაშია. დედა ჩემს ცხოვრებაში ერთადერთი ადამიანია, ვინც ყველაზე მეტად მიყვარს, მან გამაჩინა, მან გამზარდა. ჩვენ შორის დაფარული თემები არ არსებობს, ჩემი მესაიდუმლეა.
სახლში დედა გემრიელ კერძებს კი ამზადებს, მაგრამ ბებია არ აცლის გაკეთებას. კრისტის გაკეთებული მჭადი და ფელამუში მიყვარს. როგორც კი სახლში მოვა, მაშინვე იცვლის ტანსაცმელს, ჩუსტებსა და ხალათს იცვამს და რაღაცეების კეთებას იწყებს. საოჯახო საქმეებიდან ყველაზე მეტად ჭურჭლის რეცხვა და სარეცხის გაფენა უყვარს. ამ ორი საქმიდან რა სიამოვნებას იღებს, ვერ ვხვდები.
კრისტი: ჭურჭლის რეცხვა ჩემთვის ერთგვარი თერაპიაა. მიყვარს სამზარეულოში ფუსფუსი. ეს არის ოთახი, სადაც ყოველთვის განსაკუთრებული სისუფთავე უნდა იყოს.
– ნატალია, დედისგან არასდროს იმსახურებ შენიშვნას?
ნატალია: ორი პრობლემა გვაქვს. ერთი არის ჭამა, მეორე – მობილური ტელეფონი, რომელიც დღის განმავლობაში თითქმის სულ ხელში მიჭირავს. დედას ნივთებს, სამოსს, კოსმეტიკას არ ვეკარები, რადგან არ სიამოვნებს.
კრისტი: ერთ დღეს ტელეფონში ფილმის ყურებისგან ისე დაიღალა, ცუდად გახდა და წნევა დაუვარდა.
– ნატალია, როცა სკოლაში შენი ცნობილი ოჯახიდან ვინმე გაკითხავს, გეამაყება?
ნატალი: სკოლაში მარტო დავდივარ, არავინ მაკითხავს, მხოლოდ კრებაზე მოდის კრისტი და ჩემს ნიშნებს იგებს. 10–იანებზე ვსწავლობ.
კრისტი: როცა კრებაზე მივდივარ, მთელი სკოლა ნატალიას ესალმება. თვითონაც ძალიან მოსიყვარულე, თბილი ბავშვია და ეს სანახაობა ერთი დიდი რიტუალია. მის კრებაზე ყოველთვის ამაყად ვზივარ. როცა ნატა სკოლაში შევიდა, პირველი დღიდან დავუწესე, რომ ჯერ გაკვეთილების სწავლა უნდა მოითავოს და ამაში ხელი არავინ უნდა შეუშალოს. დღემდე დამოუკიდებლად მეცადინეობს.
ნატალია: ბებო რუსულის სწავლაში მეხმარება, სხვა გაკვეთილებს თავად ვამზადებ.
– ნატალია, მამას როდის ხვდები?
ნატალია: როცა მცალია და როცა სურვილი მაქვს, მამასთან მაშინ მივდივარ და, რამდენ ხანსაც მინდა, ვრჩები.
– დედას და მამას რა თვისებებით ჰგავხარ?
ნატალია: სამივეს განსხვავებული ხასიათები გვაქვს. მე პრინციპული ადამიანი ვარ. რასაც ვიტყვი, იმას ყოველთვის ვაკეთებ. ვთქვი, რომ მინდოდა, თხილამურებზე დადგომა და დავდექი. ძალიან მიყვარს ცურვა. ჩემი მიზანი მსახიობობაა. ეს ოცნება რომ ავისრულო, ინგლისურ კოლეჯში შევედი. როცა რენი ჰარლინმა ფილმში "აგვისტოს 5 დღე" გადამიღო, მითხრა, ინგლისური ისწავლე და ჩემთან ჩამოდიო, თავისი სავიზიტო ბარათი დამიტოვა. როცა მივხვდები, რომ ინგლისური სათანადო დონეზე ვიცი, მაშინვე დავურეკავ და ჰოლივუდში გავემგზავრები.
