გოგოლა კალანდაძე: "იმედია, ჩემს გამოჩენაზე არ იტყვიან, ეს ნაფტალინი კიდევ არსებობსო"
2 094 ნახვა
მსახიობი გოგოლა კალანდაძე, რომელიც ეკრანზე დიდი ხანია არ გამოჩენილა, მომღერალ ნოდიკო ტატიშვილთან დუეტით აპირებს ამ პაუზის დასრულებას. ერთ დროს ძალიან პოპულარული მსახიობი გარკვეული პერიოდი მოთხოვნადი აღარ იყო, ახლა კი მუსიკალური ტელეპროექტით "ორი ვარსკვლავი" შანსი აქვს, რეჟისორებს თავი შეახსენოს. ამ საქმეს დიდი პასუხისმგებლობით ეკიდება, სახლშიც გამუდმებით მეცადინეობს, ქმარ–შვილს თავიც კი მოაბეზრა გაუთავებელი ღიღინით. სამაგიეროდ პარტნიორი – ნოდიკო ტატიშვილი ჰყავს აღფრთოვანებული თავისი გულმოდგინებით.
– როგორი რეაქცია გქონდათ, როცა გაიგეთ, რომ პროექტში ერთად იმღერებდით?
გოგოლა: როცა მითხრეს, რომ ნოდიკოსთან ერთად ვიმღერებდი, გულზე მომეშვა, გავთავისუფლდი. ნოდიკოს ბევრი წელია ვიცნობ, კარგი პიროვნებაა, მის პროფესიონალიზმზე კი აღარ ვსაუბრობ, ყველამ კარგად იცის მისი შესაძლებლობები. გამიმართლა, რომ მასთან დამაწყვილეს.
ნოდიკო: გოგოლა, ნუ გამაწითლე!.. მეც ძალიან გამიხარდა, როცა გავიგე, რომ მასთან ერთად უნდა მემღერა. გარდა იმისა, რომ არაჩვეულებრივი ადამიანია, კარგადაც მღერის. ვერ ვიტან არაპუნქტუალურობას, მოუწესრიგებელ ადამიანებს, ზუსტად ვიცოდი, რომ გოგოლა ასეთი არ იყო, მაგრამ ყოველდღიურმა ურთიერთობამ ამაში უფრო დამარწმუნა. მართლაც ზედმეტად მოწესრიგებულია, მე იმდენს ვერ ვმეცადინეობ, რამდენსაც ის. მე ყველაფრის ბოლოსთვის მოტოვება მიყვარს.
გოგოლა: იტყუება! ყველა სიმღერა და ტექსტი ზეპირად იცის, მისი ეს ცოდნა ძალიან მეხმარება.
ნოდიკო: სიმღერას რომ მოგვცემენ, მეორე დღეს მუსიკაში ტექსტი ჩასმული აქვს, ზეპირად იცის და უნდა მოუსმინოთ, როგორ მღერის. გარდა იმისა, რომ არაჩვეულებრივი პიროვნებაა, ძალიან ნიჭიერიც არის.
– როგორც მახსოვს, ერთი დუეტი ადრეც გქონდათ ჩაწერილი.
ნოდიკო: ჩვენი ახლობლობა მას შემდეგ დაიწყო, როცა მაიკო კაჭკაჭიშვილის სიმღერა "აღარ მინდა დაგვიანება" ჩავწერეთ. ეს სიმღერა 3 წლის წინ რადიოებში აქტიურად ტრიალებდა. ჩვენს დუეტს "იუთუბ"–ზე ბევრი ნახვა აქვს. ჩვენი ნაცნობობაც იმ სიმღერაზე მუშაობიდან დაიწყო.
– ვინ იყო დუეტის ჩაწერის ინიციატორი?
გოგოლა: მე ვიყავი. სახლში ჯდომისგან რომ გავგიჟდი და გადავირიე, ვთქვი, უნდა ვიმღერო–მეთქი და ნოდიკოს დავურეკე.
ნოდიკო: გოგოლას პირადად არ ვიცნობდი, მაგრამ მისი მონაწილეობით ქართულ სერიალებს ვუყურებდი და ძალიან მომწონდა. ჩემზე ყოველთვის დადებით შთაბეჭდილებას ახდენდა. რეალურ ცხოვრებაშიც ისეთივე დადებითი, მხიარული პიროვნება აღმოჩნდა, როგორიც ეკრანზე ჩანდა.
