ქართულ-პაკისტანური სიყვარულის ისტორია
1 848 ნახვა
ქართულ-პაკისტანურ სიყვარულს თბილისის საერთაშორისო აეროპორტის სასადილოში ჩაეყარა საფუძველი. ახმეტელი ხათუნა ტიბუნაშვილი, რომელიც ამ სასადილოში მუშაობს, ვერასდროს იფიქრებდა, თუ ბედს პაკისტანელ კაცს დაუკავშირებდა, მაგრამ ჰამად ფარიდმა, რომელიც როგორც მზარეული, ამავე სასადილოში დაასაქმეს, მისი მოხიბვლა მალევე შეძლო და წყვილის სამსახურებრივი რომანი ოჯახის შექმნით დაგვირგვინდა. მათ ახლახან ვაჟი - ადამი შეეძინათ.
ფარიდ-ტაბუნაშვილის ოჯახი აეროპორტის დასახლებაში, ნაქირავებ ბინაში ცხოვრობს. ხათუნა ისევ აეროპორტის სასადილოს მზარეულია, ჰამადი კი საქართველოში დიდი ბრიტანეთის ელჩის პირადი შეფ-მზარეული გახლავთ. ის რუსულად კარგად ლაპარაკობს, ქართული ესმის და ლაპარაკსაც ცდილობს.
- ერთმანეთი როგორ გაიცანით?
ხათუნა:
- ჰამადი თბილისის საერთაშორისო აეროპორტის სასადილოში სამუშაოდ მოვიდა. ძალიან თბილი და ყურადღებიანი ბიჭია, ჰოდა, ჩემი ყურადღებაც მიიქცია. მერე ერთმანეთი შეგვიყვარდა.
ჰამადი:
- სულ ვოცნებობდი, სათნო და მშვიდი ხასიათის გოგო გამეცნო. ოცნება ამიხდა და ხათუნა გავიცანი. მან თავი ძალიან შემაყვარა.
- ახმეტაში მცხოვრები მშობლები არ გაგინაწყენდნენ, როცა უთხარი, რომ პაკისტანელს მიჰყვებოდი ცოლად?
ხათუნა:
- თავიდან პატარ-პატარა პრობლემები შეგვექმნა, მაგრამ სიძემ ივაჟკაცა და ჩემს მშობლებს დაუმტკიცა, რომ კარგი პიროვნებაა. ჰამადის მშობლებსა და მის და-ძმებს ჯერჯერობით, არ ვიცნობ. მათ მხოლოდ ტელეფონით და ინტერნეტით ვეკონტაქტებით. ჩემი ქმარ-შვილის სამშობლოში ალბათ, 2-3 წელიწადში გავემგზავრებით.
- ჰამად, სახლში თუ ამზადებ კერძებს?
ჰამადი:
- არა, სახლში სადილს ხათუნა ამზადებს. ვაღიარებ, ტრადიციული პაკისტანური საჭმელი არ მიყვარს, რადგან ძალიან ცხარეა. მიმუშავია აზერბაიჯანსა და დუბაიში, მაგრამ ქართული სამზარეულო გამორჩეულია. რა შეედრება ხინკალს, აჯაფსანდალს, ჩაქაფულს, კახურ მწვადსა და ხაჭაპურს? უგემრიელესი კერძები გაქვთ.
- შენ დიდი ბრიტანეთის ელჩის პირადი მზარეული ხარ. ქართულ კერძებს თუ უმზადებ?
- ელჩი ძირითადად, ბრიტანული კერძების მომზადებას მთხოვს.
- თავად ვნახე, როგორ გულშემატკივრობდი მეუღლეს სამშობიარო ბლოკში...
- ცოლქმრობა აბა, სხვა რა არის, თუ არა ერთმანეთის მხარში დგომა?!
ხათუნა:
- მართლა ძალიან თბილი და ყურადღებიანია. ერთი წუთითაც არ მომცილებია
გვერდიდან. უბედნიერესი იყო, როდესაც ყველაფერი მშვიდობით დამთავრდა და ვაჟი შეგვეძინა. ალბათ სულ ცოტა, სამი შვილი გვეყოლება. თუმცა, ყველაფერი უფლის ნებაა.
- როგორც ვიცი, ჰამადი მამით მუსლიმანია, დედით - ინდუსი, შენ კი მართლმადიდებელი ხარ. ბავშვისთვის რელიგიურ აღმსარებლობას როგორ აირჩევთ?
- ჰამადს რელიგიასთან დაკავშირებით გართულება არ აქვს, ტოლერანტულია. მითხრა: როდესაც ადამი გაიზრდება, თავად გადაწყვიტოს, რომელ აღმსარებლობას აირჩევსო.
- ქართული ტრადიციები თუ მოგწონს?
ჰამადი:
- ბევრი რამ გადაჭარბებულად იციან საქართველოში, მაგრამ ბევრი რამ მოსაწონი და მისაღებია. ალბათ ამ ტრადიციებმა მოიყვანა საქართველო დღემდე. პირადად მე, თქვენს ტრადიციებს არ დავარღვევ და ჩემს მეგობრებსა და ხათუნას ნათესავებს მოვიწვევ ოჯახში, რათა ქართული ტრადიციული სადილებითა და ღვინით აღვნიშნოთ ადამის დაბადება (იღიმის)... საქართველო ძალიან მომწონს. რაც მთავარია, სეზონი სეზონს ჰგავს - ზაფხულში ცხელა და ზამთარში - ცივა. მინდა, ეს ქვეყანა განვითარდეს. ბევრ ქვეყანაში ვყოფილვარ და მიმუშავია. ვფიქრობ, მათ შორის საქართველო განსაკუთრებულია და მინდა, მსოფლიო ასპარეზზე წარმატებულ ქვეყნად წარმოჩინდეს.
