კიმ კარდაშიანმა და კანიე უესტმა საქორწინო კონტრაქტი დადეს

კანიე უესტი და კიმ კარდაშიანი შეუღლებას 24 მაისს გეგმავენ. ცოტა ხნის წინ მათი საქორწინო შეთანხმების დეტალები გახდა ცნობილი. ირკვევა, რომ რეპერი ამ კონტრაქტს ეწინააღმდეგებოდა. უნდა აღინიშნოს, რომ მასში მხოლოდ ფინანსური საკითხებია განხილული და შვილის მეურვეობის თემა საერთოდ ნახსენებიც არ არის. „მათთვის ამ შეთანხმების დადება ძალიან იოლი გახლდათ, რადგან კანიეს მიაჩნია, რომ კონტრაქტი საერთოდ არ სჭირდებათ. ამიტომ უესტმა კარდაშიანს სრული თავისუფლება მიანიჭა. დიახ, მას საცოლე ასე ძალიან უყვარს“, - იუწყება „RadarOnline“. დოკუმენტის თანახმად, 33 წლის კიმი გაყრის შემთხვევაში, ქორწინების ყოველი წლისთვის მილიონ დოლარს მიიღებს. მის მფლობელობაში, ასევე ბელ ეირის სახლი გადავა. თანხის გარდა, რეალითი შოუს ვარსკვლავს უესტისგან მიღებული ყველა ძვირფასი საჩუქრის დატოვება შეუძლია. ყველაფერს ისიც ემატება, რომ კანიეს ერთ-ერთ დაზღვევაში 20 მილიონ დოლარად ბენეფიციარის სახით კიმი ჰყავს მოხსენიებული. აღნიშნული კონტრაქტი კარდაშიანის წინა საქორწინო შეთანხმებისგან სრულებით განსხვავდება, რომელიც გაცილებით დიდი და ჩახლართული გახლდათ. ამჟამად კანიე უესტის ქონება 100 მილიონად არის შეფასებული, ხოლო კიმ კარდაშიანის — 40 მილიონ დოლარად.