რომელმაც ალმასი გადაყლაპა

შრი-ლანკის პოლიციამ დააკავა ჩინელი მოგზაური, რომელმაც ძვირფასეულობის გამოფენაზე ალმასი გადაყლაპა.მახლა ტურისტს დასვენების ნაცვლად ქირურგიულ ოპერაციას ჩაუტარებენ, რათა მოპარული ქვა ადგილზე დააბრუნონ. ეს არცთუ ძვირადღირებული ალმასია, - სულ რაღაც, 15 ათასი დოლარი ღირს, თუმცა მეპატრონე მის გაყიდვასაც არ თანხმდება.

ისტორია ქალაქ კოლომბოში ხდება.

გამოძიების მასალების თანახმად, ძვირფასეულობის გამოფენაზე ორი ჩინელი დააფიქსირეს, რომლებიც ძალიან დაინტერესდნენ კომპანია Belgrade International-ის საიუველირო პროდუქციით. ერთ-ერთმა კი კომპანიის წარმომადგენელს სთხოვა ის ალმასი ეჩვენებინა, რომელიც1,5 კარატისა და დიამეტრით 7,2 მილიმეტრის იყო. როგორც კომპანიის თანამშრომელი ყვება, ერთმა ჩინელმა ის საუბარში გაართო, - იმ მომენტში, როცა მეორეს ხელში ალმასი ეჭირა და უცებ, გადაყლაპა. იუველირმა ეს ყველაფერი დაინახა და ყვირილი მორთო.

ჩინელი დააკავეს და პირდაპირ საავადმყოფოში გააქანეს. იქ უამრავი პრეპარატი მისცეს, რათა ქვა დაეძრათ და ქირურგიული ჩარევის გარეშე დაებრუნებინათ. თუმცა ჩინელი უიღბლო აღმოჩნდა: რენტგენმა აჩვენა, რომ ალმასი მას საყლაპავში გაეჭედა.

ექიმებმა სასწრაფოდ ოპერაცია დანიშნეს: თუ ალმასს ქირურგიული ჩარევით არ ამოიღებენ, მან შეიძლება, საყლაპის კედლები დახეთქოს, რაც 32 წლის მძარცველის სიცოცხლეს საფრთხეს შეუქმნის.
ამასთან, ჩინელი იხვეწება, რომ საკუთარ ჯანმრთელობას თავად მიხედავს, კომპანიას კი ალმასის ყიდვაზე შეთანხმების გაფორმებას სთხოვს, მაგრამ კომპანია თავისი ქვის ოპერაციის ძალით დაბრუნებას მოითხოვს.