კრისტი: მე და გიორგი ნატალიასავით მიზანდასახულები რომ ვყოფილიყავით, ახლა ორივენი ჰოლივუდში ვიცხოვრებდით.
ნატალია: კრისტი სხვადასხვა ჟურნალ–გაზეთში მიცემულ ინტერვიუებს აგროვებს.
– კრისტი, სოციალურ ქსელში გავრცელდა თქვენი, დედა–შვილის, მხატვრული ფოტო, სადაც თქვენ და ნატალია შიშვლები ხართ. ასეთ ექსპერიმენტზე წასვლა რამ გადაგაწყვეტინათ?
კრისტი: ეს ფოტო ახალი არ არის, 3 წლის წინ ერთ–ერთ ჟურნალში დაიბეჭდა, საშა პრიშვინმა გადაგვიღო. ზუსტად იმ პერიოდში კეიტ მოსს ჰქონდა მსგავსი ფოტო თავის შვილთან ერთად გადაღებული და ეს არც რედაქციას და არც ჩვენ დაგვიმალავს. უარყოფითი გამოხმაურება არ მოჰყოლია, ნატალიამ რამდენიმე დღის წინ გაავრცელა ეს ფოტო სოციალურ ქსელში და ერთ საათში 500 მოწონება დაიმსახურა.
ნატალია: ეს სურათი ჩემმა თანატოლებმაც ძალიან მოიწონეს.
კრისტი: დამწყები მოდელი რომ ვიყო, ვიღაცეების აზრს მივაქცევდი ყურადღებას, მაგრამ ახლა ეს ნაკლებად მაინტერესებს. ფოტოზე არ არის სიშიშვლე, ესთეტიკური ნამუშევარია, მეც და ნატალიასაც შორტები გვაცვია. შეიძლება ადამიანი ჩაცმული გადაიღო, მაგრამ ძალიან ვულგარული გამოვიდეს.
– ნატალია, გინახავს, დედა როგორია სამუშაო პროცესში?
ნატალია: უამრავი ერთობლივი ფოტო გვაქვს. მუშაობის დროს კრისტი ძალიან პრეტენზიულია, სანამ იმ შედეგს არ მიიღებს, რაც სურს, იღებს და იღებს ფოტოებს.
– კრისტი, ნატალია გარდატეხის ასაკშია, მისი თანატოლი გოგოები იწყებენ გაპრანჭვას, მათ ცხოვრებაში ჩნდებიან თაყვანისმცემლები. ამ ყველაფერს როგორ აკონტროლებთ?
კრისტი: მიხარია, რომ ნატა ბავშვურია, მის ასაკში მეც ასეთი ვიყავი. "კეკელკა" ბავშვი არ არის, არასოდეს ქალობს. არიან ბავშვები, მის ასაკში მხოლოდ გათხოვებაზე რომ ფიქრობენ.
ნატალია: არავინ მომწონს, მით უმეტეს, არავინ მიყვარს. ჩემი თანატოლი გოგოები სიყვარულით არიან "მოკლულები" და ეს ყველაფერი ძალიან მიკვირს. ჩემთვის მთავარი სწავლა და მიზნამდე მისვლაა.
– ნატალია, დედამ რომ ხელმეორედ შექმნას ოჯახი, გაუგებ და მხარს დაუჭერ?
ნატალია: ძალიან მინდა, კრისტი გათხოვდეს და ბედნიერი იყოს. მინდა, დაიკო გამიჩინოს. ჩემი ძმა, ალექსანდრე, 2 წლის ხდება, საყვარელი ბავშვია. მასთან ძალიან კარგი ურთიერთობა მაქვს.
– კრისტი, თქვენს პირად ცხოვრებაში რაიმე ცვლილება იგეგმება?
კრისტი: არანაირი სიახლე, არავინ მომწონს და არავის მოვწონვარ.
ნატალია: ერთ–ერთ ინტერვიუში კრისტიმ თქვა, არასოდეს არავინ მყვარებიაო, რაც ძალიან არ მომეწონა.
