ქალის სექსუალურ ტემპერამენტს მისი სიარულის მანერა განსაზღვრავს

ბელგიელი სექსოლოგები ამტკიცებენ, რომ ქალის სექსუალურ ტემპერამენტსა და სექსის დროს პიკის მიღწევის უნარს მისი სიარულის მანერა განსაზღვრავს. კვლევის შედეგები ჟურნალ Sexual Medicine-ში გამოქვეყნდა.

"რაც უფრო ხშირად აღწევს ქალი ორგაზმს, მით თავისუფალი და ენერგიულია მისი სიარულის მანერა", - ირწმუნებიან ბელგიელი მეცნიერები. - აი, შებოჭილი, დაძაბული სიარული, პირიქით, იმაზე მეტყველებს, რომ ქალი საძინებელშიც შებოჭილია".

ექსპერიმენტი, რომელიც ბელგიაში ჩატარდა, ორი ნაწილისგან შედგებოდა. თავდაპირველად ქალების ჯგუფს სთხოვეს, შეევსოთ ანკეტა მათ სექსუალურ ქცევებზე. შემდეგ მათ აკვირდებოდნენ სეირნობისას.

ამის შემდეგ სექსოლოგიის ორმა პროფესორმა და ორმა მეცნიერ-მუშაკმა, რომლებიც არანაირ ინფორმაციას არ ფლობდნენ საცდელი ობიექტების სექსუალურობაზე, გააანალიზეს მათი სიარულის მანერა.

დასკვნა კი შემდეგი იყო: ქალებს, რომლებიც განიცდიდნენ ვაგინალურ ორგაზმს, თავისუფალი, ჰაეროვანი და მგრძნობიარე სიარულის მანერა ჰქონდათ.

ასევე დადგინდა, რომ ქალებს, რომლებიც ხშირად განიცდიან ორგაზმს, მაღალი თვითშეფასება და ცხოვრების მიმართ პოზიტიური დამოკიდებულება აქვთ.