გოგოლა: "ჯეოსტარის" პერიოდში ნოდიკო ჩემი ფავორიტი იყო, ყოველთვის განსაკუთრებულად მომწონდა, ამიტომაც გადავწყვიტე, რომ მასთან ერთად დუეტი ჩამეწერა.
– ახალ პროექტში ძლიერი კონკურსანტები არიან. რომელ წყვილს მიიჩნევთ თქვენს უშუალო კონკურენტად?
გოგოლა: მართლაც ძლიერი კონკურენტები გვყავს, ყველა მათგანს ვაფასებ. ჯერ პროექტი არ დაწყებულა, ამიტომ კონკურენცია არ იგრძნობა, სიმშვიდეა, ყველა ბედნიერი და ერთმანეთის მეგობარია, მაგრამ მერე, როცა შოუ დაიწყება, დაპირისპირებებიც იქნება, რაც ძალიან არ მიყვარს. ყველას წარმატება გამიხარდება, თუმცა ჩვენი წარმატებაც ძალიან გამახარებს.
ნოდიკო: ეს არ არის მომღერლების კონკურსი. ადამიანები სხვადასხვა სფეროდან ცდილობენ, მომღერლებთან ერთად ამღერდნენ. მათგან ხშირად მესმის, პირველივე ტურიდან გამოვვარდებიო, მაგრამ პირველ ლაივ კონცერტზე რომ დადგები სცენაზე, მერე ამ სიტყვებს აღარ იტყვი. საკონკურსო ცხოვრება ძალიან კარგად ვიცი, რაც უფრო აქტიურ ფაზაში შედიხარ, მით მეტად იზრდება აზარტი და წინსვლის ჟინი.
– გოგოლა, თქვენ აქამდე კონკურსებში მიგიღიათ მონაწილეობა?
გოგოლა: კონკურსში – არა, მაგრამ პირველად არ ვმღერი. რამდენიმე მუსიკოსთან ერთად მაქვს დუეტი ჩაწერილი, მაგრამ ეს არის პლუს ფონოგრამა. ლაივში კი არასდროს მიმღერია, თუ არ ჩავთვლი იმას, რომ სამივე შვილს ვუმღეროდი იავნანას.
– რას ელოდებით და თავად რისი თქმა გინდათ ამ პროექტში მონაწილეობით?
გოგოლა: კიდევ ერთხელ გამოვჩნდები ეკრანზე, მინდა, გავახსენდე იმ ადამიანებს, ვისაც ვჭირდები. მგონია, რომ სიმღერას ვისწავლი. ნინო გულიაშვილი, ქეთი გაბისიანი, რუსა მორჩილაძე და ნოდიკო ტატიშვილი – ისეთი ხალხის ხელში ვარ, რომ, არ არსებობს, სიმღერა არ ვისწავლო. ეს რომ ვერ შევძლო, მაგარი იდიოტი უნდა ვიყო. ყველანაირად ვცდილობ, ვიყო ხუთოსანი.
ნოდიკო: არ არსებობს სრულყოფილი ადამიანი, პროფესიაში ეტაპობრივად იზრდები. ბავშვობიდან ვმღერი და ყველა ეტაპზე ვხვდები, რომ კიდევ უფრო გავიზარდე. ზუსტად ვიცი, რომ ეს პროექტი გამოცდილებას შემძენს, მიყვარს საკონკურსო ციებ–ცხელება. კონკურსი გაბრძენებს, თავდაჯერებული და მოწესრიგებული ხდები. პროფესიონალად ცხოვრების ბოლომდე ყალიბდები. ასე რომ, გოგოლაზე ნაკლებად არც მე ვნერვიულობ.
– "ორი ვარსკვლავი" რუსული პროექტის ანალოგია, რუსულ არხზე თუ უყურებდით ამ შოუს?
გოგოლა: ეს პროექტი არასდროს მინახავს. როცა აქ დამიძახეს, მერე დავჯექი და ვუყურე. რაღა დაგიმალოთ და, ძალიან მომეწონა.
ნოდიკო: იგივე შემიძლია გითხრათ მეც. ვიცი, რომ რუსეთში თამრიკო გვერდწითელმა გაიმარჯვა. საინტერესო პროექტია და მგონია, რომ საქართველოშიც გაამართლებს.
