”მთელ სოფელში ყველაზე ლამაზი გოგო იყო... იმ ბიჭს, ვისაც ურიგებდნენ, ბევრად სჯობდა” - იძულებით ქორწინებას 17 წლის გოგონამ სიკვდილი არჩია
2 319 ნახვა
"მამამისი ყოველდღე ურეკავდა თურმე ყაზახეთიდან ცოლს - გოგო მოამზადე, უნდა გავათხოვოთო... ეს გოგო გიჟდებოდა, არ მინდა გათხოვება, არც მაგ ბიჭის ცოლობაო. მამა კიდევ ამბობდა, თუ არ წაყვება, მაგასაც ვნახავ, რომ ჩამოვალო...”
"ჰილზები გოგომ თავად იყიდა და თოფში ჩადო, მერე გულზე მიიჭირა და გაისროლა... უზარმაზარი ჭრილობა აქვს გულზე... საქმრო რა, საქმროს ცოლიც ეყოლება, შვილებიც და კარგადაც იქნება..."
საქართველოში ახალგაზრდების თვითმკვლელობები გახშირდა - ოფიციალური სტატისტიკით თვეში საშუალოდ 2 ახალგაზრდა იკლავს თავს, არაოფიციალური სტატისტიკითკი ეს რიცხვი ბევრად მეტია. 17 წლის ზამირა ბახტარიევამ სიცოცხლე მამის სანდირო თოფით მოისწრაფა. ზამირა თელავის მუნიციპალიტეტის სოფელ ყარაჯალის სკოლის მოსწავლე იყო. შარშან ასეთივე მეთოდით მოიკლა თავი ამავე სკოლის მოსწავლე გოგონამ და რაც ყველაზე შემაძრწუნებელია, მიზეზიც იგივე იყო - ტრადიციების თანახმად, მასაც მამის სურვილით, სკოლაშივე და იმ ადამიანზე ათხოვებდნენ, რომლის გვერდით ყოფნას სიკვდილი არჩისა. სოფლელთა უმრავლესობა შარშანდელივით შოკშია...
მ. ს; ზამირას თანასოფლელი:
- ძალიან გვიჭირს მაგ საწყალ გოგოზე ლაპარაკი. მთელ სოფელში ყველაზე ლამაზი გოგო იყო. შეხედულადაც გამოირჩეოდა. ქერა, გრძელი თმები ჰქონდა. იმ ბიჭს, ვისაც ურიგებდნენ, ბევრად სჯობდა, თანაც კარგად სწავლობდა. ამიტომაც არ უნდოდა ადრე გათხოვება, არადა, მამა აძალებდა.
- შარშანაც იმიტომ მოიკლა თქვენს სოფელში გოგონამ თავი, რომ ნაადრევად ათხოვებდნენ. ნუთუ ამ მაგალითმა არ იკმარა, რომ თქვენი მოსახლეობა ამ ადათ-წესზე დაფიქრებულიყო?!
- ეს ადათ-წესები ჩვენ უკვე დავიწყებული გვქონდა, - ასე, 30 წლის წინ რომ ვინმე ასე მოქცეოდა შვილს, დაიჭერდნენ, მაგრამ ახლა ამისთვის აღარ იჭერენ. ამიტომ ბოლო წლებში ისევ შემოვიდა.
- რეალურად როგორ მოხდა ყველაფერი?
- ამ გოგოს მამა ოჯახიდან წასული იყო, ყაზახეთში დადიოდა სამუშაოზე, ერთ ჩვენს სოფლელ კაცთან ერთად. იმ კაცს ბიჭი ჰყავს, ისც სკოლის მოსწავლეა, ერთი წლით არის უფროსი გოგოზე. მაგათ მოილაპარაკეს ყაზახეთში და იქ გადაწყვიტეს, შვილები დაექორწინებინათ. ბიჭის მამას ასე უთქვამს, - ლამაზი შვილი გყავს, ჩემს ბიჭს მოსწონს და მოდი, დავაქორწინოთო.
- კი მაგრამ, იმ ბიჭს ენა არ ჰქონდა, თუ ასე მოსწონდა, თვითონ დალაპარაკებოდა და იქნებ გოგოსაც შეყვარებოდა!
