სალომე ღვინიაშვილი: "ჩემს ქმარს ჰგონია, რომ ძალიან კარგად ვმღერი"
1 850 ნახვა
მოდელი სალომე ღვინიაშვილი, ნებსით თუ უნებლიეთ, ცხოვრებაშიც და სცენაზეც პარტნიორად ფეხუბრთელს ირჩევს. პროექტ "ორ ვარსკვლავში" მისი მეწყვილე ყოფილი ფეხბურთელია – მომღერალი გიორგი ჩიქოვანი. მაყურებელმა ის პროექტ "ახალი ხმიდან" გაიცნო, ამიტომ მისთვის საკონკურსო ვნებები უცხო არ გახლავთ და ყველაფრისთვის მზად არის. სალომე კი ძალიან ნერვიულობს, რადგან აქამდე არასოდეს უმღერია, მეგობრების წრეში გამოსვლას თუ არ ჩავთვლით. მისი ყველაზე დიდი გულშემატკივარი ქმარია – ფეხბურთელი ზურა ხიზანიშვილი. შვილებმა კი მთელი სახლი დედის და მისი მეწყვილის ფოტოებით ააჭრელეს.
სალომე: ძალიან ბევრი ვიფიქრე, ვინ შეიძლებოდა ყოფილიყო ჩემი მეწყვილე. ბევრი ვარიანტი შემომთავაზეს, ბოლოს კი გიორგის შესახებ მითხრეს. მისი ნამღერი რომ მოვისმინე, ვთქვი, ჩემი მეწყვილე აუცილებლად ეს უნდა იყოს–მეთქი.
გიორგი: სალომეს შორიდან ვიცნობდი. თავის დროზე მეც ფეხბურთელი ვიყავი, სალომე ცნობილი ფეხბურთელის ცოლია და როგორ შეიძლებოდა, არ მცოდნოდა?
სალომე: სანამ გამიცნობდი, ჩემზე რას გეუბნებოდნენ?
გიორგი: ცუდს არაფერს. როცა გაგიცანი, დავრწმუნდი, რომ მართლა ძალიან კარგი ადამიანი ხარ.
– სალომე, როცა "ორ ვარსკვლავში" მონაწილეობა შემოგთავაზეს, ბევრი იფიქრეთ, დათანხმებოდით თუ არა?
სალომე: ძალიან ბევრი ვიფიქრე. მონაწილეობა მინდოდა, მაგრამ საკუთარ თავში დარწმუნებული არ ვიყავი, რადგან აქამდე არასოდეს მიმღერია. ბოლოს გადავწყვიტე, რომ გამერისკა და დავთანხმდი.
– მუსიკალური განათლება არ გაქვთ?
სალომე: არა.
– გიორგი, სალომეს მუსიკალურ ზრდას თუ ატყობთ, იზრდება რეპეტიციიდან რეპეტიციამდე?
გიორგი: ყოველ რეპეტიციაზე უკეთესად მღერის, მაგრამ ძალიან ნერვიულობს. ამბობს, ხმა არ მაქვსო, არადა ძალიან კარგად გამოსდის.
სალომე: ნერვიულობა ძალიან მიშლის ხელს, მაგრამ რა ვქნა.
გიორგი: ამ დროს არაფერი აქვს სანერვიულო. ძალიან ნაზი და კარგი ტემბრი აქვს. რაც მთავარია, მყარი სმენა აქვს ბევრი მომღერლისგან განსხვავებით. დარწმუნებული ვარ, სცენაზე რომ გამოვალთ და სიმღერას დავიწყებთ, ნერვიულობა მაშინვე მოეხსნება.
