ნუცა კუხიანიძე: "გუკა რჩეულიშვილზე და გიგი უგულავას ცოლზე ლელა კილაძეზე თითიდან გამოწოვილი ჭორი გავრცელდა"
2 118 ნახვა
მსახიობ ნუცა კუხიანიძესა და მის პროდიუსერ ქმარზე, გუკა რჩეულიშვილზე, ბოლო პერიოდში აგორებულმა ჭორმა მთელი ქალაქი მოიცვა. საინფორმაციო სააგენტოები წერდნენ, რომ ვახტანგ და მაია რჩეულიშვილების ვაჟი ცოლს გაშორდა და თბილისის ყოფილი მერის, გიგი უგულავას ცოლთან, ლელა კილაძესთან ერთად გაიქცა. ამ ჭორმა იმდენად ფართო მასშტაბები მიიღო, რომ ბოლოს გიგა ბოკერიას ცოლი, თამარ ჩერგოლეიშვილიც გამოეხმაურა "ფეისბუქის" საკუთარ გვერდზე და განაცხადა, სრულ აბსურდს ნუ აჰყვებითო. თამარ ჩერგოლეიშვილის სტატუსს თავად გუკა რჩეულიშვილის კომენტარიც მოჰყვა, რომელმაც ჭორის გამავრცელებლები "ტკბილი" სიტყვებით შეამკო.
ნუცა კუხიანიძე "სარკესთან" ამ და სხვა რთული პერიოდების შესახებ, რაც მისმა ოჯახმა გამოიარა, გულწრფელად საუბრობს. მის შემოქმედებაში სიახლეცაა – მსახიობმა სულ ცოტა ხნის წინ მონაწილეობა მიიღო ახალ ქართულ ფილმში "თბილისი, მიყვარხარ", რომლის პრეზენტაციაც 13 თებერვალს შედგა. ის ამ ფილმში ჰოლივუდელ მსახიობ მალკოლმ მაკდაუელთან ერთად თამაშობს.
– ნუცა, დასაწყისისთვის იმ ახალ ფილმზე გვიამბეთ, რომლის პრემიერაც ამ დღეებში გაიმართა.
– ფილმი შვიდი ქართველი რეჟისორის მიერ გადაღებულ ათ სხვადასხვა ნოველას აერთიანებს. მე მალკოლმ მაკდაუელთან ერთად ვთამაშობ. რეჟისორი ნიკა აგიაშვილია. თავიდან ფილმს "თბილისი ჩემი ქალაქია" ერქვა. ბოლოს იმ კომპანიამ აიღო ამ ფილმზე პასუხისმგებლობა, რომელმაც "პარიზი, მიყვარხარ" და "ნიუ იორკი, მიყვარხარ" შექმნა, ამიტომ ფილმს დაერქვა "თბილისი, მიყვარხარ". ეს ძალიან კარგია, რადგან ეს უცხოური კომპანია კარგად მოუვლის ფილმს. მათ მიერ შექმნილმა სხვა ფილმებმა მსოფლიო მოიარა.
– ჰოლივუდელ მსახიობ მალკოლმ მაკდაუელის პარტნიორობამ რა მოგცათ, რით იყო საინტერესო?
– მნიშვნელობა არ აქვს, ვინ იქნება ჩემი პარტნიორი კინოში, პასუხისმგებლობას ყოველთვის ვგრძნობ. მეტიც, დამწყებ მსახიობთან უფრო უნდა იგრძნო პასუხისმგებლობა. მალკოლმ მაკდაუელთან ერთად თამაში ჩემთვის გამოცდილებაა. ზოგადად, ჩემთვის მნიშვნელოვანია ადამიანებთან ურთიერთობის პროცესი, გაცნობა, გამოცდილების გაზიარება. მაკდაუელი აბსოლუტურად უცხო გარემოში ჩამოვიდა და მას ისეთი ეპითეტებით წარუდგინეს ჩემი თავი, რომ ცოტა შემრცხვა კიდეც. ბუნებრივია, კითხვები გაუჩნდა, თუ როდის დავიწყე მსახიობობა, რა ფილმებში ვმონაწილეობდი და ა.შ. მოვუყევი ჰოლივუდში ყოფნის პერიოდზე, შემდეგ როგორ დავბრუნდი, როგორ ჩამოვაყალიბე მეუღლესთან ერთად კინოსტუდია "სანგუკო" და სხვა.
