ვინ იცის ყველაზე კარგად ნანა მესხის გემოვნება - ლაშა ღლონტი თბილისში ქაბაბს არ მიირთმევს
2 247 ნახვა
ჩვენი რუბრიკის მორიგი სტუმრები არიან კომპოზიტორი ნანა მესხი და მომღერალი ლაშა ღლონტი. მოგეხსენებათ, ''გემო-მეტრში'' ცნობილ ადამიანებს იმის შესახებ ვეკითხებით, თუ სად იღებენ ყველაზე კარგ მომსახურებას, რომელ ტანსაცმლის მაღაზიებსა და ბარ-რესტორნებს სტუმრობენ ყველაზე ხშირად.
ნანა მესხი:
- ტანსაცმელს ძირითადად, ვიკერავ. არაჩვეულებრივი მკერავი მყავს, თბილისში განთქმული ირაჩკა. მან საკმაოდ კარგად იცის ჩემი გემოვნება, ჩემი ღირსებები, რისი წარმოჩენა შეიძლება, როგორ და რანაირად. რაც შეეხება ბრენდულ სამოსს, ამაზე ზოგადად არ ვაკეთებ აქცენტს. თუ მაქვს, ბედნიერი ვარ, თუ არ მაქვს, არ არის პრობლემა, ცხოვრების მიზანი ეს არ გახლავთ. როცა მიწევს საზღვარგარეთ ყოფნა, ვცდილობ, რომ იქ ვიყიდო ნამდვილი ბრენდი, ერთი იყოს და კარგი. მთავარი პრიორიტეტია, მიხდებოდეს, მეტ-ნაკლებად ხარისხიანი იყოს და კომფორტულად ვგრძნობდე თავს.
- ფეხსაცმელსაც იკერავთ?
- არა, ფეხსაცმელს ვყიდულობ ხოლმე. ''თბილისი მოლში'' არაერთხელ მიყიდია ფეხსაცმელი. ძალიან ბევრი ბრენდია იქ და არჩევანი უფრო დიდია. ბაზრობებზე არ დავდივარ, რადგან ფიზიკურად არ შემიძლია, ბევრ ხალხში ყოველთვის მიჭირს არჩევანის გაკეთება. "ქარვასლაშიც'' ხშირად დავდივარ, კარგად არის იქაურობა მოწყობილი და მომწონს.
- ყველაზე გემრიელად სად იკვებებით?
- ამ ბოლო დროს ძალიან მომწონს რესტორანი "მრავალჟამიერი", ახალი დარბაზია გახსნილი და სრულიად თანამედროვე და ახლებურია ყველაფერი. ჩემთვის, როგორც მუსიკოსისთვის, პრიორიტეტულია, რომ ხარისხიანი მუსიკა ჟღერს და ეს ძალიან მომწონს. საჭმელიც არაჩვეულებრივია. როგორც წესი, სტანდარტს იცავენ და არ აფუჭებენ. ასევე, ძალიან მიყვარს "ზაზანოვა". ჩემთვის ეს ადგილი ოჯახივით არის და გარდა ხარისხიანი მუსიკისა, საკვებიც გამორჩეული - ნიუორლეანური აქვთ. "სითი ქლაბშიც" არაჩვეულებრივი მასპინძლობა იციან და კერძებიც - ძალიან ხარისხიანია. ჩემი საღამო იქ და "ზაზანოვაში" არაერთხელ გამართულა.
ლაშა ღლონტი:
- ტანსაცმელს საქართველოში არ ვყიდულობ. ფეხსაცმელს "ბატას'' მაღაზიაში ვიძენ, როგორც საქართველოში, ისე უცხოეთში. ძალიან ხარისხიანი ფეხსაცმელია. ახლა პრაღაში რომ ვიყავი, იქაც "ბატაში'' ვიყიდე, ჩეხური ფირმაა და ძალიან კარგია. ყოველ წელს თურქეთში დავდივარ დასასვენებლად, ოჯახთან ერთად, და ჯინსებს ძირითადად იქ ვყიდულობ. ისედაც ხშირად მიწევს მოგზაურობა ამერიკის შეერთებულ შტატებსა და თურქეთში, ბარსელონაში ძალიან იაფია ტანსაცმელი.
