ქალმა ისე იმშობიარა, ფეხმძიმობის შესახებ არაფერი იცოდა

25 წლის ინგლისელმა გეინორ რზებკამ ისე იმშობიარა, რომ არც იცოდა, ორსულად თუ იყო. ქალი მშობლების სახლში იმყოფებოდა, როდესაც მუცლის საშინელი ტკივილი დაეწყო. თავდაპირველად ეგონა, მოწამლული იყო. საპირფარეშოში შესვლისთანავე მშობიარობა დაეწყო და ახალშობილი უნიტაზში ჩარეცხვას ძლივს გადაურჩა.

პატარას ოლი ჯეიმსი დაარქვეს. ბიჭუნა 2,9 კილოგრამს იწონის და მისი ჯანმრთელობის მდგომარეობა დამაკმაყოფილებელია. გეინორი ამტკიცებს, რომ ფეხმძიმობის შესახებ არაფერი იცოდა, ნიშნებიც კი არ ჰქონია, უბრალოდ ბოლო 5 თვის განმავლობაში საგრძნობლად მოიმატა წონაში. ყველაზე საკვირველი კი ის გახლავთ, რომ გეინორი მშობიარობამდე დღეში 10 საათს აქტიურად მუშაობდა სუპერმარკეტში. მეტიც, კარდიფის (უელსის დედაქალაქი) მარათონშიც კი მიიღო მონაწილეობა.