– ალბათ როლებს გაცვლით – გოგოლა, ნოდიკო სიმღერას გასწავლით, თქვენ სამსახიობო ოსტატობაში ავარჯიშებთ.
გოგოლა: ნოდიკო მსახიობური ნიჭით არის დაჯილდოებული და ჩემი დახმარება არ სჭირდება.
ნოდიკო: არ გეთანხმები, ჩემგან განსხვავებით, პრომოს გადაღება გოგოლასთვის მზესუმზირის კნატუნივით იყო.
გოგოლა: მომღერალს პლასტიკაც უნდა ჰქონდეს და სამსახიობო ნიჭიც. ნოდიკო სწორედ ასეთი მომღერლების კატეგორიაში შედის.
ნოდიკო: ვეხვეწებოდი, ცეკვის გაკვეთილს გავაცდენ–მეთქი, მაგრამ არ დამანება და იძულებით ვიცეკვე.
გოგოლა: მეგონა, ცეკვა საერთოდ არ ეცოდინებოდა, არადა, იცით, როგორ კარგად ცეკვავს? ფანტასტიკურად მოძრაობს, კარგი პლასტიკა აქვს.
ნოდიკო: გოგოლას ისე ვუყვარვარ, ჰგონია, რომ კარგი პლასტიკა მაქვს.
გოგოლა: მენდე – მართლა მაგარი ხარ!
– ნოდიკო, თქვენ რა ასწავლეთ გოგოლას?
ნოდიკო: გოგოლასთვის ერთხელ თქმა საკმარისია, ყველაფერს ზუსტად აკეთებს. თურმე სახლშიც ყურსასმენით დადის და იმ სიმღერას უსმენს, რომელზეც ვმუშაობთ. კარგი სმენა აქვს. თვითკრიტიკულია და ნერვიულობს.
გოგოლა: სიმღერის დროს სულ მგონია, რომ მეშლება. ოჯახის წევრები სახლში ყურსასმენებით რომ მხედავენ, უკვე აპროტესტებენ.
– გოგოლა, ალბათ დღის რეჟიმიც შეგეცვალათ და ოჯახის წევრებს ეს არ მოსწონთ.
გოგოლა: დღეს კარგად ვგეგმავ, საკონკურსო ცხოვრებას ფაქტობრივად მთელი დრო მიაქვს, მაგრამ ყველაფერს ისე ვაწყობ, რომ არაფერი დავაზიანო. უფროსი შვილი, ელენე, თავში ხელებს ირტყამს და მეკითხება, კიდევ რამდენი თვე დარჩა, ასეთ მდგომარეობაში რომ უნდა გიყუროო. ქმარი მეუბნება, როდის მორჩება პროექტიო. მე კიდევ ვაიმედებ, შეიძლება ჩემთვის ერთ კვირაში დასრულდეს–მეთქი. ჩემი ბიჭი სულ მეხვეწება, აღარ იმღეროო. სახლში არ მაქვს ჩემი კუთხე, რომ ჩემთვის ისე ვიმღერო, არავინ გაიგონოს ჩემი ხმა. ამიტომ, როცა ყველა იძინებს, ღამის 2 საათზე სამზარეულოში ვჯდები და საკუთარ თავზე ვმუშაობ.
– ნოდიკო, თქვენც ამ დღეში ხართ?
ნოდიკო: სახლში საერთოდ აღარ ვმღერი, დედამაც რომ მთხოვოს, ალბათ არ ვიმღერებ. ამ პროექტის გამო მთელი დღე ვმღერი, გარდა ამისა, ახალ ალბომსაც ვწერ, ასე რომ, შინ დაბრუნებულს სიმღერის ენერგია აღარ მაქვს.
– ნოდიკო, თქვენი შეყვარებულიც ნერვიულობს და გგულშემატკივრობთ?
ნოდიკო: ჩემს შეყვარებულზე ისე აქტიურად ლაპარაკობენ, მგონი, ვშორდებით... (იცინის). რასაკვირველია, მიგულშემატკივრებს.
– კონკურსში იღბალიც საჭიროა. როგორ ფიქრობთ, იღბლიანები ხართ?
გოგოლა: გოგოლა იყო კალანდაძე, ეს უკვე იღბალია! თუ მოგებას გულისხმობთ, ამ მხრივ ვერ დავიკვეხნი.