- ბაზრობაზე ბოლოს როდის იყავით?
- არც მახსოვს. რაც დეზერტირების ბაზარი აღარ არსებობს, მას შემდეგ ბაზარში არ ვყოფილვარ. ადრე, დაახლოებით ხუთი წლის წინ, ტანსაცმლის საყიდლად "მორკინალში" დავდიოდი.
- რესტორნებზე რას გვეტყვით?
- ძალიან მიყვარს ჩინური და არგენტინული სამზარეულო. ჩინური რესტორნებიდან რატომღაც ''სიანგანი'' მომწონს, რომელიც გაგარინზე მდებარეობს. ბევრგან აქებენ, მაგრამ მე მაინც თავიდანვე მაგათი კლიენტი ვიყავი და მათთან დავდივარ. ქაბაბის საჭმელად აზერბაიჯანის საზღვართან დავდივარ - კასუმლოში. ეს არის აზერბაიჯანული სოფელი, საკუთარი მეურნეობა აქვთ. თბილისში ქაბაბს არ მივირთმევ, რადგან იქ ძალიან მაგარ ქაბაბს აკეთებენ, სასწაულია. მსოფლიოში, არც ბაქოში, არც სტამბოლში და არც სომხეთში, რომლებიც ქაბაბის სამშობლოდ მიიჩნევა, ასეთი ქაბაბი არსად მიჭამია. აჭარულ ხაჭაპურზე "ოქროს გასაღებს" ვსტუმრობ, რადგან იქ შეშაზე აკეთებენ აჭარულს. ხინკალი HB-ში მიყვარს, ზომით პატარაა და ძალიან კარგია.
- სალათებსა და დესერტებს სად მიირთმევთ?
- სალათი და დესერტები "ლა ტრუფეში" ძალიან კარგი აქვთ. "ოვალში" არის ძალიან გემრიელი სტეიკი, თუმცა ძალიან ძვირია და იშვიათად, ათასში ერთხელ დავდივარ ხოლმე.
ეკა ჩიკვაიძე
ჟურნალი ''რეიტინგი''
ნანა მესხი:
- ტანსაცმელს ძირითადად, ვიკერავ. არაჩვეულებრივი მკერავი მყავს, თბილისში განთქმული ირაჩკა. მან საკმაოდ კარგად იცის ჩემი გემოვნება, ჩემი ღირსებები, რისი წარმოჩენა შეიძლება, როგორ და რანაირად. რაც შეეხება ბრენდულ სამოსს, ამაზე ზოგადად არ ვაკეთებ აქცენტს. თუ მაქვს, ბედნიერი ვარ, თუ არ მაქვს, არ არის პრობლემა, ცხოვრების მიზანი ეს არ გახლავთ. როცა მიწევს საზღვარგარეთ ყოფნა, ვცდილობ, რომ იქ ვიყიდო ნამდვილი ბრენდი, ერთი იყოს და კარგი. მთავარი პრიორიტეტია, მიხდებოდეს, მეტ-ნაკლებად ხარისხიანი იყოს და კომფორტულად ვგრძნობდე თავს.
- ფეხსაცმელსაც იკერავთ?
- არა, ფეხსაცმელს ვყიდულობ ხოლმე. ''თბილისი მოლში'' არაერთხელ მიყიდია ფეხსაცმელი. ძალიან ბევრი ბრენდია იქ და არჩევანი უფრო დიდია. ბაზრობებზე არ დავდივარ, რადგან ფიზიკურად არ შემიძლია, ბევრ ხალხში ყოველთვის მიჭირს არჩევანის გაკეთება. "ქარვასლაშიც'' ხშირად დავდივარ, კარგად არის იქაურობა მოწყობილი და მომწონს.
