''რაც უფრო შეუსაბამოდ უხამებ სამოსს ერთმანეთს, მით უფრო მოდური ხდები''
1 896 ნახვა
ატელიე ''მატერიას'' დიზაინერმა გიორგი ქებურიამ სულ ახლახან დაამთავრა გაზაფხული-ზაფხულის კოლექციაზე მუშაობა და მოდის კვირეულისთვის იწყებს მზადებას, რომელიც მაისის დასაწყისში უნდა გაიმართოს. გიორგი მოდის კვირეულზე 2014-15 წლის შემოდგომა-ზამთრის კოლექციას წარადგენს, სადაც მოდის მოყვარულებს ნაქსოვი დეტალები, ბუმბული და კიდევ ბევრი საინტერესო შტრიხი ელოდებათ.
- გაზაფხული-ზაფხულის სეზონზე ძალიან სპორტული და იმავდროულად მამაკაცური სილუეტია მოდაში, მაგალითად, განიერი მაისურები, ჩაფართხუნებული შარვლები და ა.შ.
- ასეთ სამოსში ხომ ქალი ქალურობას კარგავს? როგორ შეიძლება სპორტულ სამოსში ქალური დეტალების გამოკვეთა?
- არა, რაც უნდა ეცვას ქალს, ის ქალურობას არასდროს კარგავს. რაც შეეხება ქალურობას, მისი ხაზგასმა შეიძლება შიფონის ქსოვილისგან სპორტული სილუეტის სამოსის შექმნით, არადა, როგორც იცით, შიფონი გამოიყენება საღამოს კაბებისთვის, თუმცა მისი, აბრეშუმის, ხავერდის გამოყენება სპორტული თარგისთვისაც შეიძლება.
- რაც შეეხება სამოსის ტონალობას, რას გვირჩევ ამ თვალსაზრისით?
- უფრო სიჭრელეა მოდაში, ასევე არა კლასიკური, ცოტა უაზრო, მჭახე და ნათელი ფერების შეხამება. ამ საკითხში მოდა ძალიან არეულია, თუმცა სპორტული სტილის გავლენა ყველგან და ყველაფერში უნდა იგრძნობოდეს. დიზაინერები ცდილობენ, თავიანთი ფეხსაცმელი გაასპორტულონ და ბოტასს დაამსგავსონ, რომლის მორგებაც შესაძლებელია ყველაფერთან, მათ შორის - ჰაეროვან კაბასთან. ამ სეზონის ტენდენციების გათვალისწინებით, რაც უფრო შეუსაბამოდ უხამებ სამოსს ერთმანეთს, მით უფრო მოდური ხდები.
- ქუსლიანი ფეხსაცმლის მოყვარულები ხომ არ დაიჩაგრებიან?
- ქუსლიანი ფეხსაცმელი არასდროს არის მოსაბეზრებელი, წვეტიანი ცხვირი ''შპილკა'' ქუსლით კლასიკაა და ეს ყოველთვის მოდაშია, მის შეცვლაზე დიზიანერები არც კი ფიქრობენ, თუმცა ასევე მოდურია ფეხსაცმელი უხეში, ოთხკუთხედი ცხვირით, რომელიც ჯერ ქართულმა საზოგადოებამ ვერ აიტაცა.
- რას გვეტყვი შარვლისა და კაბის ფორმებზე, სიგრძეზე, წელზე...…
- შარვლების შემთხვევაში სრული თავისუფლებაა, ვერ გეტყვი, რომ ერთი კონკრეტული ფორმა ან სიგრძეა მოდაში, ვისაც რა მოსწონს, იმას ირგებს და აკეთებს. პირადად მე ვქმნი თავიდანვე განიერ შარვლებს და ძალიან მომწონს. ისე, ამ სეზონზე მოდურია ე.წ. ბრიჯი, მუხლს ქვემოთ და კოჭს ზემოთა სიგრძის შარვლები, ეს სიგრძე მოდაშია ყველაფერში, მათ შორის კაბებშიც. ამ თვალსაზრისით გასათვალისწინებელია, რომ ამ სეზონზე მოდურია თავისუფალი სტილის და არა ტანზე მომდგარი ქვედაბოლოები, კაბები კი - წვრილი ბრეტელებით, ასევე პლისე.
- პიჯაკების სეზონია, როგორი ფორმის პიჯაკი ჩავიცვათ?
- ცოტა უფრო კაცური პიჯაკები, ოღონდ არა განიერი მხრებით, უმჯობესია, თუ იქნება სწორი სილუეტის, თეძოზე სიგრძის, მკაცრი ფორმებით. საყელოს თვალსაზრისით ორიგინალურობის შეტანა არ მიყვარს, ვფიქრობ, პიჯაკს უნდა ჰქონდეს სტანდარტული საყელო, ამაში კრეატივი ნაკლებად მომწონს.
- გასულ სეზონზე ქლაჩები მეტად პოპულარული იყო, რჩება ეს ტენდენცია, თუ უნდა გადავინაცვლოთ დიდი ზომის ჩანთებზე?
- ახლა მოდურია პარკის სტილის, ტომრის ფორმის, ე.წ. ბაზრის ჩანთები. იქიდან გამომდინარე, რომ გაზაფხული-ზაფხულის სეზონზე ვსაუბრობთ, უმჯობესია, ნატურალური მასალისგან, ნაჭრისგან, ბადისგან და არა ტყავისგან შექმნილი ჩანთები მოიხმაროთ.
- როგორი აქსესუარების მორგებას გვირჩევ?
