რა ასაკში იწყებენ სქესობრივ ცხოვრებას საქართველოში ქალები და მამაკაცები

2013 წელს საქართველოში გაეროს მოსახლეობის ფონდის მხარდაჭერით კვლევა ჩატარდა, რომელიც ქართველი მამაკაცვების შესახებ საინტერესო პორტრეტს იძლევა.

მაგალითად, აღმოჩნდა, რომ საქართველოში მამების 82% სკოლამდელი ასაკის შვილებს არ უკითხავს წიგნებს, არ უმზადებს საჭმელს, არ მიჰყავს სკოლაში ან გასართობად. 7-დან 12 წლამდე ასაკის ბავშვების მამების 93% არ ესაუბრება მათ მასწავლებლებს, არ უმზადებს საჭმელს, არ უკითხავს წიგნებს. მიუხედავად ამ ყველაფრისა, კაცების 54% ფიქრობს, რომ საქართველოში გენდერული თანასწორობა არსებობს

არანაკლებ საინტერესოა ამ გამოკითხვის შედეგები კითხვაზე, თუ რა ასაკში იწყებენ სქესობრივ ცხოვრებას საქართველოში ქალები და მამაკაცები. გამოკითხვის თანახმად, მეტწილად, 18 წლამდე სქესობრივი კავშირი ჰქონია გამოკითხული მამაკაცების 69 და ქალების 16%-ს.