კრისტი: გიორგი დღესაც ძალიან მიყვარს, ის ჩემი შვილის მამაა, მასთან ერთად 7 წელი ვიცხოვრე, მაგრამ, რასაც ნამდვილი სიყვარული ჰქვია, არასოდეს მწვევია. ჩემი მშობლების სიყვარული სამაგალითოა ჩემთვის, მათმა თანაცხოვრებამ რამდენიმე ათეულ წელს გაუძლო. ამიტომაც არ ვთხოვდები, რომ ჯერ გაგიჟებით არ მყვარებია.
– მშობლების გაშორება ნატალიამ როგორ გადაიტანა?
ნატალია: 2 წლის ვიყავი, როცა დედა და მამა ერთმანეთს გაშორდნენ, გიორგი და კრისტი ერთად არ მახსოვს, თავიდან ვერაფერს ვხვდებოდი და ისე მძაფრად არ განვიცდიდი, როგორც ახლა. ჩემთვის ეს საკითხი ძალიან მძიმეა...
კრისტი: ეს ჩემი ბრალი არ არის... ნატაშკა ჩემი ინსპირაციის წყაროა, მისი ცხოვრებით ვცხოვრობ.
ნატალია: კრისტი იმ დედების კატეგორიას მიეკუთვნება, რომლებიც შვილებს დიდ დროს უთმობენ, ამ ყველაფრისთვის დიდ მადლობას ვუხდი. მისთვის პრიორიტეტი მე ვარ და ეს ძალიან მახარებს. გიორგისთანაც ძალიან კარგი, მეგობრული, ურთიერთობა მაქვს, ხშირად დავდივარ მის სპექტაკლებზე. როცა პროექტში "ცეკვავენ ვარსკვლავები" მონაწილეობდა, ვგულშემატკივრობდი. სერიალ "ჩემი ცოლის დაქალებში" მისი როლი ძალიან მომწონს, თუმცა რეალურად გიორგი "ბაბულიკა" არ არის. ძალიან დადებითი, კეთილი ადამიანია.
ლანა კიკნაძე, ჟურნალი სარკე
34 წლის კრისტი პოდიუმზე ისევ გამოდის, ფოტოსესიებშიც მონაწილეობს, ამავე დროს ნატალიას ყოველ ნაბიჯს აკვირდება.
არცთუ შორეულ წარსულზე, ახლანდელ ყოფასა და სამომავლო ჩანაფიქრებზე სასაუბროდ დედა–შვილი "სარკეს" შეხვდნენ.
– კრისტი, რა ასაკში გახდით დედა?
კრისტი: 23 წლის ვიყავი, როცა ნატა ქვეყანას მოევლინა. 26 ივლისი ნატას დაბადების დღეა და ეს თარიღი გამორჩეულია ჩემთვის. ნატა გველის წელში დაიბადა, ზოდიაქოთი – ლომია. ზურა (მსახიობი ზურა ყიფშიძე – კრისტის ყოფილი მამამთილი. ავტ.), გიორგი, მე და ნატალია, ყველანი გველის წელში ვართ დაბადებული. მოკლედ, ყიფშიძეები გველების ოჯახია. სხვათა შორის, გველის წელში შემოქმედი, ნიჭიერი ადამიანები იბადებიან.
ნატა ჩვილობიდან მე მგავს. როგორ ბანალურადაც უნდა ჟღერდეს, მისმა დაბადებამ ჩემი ცხოვრება თავიდან ბოლომდე შეცვალა. მივხვდი, რომ მხოლოდ საკუთარი თავი კი არა, შვილიც მაბარია, რომელზეც უნდა ვიზრუნო. 9 თვე ბუნებრივ კვებაზე მყავდა. ახლა დიდი გოგოა, 12 წელი შეუსრულდა, ჩვენ კარგი მეგობრები ვართ. თითქმის არაფერზე მაბრაზებს, მოწესრიგებული ბავშვია.