- ყველაზე გემრიელად სად იკვებებით?
- ამ ბოლო დროს ძალიან მომწონს რესტორანი "მრავალჟამიერი", ახალი დარბაზია გახსნილი და სრულიად თანამედროვე და ახლებურია ყველაფერი. ჩემთვის, როგორც მუსიკოსისთვის, პრიორიტეტულია, რომ ხარისხიანი მუსიკა ჟღერს და ეს ძალიან მომწონს. საჭმელიც არაჩვეულებრივია. როგორც წესი, სტანდარტს იცავენ და არ აფუჭებენ. ასევე, ძალიან მიყვარს "ზაზანოვა". ჩემთვის ეს ადგილი ოჯახივით არის და გარდა ხარისხიანი მუსიკისა, საკვებიც გამორჩეული - ნიუორლეანური აქვთ. "სითი ქლაბშიც" არაჩვეულებრივი მასპინძლობა იციან და კერძებიც - ძალიან ხარისხიანია. ჩემი საღამო იქ და "ზაზანოვაში" არაერთხელ გამართულა.
ლაშა ღლონტი:
- ტანსაცმელს საქართველოში არ ვყიდულობ. ფეხსაცმელს "ბატას'' მაღაზიაში ვიძენ, როგორც საქართველოში, ისე უცხოეთში. ძალიან ხარისხიანი ფეხსაცმელია. ახლა პრაღაში რომ ვიყავი, იქაც "ბატაში'' ვიყიდე, ჩეხური ფირმაა და ძალიან კარგია. ყოველ წელს თურქეთში დავდივარ დასასვენებლად, ოჯახთან ერთად, და ჯინსებს ძირითადად იქ ვყიდულობ. ისედაც ხშირად მიწევს მოგზაურობა ამერიკის შეერთებულ შტატებსა და თურქეთში, ბარსელონაში ძალიან იაფია ტანსაცმელი.
- ბაზრობაზე ბოლოს როდის იყავით?
- არც მახსოვს. რაც დეზერტირების ბაზარი აღარ არსებობს, მას შემდეგ ბაზარში არ ვყოფილვარ. ადრე, დაახლოებით ხუთი წლის წინ, ტანსაცმლის საყიდლად "მორკინალში" დავდიოდი.
- რესტორნებზე რას გვეტყვით?
- ძალიან მიყვარს ჩინური და არგენტინული სამზარეულო. ჩინური რესტორნებიდან რატომღაც ''სიანგანი'' მომწონს, რომელიც გაგარინზე მდებარეობს. ბევრგან აქებენ, მაგრამ მე მაინც თავიდანვე მაგათი კლიენტი ვიყავი და მათთან დავდივარ. ქაბაბის საჭმელად აზერბაიჯანის საზღვართან დავდივარ - კასუმლოში. ეს არის აზერბაიჯანული სოფელი, საკუთარი მეურნეობა აქვთ. თბილისში ქაბაბს არ მივირთმევ, რადგან იქ ძალიან მაგარ ქაბაბს აკეთებენ, სასწაულია. მსოფლიოში, არც ბაქოში, არც სტამბოლში და არც სომხეთში, რომლებიც ქაბაბის სამშობლოდ მიიჩნევა, ასეთი ქაბაბი არსად მიჭამია. აჭარულ ხაჭაპურზე "ოქროს გასაღებს" ვსტუმრობ, რადგან იქ შეშაზე აკეთებენ აჭარულს. ხინკალი HB-ში მიყვარს, ზომით პატარაა და ძალიან კარგია.
- სალათებსა და დესერტებს სად მიირთმევთ?
- სალათი და დესერტები "ლა ტრუფეში" ძალიან კარგი აქვთ. "ოვალში" არის ძალიან გემრიელი სტეიკი, თუმცა ძალიან ძვირია და იშვიათად, ათასში ერთხელ დავდივარ ხოლმე.
ეკა ჩიკვაიძე
ჟურნალი ''რეიტინგი''
