მეძავები პენსიას ითხოვენ

ერთ-ერთი უძველესი პროფესიის წარმომადგენლები ჯარიმებს აპროტესტებენ და აცხადებენ, რომ მთავრობა არ აძლევს მათ საშუალებას, შემოსავლები წესების მიხედვით გააფორმონ. ''ნება მოგვეცით, გადასახადები გადავიხადოთ'', - ამ ლოზუნგით გამოვიდნენ იტალიელი მეძავები.

''ეს ახალი ბატალიაა მათთვის, ვინც პროსტიტუციით არის დაკავებული: ღამის პეპლების კომიტეტები მოითხოვენ გადასახადებს, უფლებებს და პენსიას'', - ამბობს მათი ერთ-ერთი წარმომადგენელი.

მათ საწინააღმდეგო მხარეს კი ფინანსური გვარდიაა, რომელიც ჯარიმებს აწესებს. მაგალითად, ბოლო პერიოდში ერთ-ერთ ბრაზილიელ მეძავს საგადასახადო ინსპექციამ წარუდგინა ბრალდებები და მას 50 ათასი ევროს გადახდა დააკისრეს.

აბსურდული კი ის არის, რომ მანამდე ეს ქალბატონი არაერთხელ ცდილობდა სავაჭრო პალატაში თავისი მდგომარეობის დარეგულირებას, მაგრამ არავინ დაეხმარა.

მეძავები კვლავ აპირებენ ბრძოლას, რათა მათი საქმიანობა რაც შეიძლება მეტად მოექცეს კანონებში და როცა გარკვეულ ასაკს მიაღწევენ, ''დამსახურებულ პენსიაზეც'' გავიდნენ.

ჟურნალი ''რეიტინგი''