შარლატანობაში ბრალდებული იტალიელი დირიჟორის პასუხი მზია ნიორაძეს
1 585 ნახვა
21 მარტს ambebi.ge-ზე გამოქვეყნდა გაზეთ "ალიაში" დაბეჭდილი სტატია, სათაურით: "რატომ ითხოვს თბილისის ოპერის იტალიელი დირიჟორი პირად დაცვას?". სტატიაში ქართველი მეცო სოპრანო, მზია ნიორაძე ოპერის მთავარ დირიჟორ, ჯანლუკა მარჩანოს შარლატანობაში ადანაშაულებს. სტატიის გამოქვეყნების შემდეგ ambebi.ge-ს ჯანლუკა მარჩანოს წარმომადგენელი დაუკავშირდა. უცვლელად გთავაზობთ ჯანლუკა მარჩანოს წერილს, სადაც დირიჟორი მისი მისამართით გამოთქმულ ყველა ბრალდებას პასუხობს.
"ძვირფასო მკითხველებო,
მსურს საჯაროდ ვუპასუხო ჩემს მიმართ გამოთქმულ იმ საფუძველს მოკლებულ და ცრუ ბრალდებებს, რომელიც დღეს მე ამ გამოცემაში (ალია N43 21-24.03.2014) წავიკითხე.
დავიწყებ ჩემი ანაზღაურებით, რომელიც მაქვს საქართველოში ჩამოსვლის შემდეგ. ოთხი წლის წინ თანხმობა განვაცხადე 4 000 ლარზე. ეს თანხა ერთი წლის შემდეგ შემცირდა 3 000 ლარამდე და ამჟამად შეადგენს 2 240 ლარს. როდესაც საქართველოში ჩამოვედი, თბილისის ოპერის თეატრის მმართველის შემოთავაზება მოიცავდა საცხოვრებლით უზრუნველყოფას და ავტომობილს მძღოლით (ავტომანქანა, ძველი თეთრი Ford Scorpio მძღოლს ეკუთვნოდა). ბატონი გიორგი ჟორდანიას მოსვლის შემდეგ მძღოლი (ორი შვილითა და საბანკო კრედიტებით) დაითხოვეს სამსახურიდან. გადავწყვიტე, პირადად გადამეხადა მისთვის ხელფასი და საწვავის ღირებულება, მაშინაც კი, როცა მე თბილისში არ ვიმყოფები. პირველ რიგში იმიტომ, რომ მას უწინარესად ჩემს მეგობრად მივიჩნევ, მეორეს მხრივ, გამაოგნა მისი ამ სახით სამსახურიდან დათხოვნამ, ორი თვით ადრე შეტყობინების გარეშე.
მე დავთანხმდი, გადავსულიყავი სხვა ბინაში, რადგან ბინა, რომელშიც მე ვცხოვრობდი, ძალიან ძვირი იყო ოპერისთვის (ეს იყო ერთოთახიანი ბინა და არა პენტჰაუსი). ბინა თავადვე ვიპოვე, ნახევარ ფასად. მე ვიხდი საქართველოში ჩამოსვლისას ყველა მგზავრობის საფასურს, მიუხედავად იმისა, რომ 2010 წლის შეთანხმება გულისხმობდა წლის მანძილზე ორი მიმოსვლის ანაზღაურებას.
სიცრუეთა სიას რომ მივყვეთ, მასში აღნიშნულია, რომ მე მოვითხოვე პირადი დაცვა. ეს კი არის აბსოლუტური ტყუილი. როცა ეს წავიკითხე, ბევრი ვიცინე, მაგრამ გულწრფელად გეტყვით, საერთოდ აღარ მეცინება, რადგან საუბარია ჩემს იმიჯსა და ღირსებაზე. ძალიან საშიშ ქვეყნებში ყოფნის დროსაც კი არ დამჭირვებია პირადი დაცვა, რისთვის მოვინდომებდი მას საქართველოში, რომელსაც ჩემს მეორე სამშობლოდ ვთვლი?