ნოდიკო: ვთვლი, რომ მეც და გოგოლაც იღბლიანები ვართ. კონკურსებშიც ძალიან მიმართლებს, ბევრი გრან პრი და მოწინავე ადგილები მაქვს მიღებული. რომელიმე კონკურსში რომ ლაურეატი არ გავმხდარიყავი, ვერც საკუთარ თავს ვაპატიებდი და ვერც ჟიურის.
გოგოლა: ამ პროექტშიც შენი იმედი მაქვს.
– გოგოლა, ხანგრძლივი ტაიმაუტი გამოგივიდათ, არსად ჩანდით. რა აკეთებდით ამ პერიოდში?
გოგოლა: სამი შვილი მყავს და ეს პერიოდი ოჯახური ცხოვრებით ვიყავი დაკავებული. ახლა ბავშვები წამოიზარდნენ და აღარ ვაპირებ უმოქმედობას. ტაიმაუტი საშინელებაა, მიჩვეული რომ ხარ აქტიურ ცხოვრებას, რთულია უსაქმოდ ყოფნა. ამიტომაც დავთანხმდი ამ პროექტში მონაწილეობას, მომენატრა ეკრანზე გამოჩენა, მაყურებელთან ურთიერთობა.
– თქვენ პირველ ქართულ ტელესერიალში "სახლი ძველ უბანში" მონაწილეობდით, საკმაოდ საინტერესო სახე შექმენით. მერე იყო სერიალი "ძილის წინ"... ახლა ქართულ ტელესივრცეში სერიალების ბუმია და რატომ არსად ჩანხართ?
გოგოლა: თეატრალური ინსტიტუტი დავამთავრე თუ არა, მაშინვე გადავწყვიტე, რომ თეატრის მსახიობი არ ვიქნებოდი. თავიდანვე სერიალებში ვიყავი დაკავებული. მაშინ სერიალში თუ იქნებოდი, თეატრში საქმიანობას ვეღარ შეძლებდი. თეატრში თუ ხარ, თეატრის ცხოვრებით უნდა იცხოვრო, სხვა, შენი პირადი არ უნდა გაგაჩნდეს, ამიტომ ჩემთვის უფრო ადვილი იყო სერიალებში მონაწილეობა. ცხოვრების სხვადასხვა ეტაპზე იყო ფილმების გადაღებები, რომლებიც მერე რატომღაც შენელდა. ბოლოს სერიალში "ნათია და ნათია" მეორეხარისხოვანი როლი მქონდა, მაგრამ ამ სერიალმა ვერ გაამართლა და მალევე დახურეს. მსახიობებს ძალიან ცუდი პროფესია გვაქვს, რადგან ყოველთვის ვიღაცაზე ხარ დამოკიდებული, ვგულისხმობ რეჟისორს. თუ მას გაახსენდები, გადაგიღებენ ფილმში, თუ არა, იქნები უსაქმოდ. მოკლედ, ხანგრძლივი ტაიმაუტი იყო ჩემს კარიერაში და ახლა ტელევიზიისკენ გადმოვიხარე. იმედია, ჩემს გამოჩენაზე არ იტყვიან, ეს ნაფტალინი კიდევ არსებობსო.
– ტელეწამყვანობასაც ხომ არ უმიზნებთ?
გოგოლა: შესაძლებელია, რატომაც არა? არაფერია გამორიცხული, მაგრამ წინასწარ ლაპარაკი არ მიყვარს.
– გოგოლა, ერთი პერიოდი ნანუკა ჟორჟოლიანის შოუში მუშაობდით, მაგრამ "იმედიდან" "რუსთავი 2"–ში რომ გადავიდა, მის გუნდს გამოეთიშეთ. რატომ მოხდა ასე, თქვენ შორის უთანხმოება ხომ არ ყოფილა?
გოგოლა: არანაირი უთანხმოება არ მომსვლია, უბრალოდ ისე მოხდა, რომ მასთან ერთად აღარ ვმუშაობ. რაც შენი არ არის და შენს საქმესთან ახლოს არ დგას, იქ დიდხანს ვერ გაჩერდები. ჩემი ინიციატივით წამოვედი პროექტიდან.
– ნოდიკო, სოლო ალბომს საკუთარი სახსრებით წერთ?