კინო სულ ოთხ დღეში გადავიღეთ. ეს პროცესი მსუბუქად მიდიოდა და ძალიან სასიამოვნო დრო ვატარეთ. მსახიობს აუცილებლად სჭირდება, რომ სამუშაოს დაუბრუნდეს.
– როცა წლების წინ კინოსტუდია "სანგუკოს" შექმნა გადაწყვიტეთ ქმართან, გუკა რჩეულიშვილთან ერთად, ბუნებრივია, ელოდით, რომ ის წარმატებული ბიზნესი გახდებოდა, მაგრამ "სანგუკო" აღარ მუშაობს. მთავარი მიზეზი რა არის?
– დიახ, ამჟამად "სანგუკოს" ფუნქციონირება შეჩერებულია და ეს ბუნებრივი პროცესია. შესაძლოა ის, როგორც ბიზნესი, სწორად ვერ დავგეგმეთ თუნდაც იმიტომ, რომ გამოუცდელები ვიყავით. მე 23 წლის გახლდით, გუკა კი 26 წლის იყო. მსგავსი ბიზნესი საქართველოში მაშინ არც არსებობდა. ჩვენ საკმაოდ დიდი როლი ვითამაშეთ თანამედროვე ქართული კინოს განვითარებაში.
– არასოდეს გინანიათ ჰოლივუდიდან წამოსვლა?
– დღეს რომ უკან დამაბრუნო, ჰოლივუდის გზას არ ავირჩევ. ესე იგი არაფერს ვნანობ. შეიძლება ცხოვრებაში სხვა არასწორი გადაწყვეტილებების მიღება ვინანო, რადგან რადიკალური და იმპულსური ვარ, მაგრამ ჰოლივუდთან დაკავშირებით არ ვნანობ. სულ მეკითხებიან, იქ რომ დარჩენილიყავი, როგორ ფიქრობ, რა მოხდებოდაო. არ ვიცი... შეიძლებოდა ცუდი არჩევანი გამეკეთებინა და, საბოლოო ჯამში, არაფერი გამოსულიყო ან დღეს უკვე ოსკარი მქონოდა ხელში. ამაზე დარდი არ ღირს. რაც იყო, იყო.
– თქვენი შვილი, 7 წლის კატო, თქვენს პროფესიას, მსახიობობას თუ აირჩევს, ამ ფაქტს როგორ შეხვდებით?
– ჩემთვის მთავარია, კატომ კარგად ისწავლოს, შრომისმოყვარე იყოს, არ იზარმაცოს. გაარკვიოს, რა აინტერესებს და თვითრეალიზებული გახდეს. მას არაფერში შევეწინააღმდეგები. თვითონ უნდა იყოს ბედნიერი. ჯობს, თავად მიიღოს გამოცდილება. ამავდროულად, მეც ვაძლევ გეზს. ბეწვის ხიდზე გავდივარ, რომ არც ძალიან მივუშვა და არც ძალიან დავიჭირო.
– კატოს მამა თუ ანებივრებს?