ყველაზე დიდი ტყუილი ჩემთვის წარმოდგენილ ბრალდებებს შორის, არის ჩემი გრძნობების ნიველირება ქართველების და საქართველოს მიმართ. ვინაიდან ეს არის ძალიან პირადული თემა, არ ჩამითვლია საჭიროდ, გამომეცხადებინა, რომ მართლმადიდებლურად მოვინათლე ლურჯ მონასტერში. ახლა ამას ვაცხადებ, რომ ყველასთვის ცნობილი გახდეს, თუ რა ძლიერ მიყვარს ეს ქვეყანა და მისი ტრადიციები.
სახლში მაქვს "აბესალომ და ეთერის" სრული პარტიტურა, ოპერისა, რომელსაც საქართველოში ჩამოსვლის დღიდან ვსწავლობ და რომლის დირიჟორობაზეც ვოცნებობ. ბევრჯერ გამომიხატავს ჩემი სიყვარული ქართული საოპერო რეპერტუარისადმი და მიდირიჟორია. არამარტო ქართული ოპერა მიყვარს, არამედ ქართული ფოლკლორული სიმღერები, პოეზია, ისტორია და ამის შესახებ არაერთხელ აღმინიშნავს საჯაროდ, საზღვარგარეთაც კი, სხვადასხვა მუსიკალურ გამოცემებში ინტერვიუებისას, მაგალითად მოვიყვან გამოცემას "Opera Now".
ჩემი ყველაზე ახლო მეგობრები ქართველები არიან. ზოგიერთი მათგანი ჩემი ოჯახის წევრივითაა, ჩემი მშობლები საქართველოში ცხოვრობენ ჩემთან ერთად.
მივყვეთ ბრალდებებს, სადაც აღნიშნულია, რომ თბილისის ოპერის
თეატრი წავიყვანე სასტუმროს მისაღებში დასაკრავად. ეს რა თქმა უნდა, ტყუილია. როგორც ჩანს, ქალბატონი, რომელიც ამაზე საუბრობდა, ალ ბუსტანის ფესტივალს გულისხმობდა. ამ შემთხვევაში, შეგახსენებთ, რომ ეს ფესტივალი 21 წელია ითვლება ერთ-ერთ ყველაზე პრესტიჟულ საერთაშორისო მუსიკალურ ფესტივალად მსოფლიოში და "არაბი ქალი" არის ქალბატონი მირნა ბუსტანი - პირველი პარლამენტარი ქალი ლიბანში, რომელიც დაჯილდოებულია ხელოვნების მენეჯერთა საერთაშორისო ასოციაციის IAMA-ს მიერ, მისი მიღწევების და კლასიკურ მუსიკაში შეტანილი წვლილის გამო.
ალ ბუსტანის ფესტივალში მონაწილეობდნენ გიდონ კრემერი, ჯოზეფ კალეია, ბორის ბერეზოვსკი, გოტიე კეპიუკონი, ემანუელ პაჰუდი, ერმონელა ჯაჰუ, სერგეი კრილოვი და კლასიკური მუსიკალური სამყაროს ბევრი სხვა ვარსკვლავი - ამ ინფორმაციის ნახვა შეგიძლიათ ვებ-გვერდზე www.albustanfestival.com. თბილისის სახელმწიფო ოპერის ორკესტრი წარსდგა ალ ბუსტანის აუდიტორიის წინაშე წმ. ჟოზეფის ეკლესიაში.