ნოდიკო: დიახ და ეს საკმაოდ ძვირი სიამოვნებაა. ერთ ალბომში მოთავსდება ორი სიდი, ერთში შევა 5 სიმღერა, მეორე დისკზე კი ჩემი ახალი აკუსტიკური პროექტი იქნება. ალბომის გამოშვებას შემოდგომაზე ვგეგმავ, ყველაფერს ვაკეთებ იმისთვის, რომ ჩემი ნამუშევრები განსხვავებული და ორიგინალური გამოვიდეს. სოლო ალბომი მომღერლისთვის ერთგვარი სავიზიტო ბარათია, ეს ჩემი მეორე ალბომი იქნება.
ლანა კიკნაძე, ჟურნალი სარკე
– როგორი რეაქცია გქონდათ, როცა გაიგეთ, რომ პროექტში ერთად იმღერებდით?
გოგოლა: როცა მითხრეს, რომ ნოდიკოსთან ერთად ვიმღერებდი, გულზე მომეშვა, გავთავისუფლდი. ნოდიკოს ბევრი წელია ვიცნობ, კარგი პიროვნებაა, მის პროფესიონალიზმზე კი აღარ ვსაუბრობ, ყველამ კარგად იცის მისი შესაძლებლობები. გამიმართლა, რომ მასთან დამაწყვილეს.
ნოდიკო: გოგოლა, ნუ გამაწითლე!.. მეც ძალიან გამიხარდა, როცა გავიგე, რომ მასთან ერთად უნდა მემღერა. გარდა იმისა, რომ არაჩვეულებრივი ადამიანია, კარგადაც მღერის. ვერ ვიტან არაპუნქტუალურობას, მოუწესრიგებელ ადამიანებს, ზუსტად ვიცოდი, რომ გოგოლა ასეთი არ იყო, მაგრამ ყოველდღიურმა ურთიერთობამ ამაში უფრო დამარწმუნა. მართლაც ზედმეტად მოწესრიგებულია, მე იმდენს ვერ ვმეცადინეობ, რამდენსაც ის. მე ყველაფრის ბოლოსთვის მოტოვება მიყვარს.
გოგოლა: იტყუება! ყველა სიმღერა და ტექსტი ზეპირად იცის, მისი ეს ცოდნა ძალიან მეხმარება.
ნოდიკო: სიმღერას რომ მოგვცემენ, მეორე დღეს მუსიკაში ტექსტი ჩასმული აქვს, ზეპირად იცის და უნდა მოუსმინოთ, როგორ მღერის. გარდა იმისა, რომ არაჩვეულებრივი პიროვნებაა, ძალიან ნიჭიერიც არის.
– როგორც მახსოვს, ერთი დუეტი ადრეც გქონდათ ჩაწერილი.
ნოდიკო: ჩვენი ახლობლობა მას შემდეგ დაიწყო, როცა მაიკო კაჭკაჭიშვილის სიმღერა "აღარ მინდა დაგვიანება" ჩავწერეთ. ეს სიმღერა 3 წლის წინ რადიოებში აქტიურად ტრიალებდა. ჩვენს დუეტს "იუთუბ"–ზე ბევრი ნახვა აქვს. ჩვენი ნაცნობობაც იმ სიმღერაზე მუშაობიდან დაიწყო.
– ვინ იყო დუეტის ჩაწერის ინიციატორი?
გოგოლა: მე ვიყავი. სახლში ჯდომისგან რომ გავგიჟდი და გადავირიე, ვთქვი, უნდა ვიმღერო–მეთქი და ნოდიკოს დავურეკე.
ნოდიკო: გოგოლას პირადად არ ვიცნობდი, მაგრამ მისი მონაწილეობით ქართულ სერიალებს ვუყურებდი და ძალიან მომწონდა. ჩემზე ყოველთვის დადებით შთაბეჭდილებას ახდენდა. რეალურ ცხოვრებაშიც ისეთივე დადებითი, მხიარული პიროვნება აღმოჩნდა, როგორიც ეკრანზე ჩანდა.
გოგოლა: "ჯეოსტარის" პერიოდში ნოდიკო ჩემი ფავორიტი იყო, ყოველთვის განსაკუთრებულად მომწონდა, ამიტომაც გადავწყვიტე, რომ მასთან ერთად დუეტი ჩამეწერა.
– ახალ პროექტში ძლიერი კონკურსანტები არიან. რომელ წყვილს მიიჩნევთ თქვენს უშუალო კონკურენტად?
