მსოფლიო ჩემპიონი დავით ქირია მოგებასა და ჰოლანდიელ მეუღლეზე

ხორვატიის დედაქალ ზაგრებში Glory-ს სერიის მსუბუქი წონითი კატეგორიის ფინალური შეხვედრაზე, ქართველი მებრძოლი დავით ქირია ენდი რისტის დაუპირისპირდა. მან მძიმე ბრძოლის შემდეგ, სიტუაცია სათავისოდ შემოაბრუნა და მსოფლიო ჩემპიონი ტიტული მოიპოვა. მას ჰოლანდიაში ''სკაიპით'' დავუკავშირდით...

- ძალიან ძლიერი მოწინააღდმეგე მყავდა, სურინამი ენდი რისტი 2013 წლის მსოფლიო ჩემპიონია. ყველა რაუნდი მისი უპირატესობით წარიმართა. უძლიერესი დარტყმებიც ჰქონდა... მეორე რაუნდში, მოწინააღმდეგის მუხლი მომხვდა და დარტყმამ ნოკდაუნდში ჩამაგდო. მერე ვნახე ვიდეოში, დარტყმისგან როგორ ძლიერად წავბარბაცდი. მაგრამ მაინც ვიპოვე ჩემს თავში ძალა რომ ბრძოლა გამეგრძელებინა... 9 წლის ვიყავი როდესაც ამ სპორტზე დავიწყე სიარული.
ახლა 26 წლის ვარ და მთელი ცხოვრება ამ სპორტით ვიცხოვრე. ზუგდიდელი ვარ, სოფელ ინგირიდან, ვარჯიშის პირობებიც არ გვქონდა. ნაქირავენ დარბაზში როგორც წესი, ცუდი პირობები იყო. 2007 წლიდან, სიტუაცია უკეთესობისკენ შეიცვალა. კერძო პირების დაფინანსებითა და ხელშეწყობით, ევროპაში წავედით. შემდგომში, სახელმწიფოსგანაც წამოვიდა დახმარება...
ახლა ''გოლდენ გლორის'' კლუბის წევრი ვარ. სულ რინგზე გიწევს დგომა და ორთაბრძოლა, რადგან ეს კლუბის ხელმძღვანელობისთვის კომერციული პროექტია. მისი წევრი 2007 წელს გავხდი, ამისთვის კი, პირველი ჩხუბი, ანუ ასე ვთქვათ, შესარჩევი ტური წარმატებით გადავლახე და მადლობა ღმერთს, კონტრაქტიც გავაფორმე. ასე დაიწყო ჩემი სპორტული კარიერა... ეს კლუბი გეგმავს ჩხუბებს და ასე უკვალავს გზას სპორტსმენებს დიდი ორგანიზაციებისკენ...
- მსოფლიო ჩემპიონატზე როგორ მოხვდით?
- Glory მსოფლიოში ყველაზე დიდი საბრძოლო სპორტის ორგანიზაციაა, რომლის მიერ დაგეგმილ ტურნირზე პირველად, 2012 წელს მივიღე მონაწილეობა, რომელიც რომში გაიმართა და მესამე ადგილი ავიღე... 2013 წლის ბოლოს, ნიუ-იორკში მქონდა 4-კაციანი ტურნირი, სადაც ნახევარფინალში დავმარცხდი. თუმცა, უკანდახევა არც მიფიქრია. ამისთვის ღირდა ბრძოლა...
- დათო, ჰოლანდიელი მეუღლე გყავთ, არა?
- დიახ, შარშან შევქმენით ოჯახი და ჯერ შვილი არ გვყავს. საქართველოში მყავდა ჩამოყვანილი, მშობლებსა და მეგობრებს გავაცანი, მაგრამ ჩვენის ჩამოსვლამდე ბებია გარდაიცვალა და ისე ვერ აღვნიშნეთ, როგორც საჭირო იყო. თავს იმით ვიმშვიდებთ, რომ ახლა ჩემს წარმატებასა და ოჯახის შექმნას ერთად აღვნიშნავთ. მაისში გვინდა საქართველოში ჩამოსვლა. მანამდე, ერთი თვის განმავლობაში, ბუქარესტში სემინარები ჩატარება მიწევს. 6 აპრილს, ჰოლანდიაში ვატარებ და აპრილის ბოლოს, გერმანიაში მივდივართ... მარისა (მეუღლე) ბიზნესის მართვასა და მენეჯმენტის სპეციალობაზე სწავლობს... ისიც დარბაზში იყო. ის ჩემი დალურჯებული თვალების ცქერას შეჩვეულია.

ლალი პაპასკირი
სპეციალურად ''რეიტინგის'' საიტისთვის