- ახლა მოდურია მეტალის დიდი, თუნდაც უფორმო ყელსაბამები. რაც უფრო უფორმოდ იდგება ყელზე სამკაული, მით უფრო მოდური იქნება. რაც შეეხება საყურეს, უფრო ცალ ყურზე გაკეთება იქნება აქტუალური.
ციცი ომანიძე
ჟურნალი ''რეიტინგი''
- გაზაფხული-ზაფხულის სეზონზე ძალიან სპორტული და იმავდროულად მამაკაცური სილუეტია მოდაში, მაგალითად, განიერი მაისურები, ჩაფართხუნებული შარვლები და ა.შ.
- ასეთ სამოსში ხომ ქალი ქალურობას კარგავს? როგორ შეიძლება სპორტულ სამოსში ქალური დეტალების გამოკვეთა?
- არა, რაც უნდა ეცვას ქალს, ის ქალურობას არასდროს კარგავს. რაც შეეხება ქალურობას, მისი ხაზგასმა შეიძლება შიფონის ქსოვილისგან სპორტული სილუეტის სამოსის შექმნით, არადა, როგორც იცით, შიფონი გამოიყენება საღამოს კაბებისთვის, თუმცა მისი, აბრეშუმის, ხავერდის გამოყენება სპორტული თარგისთვისაც შეიძლება.
- რაც შეეხება სამოსის ტონალობას, რას გვირჩევ ამ თვალსაზრისით?
- უფრო სიჭრელეა მოდაში, ასევე არა კლასიკური, ცოტა უაზრო, მჭახე და ნათელი ფერების შეხამება. ამ საკითხში მოდა ძალიან არეულია, თუმცა სპორტული სტილის გავლენა ყველგან და ყველაფერში უნდა იგრძნობოდეს. დიზაინერები ცდილობენ, თავიანთი ფეხსაცმელი გაასპორტულონ და ბოტასს დაამსგავსონ, რომლის მორგებაც შესაძლებელია ყველაფერთან, მათ შორის - ჰაეროვან კაბასთან. ამ სეზონის ტენდენციების გათვალისწინებით, რაც უფრო შეუსაბამოდ უხამებ სამოსს ერთმანეთს, მით უფრო მოდური ხდები.
- ქუსლიანი ფეხსაცმლის მოყვარულები ხომ არ დაიჩაგრებიან?
- ქუსლიანი ფეხსაცმელი არასდროს არის მოსაბეზრებელი, წვეტიანი ცხვირი ''შპილკა'' ქუსლით კლასიკაა და ეს ყოველთვის მოდაშია, მის შეცვლაზე დიზიანერები არც კი ფიქრობენ, თუმცა ასევე მოდურია ფეხსაცმელი უხეში, ოთხკუთხედი ცხვირით, რომელიც ჯერ ქართულმა საზოგადოებამ ვერ აიტაცა.
- რას გვეტყვი შარვლისა და კაბის ფორმებზე, სიგრძეზე, წელზე...…
- შარვლების შემთხვევაში სრული თავისუფლებაა, ვერ გეტყვი, რომ ერთი კონკრეტული ფორმა ან სიგრძეა მოდაში, ვისაც რა მოსწონს, იმას ირგებს და აკეთებს. პირადად მე ვქმნი თავიდანვე განიერ შარვლებს და ძალიან მომწონს. ისე, ამ სეზონზე მოდურია ე.წ. ბრიჯი, მუხლს ქვემოთ და კოჭს ზემოთა სიგრძის შარვლები, ეს სიგრძე მოდაშია ყველაფერში, მათ შორის კაბებშიც. ამ თვალსაზრისით გასათვალისწინებელია, რომ ამ სეზონზე მოდურია თავისუფალი სტილის და არა ტანზე მომდგარი ქვედაბოლოები, კაბები კი - წვრილი ბრეტელებით, ასევე პლისე.
- პიჯაკების სეზონია, როგორი ფორმის პიჯაკი ჩავიცვათ?
- ცოტა უფრო კაცური პიჯაკები, ოღონდ არა განიერი მხრებით, უმჯობესია, თუ იქნება სწორი სილუეტის, თეძოზე სიგრძის, მკაცრი ფორმებით. საყელოს თვალსაზრისით ორიგინალურობის შეტანა არ მიყვარს, ვფიქრობ, პიჯაკს უნდა ჰქონდეს სტანდარტული საყელო, ამაში კრეატივი ნაკლებად მომწონს.
- გასულ სეზონზე ქლაჩები მეტად პოპულარული იყო, რჩება ეს ტენდენცია, თუ უნდა გადავინაცვლოთ დიდი ზომის ჩანთებზე?
- ახლა მოდურია პარკის სტილის, ტომრის ფორმის, ე.წ. ბაზრის ჩანთები. იქიდან გამომდინარე, რომ გაზაფხული-ზაფხულის სეზონზე ვსაუბრობთ, უმჯობესია, ნატურალური მასალისგან, ნაჭრისგან, ბადისგან და არა ტყავისგან შექმნილი ჩანთები მოიხმაროთ.
- როგორი აქსესუარების მორგებას გვირჩევ?
- ახლა მოდურია მეტალის დიდი, თუნდაც უფორმო ყელსაბამები. რაც უფრო უფორმოდ იდგება ყელზე სამკაული, მით უფრო მოდური იქნება. რაც შეეხება საყურეს, უფრო ცალ ყურზე გაკეთება იქნება აქტუალური.
ციცი ომანიძე
ჟურნალი ''რეიტინგი''
