სპორტსმენი, რომელსაც ორივე ფეხი ამპუტირებული აქვს, ამერიკულ "ცეკვავენ ვარსკვლავებში" ცეკვავს +ვიდეო

ამერიკაში "ცეკვავენ ვარსკვლავების" ახალი, რიგით მე-18 სეზონი დაიწყო. წელს ვარსკვლავებს შორისაა სოჭის პარაოლიმპიადაზე სნოუბორდინგში ბრინჯაოს მედლის მფლობელი ემი პურდი, რომელსაც ორივე ფეხი ამპუტირებული აქვს. ემი 19 წლის იყო, როდესაც ბაქტერიული მენინგიტის ერთ-ერთი ფორმა, მენინგოკოკი დაუდგინეს. დაავადებამ უმძიმესი შედეგი გამოიღო - ექიმები იძულებულნი გახდნენ, სპორტსმენისთვის ორივე ფეხი მოეკვეთათ მუხლს ქვემოთ.

"ცეკვავენ ვარსკვლავებში" ემი პროექტის ხუთგზის გამარჯვებულთან, მოცეკვავე დერეკ ჰაფთან დააწყვილეს. პირველ ეპიზოდში მათ "ჩა-ჩა-ჩა" იცეკვეს და ჟიურისგან 24 (8 8 8) ქულა დაიმსახურეს.