X
  • ქმრების ძალადობის მსხვერპლნი 21-ე საუკუნეში (ნუ წაიკითხავთ სუსტი ნერვების მქონენი)

    პაკისტანში "პროგრესულ ქალთა ორგანიზაცია" 1994 წელს ჩამოყალიბდა. მათი მიზანია, დაეხმარონ დასახიჩრებულ ქალებს. ძალიან ბევრი მალავს ქმრის ძალადობას. მხოლოდ 7800-მა ცოლმა უჩივლა ქმარს.


    ზოგს მჟავით გაუნადგურეს სახე, ზოგს მდუღარე წყლით. ცოტა ხნის წინ ავღანელმა გამვლელმა მოსწავლე გოგონებს მჟავა შეასხა მხოლოდ იმიტომ, რომ ისინი სკოლაში დადიან.



    ნაიმა აზარი რიელტორი იყო. როცა მისი ქმარი სხვა ქალით დაინტერესდა, ნაიმამ გადაწყვიტა, გაჰყროდა ქმარს, ხილის გამყიდველს და სამი შვილი დამოუკიდებლად გაეზარდა, მაგრამ ქმარმა ცოლი სასიკვდილოდ გაიმეტა და სახეში მჟავა შეასხა.

    ქალს ძვლამდე დაეწვა კანი, ორივე ყური, დაკარგა ერთი თვალი. ნაიმას კანის გადანერგვის 6 ოპერაცია დასჭირდა, მაგრამ სახე ჯერ ვერ აღუდგა. ქმრების გარდა, ქალებზე მამებიც ძალადობას ახდენენ. ნაჯაფ სულთანი 5 წლის იყო, როცა მძინარეს მამამ მჟავა დაასხა. მას, უბრალოდ, არ სურდა, კიდევ ერთი ქალიშვილი ჰყოლოდა. გოგონა გადარჩა, მაგრამ დაბრმავდა. მას 15 ოპერაცია გაუკეთეს. ახლა ნათესავებთან ცხოვრობს.

    მძიმე კანონები აქვთ შედარებით ცივილიზებულ თურქეთშიც. სოფელ კახთაში ორმეტრიან ორმოში იპოვეს 16 წლის გოგონას გვამი. იგი მამამ და ბაბუამ ცოცხლად დამარხეს, რადგან თანატოლ ბიჭებთან მეგობრობდა. მამა და ბაბუა დაპატიმრებულები არიან.

    სააგენტო "ანატოლიის" განცხადებით, ასე ხშირად სჯიან იმ ქალებს, რომლებიც გააუპატიურეს ან, უბრალოდ, უცხო მამაკაცებთან მოსაუბრეები ნახეს. თუმცა, არ შემიძლია არ აღვნიშნო, წელს თურქეთის ერთ-ერთ კურორტზე ვისვენებდი.

    ქუჩაში მხვდებოდნენ ტრადიციებს მიმდევარი თურქი ქალბატონები, რომლებიც 40-გრადუსიან სიცხეში ყელამდე შეკრული ლაბადებითა და თავსაფრებით დადიოდნენ და თანამედროვეებიც - ტატუებითა და პირსინგებით "მორთულები".

    გამაკვირვა ერთმა ფაქტმაც. ბავშვებს, ძირითადად, მამები ასეირნებდნენ. ცოლები კი ჩრდილში ისხდნენ და მეგობრებთან ერთად სიგარეტს აბოლებდნენ (არ ჰქონდა მნიშვნელობა, ქალი ტრადიციის მიმდევარი იყო თუ არა, და არც ასაკს).

    პარადოქსები აზიის ქვეყნებიდან


    საუდის არაბეთში ქალს არა აქვს მანქანის მართვის უფლება. მამაკაცი საზოგადო ტრანსპორტში არ უნდა ახლდეს ქალს, რომელიც ნათესავად არ ეკუთვნის. განათლების სამინისტროს გადაწყვეტილებით, მოსწავლე-გოგონები სკოლაში ავტობუსით ალ-ამინებს (ნდობით აღჭურვილი, დაქირავებული მამაკაცები) დაჰყავთ.

    2002 წელს რელიგიურმა პოლიციამ (თურმე ასეთიც არსებობს) ხანძრის დროს გოგონები სკოლიდან მანამდე არ გამოუშვა, სანამ სახე, წესისამებრ, არ დამალეს. შედეგად, ბავშვები კვამლით გაიგუდნენ.

    ეგვიპტეში, თუ განქორწინებას ქალი ითხოვს, მან მეუღლეს უნდა დაუბრუნოს ყველა ნივთი, რაც ქორწინების დროს უყიდეს და თავისუფლებისთვის ის თანხა უნდა გადაიხადოს, რასაც ქმარი დაუსახელებს. თუ კაცს სურს განქორწინება, იგი ამას ხმამაღლა განაცხადებს და ცოლთან გაყრილად ითვლება.