სალომე: მე კიდევ მგონია, რომ რაც დრო გავა, უფრო ვინერვიულებ. ძალიან დიდი პასუხისმგებლობა მაკისრია როგორც იქ დამსწრე საზოგადოების, ისე იმ რამდენიმე მილიონი ადამიანის წინაშე, ვინც ეკრანზე უნდა გვიყუროს. ფაქტია, რომ უიტნი ჰიუსტონი ვერ ვიქნები, მაგრამ მაქსიმალურად ვეცდები, კარგად ვიმღერო. როცა პროექტში მოვედი, საერთოდ არაფერი ვიცოდი. დღეს კი ძალიან ბევრი რაღაც მესმის, თითოეულ დეტალს ყურადღებას ვაქცევ.
– გიორგი, როცა სალომეს ნამღერი მოისმინეთ, როგორ განეწყვეთ, რა იფიქრეთ?
გიორგი: პედაგოგმა რომ დაუკრა და სალომემ სიმღერა დაიწყო, პირველი, რაც მომეწონა, ის იყო, რომ მყარად იმღერა მეორე ხმა, სხვაზე არ გადასულა. რბილი ტემბრი აქვს და ცოტა მუშაობა სჭირდებოდა, რომ ბგერა ძლიერად გადმოეცა.
– სალომე, სახლშიც მეცადინეობთ?
სალომე: კი და არამარტო სახლში, მანქანაშიც. სულ ვმეცადინეობ.
– როცა თქვენს ქმარს, ზურას უთხარით პროექტის შესახებ, რა გითხრათ?
სალომე: ზურას მეგობრების წრეში ჩემი სიმღერა კარაოკეში ჰქონდა მოსმენილი. თავად ვერ მღერის და ამიტომ ჰგონია, რომ ძალიან კარგად ვმღერი. ზურას მხარდაჭერა რომ არ მქონოდა, პროექტში ნამდვილად არ მოვიდოდი. მითხრა, მგონია, რომ შეძლებო, რაც ჩემთვის ძალიან დიდი სტიმული იყო. სწორედ მის გამო ვარ აქ.
– ბოლო–ბოლო თქვენი დუეტი შედგა თუ ჯერ კიდევ ბევრია სამუშაო?
გიორგი: დუეტი ძალიან რთული შესასრულებელია. ამ დროს პარტნიორები ერთმანეთზე არიან დამოკიდებული. ჩვენ რომ დუეტად შევდგეთ, სალომეს ცოტა მეტი გაბედულება უნდა ჰქონდეს. იმედი მაქვს, პირველი შოუს შემდეგ უფრო თავდაჯერებული იქნება. პროფესიონალი მომღერლები ვნერვიულობთ სცენაზე ყოველი გასვლის წინ, მაგრამ სიმღერის დაწყებისთანავე ყოველგვარი ღელვა ქრება. სალომემ ეს არ იცის და სცენაზე რომ გავა, მერე მიხვდება, რას ვამბობ.
– უკვე ძლიერად იგრძნობა კონკურენცია?
სალომე: ჯერჯერობით არ იგრძნობა. ვერც ერთ მონაწილეს კონკურენტად ვერ აღვიქვამ. შეიძლება ნელ–ნელა ესეც შესამჩნევი გახდეს. ყველამ ვიცით, რომ ყოველ ჯერზე ვიღაც უნდა გავარდეს და არავის გვინდა, ის ვიღაც ჩვენ ვიყოთ. უკვე ვიცი, რომ ნებისმიერ წყვილზე დამწყდება გული, ვინც პროექტს დატოვებს.
გიორგი: ამ ეტაპზე იმის თქმა რთულია, თუ ვინ არის ჩვენი ყველაზე დიდი კონკურენტი. ჩემი აზრით, რამდენიმე დუეტი ძალიან კარგია. მხოლოდ ის არ არის მნიშვნელოვანი, ვის როგორი ვოკალი ექნება, ხალხი იმას დაუმესიჯებს, ვინც უყვარს.
– კონკურსებში მონაწილეობის გამოცდილება თუ გაქვთ?
სალომე: კონკურსში არასოდეს მიმიღია მონაწილეობა. ყოველთვის წინააღმდეგი ვიყავი სილამაზის კონკურსების. ამ პროექტით კი ძალიან დავინტერესდი. ჩემი მხრიდან რისკიც არის, აზარტიც. საერთოდ, ძალიან აზარტული ვარ.
