პოპულარულ შოუში ინგა გრიგოლიას შალვა რამიშვილი ჩაანაცვლებს

დღეს პროექტის "ორი ვარსკვლავი" მორიგი, მესამე ტური გაიმართება. მონაწილეები კინოპერსონაჟებს განასახიერებენ და დუეტების შესრულება ცნობილი ფილმებიდან მოუწევთ. ჯერჯერობით, მხოლოდ ერთი წყვილის ჩანაფიქრი ვიცით, რომელზეც უკვე გიამბეთ კიდეც: ნინა წკრიალაშვილი და ვახტანგ რჩეულიშვილი მუსიკალურ ნომერს ფილიდან "9 1/2 კვირა" შემოგვთავაზებენ.

ჟურის შემადგენლობას მეოთხე წევრი დაემატება და ის ამჟამად ჟურნალისტი და პროდუსერი შალვა რამიშვილი იქნება. შეიძლება ითქვას, რომ ინგა გრიგოლიას (გასულ ტურზე ჟიურის შემადგენლობაში აქტიური როლი ითამაშა) შალვა რამიშვილი ჩაანაცვლებს.

- მოკლედ, ჟიურის მეოთხე წევრი დაამატეთ და აქვე დაამკვიდრეთ კიდეც ტრადიცია, რომ მეოთხე

წევრი ყოველ ტურზე იცვლება. როგორც ჩანს, წინა ჯერზე ინგა გრიგოლიამ გაამართლა.

ნოე სულაბერიძე, "ორი ვარსკვლავის" გენერალური პროდუსერი:
- დიახ, ასეა და დღეს ამ პრინციპის თანახმად, ჟიურის შემადგენლობას შალვა რამიშვილი დაემატება.

- შალვა რამიშვილისგან რას ელოდები?
- შალვასგანაც ძალიან საინტერესო და ორიგინალურ შეფასებებს ველოდები.

- რეიტინგებთან დაკავშირებით რა სიტუაციაა. როგორ ხვდებით, გადაცემას რამდენი ადამინი უყურებს?
- ფანტასტიკური შედეგი გვაქვს. ყველაფერს მშვენივრად ვითვლით.

- ოპონენტებს რას ეტყვი, ვინც თქვენი შოუს მისამართით კრიტიკას გამოთქვამს?
- ვინ არიან ოპონენტები?

- ადამიანები, რომლებიც თუნდაც ინტერნეტსივრცეში აქტიურობენ და საკუთარ უარყოფით შეფასებას ავრცელებენ...
- კარგია, ტონუსში იყვნენ და ნუ მოეშვებიან... დიახ, მათ ტონუსში ყოფნას ვუსურებ.…

ლალი ფაცია