გოგოლა: მართლაც ძლიერი კონკურენტები გვყავს, ყველა მათგანს ვაფასებ. ჯერ პროექტი არ დაწყებულა, ამიტომ კონკურენცია არ იგრძნობა, სიმშვიდეა, ყველა ბედნიერი და ერთმანეთის მეგობარია, მაგრამ მერე, როცა შოუ დაიწყება, დაპირისპირებებიც იქნება, რაც ძალიან არ მიყვარს. ყველას წარმატება გამიხარდება, თუმცა ჩვენი წარმატებაც ძალიან გამახარებს.
ნოდიკო: ეს არ არის მომღერლების კონკურსი. ადამიანები სხვადასხვა სფეროდან ცდილობენ, მომღერლებთან ერთად ამღერდნენ. მათგან ხშირად მესმის, პირველივე ტურიდან გამოვვარდებიო, მაგრამ პირველ ლაივ კონცერტზე რომ დადგები სცენაზე, მერე ამ სიტყვებს აღარ იტყვი. საკონკურსო ცხოვრება ძალიან კარგად ვიცი, რაც უფრო აქტიურ ფაზაში შედიხარ, მით მეტად იზრდება აზარტი და წინსვლის ჟინი.
– გოგოლა, თქვენ აქამდე კონკურსებში მიგიღიათ მონაწილეობა?
გოგოლა: კონკურსში – არა, მაგრამ პირველად არ ვმღერი. რამდენიმე მუსიკოსთან ერთად მაქვს დუეტი ჩაწერილი, მაგრამ ეს არის პლუს ფონოგრამა. ლაივში კი არასდროს მიმღერია, თუ არ ჩავთვლი იმას, რომ სამივე შვილს ვუმღეროდი იავნანას.
– რას ელოდებით და თავად რისი თქმა გინდათ ამ პროექტში მონაწილეობით?
გოგოლა: კიდევ ერთხელ გამოვჩნდები ეკრანზე, მინდა, გავახსენდე იმ ადამიანებს, ვისაც ვჭირდები. მგონია, რომ სიმღერას ვისწავლი. ნინო გულიაშვილი, ქეთი გაბისიანი, რუსა მორჩილაძე და ნოდიკო ტატიშვილი – ისეთი ხალხის ხელში ვარ, რომ, არ არსებობს, სიმღერა არ ვისწავლო. ეს რომ ვერ შევძლო, მაგარი იდიოტი უნდა ვიყო. ყველანაირად ვცდილობ, ვიყო ხუთოსანი.
ნოდიკო: არ არსებობს სრულყოფილი ადამიანი, პროფესიაში ეტაპობრივად იზრდები. ბავშვობიდან ვმღერი და ყველა ეტაპზე ვხვდები, რომ კიდევ უფრო გავიზარდე. ზუსტად ვიცი, რომ ეს პროექტი გამოცდილებას შემძენს, მიყვარს საკონკურსო ციებ–ცხელება. კონკურსი გაბრძენებს, თავდაჯერებული და მოწესრიგებული ხდები. პროფესიონალად ცხოვრების ბოლომდე ყალიბდები. ასე რომ, გოგოლაზე ნაკლებად არც მე ვნერვიულობ.
– "ორი ვარსკვლავი" რუსული პროექტის ანალოგია, რუსულ არხზე თუ უყურებდით ამ შოუს?
გოგოლა: ეს პროექტი არასდროს მინახავს. როცა აქ დამიძახეს, მერე დავჯექი და ვუყურე. რაღა დაგიმალოთ და, ძალიან მომეწონა.
ნოდიკო: იგივე შემიძლია გითხრათ მეც. ვიცი, რომ რუსეთში თამრიკო გვერდწითელმა გაიმარჯვა. საინტერესო პროექტია და მგონია, რომ საქართველოშიც გაამართლებს.
– ალბათ როლებს გაცვლით – გოგოლა, ნოდიკო სიმღერას გასწავლით, თქვენ სამსახიობო ოსტატობაში ავარჯიშებთ.
გოგოლა: ნოდიკო მსახიობური ნიჭით არის დაჯილდოებული და ჩემი დახმარება არ სჭირდება.
ნოდიკო: არ გეთანხმები, ჩემგან განსხვავებით, პრომოს გადაღება გოგოლასთვის მზესუმზირის კნატუნივით იყო.
