როგორ მოვიქცეთ, რომ წამალი საწამლავად არ გვექცეს - ფალსიფიცირებული მედიკამენტები აფთიაქებში
1 798 ნახვა
მყიდველი ყველაზე მეტად წამლის შეძენისას ფრთხილობს - თუ ვერ გაგვკურნავს, არ გვავნოს მაინც, რადგან ასეთი შემთხვევებიც არის. იყიდება თუ არა დღეს ქართულ ბაზარზე, ფალსიფიცირებული, საფრთხის შემცველი მედიკამენტები? ამ საკითხზე ჯანდაცვის საკითხებში კონსულტანტი, ექსპერტი თინა ტურძილაძე და სამედიცინო საქმიანობის სახელმწიფო რეგულირების სააგენტოს ფარმაცევტული საქმიანობის დეპარტამენტის ინსპექტირების სამმართველოს უფროსი ნანა შაშიაშვილი გვესაუბრებიან.
თინა ტურძილაძე:
- აფთიაქებში იყიდება ფალსიფიცირებული, სუბსტანდარტული, უხარისხო და კონტრაფაქტული- გაყალბებული მედიკამენტები და მათი კომბინაციებიც. ზოგადად, შეგვიძლია ვთქვათ, რომ ჩვენს ბაზარზე ბევრი პრობლემური წამალია... ეს წამლები საეჭვო ჩვენებებით, არასწორი რეგულაციების და უხარისხო ადმინისტრირების პირობებში ლეგალიზებულია და ოფიციალურად ცირკულირებენ ლეგალურ არხებში.
- როგორ უნდა მოიქცეს მომხმარებელი, როგორ დაიზღვიოს თავი ასეთი წამლის შეძენისგან, რას უნდა მიაქციოს ყურადღება?
– როგორც წესი, ფალსიფიცირების ვიზუალურად, თვალით ამოცნობა შეუძლებელია. ფალსიფიცირებისგან მოსახლეობა სახელმწიფომ უნდა დაიცვას.
ნანა შაშიაშვილი
- წამლისა და ფარმაცევტული საქმიანობის შესახებ" კანონით, ფალსიფიცირებულია მედიკამენტი, რომლის წარმოშობა, იდენტურობა განგებ არასწორადაა მითითებული შეფუთვაზე, ხოლო როცა ლაპარაკი ხარისხთან დაკავშირებულ გადახრაზეა, ეს არის სუბსსტანდარტული ფარმაცევტული პროდუქტი ანუ როცა წამლის ერთი ან რამდენიმე ხარისხობრივი მაჩვენებელი არ აკმაყოფილებს რეგულირების სააგენტოს მიერ დადგენილ სტანდარტს ან საერთაშორისო სტანდარტებს. რაც შეეხება კონკრეტულ შემთხვევებს - ბოლოხანს სააფთიაქო ქსელში ფალსიფიცირებული წამლის გაყიდვის ფაქტი არ გვქონია, თუმცა აღმოვაჩინეთ სტანდარტთან შეუსაბამო, უხარისხო მედიკამენტები. ასეთი დარღვევების გამოსავლენად წამლებს შერჩევით ვამოწმებთ, რომ მომხმარებელი საფრთხისშემცველი, წუნდებული და ვადაგასული, უვარგისი პროდუქციის ყიდვისგან დავიცვათ, ეს კონტროლო მოიცავს როგორც დაწესებულებების ადმინისტრაციულ, ასევე წამლის ლაბორატორიულ კონტროლს. გაუვარგისების და ფალსიფიცირების მაღალი რისკის მქონე მედიკამენტების გამოვლენა ამ კრიტერიუმებით ხდება: თუ ფარმაცევტული პროდუქტის რეალიზატორის კონტროლი ბოლო ერთი
წლის მანძილზე საერთოდ არ მომხდარა ან ბოლო ორი წლის მანძილზე სისტემატურად ფიქსირდებოდა დარღვევები, თუ ვიზუალური დათვალიერებისას წარმოიშვა ეჭვი, რომ ფარმაცევტული პროდუქტი ფალსიფიცირებულია, წუნდებულია ან დარღვეულია შენახვის სანიტარულ-ჰიგიენური პირობები, ასევე, თუ არსებობს სიგნალი მოსახლეობიდან, საერთაშორისო ორგანიზაციებიდან ამ წამლის ვარგისიანობაზე. ჩვენ ვაკონტროლებთ მის შემოსვლას ბაზარზე, რეგისტრაციას, ყოველმხრივ ვამოწმებთ. ლაბორატორიული შემოწმების შედეგად მიღებული დასკვნის საფუძველზე მივმართავთ სასამართლოს და ის იღებს საბოლოო გადაწყვეტილებას სანქციების თაობაზე. უვარგისი, სტანდარტის შეუსაბამო წამლები აფთიაქებიდან ამოვიღეთ და გავანადგურეთ, ასეთი შემთხვევები გვქონდა.