ბუნებით ძალიან შრომისმოყვარე, კაცური ტიპი ვარ, ოჯახში მთავარი შემომტანი მე გახლავართ. ვცდილობ, ნატას სურვილები დავაკმაყოფილო. რასაც ვაკეთებ, ყველაფერს მას ვუძღვნი. დედა ძალიან მეხმარება საოჯახო საქმეებში.
– ბავშვის გაჩენამ, ძუძუთი კვებამ იმ პერიოდში პოდიუმს ალბათ ჩამოგაშორათ.
კრისტი: როცა ნატა გაიზარდა და ხელოვნურ კვებაზე გადავიყვანე, 2 წლის განმავლობაში სხეულის პროპორციები დარღვეული მქონდა, მაგრამ დროთა განმავლობაში თავისით ჩადგა ფორმაში. მადლიერი ვარ ჩემი გენეტიკის, 34 წლის ვარ და დღემდე არანაირი პლასტიკური ქირურგია არ დამჭირვებია, არც სხვა ხელოვნური მეთოდისთვის მიმიმართავს და, სიმართლე გითხრათ, არც ვაპირებ. ვცდილობ, ცხოვრების ბოლომდე ბუნებრივი სილამაზე შევინარჩუნო და ჩემს შვილსაც იმავეს ვარიგებ. ასეთი დავიბადე და ასეთი მინდა, მოვკვდე.
ორსული პოდიუმზე პირველად მე გამოვედი საქართველოში. ეს ჩვენება ჩემთვის გამორჩეულად მნიშვნელოვანი იყო. ჩვენ ორნი ვიყავით პოდიუმზე.
– ნატალია, როგორია დედა შინ და გარეთ?
ნატალია: კრისტი, როგორც მოდელი, შემდგარია, თავისი საქმის პროფესიონალია. 21 წელია პოდიუმზეა და მისით ვამაყობ. თავის ასაკთან შედარებით არაჩვეულებრივ ფორმაშია. დედა ჩემს ცხოვრებაში ერთადერთი ადამიანია, ვინც ყველაზე მეტად მიყვარს, მან გამაჩინა, მან გამზარდა. ჩვენ შორის დაფარული თემები არ არსებობს, ჩემი მესაიდუმლეა.
სახლში დედა გემრიელ კერძებს კი ამზადებს, მაგრამ ბებია არ აცლის გაკეთებას. კრისტის გაკეთებული მჭადი და ფელამუში მიყვარს. როგორც კი სახლში მოვა, მაშინვე იცვლის ტანსაცმელს, ჩუსტებსა და ხალათს იცვამს და რაღაცეების კეთებას იწყებს. საოჯახო საქმეებიდან ყველაზე მეტად ჭურჭლის რეცხვა და სარეცხის გაფენა უყვარს. ამ ორი საქმიდან რა სიამოვნებას იღებს, ვერ ვხვდები.
კრისტი: ჭურჭლის რეცხვა ჩემთვის ერთგვარი თერაპიაა. მიყვარს სამზარეულოში ფუსფუსი. ეს არის ოთახი, სადაც ყოველთვის განსაკუთრებული სისუფთავე უნდა იყოს.
– ნატალია, დედისგან არასდროს იმსახურებ შენიშვნას?
ნატალია: ორი პრობლემა გვაქვს. ერთი არის ჭამა, მეორე – მობილური ტელეფონი, რომელიც დღის განმავლობაში თითქმის სულ ხელში მიჭირავს. დედას ნივთებს, სამოსს, კოსმეტიკას არ ვეკარები, რადგან არ სიამოვნებს.
კრისტი: ერთ დღეს ტელეფონში ფილმის ყურებისგან ისე დაიღალა, ცუდად გახდა და წნევა დაუვარდა.
– ნატალია, როცა სკოლაში შენი ცნობილი ოჯახიდან ვინმე გაკითხავს, გეამაყება?
ნატალი: სკოლაში მარტო დავდივარ, არავინ მაკითხავს, მხოლოდ კრებაზე მოდის კრისტი და ჩემს ნიშნებს იგებს. 10–იანებზე ვსწავლობ.