გიორგი: სალომესგან განსხვავებით, მე მიმიღია კონკურსებში მონაწილეობა. ძალიან რთულია, როცა ესემეს–ებზე ხარ დამოკიდებული და ფიქრობ, დარჩები თუ წახვალ. ამის მიუხედავად, მაინც ვარ კონკურსების მომხრე, რადგან საქართველოში სხვა შანსი არ არსებობს. სხვადასხვა პროექტებში ერთი და იგივე სახეები ჩნდებიან და ამგვარად აქტუალობას არ კარგავენ. სხვა რა უნდა ქნან?
– კონკურსში სიმღერებს თქვენ ირჩევთ?
სალომე: ჩვენს ვარიანტებს ვთავაზობთ და პედაგოგები გვეხმარებიან არჩევაში. ჩემი და გიორგის მუსიკალური გემოვნება ძალიან ემთხვევა ერთმანეთს.
გიორგი: ემთხვევა, მაგრამ, როცა სალომეს სიმღერას ვთავაზობ, მაშინვე მეკითხება, რთული ხომ არ იქნებაო.
სალომე: იმიტომ, რომ მეშინია. ისეთ სიმღერებს ვარჩევთ, რომ ძალიან ვრისკავ.
– სალომე, გიორგის უკვე გამოცდილი აქვს, რას ნიშნავს, როცა ჟიური გაკრიტიკებს, მაგრამ თქვენ თუ ხართ ამისთვის მზად?
სალომე: ყველაფერი გააზრებული მაქვს, მათ შორის – ისიც, რომ შეიძლება ჟიურის შენიშვნები დავიმსახურო.
– ერთმანეთი პიროვნულად კარგად გაიცანით?
გიორგი: სალომე ურთიერთობაში ძალიან უბრალო ადამიანია, რასაც არ ველოდი. ძალიან ლამაზი გოგოები ყოველთვის ზედმეტად ამაყები არიან, სალომე კი სულ სხვანაირია, ძალიან მშვიდია.
სალომე: ჯერ არ უნახავთ ჩემი გაგიჟება.
გიორგი: იმუქრება, განახებთ ჩემს გაგიჟებასაცო, მაგრამ ჯერჯერობით მშვიდადაა.
სალომე: არავის უნახავს ჩემი გაგიჟება და არც ამ შემთხვევაში იქნება მსგავსი რამ. მე და გიორგიმ მართლა კარგად გავუგეთ ერთმანეთს. ვფიქრობ, რომ პროექტის მერეც აუცილებლად ვიმეგობრებთ.
– გიორგი, სალომეს ქმარს, ზურა ხიზანიშვილს იცნობთ?
გიორგი: ზურას შორიდან ვიცნობ. როგორც ფეხბურთელს, ყოველთვის ძალიან დიდ პატივს ვცემდი.
სალომე: გიორგიმ ძალიან მაგრად იცის ფეხბურთი. ისეთ რაღაცეებს მეუბნება ხოლმე, რაც მეც კი არ ვიცი. ნებისმიერი სპორტის სახეობაზე რაც უნდა ვკითხო, ყველაფერი იცის. ჩემი აზრით, როგორც ქალმა უნდა იცოდეს მოდა და ჩაცმა, ასე უნდა იცოდეს კაცმა სპორტი, მით უმეტეს, ფეხბურთი. კაცი, რომელიც ფეხბურთს არ უყურებს, ჩემთვის ცოტა რაღაცნაირია.
– სალომე, შვილები როგორ გგულშემატკივრობენ?
სალომე: ისინი ყველა კონცერტს დაესწრებიან. შევთანხმდით, რომ თუ ძალიან ინერვიულებენ, აღარ წამოვიყვან. რამდენიმე დღის წინ სახლში რომ მივედი, კედლები აჭრელებული იყო ჩემი და გიორგის ფოტოებით, წარწერებით, დაუმესიჯეთ გიორგის და სალომესო. ძალიან ჩართულები არიან და გვქომაგობენ.