    სირიაში, იორდანიასა და მაროკოში გათხოვილი ქალი აეროპორტის ბილეთს ვერ იყიდის, თუ ქმრის წერილობითი ნებართვა არ ექნება. გასათხოვარმა მამის ან უფროსი ნათესავი მამაკაცის ნებართვა უნდა წარადგინოს.

    აზიის მრავალ ქვეყანაში უკანონო ბავშვის გაჩენა კანონით აკრძალულია. მაროკოში ქალს დააპატიმრებენ, თუ დაუმტკიცდა, რომ უცხო მამაკაცთან აქვს კავშირი. ხოლო თუ გასათხოვარი გოგონა გაუპატიურების შედეგად დაფეხმძიმდა, შეუფერებელი ქცევისთვის მას გაასამართლებენ და არა მოძალადე მამაკაცს.

    შედარებისთვის ევროპელი ქალების დაუწერელი კანონებიდანაც მოვიყვან რამდენიმე მაგალითს:

    გოგონა, რომელიც იურიდიულ ან ეკონომიურ ფაკულტეტზე სწავლობს, თავისუფლად მუშაობს მიმტანად ან დამლაგებლად და ცხოვრობს მშობლებისგან დამოუკიდებლად.

    ევროპელი ქალი გათხოვებას არ ჩქარობს (ოჯახს 26-28 წლის ასაკში ქმნის) და ბავშვსაც 30-40 წლის ასაკში აჩენს.

    წარმატებული გათხოვილი ქალი თავს არ იწუხებს სადილების კეთებით, სახლის დალაგებითა და სარეცხის რეცხვით.

    ევროპელი ქალი რესტორნისა და ბარის გადასახადს ან თანმხლებ მამაკაცს უნაწილებს, ან თავად იხდის.

    განქორწინება ევროპელი ქალისთვის ტრაგედიას არ წარმოადგენს. საქორწინო კონტრაქტის თანახმად, ქმარი ვალდებულია, განქორწინების შემთხვევაში ცოლს ალიმენტი უხადოს (და არა მარტო შვილებს).


    რუსუდან გელაშვილი
    ჟურნალი "და ქალი"









    ქმრების ძალადობის მსხვერპლნი 21-ე საუკუნეში (ნუ წაიკითხავთ სუსტი ნერვების მქონენი)







    Bushra Shari, 38 წლის. მჟავა საკუთარმა ქმარმა გადაასხა იმიტომ, რომ ქალი განქორწინებას ცდილობდა. გადატანილი აქვს 25 პლასტიკური ოპერაცია






    irum Saseed, 30 წლისs. 12 წლის წინ მას საქმრომ შუა ქუჩაში მჟავა მხოლოდ იმიტომ გადაასხა, რომ ქალმა უარი უთხრა ცოლობაზე. ირუმმა 25პლასტიკური ოპერაცია გაიკეთა






    Kanwal Kayum, 26 წლის. მჟავა უარყოფილმა საქმრომ გადაასხა. პლასტიკური ოპერაციები არ გაუკეთებია






    Munira Asef, 23 წლის. მჟავა ყოფილმა საქმრომ გადაასხა. გაკეთებული აქვს 7 პლასტიკური ოპერაცია






    Naila Farhat, 19 წლის. ისიც მჟავითაა დამწვარი ყოფილი საქმროს მიერ. გაკეთებული აქვს მრავლობითი პლასტიკური ოპერაცია








    Najaf Sultana, 16 წლის. 5 წლის ასაკში საკუთარმა მამამ იმიტომ დაწვა, რომ არ უნდოდა ქალიშვილი ჰყოლოდა. შედეგად გოგონა დაბრმავდა. ამჟამად ცხოვრობს ნათესავებთან. გადაიტანა 15 პლასტიკური ოპერაცია






    Saira Liaqat, 26 წლის. 15 წლისა გაათხოვეს ნათესავზე, რომელმაც მჟავა გადაასხა. გადაიტანა 9 პლასტიკური ოპერაცია






    Shahnaz BIbi, 35 წლის. მჟავით დაწვეს საკუთარ ოჯახში. პლასტიკური ქირურგისთვის არ მიუმართავს






    17წლის. მჟავა საქმრომ გადაასხა.






    shameem Akhter, 18 წლის. ის სამმა მამაკაცმა ჯერ გააუპატიურა, შემდეგ კი მჟავა გადაასხა. გადაიტანა 10 პლასტიკური ოპერაცია




    2 820 ნახვა
    20-11-2016, 23:32
    GOGATV