– კატო გუკასთვის ნამდვილად სისუსტეა, მაგრამ ვერ ვიტყვი, რომ ის ან მე ვანებივრებთ. ჩვენ აღარ ვართ ის თაობა, ვინც შვილებს გაანებივრებს. ჩვენ ისე გვათამამებდნენ, მგონი, გარკვეული პროტესტი გვაქვს ამის მიმართ. უფროს თაობას რომ ვიხსენებ, დედები ბებიებთან ერთად გვზრდიდნენ. ჩვენი თაობა კი ცდილობს, დამოუკიდებლად აღზარდოს შვილები. საქართველო ის ქვეყანაა, სადაც შეუძლებელია მხოლოდ მშობლებმა გაზარდონ შვილები და ძალიან კარგია, რომ მათ აღზრდაში ბებია–ბაბუა, რამდენიმე თაობა მონაწილეობს, მაგრამ ესეც დაბალანსებული უნდა იყოს.
– 8 წლის განმავლობაში თქვენ და გუკას გექნებოდათ კრიზისი თუ არა, სირთულეები მაინც. როგორ უმკლავდებოდით მათ?
– მთავარია, ორივე მხარეს სურდეს კრიზისიდან გამოძრომა, მხოლოდ ერთი მხარე ვერაფერს გახდება. კრიზისი ურთიერთობაში ბუნებრივია, რადგან ეს გულისხმობს, რომ ადამიანი თავისუფალია, მაგრამ საბოლოოდ არჩევანს იმისდა მიხედვით აკეთებ, თუ რა არის უფრო მნიშვნელოვანი. თუ ორ ადამიანს უნდა ერთად ყოფნა და ერთმანეთი უყვარს, წინაღობა არ არსებობს.
– რა რეაქცია გქონდათ ჭორზე, რომელიც გავრცელდა თქვენი ქმრისა და გიგი უგულავას ცოლის, ლელა კილაძის შესახებ?
– ამჟამად ქვეყანა ისეთ მდგომარეობაშია, რომ შეიძლება ნებისმიერი ინფორმაცია გახდეს ზედმეტად საინტერესო, ხოლო, როცა ორივე მხარე საზოგადოებისთვის ცნობილია, ჭორის ასე მძაფრად გავრცელებაში გასაკვირი არაფერია.
– გიგი უგულავასა და მის ცოლთან როგორი ურთიერთობა გაქვთ?
– თბილისი ძალიან პატარა ქალაქია და ყველა ერთმანეთს იცნობს. არსებობს საქმიანი ურთიერთობები, ჩვენი შვილები ერთად სწავლობენ და მეგობრობენ. სრულიად თითიდან გამოწოვილი ჭორი გავრცელდა. მის გამავრცელებელს არც უფიქრია, რომ ეს შესაძლოა ვინმესთვის საზიანო ყოფილიყო. ეჭვის გაჩენის გამო ოჯახები ინგრევა! საერთოდ, ამ თემის ღრმად განხილვა არ მინდა. ჩემთვის უინტერესოა. არც მიეჭვიანია და არც დამიჯერებია ამ ჭორის სიმართლე.
– თუმცა ამ ჭორმა ძალიან დიდი მასშტაბები მიიღო.
– თუ ორ ადამიანს ერთად ყოფნა არ უნდა, ვერავინ ვერავის დაიჭერს ძალით. სიტყვაზე, ასეც რომ ყოფილიყო, რა უნდა მექნა? ჭორის გარშემო ისეთი ისტერიკა ატყდა, რომ ამ ისტერიკამაც გამოავლინა, სიმართლესთან არანაირი კავშირი რომ არ ჰქონდა. 8 წელია გუკასთან ერთად ვცხოვრობ, ბევრი პრობლემა გვქონია, მაგრამ არა ეს – მესამე ადამიანის პრობლემა. ერთმანეთს სრულიად ვენდობით. ვიღაცის გავრცელებულ ჭორზე რეაქცია არ მექნება. ჩემს ქმართან მაქვს საქმე და, თუ ვიცი, რომ ყველაფერი ნორმალურად არის, ჭორს რატომ ავყვე?!
– თქვენი დედამთილი და მისი და, მაია რჩეულიშვილი და რუსუდან კერვალიშვილი, "ცენტრპოინტთან" დაკავშირებით სასამართლოს წინაშე წარდგნენ, ამ მძიმე ფაქტმა თქვენზე როგორ იმოქმედა?