– გიორგი, თქვენს გულშემატკივართა შორის საყვარელი გოგონაც იქნება?
გიორგი: შეყვარებული ვყოფილვარ და ის ადამიანი ყოველთვის მხარში მედგა, მაგრამ ბოლო ერთი წელია თავისუფლებას შევეჩვიე და ახლა ასე მირჩევნია.
სალომე: ახლა უნდა მოხიბლო გოგოები, რომ დაგვიმესიჯონ!
ქეთი დინოშვილი, ჟურნალი სარკე
სალომე: ძალიან ბევრი ვიფიქრე, ვინ შეიძლებოდა ყოფილიყო ჩემი მეწყვილე. ბევრი ვარიანტი შემომთავაზეს, ბოლოს კი გიორგის შესახებ მითხრეს. მისი ნამღერი რომ მოვისმინე, ვთქვი, ჩემი მეწყვილე აუცილებლად ეს უნდა იყოს–მეთქი.
გიორგი: სალომეს შორიდან ვიცნობდი. თავის დროზე მეც ფეხბურთელი ვიყავი, სალომე ცნობილი ფეხბურთელის ცოლია და როგორ შეიძლებოდა, არ მცოდნოდა?
სალომე: სანამ გამიცნობდი, ჩემზე რას გეუბნებოდნენ?
გიორგი: ცუდს არაფერს. როცა გაგიცანი, დავრწმუნდი, რომ მართლა ძალიან კარგი ადამიანი ხარ.
– სალომე, როცა "ორ ვარსკვლავში" მონაწილეობა შემოგთავაზეს, ბევრი იფიქრეთ, დათანხმებოდით თუ არა?
სალომე: ძალიან ბევრი ვიფიქრე. მონაწილეობა მინდოდა, მაგრამ საკუთარ თავში დარწმუნებული არ ვიყავი, რადგან აქამდე არასოდეს მიმღერია. ბოლოს გადავწყვიტე, რომ გამერისკა და დავთანხმდი.
– მუსიკალური განათლება არ გაქვთ?
სალომე: არა.
– გიორგი, სალომეს მუსიკალურ ზრდას თუ ატყობთ, იზრდება რეპეტიციიდან რეპეტიციამდე?
გიორგი: ყოველ რეპეტიციაზე უკეთესად მღერის, მაგრამ ძალიან ნერვიულობს. ამბობს, ხმა არ მაქვსო, არადა ძალიან კარგად გამოსდის.
სალომე: ნერვიულობა ძალიან მიშლის ხელს, მაგრამ რა ვქნა.
გიორგი: ამ დროს არაფერი აქვს სანერვიულო. ძალიან ნაზი და კარგი ტემბრი აქვს. რაც მთავარია, მყარი სმენა აქვს ბევრი მომღერლისგან განსხვავებით. დარწმუნებული ვარ, სცენაზე რომ გამოვალთ და სიმღერას დავიწყებთ, ნერვიულობა მაშინვე მოეხსნება.
სალომე: მე კიდევ მგონია, რომ რაც დრო გავა, უფრო ვინერვიულებ. ძალიან დიდი პასუხისმგებლობა მაკისრია როგორც იქ დამსწრე საზოგადოების, ისე იმ რამდენიმე მილიონი ადამიანის წინაშე, ვინც ეკრანზე უნდა გვიყუროს. ფაქტია, რომ უიტნი ჰიუსტონი ვერ ვიქნები, მაგრამ მაქსიმალურად ვეცდები, კარგად ვიმღერო. როცა პროექტში მოვედი, საერთოდ არაფერი ვიცოდი. დღეს კი ძალიან ბევრი რაღაც მესმის, თითოეულ დეტალს ყურადღებას ვაქცევ.
– გიორგი, როცა სალომეს ნამღერი მოისმინეთ, როგორ განეწყვეთ, რა იფიქრეთ?