კრისტი: როცა კრებაზე მივდივარ, მთელი სკოლა ნატალიას ესალმება. თვითონაც ძალიან მოსიყვარულე, თბილი ბავშვია და ეს სანახაობა ერთი დიდი რიტუალია. მის კრებაზე ყოველთვის ამაყად ვზივარ. როცა ნატა სკოლაში შევიდა, პირველი დღიდან დავუწესე, რომ ჯერ გაკვეთილების სწავლა უნდა მოითავოს და ამაში ხელი არავინ უნდა შეუშალოს. დღემდე დამოუკიდებლად მეცადინეობს.
ნატალია: ბებო რუსულის სწავლაში მეხმარება, სხვა გაკვეთილებს თავად ვამზადებ.
– ნატალია, მამას როდის ხვდები?
ნატალია: როცა მცალია და როცა სურვილი მაქვს, მამასთან მაშინ მივდივარ და, რამდენ ხანსაც მინდა, ვრჩები.
– დედას და მამას რა თვისებებით ჰგავხარ?
ნატალია: სამივეს განსხვავებული ხასიათები გვაქვს. მე პრინციპული ადამიანი ვარ. რასაც ვიტყვი, იმას ყოველთვის ვაკეთებ. ვთქვი, რომ მინდოდა, თხილამურებზე დადგომა და დავდექი. ძალიან მიყვარს ცურვა. ჩემი მიზანი მსახიობობაა. ეს ოცნება რომ ავისრულო, ინგლისურ კოლეჯში შევედი. როცა რენი ჰარლინმა ფილმში "აგვისტოს 5 დღე" გადამიღო, მითხრა, ინგლისური ისწავლე და ჩემთან ჩამოდიო, თავისი სავიზიტო ბარათი დამიტოვა. როცა მივხვდები, რომ ინგლისური სათანადო დონეზე ვიცი, მაშინვე დავურეკავ და ჰოლივუდში გავემგზავრები.
კრისტი: მე და გიორგი ნატალიასავით მიზანდასახულები რომ ვყოფილიყავით, ახლა ორივენი ჰოლივუდში ვიცხოვრებდით.
ნატალია: კრისტი სხვადასხვა ჟურნალ–გაზეთში მიცემულ ინტერვიუებს აგროვებს.
– კრისტი, სოციალურ ქსელში გავრცელდა თქვენი, დედა–შვილის, მხატვრული ფოტო, სადაც თქვენ და ნატალია შიშვლები ხართ. ასეთ ექსპერიმენტზე წასვლა რამ გადაგაწყვეტინათ?
კრისტი: ეს ფოტო ახალი არ არის, 3 წლის წინ ერთ–ერთ ჟურნალში დაიბეჭდა, საშა პრიშვინმა გადაგვიღო. ზუსტად იმ პერიოდში კეიტ მოსს ჰქონდა მსგავსი ფოტო თავის შვილთან ერთად გადაღებული და ეს არც რედაქციას და არც ჩვენ დაგვიმალავს. უარყოფითი გამოხმაურება არ მოჰყოლია, ნატალიამ რამდენიმე დღის წინ გაავრცელა ეს ფოტო სოციალურ ქსელში და ერთ საათში 500 მოწონება დაიმსახურა.
ნატალია: ეს სურათი ჩემმა თანატოლებმაც ძალიან მოიწონეს.
კრისტი: დამწყები მოდელი რომ ვიყო, ვიღაცეების აზრს მივაქცევდი ყურადღებას, მაგრამ ახლა ეს ნაკლებად მაინტერესებს. ფოტოზე არ არის სიშიშვლე, ესთეტიკური ნამუშევარია, მეც და ნატალიასაც შორტები გვაცვია. შეიძლება ადამიანი ჩაცმული გადაიღო, მაგრამ ძალიან ვულგარული გამოვიდეს.
– ნატალია, გინახავს, დედა როგორია სამუშაო პროცესში?