გოგოლა: მომღერალს პლასტიკაც უნდა ჰქონდეს და სამსახიობო ნიჭიც. ნოდიკო სწორედ ასეთი მომღერლების კატეგორიაში შედის.
ნოდიკო: ვეხვეწებოდი, ცეკვის გაკვეთილს გავაცდენ–მეთქი, მაგრამ არ დამანება და იძულებით ვიცეკვე.
გოგოლა: მეგონა, ცეკვა საერთოდ არ ეცოდინებოდა, არადა, იცით, როგორ კარგად ცეკვავს? ფანტასტიკურად მოძრაობს, კარგი პლასტიკა აქვს.
ნოდიკო: გოგოლას ისე ვუყვარვარ, ჰგონია, რომ კარგი პლასტიკა მაქვს.
გოგოლა: მენდე – მართლა მაგარი ხარ!
– ნოდიკო, თქვენ რა ასწავლეთ გოგოლას?
ნოდიკო: გოგოლასთვის ერთხელ თქმა საკმარისია, ყველაფერს ზუსტად აკეთებს. თურმე სახლშიც ყურსასმენით დადის და იმ სიმღერას უსმენს, რომელზეც ვმუშაობთ. კარგი სმენა აქვს. თვითკრიტიკულია და ნერვიულობს.
გოგოლა: სიმღერის დროს სულ მგონია, რომ მეშლება. ოჯახის წევრები სახლში ყურსასმენებით რომ მხედავენ, უკვე აპროტესტებენ.
– გოგოლა, ალბათ დღის რეჟიმიც შეგეცვალათ და ოჯახის წევრებს ეს არ მოსწონთ.
გოგოლა: დღეს კარგად ვგეგმავ, საკონკურსო ცხოვრებას ფაქტობრივად მთელი დრო მიაქვს, მაგრამ ყველაფერს ისე ვაწყობ, რომ არაფერი დავაზიანო. უფროსი შვილი, ელენე, თავში ხელებს ირტყამს და მეკითხება, კიდევ რამდენი თვე დარჩა, ასეთ მდგომარეობაში რომ უნდა გიყუროო. ქმარი მეუბნება, როდის მორჩება პროექტიო. მე კიდევ ვაიმედებ, შეიძლება ჩემთვის ერთ კვირაში დასრულდეს–მეთქი. ჩემი ბიჭი სულ მეხვეწება, აღარ იმღეროო. სახლში არ მაქვს ჩემი კუთხე, რომ ჩემთვის ისე ვიმღერო, არავინ გაიგონოს ჩემი ხმა. ამიტომ, როცა ყველა იძინებს, ღამის 2 საათზე სამზარეულოში ვჯდები და საკუთარ თავზე ვმუშაობ.
– ნოდიკო, თქვენც ამ დღეში ხართ?
ნოდიკო: სახლში საერთოდ აღარ ვმღერი, დედამაც რომ მთხოვოს, ალბათ არ ვიმღერებ. ამ პროექტის გამო მთელი დღე ვმღერი, გარდა ამისა, ახალ ალბომსაც ვწერ, ასე რომ, შინ დაბრუნებულს სიმღერის ენერგია აღარ მაქვს.
– ნოდიკო, თქვენი შეყვარებულიც ნერვიულობს და გგულშემატკივრობთ?
ნოდიკო: ჩემს შეყვარებულზე ისე აქტიურად ლაპარაკობენ, მგონი, ვშორდებით... (იცინის). რასაკვირველია, მიგულშემატკივრებს.
– კონკურსში იღბალიც საჭიროა. როგორ ფიქრობთ, იღბლიანები ხართ?
გოგოლა: გოგოლა იყო კალანდაძე, ეს უკვე იღბალია! თუ მოგებას გულისხმობთ, ამ მხრივ ვერ დავიკვეხნი.
ნოდიკო: ვთვლი, რომ მეც და გოგოლაც იღბლიანები ვართ. კონკურსებშიც ძალიან მიმართლებს, ბევრი გრან პრი და მოწინავე ადგილები მაქვს მიღებული. რომელიმე კონკურსში რომ ლაურეატი არ გავმხდარიყავი, ვერც საკუთარ თავს ვაპატიებდი და ვერც ჟიურის.
გოგოლა: ამ პროექტშიც შენი იმედი მაქვს.
– გოგოლა, ხანგრძლივი ტაიმაუტი გამოგივიდათ, არსად ჩანდით. რა აკეთებდით ამ პერიოდში?