– ჩვენ დიდი ოჯახი გვაქვს და ეს კავშირი ძლიერია. ვერ წარმომიდგენია, ადამიანი ჯერ გიყვარდეს და მერე გადაიყვარო. ვინმე თუ შემიყვარდა, სულ მიყვარს, უბრალოდ ფორმებს იცვლის ეს სიყვარული. რთული ემოციების გადატანაშიც სიყვარული გეხმარება. ადამიანები ვართ და ყველას მოგვდის შეცდომები. ამ შეცდომების გამო ერთმანეთი არ უნდა დავკარგოთ.
მანანა ნოდია, ჟურნალი სარკე
ნუცა კუხიანიძე "სარკესთან" ამ და სხვა რთული პერიოდების შესახებ, რაც მისმა ოჯახმა გამოიარა, გულწრფელად საუბრობს. მის შემოქმედებაში სიახლეცაა – მსახიობმა სულ ცოტა ხნის წინ მონაწილეობა მიიღო ახალ ქართულ ფილმში "თბილისი, მიყვარხარ", რომლის პრეზენტაციაც 13 თებერვალს შედგა. ის ამ ფილმში ჰოლივუდელ მსახიობ მალკოლმ მაკდაუელთან ერთად თამაშობს.
– ნუცა, დასაწყისისთვის იმ ახალ ფილმზე გვიამბეთ, რომლის პრემიერაც ამ დღეებში გაიმართა.
– ფილმი შვიდი ქართველი რეჟისორის მიერ გადაღებულ ათ სხვადასხვა ნოველას აერთიანებს. მე მალკოლმ მაკდაუელთან ერთად ვთამაშობ. რეჟისორი ნიკა აგიაშვილია. თავიდან ფილმს "თბილისი ჩემი ქალაქია" ერქვა. ბოლოს იმ კომპანიამ აიღო ამ ფილმზე პასუხისმგებლობა, რომელმაც "პარიზი, მიყვარხარ" და "ნიუ იორკი, მიყვარხარ" შექმნა, ამიტომ ფილმს დაერქვა "თბილისი, მიყვარხარ". ეს ძალიან კარგია, რადგან ეს უცხოური კომპანია კარგად მოუვლის ფილმს. მათ მიერ შექმნილმა სხვა ფილმებმა მსოფლიო მოიარა.
– ჰოლივუდელ მსახიობ მალკოლმ მაკდაუელის პარტნიორობამ რა მოგცათ, რით იყო საინტერესო?
– მნიშვნელობა არ აქვს, ვინ იქნება ჩემი პარტნიორი კინოში, პასუხისმგებლობას ყოველთვის ვგრძნობ. მეტიც, დამწყებ მსახიობთან უფრო უნდა იგრძნო პასუხისმგებლობა. მალკოლმ მაკდაუელთან ერთად თამაში ჩემთვის გამოცდილებაა. ზოგადად, ჩემთვის მნიშვნელოვანია ადამიანებთან ურთიერთობის პროცესი, გაცნობა, გამოცდილების გაზიარება. მაკდაუელი აბსოლუტურად უცხო გარემოში ჩამოვიდა და მას ისეთი ეპითეტებით წარუდგინეს ჩემი თავი, რომ ცოტა შემრცხვა კიდეც. ბუნებრივია, კითხვები გაუჩნდა, თუ როდის დავიწყე მსახიობობა, რა ფილმებში ვმონაწილეობდი და ა.შ. მოვუყევი ჰოლივუდში ყოფნის პერიოდზე, შემდეგ როგორ დავბრუნდი, როგორ ჩამოვაყალიბე მეუღლესთან ერთად კინოსტუდია "სანგუკო" და სხვა.
კინო სულ ოთხ დღეში გადავიღეთ. ეს პროცესი მსუბუქად მიდიოდა და ძალიან სასიამოვნო დრო ვატარეთ. მსახიობს აუცილებლად სჭირდება, რომ სამუშაოს დაუბრუნდეს.