ახლა კი იმის შესახებ, ვინ ვარ მე. გაიჟღერა, რომ არავინ იცის ჩემს შესახებ. დაუკავშირდით ინგლისის კამერულ ორკესტრს, ოვიედოს ფილარმონიასა და ოვიედოს ოპერას, ინგლისის ნაციონალურ ოპერას, გრეინჯ პარკ ფესტივალს, ბორნმუტის სიმფონიურ ორკესტრს, BBC-ს საკონცერტო ორკესტრს, ლიტვის ნაციონალურ ოპერას, როსტროპოვიჩის ფონდს, მოსკოვის რუსულ ფილარმონიულ ორკესტრს, პეკინის სიმფონიურ ორკესტრს, ხორვატიის ნაციონალურ ოპერას, ნოვი სადის ოპერას, ჯორჯ ენესკუს ფილარმონიულს, პრაღის სახელმწიფო ოპერას და ა.შ. ჩემს შესახებ ყველაფერი შეგიძლიათ წაიკითხოთ ჩემს ვებ-გვერდზე, ასევე, ჩამოთვლილ ინსტიტუტთაგან უმრავლეს შემთხვევაში, მე ვმუშაობდი საქართველოში ჩამოსვლამდე. ჩემს შესახებ რევიუები გამოცემებში "The Times", "The Independent", " The Financial Times" და სხვა მუსიკალურ ჟურნალებში, მსგავსად ჟურნალისა "Opera", დათარიღებულია ჩემს საქართველოში ჩამოსვლამდე თარიღით. ეს იმისთვის, რომ ნათელი გახდეს ყველაფერი.
და ბოლოს, საკმაოდ მნიშვნელოვანი საკითხი: არასოდეს დავმუქრებივარ საქართველოს კულტურის სამინისტროს და ყველა ჩემი მოთხოვნა მხოლოდ ოპერის თეატრს შეეხებოდა და არა პირადად მე. მე არ მაქვს ბერკეტი, დავემუქრო კულტურის მინისტრს, ამასთან, არც მუქარა მიყვარს და არც ის, როცა მემუქრებიან. საქართველოში ვინც კარგად მიცნობს, დამემოწმება, რომ აღნიშნული სტატიის შემდეგ მიღებული შესანიშნავი მხარდაჭერის გზავნილებით ძალიან ბედნიერი ვარ.
გარწმუნებთ, რომ ქალბატონი მზია ნიორაძე, რომელმაც facebook-ზე შემაქო "ბედის ძალის" შესრულების შემდეგ და ახლა ამბობს, რომ ჯოხს სულელივით ვიქნევ, საჯაროდ მოიხდის ბოდიშს ამ წერილში დაფიქსირებული ტყუილებისათვის. თუ ის საჯაროდ ბოდიშს არ მოიხდის, მისგან ჩემი პატივის და ღირსების შელახვისათვის მივმართავ სასამართლოს.
ღრმა პატივისცემით,
ჯანლუკა მარჩანო", - აღნიშნულია წერილში.
"ძვირფასო მკითხველებო,
მსურს საჯაროდ ვუპასუხო ჩემს მიმართ გამოთქმულ იმ საფუძველს მოკლებულ და ცრუ ბრალდებებს, რომელიც დღეს მე ამ გამოცემაში (ალია N43 21-24.03.2014) წავიკითხე.
დავიწყებ ჩემი ანაზღაურებით, რომელიც მაქვს საქართველოში ჩამოსვლის შემდეგ. ოთხი წლის წინ თანხმობა განვაცხადე 4 000 ლარზე. ეს თანხა ერთი წლის შემდეგ შემცირდა 3 000 ლარამდე და ამჟამად შეადგენს 2 240 ლარს. როდესაც საქართველოში ჩამოვედი, თბილისის ოპერის თეატრის მმართველის შემოთავაზება მოიცავდა საცხოვრებლით უზრუნველყოფას და ავტომობილს მძღოლით (ავტომანქანა, ძველი თეთრი Ford Scorpio მძღოლს ეკუთვნოდა). ბატონი გიორგი ჟორდანიას მოსვლის შემდეგ მძღოლი (ორი შვილითა და საბანკო კრედიტებით) დაითხოვეს სამსახურიდან. გადავწყვიტე, პირადად გადამეხადა მისთვის ხელფასი და საწვავის ღირებულება, მაშინაც კი, როცა მე თბილისში არ ვიმყოფები. პირველ რიგში იმიტომ, რომ მას უწინარესად ჩემს მეგობრად მივიჩნევ, მეორეს მხრივ, გამაოგნა მისი ამ სახით სამსახურიდან დათხოვნამ, ორი თვით ადრე შეტყობინების გარეშე.