გიორგი: პედაგოგმა რომ დაუკრა და სალომემ სიმღერა დაიწყო, პირველი, რაც მომეწონა, ის იყო, რომ მყარად იმღერა მეორე ხმა, სხვაზე არ გადასულა. რბილი ტემბრი აქვს და ცოტა მუშაობა სჭირდებოდა, რომ ბგერა ძლიერად გადმოეცა.
– სალომე, სახლშიც მეცადინეობთ?
სალომე: კი და არამარტო სახლში, მანქანაშიც. სულ ვმეცადინეობ.
– როცა თქვენს ქმარს, ზურას უთხარით პროექტის შესახებ, რა გითხრათ?
სალომე: ზურას მეგობრების წრეში ჩემი სიმღერა კარაოკეში ჰქონდა მოსმენილი. თავად ვერ მღერის და ამიტომ ჰგონია, რომ ძალიან კარგად ვმღერი. ზურას მხარდაჭერა რომ არ მქონოდა, პროექტში ნამდვილად არ მოვიდოდი. მითხრა, მგონია, რომ შეძლებო, რაც ჩემთვის ძალიან დიდი სტიმული იყო. სწორედ მის გამო ვარ აქ.
– ბოლო–ბოლო თქვენი დუეტი შედგა თუ ჯერ კიდევ ბევრია სამუშაო?
გიორგი: დუეტი ძალიან რთული შესასრულებელია. ამ დროს პარტნიორები ერთმანეთზე არიან დამოკიდებული. ჩვენ რომ დუეტად შევდგეთ, სალომეს ცოტა მეტი გაბედულება უნდა ჰქონდეს. იმედი მაქვს, პირველი შოუს შემდეგ უფრო თავდაჯერებული იქნება. პროფესიონალი მომღერლები ვნერვიულობთ სცენაზე ყოველი გასვლის წინ, მაგრამ სიმღერის დაწყებისთანავე ყოველგვარი ღელვა ქრება. სალომემ ეს არ იცის და სცენაზე რომ გავა, მერე მიხვდება, რას ვამბობ.
– უკვე ძლიერად იგრძნობა კონკურენცია?
სალომე: ჯერჯერობით არ იგრძნობა. ვერც ერთ მონაწილეს კონკურენტად ვერ აღვიქვამ. შეიძლება ნელ–ნელა ესეც შესამჩნევი გახდეს. ყველამ ვიცით, რომ ყოველ ჯერზე ვიღაც უნდა გავარდეს და არავის გვინდა, ის ვიღაც ჩვენ ვიყოთ. უკვე ვიცი, რომ ნებისმიერ წყვილზე დამწყდება გული, ვინც პროექტს დატოვებს.
გიორგი: ამ ეტაპზე იმის თქმა რთულია, თუ ვინ არის ჩვენი ყველაზე დიდი კონკურენტი. ჩემი აზრით, რამდენიმე დუეტი ძალიან კარგია. მხოლოდ ის არ არის მნიშვნელოვანი, ვის როგორი ვოკალი ექნება, ხალხი იმას დაუმესიჯებს, ვინც უყვარს.
– კონკურსებში მონაწილეობის გამოცდილება თუ გაქვთ?
სალომე: კონკურსში არასოდეს მიმიღია მონაწილეობა. ყოველთვის წინააღმდეგი ვიყავი სილამაზის კონკურსების. ამ პროექტით კი ძალიან დავინტერესდი. ჩემი მხრიდან რისკიც არის, აზარტიც. საერთოდ, ძალიან აზარტული ვარ.
გიორგი: სალომესგან განსხვავებით, მე მიმიღია კონკურსებში მონაწილეობა. ძალიან რთულია, როცა ესემეს–ებზე ხარ დამოკიდებული და ფიქრობ, დარჩები თუ წახვალ. ამის მიუხედავად, მაინც ვარ კონკურსების მომხრე, რადგან საქართველოში სხვა შანსი არ არსებობს. სხვადასხვა პროექტებში ერთი და იგივე სახეები ჩნდებიან და ამგვარად აქტუალობას არ კარგავენ. სხვა რა უნდა ქნან?