- ეგ არ მოხდებოდა, ის ბიჭი გოგოს შესაფერისი არ არის. ხმასაც არ გასცემდა. ეგ გოგო ძალიან ლამაზი და ჭკვიანი იყო. თანაც თავმოყვარეც - მამა რომ ასე აძალებდა გათხოვებას, ოჯახს გარეთ არავინ ვიცოდით. მამამისი კი ყოველდღე ურეკავდა თურმე ყაზახეთიდან ცოლს, - გოგო მოამზადე, უნდა გავათხოვოთო. დედა რომ ამას ეუბნებოდა, ეს გოგო გიჟდებოდა, - არ მინდა გათხოვება, არც მაგ ბიჭის ცოლობაო. მამამისი კიდევ ამბობდა, თუ არ წაყვება, მაგასაც ვნახავ, რომ ჩამოვალო.
- მერე?!
- დედ-მამა ნათესავის ორმოცზე წავიდა. ეს გოგო სკოლიდან წამოვიდა, სახლში შევიდა, აიღო მამამისის სანადირო თოფი და თავი მოიკლა.
-თოფი სახლში დატენილი ინახებოდა?
- არა, ჰილზები გოგომ თავად იყიდა და თოფში ჩადო, მერე გულზე მიიჭირა და გაისროლა... უზარმაზარი ჭრილობა აქვს გულზე... ახლა მთელ ჩვენს სოფელში მაგის ტოლი გოგოები და ბიჭები ძალიან ნერვიულობენ. ამ გოგოს სიკვდილს ხომ განიცდიან, თანაც თუ ასე გაგრძელდა, კიდევ ბევრი მოიკლავს თავს.
- მამას თუ შეატყობინეს შვილის სიკვდილი და თუ ჩამოვიდა?
- მაგის ჩამოსვლა რაღა აზრი აქვს, გინდ ჩამოსულა, გინდ არა. ისე ჩამოვიდა. აქ ხალხს მისი დანახვაც არ უნდა.
- ყოფილი საქმრო რას ამბობს?
- რა უნდა თქვას! ასეთი ამბავი რომ მოხდება, ვინ ამბობს, - ჩემი ბრალიაო. შეიძლება, მამამ ძალიან მალე შერთოს ცოლი. შვილებიც ეყოლება და კარგადაც იქნება. ის საწყალი გოგოა ცოდო.
ეთერ ერაძე
"ჰილზები გოგომ თავად იყიდა და თოფში ჩადო, მერე გულზე მიიჭირა და გაისროლა... უზარმაზარი ჭრილობა აქვს გულზე... საქმრო რა, საქმროს ცოლიც ეყოლება, შვილებიც და კარგადაც იქნება..."
საქართველოში ახალგაზრდების თვითმკვლელობები გახშირდა - ოფიციალური სტატისტიკით თვეში საშუალოდ 2 ახალგაზრდა იკლავს თავს, არაოფიციალური სტატისტიკითკი ეს რიცხვი ბევრად მეტია. 17 წლის ზამირა ბახტარიევამ სიცოცხლე მამის სანდირო თოფით მოისწრაფა. ზამირა თელავის მუნიციპალიტეტის სოფელ ყარაჯალის სკოლის მოსწავლე იყო. შარშან ასეთივე მეთოდით მოიკლა თავი ამავე სკოლის მოსწავლე გოგონამ და რაც ყველაზე შემაძრწუნებელია, მიზეზიც იგივე იყო - ტრადიციების თანახმად, მასაც მამის სურვილით, სკოლაშივე და იმ ადამიანზე ათხოვებდნენ, რომლის გვერდით ყოფნას სიკვდილი არჩისა. სოფლელთა უმრავლესობა შარშანდელივით შოკშია...
მ. ს; ზამირას თანასოფლელი:
- ძალიან გვიჭირს მაგ საწყალ გოგოზე ლაპარაკი. მთელ სოფელში ყველაზე ლამაზი გოგო იყო. შეხედულადაც გამოირჩეოდა. ქერა, გრძელი თმები ჰქონდა. იმ ბიჭს, ვისაც ურიგებდნენ, ბევრად სჯობდა, თანაც კარგად სწავლობდა. ამიტომაც არ უნდოდა ადრე გათხოვება, არადა, მამა აძალებდა.