მე დავთანხმდი, გადავსულიყავი სხვა ბინაში, რადგან ბინა, რომელშიც მე ვცხოვრობდი, ძალიან ძვირი იყო ოპერისთვის (ეს იყო ერთოთახიანი ბინა და არა პენტჰაუსი). ბინა თავადვე ვიპოვე, ნახევარ ფასად. მე ვიხდი საქართველოში ჩამოსვლისას ყველა მგზავრობის საფასურს, მიუხედავად იმისა, რომ 2010 წლის შეთანხმება გულისხმობდა წლის მანძილზე ორი მიმოსვლის ანაზღაურებას.
სიცრუეთა სიას რომ მივყვეთ, მასში აღნიშნულია, რომ მე მოვითხოვე პირადი დაცვა. ეს კი არის აბსოლუტური ტყუილი. როცა ეს წავიკითხე, ბევრი ვიცინე, მაგრამ გულწრფელად გეტყვით, საერთოდ აღარ მეცინება, რადგან საუბარია ჩემს იმიჯსა და ღირსებაზე. ძალიან საშიშ ქვეყნებში ყოფნის დროსაც კი არ დამჭირვებია პირადი დაცვა, რისთვის მოვინდომებდი მას საქართველოში, რომელსაც ჩემს მეორე სამშობლოდ ვთვლი?
ყველაზე დიდი ტყუილი ჩემთვის წარმოდგენილ ბრალდებებს შორის, არის ჩემი გრძნობების ნიველირება ქართველების და საქართველოს მიმართ. ვინაიდან ეს არის ძალიან პირადული თემა, არ ჩამითვლია საჭიროდ, გამომეცხადებინა, რომ მართლმადიდებლურად მოვინათლე ლურჯ მონასტერში. ახლა ამას ვაცხადებ, რომ ყველასთვის ცნობილი გახდეს, თუ რა ძლიერ მიყვარს ეს ქვეყანა და მისი ტრადიციები.
სახლში მაქვს "აბესალომ და ეთერის" სრული პარტიტურა, ოპერისა, რომელსაც საქართველოში ჩამოსვლის დღიდან ვსწავლობ და რომლის დირიჟორობაზეც ვოცნებობ. ბევრჯერ გამომიხატავს ჩემი სიყვარული ქართული საოპერო რეპერტუარისადმი და მიდირიჟორია. არამარტო ქართული ოპერა მიყვარს, არამედ ქართული ფოლკლორული სიმღერები, პოეზია, ისტორია და ამის შესახებ არაერთხელ აღმინიშნავს საჯაროდ, საზღვარგარეთაც კი, სხვადასხვა მუსიკალურ გამოცემებში ინტერვიუებისას, მაგალითად მოვიყვან გამოცემას "Opera Now".
ჩემი ყველაზე ახლო მეგობრები ქართველები არიან. ზოგიერთი მათგანი ჩემი ოჯახის წევრივითაა, ჩემი მშობლები საქართველოში ცხოვრობენ ჩემთან ერთად.
მივყვეთ ბრალდებებს, სადაც აღნიშნულია, რომ თბილისის ოპერის
თეატრი წავიყვანე სასტუმროს მისაღებში დასაკრავად. ეს რა თქმა უნდა, ტყუილია. როგორც ჩანს, ქალბატონი, რომელიც ამაზე საუბრობდა, ალ ბუსტანის ფესტივალს გულისხმობდა. ამ შემთხვევაში, შეგახსენებთ, რომ ეს ფესტივალი 21 წელია ითვლება ერთ-ერთ ყველაზე პრესტიჟულ საერთაშორისო მუსიკალურ ფესტივალად მსოფლიოში და "არაბი ქალი" არის ქალბატონი მირნა ბუსტანი - პირველი პარლამენტარი ქალი ლიბანში, რომელიც დაჯილდოებულია ხელოვნების მენეჯერთა საერთაშორისო ასოციაციის IAMA-ს მიერ, მისი მიღწევების და კლასიკურ მუსიკაში შეტანილი წვლილის გამო.
