შარლოტა გინსბურგი - ''ჩემს შვილს შერცხვება ჩემი როლის გამო...''
2 020 ნახვა
ლარს ფონ ტრიერის მორიგმა სკანდალურმა სურათმა ''ნიმფომანმა'' კვლავ დიდი აჟიოტაჟი გამოიწვია. მთავარ როლზე მან თავისი საყვარელი მსახიობი შარლოტა გინსბურგი აირჩია, რომლისთვისაც არ არსებობს საზღვრები კინოში და რომლისთვისაც ყველა როლი, თუნდაც ასეთი ეპატაჟური და საკამათო, ჩვეულებრივი სამუშაოა.
''ნიმფომანი'' მამაჩემსაც გააოგნებდა''
შარლოტა ფრანგი მომღერლისა და მსახიობის სერჟ გინსბურგისა და ჯეინ ბირკინის ქალიშვილია. შარლოტა ცნობილი ფრანგი მომღერლისა და მსახიობის სერჟ გინსბურგისა და ასევე მსახიობის ჯეინ ბირკინის ქალიშვილია. ლონდონშია დაბადებული 1971 წელს და თავადაც მსახიობობის გარდა, მღერის და სიმღერების ავტორია. ''ჯეინ ეარის'' შემდეგ მსოფლიო აღიარება, როგორც მსახიობმა, ძირითადად ლარს ფონ ტრიერის სურათებით მოიპოვა. ''ნიმფომანამდე'' იყო ასევე სკანდალური ''ანტიქრისტე''.
ამჟამად პარიზში ცხოვრობს მსახიობ და რეჟისორ ივან ატალთან ერთად, რომელსაც სამი შვილი გაუჩინა.
- ''ნიმფომანი'' ჯერ კიდევ პრემიერამდე სკანდალურ ფილმად აღიარეს. თქვენი აზრით, რა არის მასში ყველაზე პროვოკაციული?
- ვშიშობ, ვერ გიპასუხებთ. ჩემი გაოგნება უკვე ძალიან ძნელია! მაგრამ ჩემი გმირი ჯო აშკარად საზოგადოებას იწვევს. ის საკუთარ თავს ასე აღიქვამს - რითაც ძალიან ჰგავს თვით ლარს ფონ ტრიერს. ჯოს, როგორც ტრიერს, ორი როლი აქვს ცხოვრებაში - მტანჯველისა და მსხვერპლის. თუმცა ლარსის თვისებები ფილმის სხვა პერსონაჟებსაც აქვთ, ამ სურათში ლარსი პრაქტიკულად ყველგან არის.
- ფილმზე მუშაობისას რომელი მომენტი იყო ყველაზე რთული?
- რამდენიმე სცენაში ხელოვნური ვაგინის ტარებამ მომიწია. წარმოიდგინეთ, ვიღაც ორი საათი მუშაობს თქვენ ფეხებს შორის - ასეთ რამეს ვერ დაივიწყებ.
- ყველაზე ''საპასუხისმგებლო'' მომენტებში გმირებს პორნომსახიობები ცვლიდნენ. გაიცანით თქვენი დუბლიორი?
- თუ სიმართლე გაინტერესებთ, არც კი ვიცი, რა ჰქვია. შემოქმედებითი პროცესის შესახებ ფინჯან ყავასთან არ გვისაუბრია (იცინის). საერთოდ, შემექმნა შთაბეჭდილება, რომ დუბლიორებს რცხვენოდათ ''სერიოზული'' მსახიობების. ასე რომ, როცა მათი ეპიზოდების გადაღება მიმდინარეობდა, ჩვენ გადასაღები მოედნიდან გავდიოდით.
- ბევრ ცნობილ რეჟისორთან გიმუშავიათ. რით გამოირჩევა ტრიერი?
- ყველაფრით! გეჩვენება, რომ მას კარგად იცნობ, მაგრამ სინამდვილეში აზრზეც არ ხარ. მას არ უყვარს რეპეტიციები, პერსონაჟების ფსიქოლოგიაზე მსჯელობა, წინასწარ რაიმეს ახსნა. შენ მას მხოლოდ მოედანზე ხვდები - ანუ პირდაპირ გამორბენით ხტები წყალში, როცა ჯერ ნორმალურად ცურვაც არ იცი. მაგრამ ლარსი არ გაძლევს დახრჩობის საშუალებას და საჭირო მომენტში გშველის.
- მამათქვენი, სერჟ გინსბურგი, ასევე ცნობილი პროვოკატორი იყო. ის იპოვიდა საერთო ენას ტრიერთან?
- დარწმუნებული ვარ, იმეგობრებდნენ, თუმცაღა, რასაკვირველია, ალკოჰოლის დახმარებით (იცინის). ლარსი მართლაც ჰგავს მამაჩემს, თუმცა ''ნიმფომანი'' მამაჩემსაც გააოგნებდა.
- ''ანტიქრისტეს'' პრემიერის შემდეგ ამბობდით, რომ გეშინოდათ თქვენი ვაჟის რეაქციის. ახლაც ასეა?