- შარშანაც იმიტომ მოიკლა თქვენს სოფელში გოგონამ თავი, რომ ნაადრევად ათხოვებდნენ. ნუთუ ამ მაგალითმა არ იკმარა, რომ თქვენი მოსახლეობა ამ ადათ-წესზე დაფიქრებულიყო?!
- ეს ადათ-წესები ჩვენ უკვე დავიწყებული გვქონდა, - ასე, 30 წლის წინ რომ ვინმე ასე მოქცეოდა შვილს, დაიჭერდნენ, მაგრამ ახლა ამისთვის აღარ იჭერენ. ამიტომ ბოლო წლებში ისევ შემოვიდა.
- რეალურად როგორ მოხდა ყველაფერი?
- ამ გოგოს მამა ოჯახიდან წასული იყო, ყაზახეთში დადიოდა სამუშაოზე, ერთ ჩვენს სოფლელ კაცთან ერთად. იმ კაცს ბიჭი ჰყავს, ისც სკოლის მოსწავლეა, ერთი წლით არის უფროსი გოგოზე. მაგათ მოილაპარაკეს ყაზახეთში და იქ გადაწყვიტეს, შვილები დაექორწინებინათ. ბიჭის მამას ასე უთქვამს, - ლამაზი შვილი გყავს, ჩემს ბიჭს მოსწონს და მოდი, დავაქორწინოთო.
- კი მაგრამ, იმ ბიჭს ენა არ ჰქონდა, თუ ასე მოსწონდა, თვითონ დალაპარაკებოდა და იქნებ გოგოსაც შეყვარებოდა!
- ეგ არ მოხდებოდა, ის ბიჭი გოგოს შესაფერისი არ არის. ხმასაც არ გასცემდა. ეგ გოგო ძალიან ლამაზი და ჭკვიანი იყო. თანაც თავმოყვარეც - მამა რომ ასე აძალებდა გათხოვებას, ოჯახს გარეთ არავინ ვიცოდით. მამამისი კი ყოველდღე ურეკავდა თურმე ყაზახეთიდან ცოლს, - გოგო მოამზადე, უნდა გავათხოვოთო. დედა რომ ამას ეუბნებოდა, ეს გოგო გიჟდებოდა, - არ მინდა გათხოვება, არც მაგ ბიჭის ცოლობაო. მამამისი კიდევ ამბობდა, თუ არ წაყვება, მაგასაც ვნახავ, რომ ჩამოვალო.
- მერე?!
- დედ-მამა ნათესავის ორმოცზე წავიდა. ეს გოგო სკოლიდან წამოვიდა, სახლში შევიდა, აიღო მამამისის სანადირო თოფი და თავი მოიკლა.
-თოფი სახლში დატენილი ინახებოდა?
- არა, ჰილზები გოგომ თავად იყიდა და თოფში ჩადო, მერე გულზე მიიჭირა და გაისროლა... უზარმაზარი ჭრილობა აქვს გულზე... ახლა მთელ ჩვენს სოფელში მაგის ტოლი გოგოები და ბიჭები ძალიან ნერვიულობენ. ამ გოგოს სიკვდილს ხომ განიცდიან, თანაც თუ ასე გაგრძელდა, კიდევ ბევრი მოიკლავს თავს.
- მამას თუ შეატყობინეს შვილის სიკვდილი და თუ ჩამოვიდა?
- მაგის ჩამოსვლა რაღა აზრი აქვს, გინდ ჩამოსულა, გინდ არა. ისე ჩამოვიდა. აქ ხალხს მისი დანახვაც არ უნდა.
- ყოფილი საქმრო რას ამბობს?
- რა უნდა თქვას! ასეთი ამბავი რომ მოხდება, ვინ ამბობს, - ჩემი ბრალიაო. შეიძლება, მამამ ძალიან მალე შერთოს ცოლი. შვილებიც ეყოლება და კარგადაც იქნება. ის საწყალი გოგოა ცოდო.
ეთერ ერაძე
