დათო არჩვაძის ბიჭი ამერიკაში დაიბადა

მომღერალი დათო არჩვაძე ბიჭის მამა გახდა. ნიკოლოზი 11 მარტს ამერიკაში, ნიუ ჯერსის შტატში დაიბადა. დათოს ცოლი, ხელოვნებათმცოდნე ეთუნა ფარეხელაშვილი, ბოლო 8 წელია ამერიკაში ცხოვრობს. მათ გასული წლის 25 ოქტომბერს დაიწერეს ჯვარი.

ნიკოლოზი დათოსთვის მეორე შვილია. მას პირველი ქორწინებიდან, მომღერალ სოფო კუჭავასთან ქალიშვილი ჰყავს. მომღერალი შვილის დაბადებამდე რამდენიმე ხნით ადრე ეწვია შტატებს და ნიკოლოზი ქვეყანას მოევლინა თუ არა, სოციალურ ქსელში თავისი სიხარული ქვეყანას ამცნო: "ბიჭია, ბიჭი!". მის ამ სტატუსს უამრავი მისალოცი წერილი მოჰყვა.

"სარკემ" დათოსთან დაკავშირება ვერ შეძლო, მაგრამ, როგორც მისმა მეგობარმა ლაშა ღლონტმა გვითხრა, ახალშობილი და დედა თავს კარგად გრძნობენ. დათო თავის პატარა ოჯახთან ერთად სამშობლოში მაისში დაბრუნდება.

ლანა კიკნაძე, ჟურნალი სარკე