გიორგი ბერიძე
ჟურნალი ”გზა”
ფარიდ-ტაბუნაშვილის ოჯახი აეროპორტის დასახლებაში, ნაქირავებ ბინაში ცხოვრობს. ხათუნა ისევ აეროპორტის სასადილოს მზარეულია, ჰამადი კი საქართველოში დიდი ბრიტანეთის ელჩის პირადი შეფ-მზარეული გახლავთ. ის რუსულად კარგად ლაპარაკობს, ქართული ესმის და ლაპარაკსაც ცდილობს.
- ერთმანეთი როგორ გაიცანით?
ხათუნა:
- ჰამადი თბილისის საერთაშორისო აეროპორტის სასადილოში სამუშაოდ მოვიდა. ძალიან თბილი და ყურადღებიანი ბიჭია, ჰოდა, ჩემი ყურადღებაც მიიქცია. მერე ერთმანეთი შეგვიყვარდა.
ჰამადი:
- სულ ვოცნებობდი, სათნო და მშვიდი ხასიათის გოგო გამეცნო. ოცნება ამიხდა და ხათუნა გავიცანი. მან თავი ძალიან შემაყვარა.
- ახმეტაში მცხოვრები მშობლები არ გაგინაწყენდნენ, როცა უთხარი, რომ პაკისტანელს მიჰყვებოდი ცოლად?
ხათუნა:
- თავიდან პატარ-პატარა პრობლემები შეგვექმნა, მაგრამ სიძემ ივაჟკაცა და ჩემს მშობლებს დაუმტკიცა, რომ კარგი პიროვნებაა. ჰამადის მშობლებსა და მის და-ძმებს ჯერჯერობით, არ ვიცნობ. მათ მხოლოდ ტელეფონით და ინტერნეტით ვეკონტაქტებით. ჩემი ქმარ-შვილის სამშობლოში ალბათ, 2-3 წელიწადში გავემგზავრებით.
- ჰამად, სახლში თუ ამზადებ კერძებს?
ჰამადი:
- არა, სახლში სადილს ხათუნა ამზადებს. ვაღიარებ, ტრადიციული პაკისტანური საჭმელი არ მიყვარს, რადგან ძალიან ცხარეა. მიმუშავია აზერბაიჯანსა და დუბაიში, მაგრამ ქართული სამზარეულო გამორჩეულია. რა შეედრება ხინკალს, აჯაფსანდალს, ჩაქაფულს, კახურ მწვადსა და ხაჭაპურს? უგემრიელესი კერძები გაქვთ.
- შენ დიდი ბრიტანეთის ელჩის პირადი მზარეული ხარ. ქართულ კერძებს თუ უმზადებ?
- ელჩი ძირითადად, ბრიტანული კერძების მომზადებას მთხოვს.
- თავად ვნახე, როგორ გულშემატკივრობდი მეუღლეს სამშობიარო ბლოკში...
- ცოლქმრობა აბა, სხვა რა არის, თუ არა ერთმანეთის მხარში დგომა?!
ხათუნა:
- მართლა ძალიან თბილი და ყურადღებიანია. ერთი წუთითაც არ მომცილებია
გვერდიდან. უბედნიერესი იყო, როდესაც ყველაფერი მშვიდობით დამთავრდა და ვაჟი შეგვეძინა. ალბათ სულ ცოტა, სამი შვილი გვეყოლება. თუმცა, ყველაფერი უფლის ნებაა.
- როგორც ვიცი, ჰამადი მამით მუსლიმანია, დედით - ინდუსი, შენ კი მართლმადიდებელი ხარ. ბავშვისთვის რელიგიურ აღმსარებლობას როგორ აირჩევთ?
- ჰამადს რელიგიასთან დაკავშირებით გართულება არ აქვს, ტოლერანტულია. მითხრა: როდესაც ადამი გაიზრდება, თავად გადაწყვიტოს, რომელ აღმსარებლობას აირჩევსო.
- ქართული ტრადიციები თუ მოგწონს?
ჰამადი:
- ბევრი რამ გადაჭარბებულად იციან საქართველოში, მაგრამ ბევრი რამ მოსაწონი და მისაღებია. ალბათ ამ ტრადიციებმა მოიყვანა საქართველო დღემდე. პირადად მე, თქვენს ტრადიციებს არ დავარღვევ და ჩემს მეგობრებსა და ხათუნას ნათესავებს მოვიწვევ ოჯახში, რათა ქართული ტრადიციული სადილებითა და ღვინით აღვნიშნოთ ადამის დაბადება (იღიმის)... საქართველო ძალიან მომწონს. რაც მთავარია, სეზონი სეზონს ჰგავს - ზაფხულში ცხელა და ზამთარში - ცივა. მინდა, ეს ქვეყანა განვითარდეს. ბევრ ქვეყანაში ვყოფილვარ და მიმუშავია. ვფიქრობ, მათ შორის საქართველო განსაკუთრებულია და მინდა, მსოფლიო ასპარეზზე წარმატებულ ქვეყნად წარმოჩინდეს.
გიორგი ბერიძე
ჟურნალი ”გზა”