– როცა წლების წინ კინოსტუდია "სანგუკოს" შექმნა გადაწყვიტეთ ქმართან, გუკა რჩეულიშვილთან ერთად, ბუნებრივია, ელოდით, რომ ის წარმატებული ბიზნესი გახდებოდა, მაგრამ "სანგუკო" აღარ მუშაობს. მთავარი მიზეზი რა არის?
– დიახ, ამჟამად "სანგუკოს" ფუნქციონირება შეჩერებულია და ეს ბუნებრივი პროცესია. შესაძლოა ის, როგორც ბიზნესი, სწორად ვერ დავგეგმეთ თუნდაც იმიტომ, რომ გამოუცდელები ვიყავით. მე 23 წლის გახლდით, გუკა კი 26 წლის იყო. მსგავსი ბიზნესი საქართველოში მაშინ არც არსებობდა. ჩვენ საკმაოდ დიდი როლი ვითამაშეთ თანამედროვე ქართული კინოს განვითარებაში.
– არასოდეს გინანიათ ჰოლივუდიდან წამოსვლა?
– დღეს რომ უკან დამაბრუნო, ჰოლივუდის გზას არ ავირჩევ. ესე იგი არაფერს ვნანობ. შეიძლება ცხოვრებაში სხვა არასწორი გადაწყვეტილებების მიღება ვინანო, რადგან რადიკალური და იმპულსური ვარ, მაგრამ ჰოლივუდთან დაკავშირებით არ ვნანობ. სულ მეკითხებიან, იქ რომ დარჩენილიყავი, როგორ ფიქრობ, რა მოხდებოდაო. არ ვიცი... შეიძლებოდა ცუდი არჩევანი გამეკეთებინა და, საბოლოო ჯამში, არაფერი გამოსულიყო ან დღეს უკვე ოსკარი მქონოდა ხელში. ამაზე დარდი არ ღირს. რაც იყო, იყო.
– თქვენი შვილი, 7 წლის კატო, თქვენს პროფესიას, მსახიობობას თუ აირჩევს, ამ ფაქტს როგორ შეხვდებით?
– ჩემთვის მთავარია, კატომ კარგად ისწავლოს, შრომისმოყვარე იყოს, არ იზარმაცოს. გაარკვიოს, რა აინტერესებს და თვითრეალიზებული გახდეს. მას არაფერში შევეწინააღმდეგები. თვითონ უნდა იყოს ბედნიერი. ჯობს, თავად მიიღოს გამოცდილება. ამავდროულად, მეც ვაძლევ გეზს. ბეწვის ხიდზე გავდივარ, რომ არც ძალიან მივუშვა და არც ძალიან დავიჭირო.
– კატოს მამა თუ ანებივრებს?
– კატო გუკასთვის ნამდვილად სისუსტეა, მაგრამ ვერ ვიტყვი, რომ ის ან მე ვანებივრებთ. ჩვენ აღარ ვართ ის თაობა, ვინც შვილებს გაანებივრებს. ჩვენ ისე გვათამამებდნენ, მგონი, გარკვეული პროტესტი გვაქვს ამის მიმართ. უფროს თაობას რომ ვიხსენებ, დედები ბებიებთან ერთად გვზრდიდნენ. ჩვენი თაობა კი ცდილობს, დამოუკიდებლად აღზარდოს შვილები. საქართველო ის ქვეყანაა, სადაც შეუძლებელია მხოლოდ მშობლებმა გაზარდონ შვილები და ძალიან კარგია, რომ მათ აღზრდაში ბებია–ბაბუა, რამდენიმე თაობა მონაწილეობს, მაგრამ ესეც დაბალანსებული უნდა იყოს.
– 8 წლის განმავლობაში თქვენ და გუკას გექნებოდათ კრიზისი თუ არა, სირთულეები მაინც. როგორ უმკლავდებოდით მათ?