გოგოლა: სამი შვილი მყავს და ეს პერიოდი ოჯახური ცხოვრებით ვიყავი დაკავებული. ახლა ბავშვები წამოიზარდნენ და აღარ ვაპირებ უმოქმედობას. ტაიმაუტი საშინელებაა, მიჩვეული რომ ხარ აქტიურ ცხოვრებას, რთულია უსაქმოდ ყოფნა. ამიტომაც დავთანხმდი ამ პროექტში მონაწილეობას, მომენატრა ეკრანზე გამოჩენა, მაყურებელთან ურთიერთობა.
– თქვენ პირველ ქართულ ტელესერიალში "სახლი ძველ უბანში" მონაწილეობდით, საკმაოდ საინტერესო სახე შექმენით. მერე იყო სერიალი "ძილის წინ"... ახლა ქართულ ტელესივრცეში სერიალების ბუმია და რატომ არსად ჩანხართ?
გოგოლა: თეატრალური ინსტიტუტი დავამთავრე თუ არა, მაშინვე გადავწყვიტე, რომ თეატრის მსახიობი არ ვიქნებოდი. თავიდანვე სერიალებში ვიყავი დაკავებული. მაშინ სერიალში თუ იქნებოდი, თეატრში საქმიანობას ვეღარ შეძლებდი. თეატრში თუ ხარ, თეატრის ცხოვრებით უნდა იცხოვრო, სხვა, შენი პირადი არ უნდა გაგაჩნდეს, ამიტომ ჩემთვის უფრო ადვილი იყო სერიალებში მონაწილეობა. ცხოვრების სხვადასხვა ეტაპზე იყო ფილმების გადაღებები, რომლებიც მერე რატომღაც შენელდა. ბოლოს სერიალში "ნათია და ნათია" მეორეხარისხოვანი როლი მქონდა, მაგრამ ამ სერიალმა ვერ გაამართლა და მალევე დახურეს. მსახიობებს ძალიან ცუდი პროფესია გვაქვს, რადგან ყოველთვის ვიღაცაზე ხარ დამოკიდებული, ვგულისხმობ რეჟისორს. თუ მას გაახსენდები, გადაგიღებენ ფილმში, თუ არა, იქნები უსაქმოდ. მოკლედ, ხანგრძლივი ტაიმაუტი იყო ჩემს კარიერაში და ახლა ტელევიზიისკენ გადმოვიხარე. იმედია, ჩემს გამოჩენაზე არ იტყვიან, ეს ნაფტალინი კიდევ არსებობსო.
– ტელეწამყვანობასაც ხომ არ უმიზნებთ?
გოგოლა: შესაძლებელია, რატომაც არა? არაფერია გამორიცხული, მაგრამ წინასწარ ლაპარაკი არ მიყვარს.
– გოგოლა, ერთი პერიოდი ნანუკა ჟორჟოლიანის შოუში მუშაობდით, მაგრამ "იმედიდან" "რუსთავი 2"–ში რომ გადავიდა, მის გუნდს გამოეთიშეთ. რატომ მოხდა ასე, თქვენ შორის უთანხმოება ხომ არ ყოფილა?
გოგოლა: არანაირი უთანხმოება არ მომსვლია, უბრალოდ ისე მოხდა, რომ მასთან ერთად აღარ ვმუშაობ. რაც შენი არ არის და შენს საქმესთან ახლოს არ დგას, იქ დიდხანს ვერ გაჩერდები. ჩემი ინიციატივით წამოვედი პროექტიდან.
– ნოდიკო, სოლო ალბომს საკუთარი სახსრებით წერთ?
ნოდიკო: დიახ და ეს საკმაოდ ძვირი სიამოვნებაა. ერთ ალბომში მოთავსდება ორი სიდი, ერთში შევა 5 სიმღერა, მეორე დისკზე კი ჩემი ახალი აკუსტიკური პროექტი იქნება. ალბომის გამოშვებას შემოდგომაზე ვგეგმავ, ყველაფერს ვაკეთებ იმისთვის, რომ ჩემი ნამუშევრები განსხვავებული და ორიგინალური გამოვიდეს. სოლო ალბომი მომღერლისთვის ერთგვარი სავიზიტო ბარათია, ეს ჩემი მეორე ალბომი იქნება.
ლანა კიკნაძე, ჟურნალი სარკე