ნატალია: უამრავი ერთობლივი ფოტო გვაქვს. მუშაობის დროს კრისტი ძალიან პრეტენზიულია, სანამ იმ შედეგს არ მიიღებს, რაც სურს, იღებს და იღებს ფოტოებს.
– კრისტი, ნატალია გარდატეხის ასაკშია, მისი თანატოლი გოგოები იწყებენ გაპრანჭვას, მათ ცხოვრებაში ჩნდებიან თაყვანისმცემლები. ამ ყველაფერს როგორ აკონტროლებთ?
კრისტი: მიხარია, რომ ნატა ბავშვურია, მის ასაკში მეც ასეთი ვიყავი. "კეკელკა" ბავშვი არ არის, არასოდეს ქალობს. არიან ბავშვები, მის ასაკში მხოლოდ გათხოვებაზე რომ ფიქრობენ.
ნატალია: არავინ მომწონს, მით უმეტეს, არავინ მიყვარს. ჩემი თანატოლი გოგოები სიყვარულით არიან "მოკლულები" და ეს ყველაფერი ძალიან მიკვირს. ჩემთვის მთავარი სწავლა და მიზნამდე მისვლაა.
– ნატალია, დედამ რომ ხელმეორედ შექმნას ოჯახი, გაუგებ და მხარს დაუჭერ?
ნატალია: ძალიან მინდა, კრისტი გათხოვდეს და ბედნიერი იყოს. მინდა, დაიკო გამიჩინოს. ჩემი ძმა, ალექსანდრე, 2 წლის ხდება, საყვარელი ბავშვია. მასთან ძალიან კარგი ურთიერთობა მაქვს.
– კრისტი, თქვენს პირად ცხოვრებაში რაიმე ცვლილება იგეგმება?
კრისტი: არანაირი სიახლე, არავინ მომწონს და არავის მოვწონვარ.
ნატალია: ერთ–ერთ ინტერვიუში კრისტიმ თქვა, არასოდეს არავინ მყვარებიაო, რაც ძალიან არ მომეწონა.
კრისტი: გიორგი დღესაც ძალიან მიყვარს, ის ჩემი შვილის მამაა, მასთან ერთად 7 წელი ვიცხოვრე, მაგრამ, რასაც ნამდვილი სიყვარული ჰქვია, არასოდეს მწვევია. ჩემი მშობლების სიყვარული სამაგალითოა ჩემთვის, მათმა თანაცხოვრებამ რამდენიმე ათეულ წელს გაუძლო. ამიტომაც არ ვთხოვდები, რომ ჯერ გაგიჟებით არ მყვარებია.
– მშობლების გაშორება ნატალიამ როგორ გადაიტანა?
ნატალია: 2 წლის ვიყავი, როცა დედა და მამა ერთმანეთს გაშორდნენ, გიორგი და კრისტი ერთად არ მახსოვს, თავიდან ვერაფერს ვხვდებოდი და ისე მძაფრად არ განვიცდიდი, როგორც ახლა. ჩემთვის ეს საკითხი ძალიან მძიმეა...
კრისტი: ეს ჩემი ბრალი არ არის... ნატაშკა ჩემი ინსპირაციის წყაროა, მისი ცხოვრებით ვცხოვრობ.
ნატალია: კრისტი იმ დედების კატეგორიას მიეკუთვნება, რომლებიც შვილებს დიდ დროს უთმობენ, ამ ყველაფრისთვის დიდ მადლობას ვუხდი. მისთვის პრიორიტეტი მე ვარ და ეს ძალიან მახარებს. გიორგისთანაც ძალიან კარგი, მეგობრული, ურთიერთობა მაქვს, ხშირად დავდივარ მის სპექტაკლებზე. როცა პროექტში "ცეკვავენ ვარსკვლავები" მონაწილეობდა, ვგულშემატკივრობდი. სერიალ "ჩემი ცოლის დაქალებში" მისი როლი ძალიან მომწონს, თუმცა რეალურად გიორგი "ბაბულიკა" არ არის. ძალიან დადებითი, კეთილი ადამიანია.
ლანა კიკნაძე, ჟურნალი სარკე