– კონკურსში სიმღერებს თქვენ ირჩევთ?
სალომე: ჩვენს ვარიანტებს ვთავაზობთ და პედაგოგები გვეხმარებიან არჩევაში. ჩემი და გიორგის მუსიკალური გემოვნება ძალიან ემთხვევა ერთმანეთს.
გიორგი: ემთხვევა, მაგრამ, როცა სალომეს სიმღერას ვთავაზობ, მაშინვე მეკითხება, რთული ხომ არ იქნებაო.
სალომე: იმიტომ, რომ მეშინია. ისეთ სიმღერებს ვარჩევთ, რომ ძალიან ვრისკავ.
– სალომე, გიორგის უკვე გამოცდილი აქვს, რას ნიშნავს, როცა ჟიური გაკრიტიკებს, მაგრამ თქვენ თუ ხართ ამისთვის მზად?
სალომე: ყველაფერი გააზრებული მაქვს, მათ შორის – ისიც, რომ შეიძლება ჟიურის შენიშვნები დავიმსახურო.
– ერთმანეთი პიროვნულად კარგად გაიცანით?
გიორგი: სალომე ურთიერთობაში ძალიან უბრალო ადამიანია, რასაც არ ველოდი. ძალიან ლამაზი გოგოები ყოველთვის ზედმეტად ამაყები არიან, სალომე კი სულ სხვანაირია, ძალიან მშვიდია.
სალომე: ჯერ არ უნახავთ ჩემი გაგიჟება.
გიორგი: იმუქრება, განახებთ ჩემს გაგიჟებასაცო, მაგრამ ჯერჯერობით მშვიდადაა.
სალომე: არავის უნახავს ჩემი გაგიჟება და არც ამ შემთხვევაში იქნება მსგავსი რამ. მე და გიორგიმ მართლა კარგად გავუგეთ ერთმანეთს. ვფიქრობ, რომ პროექტის მერეც აუცილებლად ვიმეგობრებთ.
– გიორგი, სალომეს ქმარს, ზურა ხიზანიშვილს იცნობთ?
გიორგი: ზურას შორიდან ვიცნობ. როგორც ფეხბურთელს, ყოველთვის ძალიან დიდ პატივს ვცემდი.
სალომე: გიორგიმ ძალიან მაგრად იცის ფეხბურთი. ისეთ რაღაცეებს მეუბნება ხოლმე, რაც მეც კი არ ვიცი. ნებისმიერი სპორტის სახეობაზე რაც უნდა ვკითხო, ყველაფერი იცის. ჩემი აზრით, როგორც ქალმა უნდა იცოდეს მოდა და ჩაცმა, ასე უნდა იცოდეს კაცმა სპორტი, მით უმეტეს, ფეხბურთი. კაცი, რომელიც ფეხბურთს არ უყურებს, ჩემთვის ცოტა რაღაცნაირია.
– სალომე, შვილები როგორ გგულშემატკივრობენ?
სალომე: ისინი ყველა კონცერტს დაესწრებიან. შევთანხმდით, რომ თუ ძალიან ინერვიულებენ, აღარ წამოვიყვან. რამდენიმე დღის წინ სახლში რომ მივედი, კედლები აჭრელებული იყო ჩემი და გიორგის ფოტოებით, წარწერებით, დაუმესიჯეთ გიორგის და სალომესო. ძალიან ჩართულები არიან და გვქომაგობენ.
– გიორგი, თქვენს გულშემატკივართა შორის საყვარელი გოგონაც იქნება?
გიორგი: შეყვარებული ვყოფილვარ და ის ადამიანი ყოველთვის მხარში მედგა, მაგრამ ბოლო ერთი წელია თავისუფლებას შევეჩვიე და ახლა ასე მირჩევნია.
სალომე: ახლა უნდა მოხიბლო გოგოები, რომ დაგვიმესიჯონ!
ქეთი დინოშვილი, ჟურნალი სარკე