ალ ბუსტანის ფესტივალში მონაწილეობდნენ გიდონ კრემერი, ჯოზეფ კალეია, ბორის ბერეზოვსკი, გოტიე კეპიუკონი, ემანუელ პაჰუდი, ერმონელა ჯაჰუ, სერგეი კრილოვი და კლასიკური მუსიკალური სამყაროს ბევრი სხვა ვარსკვლავი - ამ ინფორმაციის ნახვა შეგიძლიათ ვებ-გვერდზე www.albustanfestival.com. თბილისის სახელმწიფო ოპერის ორკესტრი წარსდგა ალ ბუსტანის აუდიტორიის წინაშე წმ. ჟოზეფის ეკლესიაში.
ახლა კი იმის შესახებ, ვინ ვარ მე. გაიჟღერა, რომ არავინ იცის ჩემს შესახებ. დაუკავშირდით ინგლისის კამერულ ორკესტრს, ოვიედოს ფილარმონიასა და ოვიედოს ოპერას, ინგლისის ნაციონალურ ოპერას, გრეინჯ პარკ ფესტივალს, ბორნმუტის სიმფონიურ ორკესტრს, BBC-ს საკონცერტო ორკესტრს, ლიტვის ნაციონალურ ოპერას, როსტროპოვიჩის ფონდს, მოსკოვის რუსულ ფილარმონიულ ორკესტრს, პეკინის სიმფონიურ ორკესტრს, ხორვატიის ნაციონალურ ოპერას, ნოვი სადის ოპერას, ჯორჯ ენესკუს ფილარმონიულს, პრაღის სახელმწიფო ოპერას და ა.შ. ჩემს შესახებ ყველაფერი შეგიძლიათ წაიკითხოთ ჩემს ვებ-გვერდზე, ასევე, ჩამოთვლილ ინსტიტუტთაგან უმრავლეს შემთხვევაში, მე ვმუშაობდი საქართველოში ჩამოსვლამდე. ჩემს შესახებ რევიუები გამოცემებში "The Times", "The Independent", " The Financial Times" და სხვა მუსიკალურ ჟურნალებში, მსგავსად ჟურნალისა "Opera", დათარიღებულია ჩემს საქართველოში ჩამოსვლამდე თარიღით. ეს იმისთვის, რომ ნათელი გახდეს ყველაფერი.
და ბოლოს, საკმაოდ მნიშვნელოვანი საკითხი: არასოდეს დავმუქრებივარ საქართველოს კულტურის სამინისტროს და ყველა ჩემი მოთხოვნა მხოლოდ ოპერის თეატრს შეეხებოდა და არა პირადად მე. მე არ მაქვს ბერკეტი, დავემუქრო კულტურის მინისტრს, ამასთან, არც მუქარა მიყვარს და არც ის, როცა მემუქრებიან. საქართველოში ვინც კარგად მიცნობს, დამემოწმება, რომ აღნიშნული სტატიის შემდეგ მიღებული შესანიშნავი მხარდაჭერის გზავნილებით ძალიან ბედნიერი ვარ.
გარწმუნებთ, რომ ქალბატონი მზია ნიორაძე, რომელმაც facebook-ზე შემაქო "ბედის ძალის" შესრულების შემდეგ და ახლა ამბობს, რომ ჯოხს სულელივით ვიქნევ, საჯაროდ მოიხდის ბოდიშს ამ წერილში დაფიქსირებული ტყუილებისათვის. თუ ის საჯაროდ ბოდიშს არ მოიხდის, მისგან ჩემი პატივის და ღირსების შელახვისათვის მივმართავ სასამართლოს.
ღრმა პატივისცემით,
ჯანლუკა მარჩანო", - აღნიშნულია წერილში.