- ბენი 16 წლისაა, ასე რომ, ისე აღარ ვღელავ. მაინც უხერხულობა ექნება ჩემ გამო, მაგრამ არა უშავს, როგორმე გადაიტანს (იცინის). მეც ხანდახან მრცხვენოდა ჩემი მშობლების გამო, ამიტომ ვიცი, ამასთან გამკლავება შეიძლება. თანაც, რაც უფრო დიდი ხარ, მით უკეთ შეიძლება.
ჟურნალი ''რეიტინგი''
''ნიმფომანი'' მამაჩემსაც გააოგნებდა''
შარლოტა ფრანგი მომღერლისა და მსახიობის სერჟ გინსბურგისა და ჯეინ ბირკინის ქალიშვილია. შარლოტა ცნობილი ფრანგი მომღერლისა და მსახიობის სერჟ გინსბურგისა და ასევე მსახიობის ჯეინ ბირკინის ქალიშვილია. ლონდონშია დაბადებული 1971 წელს და თავადაც მსახიობობის გარდა, მღერის და სიმღერების ავტორია. ''ჯეინ ეარის'' შემდეგ მსოფლიო აღიარება, როგორც მსახიობმა, ძირითადად ლარს ფონ ტრიერის სურათებით მოიპოვა. ''ნიმფომანამდე'' იყო ასევე სკანდალური ''ანტიქრისტე''.
ამჟამად პარიზში ცხოვრობს მსახიობ და რეჟისორ ივან ატალთან ერთად, რომელსაც სამი შვილი გაუჩინა.
- ''ნიმფომანი'' ჯერ კიდევ პრემიერამდე სკანდალურ ფილმად აღიარეს. თქვენი აზრით, რა არის მასში ყველაზე პროვოკაციული?
- ვშიშობ, ვერ გიპასუხებთ. ჩემი გაოგნება უკვე ძალიან ძნელია! მაგრამ ჩემი გმირი ჯო აშკარად საზოგადოებას იწვევს. ის საკუთარ თავს ასე აღიქვამს - რითაც ძალიან ჰგავს თვით ლარს ფონ ტრიერს. ჯოს, როგორც ტრიერს, ორი როლი აქვს ცხოვრებაში - მტანჯველისა და მსხვერპლის. თუმცა ლარსის თვისებები ფილმის სხვა პერსონაჟებსაც აქვთ, ამ სურათში ლარსი პრაქტიკულად ყველგან არის.
- ფილმზე მუშაობისას რომელი მომენტი იყო ყველაზე რთული?
- რამდენიმე სცენაში ხელოვნური ვაგინის ტარებამ მომიწია. წარმოიდგინეთ, ვიღაც ორი საათი მუშაობს თქვენ ფეხებს შორის - ასეთ რამეს ვერ დაივიწყებ.
- ყველაზე ''საპასუხისმგებლო'' მომენტებში გმირებს პორნომსახიობები ცვლიდნენ. გაიცანით თქვენი დუბლიორი?
- თუ სიმართლე გაინტერესებთ, არც კი ვიცი, რა ჰქვია. შემოქმედებითი პროცესის შესახებ ფინჯან ყავასთან არ გვისაუბრია (იცინის). საერთოდ, შემექმნა შთაბეჭდილება, რომ დუბლიორებს რცხვენოდათ ''სერიოზული'' მსახიობების. ასე რომ, როცა მათი ეპიზოდების გადაღება მიმდინარეობდა, ჩვენ გადასაღები მოედნიდან გავდიოდით.
- ბევრ ცნობილ რეჟისორთან გიმუშავიათ. რით გამოირჩევა ტრიერი?
- ყველაფრით! გეჩვენება, რომ მას კარგად იცნობ, მაგრამ სინამდვილეში აზრზეც არ ხარ. მას არ უყვარს რეპეტიციები, პერსონაჟების ფსიქოლოგიაზე მსჯელობა, წინასწარ რაიმეს ახსნა. შენ მას მხოლოდ მოედანზე ხვდები - ანუ პირდაპირ გამორბენით ხტები წყალში, როცა ჯერ ნორმალურად ცურვაც არ იცი. მაგრამ ლარსი არ გაძლევს დახრჩობის საშუალებას და საჭირო მომენტში გშველის.
- მამათქვენი, სერჟ გინსბურგი, ასევე ცნობილი პროვოკატორი იყო. ის იპოვიდა საერთო ენას ტრიერთან?
- დარწმუნებული ვარ, იმეგობრებდნენ, თუმცაღა, რასაკვირველია, ალკოჰოლის დახმარებით (იცინის). ლარსი მართლაც ჰგავს მამაჩემს, თუმცა ''ნიმფომანი'' მამაჩემსაც გააოგნებდა.
- ''ანტიქრისტეს'' პრემიერის შემდეგ ამბობდით, რომ გეშინოდათ თქვენი ვაჟის რეაქციის. ახლაც ასეა?
- ბენი 16 წლისაა, ასე რომ, ისე აღარ ვღელავ. მაინც უხერხულობა ექნება ჩემ გამო, მაგრამ არა უშავს, როგორმე გადაიტანს (იცინის). მეც ხანდახან მრცხვენოდა ჩემი მშობლების გამო, ამიტომ ვიცი, ამასთან გამკლავება შეიძლება. თანაც, რაც უფრო დიდი ხარ, მით უკეთ შეიძლება.
ჟურნალი ''რეიტინგი''