- შეგიძლიათ დაგვისახელოთ კონკრეტული მედიკამენტები?
-დასახელებისგან ამ ეტაპზე თავს შევიკავებ, შემიძლია გითხრათ, რომ ეს მედიკამენტები სავაჭრო ქსელში აღარ არის, რადგან ამოღების და განადგურების პროცედურა მკაცრად კონტროლდება.
ნინო კვიტაშვილი, Ambebi.ge
თინა ტურძილაძე:
- აფთიაქებში იყიდება ფალსიფიცირებული, სუბსტანდარტული, უხარისხო და კონტრაფაქტული- გაყალბებული მედიკამენტები და მათი კომბინაციებიც. ზოგადად, შეგვიძლია ვთქვათ, რომ ჩვენს ბაზარზე ბევრი პრობლემური წამალია... ეს წამლები საეჭვო ჩვენებებით, არასწორი რეგულაციების და უხარისხო ადმინისტრირების პირობებში ლეგალიზებულია და ოფიციალურად ცირკულირებენ ლეგალურ არხებში.
- როგორ უნდა მოიქცეს მომხმარებელი, როგორ დაიზღვიოს თავი ასეთი წამლის შეძენისგან, რას უნდა მიაქციოს ყურადღება?
– როგორც წესი, ფალსიფიცირების ვიზუალურად, თვალით ამოცნობა შეუძლებელია. ფალსიფიცირებისგან მოსახლეობა სახელმწიფომ უნდა დაიცვას.
ნანა შაშიაშვილი
- წამლისა და ფარმაცევტული საქმიანობის შესახებ" კანონით, ფალსიფიცირებულია მედიკამენტი, რომლის წარმოშობა, იდენტურობა განგებ არასწორადაა მითითებული შეფუთვაზე, ხოლო როცა ლაპარაკი ხარისხთან დაკავშირებულ გადახრაზეა, ეს არის სუბსსტანდარტული ფარმაცევტული პროდუქტი ანუ როცა წამლის ერთი ან რამდენიმე ხარისხობრივი მაჩვენებელი არ აკმაყოფილებს რეგულირების სააგენტოს მიერ დადგენილ სტანდარტს ან საერთაშორისო სტანდარტებს. რაც შეეხება კონკრეტულ შემთხვევებს - ბოლოხანს სააფთიაქო ქსელში ფალსიფიცირებული წამლის გაყიდვის ფაქტი არ გვქონია, თუმცა აღმოვაჩინეთ სტანდარტთან შეუსაბამო, უხარისხო მედიკამენტები. ასეთი დარღვევების გამოსავლენად წამლებს შერჩევით ვამოწმებთ, რომ მომხმარებელი საფრთხისშემცველი, წუნდებული და ვადაგასული, უვარგისი პროდუქციის ყიდვისგან დავიცვათ, ეს კონტროლო მოიცავს როგორც დაწესებულებების ადმინისტრაციულ, ასევე წამლის ლაბორატორიულ კონტროლს. გაუვარგისების და ფალსიფიცირების მაღალი რისკის მქონე მედიკამენტების გამოვლენა ამ კრიტერიუმებით ხდება: თუ ფარმაცევტული პროდუქტის რეალიზატორის კონტროლი ბოლო ერთი
წლის მანძილზე საერთოდ არ მომხდარა ან ბოლო ორი წლის მანძილზე სისტემატურად ფიქსირდებოდა დარღვევები, თუ ვიზუალური დათვალიერებისას წარმოიშვა ეჭვი, რომ ფარმაცევტული პროდუქტი ფალსიფიცირებულია, წუნდებულია ან დარღვეულია შენახვის სანიტარულ-ჰიგიენური პირობები, ასევე, თუ არსებობს სიგნალი მოსახლეობიდან, საერთაშორისო ორგანიზაციებიდან ამ წამლის ვარგისიანობაზე. ჩვენ ვაკონტროლებთ მის შემოსვლას ბაზარზე, რეგისტრაციას, ყოველმხრივ ვამოწმებთ. ლაბორატორიული შემოწმების შედეგად მიღებული დასკვნის საფუძველზე მივმართავთ სასამართლოს და ის იღებს საბოლოო გადაწყვეტილებას სანქციების თაობაზე. უვარგისი, სტანდარტის შეუსაბამო წამლები აფთიაქებიდან ამოვიღეთ და გავანადგურეთ, ასეთი შემთხვევები გვქონდა.
- შეგიძლიათ დაგვისახელოთ კონკრეტული მედიკამენტები?
-დასახელებისგან ამ ეტაპზე თავს შევიკავებ, შემიძლია გითხრათ, რომ ეს მედიკამენტები სავაჭრო ქსელში აღარ არის, რადგან ამოღების და განადგურების პროცედურა მკაცრად კონტროლდება.
ნინო კვიტაშვილი, Ambebi.ge