– მთავარია, ორივე მხარეს სურდეს კრიზისიდან გამოძრომა, მხოლოდ ერთი მხარე ვერაფერს გახდება. კრიზისი ურთიერთობაში ბუნებრივია, რადგან ეს გულისხმობს, რომ ადამიანი თავისუფალია, მაგრამ საბოლოოდ არჩევანს იმისდა მიხედვით აკეთებ, თუ რა არის უფრო მნიშვნელოვანი. თუ ორ ადამიანს უნდა ერთად ყოფნა და ერთმანეთი უყვარს, წინაღობა არ არსებობს.
– რა რეაქცია გქონდათ ჭორზე, რომელიც გავრცელდა თქვენი ქმრისა და გიგი უგულავას ცოლის, ლელა კილაძის შესახებ?
– ამჟამად ქვეყანა ისეთ მდგომარეობაშია, რომ შეიძლება ნებისმიერი ინფორმაცია გახდეს ზედმეტად საინტერესო, ხოლო, როცა ორივე მხარე საზოგადოებისთვის ცნობილია, ჭორის ასე მძაფრად გავრცელებაში გასაკვირი არაფერია.
– გიგი უგულავასა და მის ცოლთან როგორი ურთიერთობა გაქვთ?
– თბილისი ძალიან პატარა ქალაქია და ყველა ერთმანეთს იცნობს. არსებობს საქმიანი ურთიერთობები, ჩვენი შვილები ერთად სწავლობენ და მეგობრობენ. სრულიად თითიდან გამოწოვილი ჭორი გავრცელდა. მის გამავრცელებელს არც უფიქრია, რომ ეს შესაძლოა ვინმესთვის საზიანო ყოფილიყო. ეჭვის გაჩენის გამო ოჯახები ინგრევა! საერთოდ, ამ თემის ღრმად განხილვა არ მინდა. ჩემთვის უინტერესოა. არც მიეჭვიანია და არც დამიჯერებია ამ ჭორის სიმართლე.
– თუმცა ამ ჭორმა ძალიან დიდი მასშტაბები მიიღო.
– თუ ორ ადამიანს ერთად ყოფნა არ უნდა, ვერავინ ვერავის დაიჭერს ძალით. სიტყვაზე, ასეც რომ ყოფილიყო, რა უნდა მექნა? ჭორის გარშემო ისეთი ისტერიკა ატყდა, რომ ამ ისტერიკამაც გამოავლინა, სიმართლესთან არანაირი კავშირი რომ არ ჰქონდა. 8 წელია გუკასთან ერთად ვცხოვრობ, ბევრი პრობლემა გვქონია, მაგრამ არა ეს – მესამე ადამიანის პრობლემა. ერთმანეთს სრულიად ვენდობით. ვიღაცის გავრცელებულ ჭორზე რეაქცია არ მექნება. ჩემს ქმართან მაქვს საქმე და, თუ ვიცი, რომ ყველაფერი ნორმალურად არის, ჭორს რატომ ავყვე?!
– თქვენი დედამთილი და მისი და, მაია რჩეულიშვილი და რუსუდან კერვალიშვილი, "ცენტრპოინტთან" დაკავშირებით სასამართლოს წინაშე წარდგნენ, ამ მძიმე ფაქტმა თქვენზე როგორ იმოქმედა?
– ჩვენ დიდი ოჯახი გვაქვს და ეს კავშირი ძლიერია. ვერ წარმომიდგენია, ადამიანი ჯერ გიყვარდეს და მერე გადაიყვარო. ვინმე თუ შემიყვარდა, სულ მიყვარს, უბრალოდ ფორმებს იცვლის ეს სიყვარული. რთული ემოციების გადატანაშიც სიყვარული გეხმარება. ადამიანები ვართ და ყველას მოგვდის შეცდომები. ამ შეცდომების გამო ერთმანეთი არ უნდა დავკარგოთ.
მანანა ნოდია, ჟურნალი სარკე
