ხატია ბუნიათიშვილმა საფრანგეთში პრესტიჟულ დაჯილდოებაზე დაუკრა +ვიდეო

3 თებერვალს ქართველმა პიანისტმა ხატია ბუნიათიშვილმა საფრანგეთში დაჯილდოება Victoires de la Musique Classique 2014-ზე ეროვნულ ორკესტრთან ერთად დაუკრა. პრესტიჟული დაჯილდოება საფრანგეთში ყოველწლიურად იმართება კულტურის სამინისტროს მხარდაჭერით და წლის საუკეთესო მუსიკოსების გამოვლენას ისახავს მიზნად. Victoires de la Musique Classique-ი ისეთივე გავლენიანია, როგორც ამერიკული "გრემის" დაჯილდოება.

ხატია ბუნიათიშვილმა ედვარდ გრიგის ნაწარმოები ფანტასტიკურად შეასრულა და მსმენელის მხურვალე აპლოდისმენტები დაიმსახურა.