რატომ არ მელოტდებიან კასტრატები და რა კავშირშია თმის ცვენა მამაკაცურ პოტენციასთან
2 295 ნახვა
გრუზა, ხშირი თმის თანდათან შეთხელება დიდ დისკომფორტს უქმნის როგორც მამაკაცებს, ისე ქალებს და მასთან ბრძოლის სხვადასხვა მეთოდებსაც მიმართავენ. თმის ცვენასთან დაკავშირებულ პრობლემებზე დერმატოვენოროლოგთა ასოციაციის თავმჯდომარე სოსო კობახიძე გვესაუბრება:
- თმა კანის ბუნებრივი საფარველია. წარსულში მას საკრალური მნიშვნელობაც კი ჰქონდა. როცა ადამიანს თმა თავის მთელი ზედაპირიდან ცვივა, ეს დიფუზური ცვენაა, რომლის მიზეზი ანდროგენების, მამაკაცური ჰორმონების სიჭარბეა. რაც შეეხება თმის ბუდობრივ, ალაგ-ალაგ ცვენას, ეს აუტიმუნურ დაავადებად ითვლება. როცა თმა თავიდან, წარბებიდან, წამწამებიდან, ტანის რომელიმე ნაწილიდან ქრება, ეს ტოტალური ცვენაა. ხოლო როცა თმა მთელი ტანიდან გვცვივა, ეს უკვე თმის უნივერსალური ცვენა და ცალკე დაავადებაა. ქალებში თმის კატასტროფული შეთხელება შეიძლება ორსულობის შემდეგ დაიწყოს, საკვერცხეებზე ანთებითი პროცესის ან ქიმიოთერაპიის შედეგად.
- აქედანაა გავრცელებული აზრი, რომ უფრო ადრე ძლიერი პოტენციის მამაკაცები მელოტდებიან, სცვივათ თმა?
- ეს რეალობასთან მეტ-ნაკლებად შესაბამისობაშია, თუმცა, არასწორად არის გაგებული; ჰორმონის სიჭარბე, ტესტოსტერონის მომატება მართლაც ააქტიურებს თმის ცვენას. ამიტომ 100 პროცენტით თმის ცვენის შეჩერება ადრეულ ასაკში, 13-15 წლამდე მხოლოდ კასტრაციით შეიძლება, კასტრატებს თმა არ ცვივათ. დიახ, თმის ცვენა მამაკაცური ჰორმონის სიჭარბეზე მეტყველებს, ასეთია განწყობა, მიდრეკილება, მაგრამ ამან მამაკაცის სექსუალურ აქტიურობაზე, შესაძლოა, არც იმოქმედოს, ეს უფრო მითია.
- როგორ უნდა ავიცილოთ თავიდან თმის ცვენა? ხშირად მიმართავენ ე.წ. ხალხურ საშუალებებს: ჭინჭრის, ხახვი, ნივრის ნაყენს, საკუთარი შარდსაც კი...
- საერთოდ ადამიანს დღეში 100 ღერამდე თმა ცვივა, ეს ბუნებრივია, მაგრამ თუ ცვენა უფრო ხშირია, საგანგაშოა და ამის შეჩერება ხალხური მეთოდებით ნაკლებად ეფექტურია. ცალკეულ შემთხვევებში შესაძლოა, ამართლებს კიდეც, თუმცა ამაზე არანაირი კვლევა არ ჩატარებულა. თმის ცვენის საწინააღმდეგო ეფექტი აქვს ადგილობრივი სისხლძარღვოვანი ქსელის გასაუმჯობესებელ საშუალებებს, ამასთან, მთლიანად, 100 პროცენტით თმის ცვენას ვერაფერი აჩერებს.
ხახვი, ნიორი გამღიზიანებლებია, რისი ეფექტურობაც უცნობია და ხშირად ანეკდოტურიც. რაც შეეხება შარდს, ურინოთერაპია - შარდით მკურნალობა ცნობილი მეთოდია, თუმცა, იმის უკან შებრუნება, რაც ორგანიზმიდან გამოიყოფა, არაბუნებრივია.
- სტრესი, ემოცია თუ აჩქარებს თმის ცვენას?
- უარყოფითი ემოცია, შიში, ელდა მაპროვოცირებელი ფაქტორია, გენეტიკასაც დიდი მნიშვნელობა აქვს, ქართველები სამხრეთელები ვართ და ჩვენს ორგანიზმში ტესტოსტერონის რაოდენობაც მეტია, შესაბამისად, გამელოტების რისკიც. მით უმეტეს, თუ ოჯახში საამისო "განწყობაა" ანუ თუ მამას ახალგაზრდა ასაკში დაეწყო თმის ცვენა, შვილის ადრე გამელოტების ალბათობა უფრო მაღალია.
ნინო კვიტაშვილი , Ambebi.ge
- თმა კანის ბუნებრივი საფარველია. წარსულში მას საკრალური მნიშვნელობაც კი ჰქონდა. როცა ადამიანს თმა თავის მთელი ზედაპირიდან ცვივა, ეს დიფუზური ცვენაა, რომლის მიზეზი ანდროგენების, მამაკაცური ჰორმონების სიჭარბეა. რაც შეეხება თმის ბუდობრივ, ალაგ-ალაგ ცვენას, ეს აუტიმუნურ დაავადებად ითვლება. როცა თმა თავიდან, წარბებიდან, წამწამებიდან, ტანის რომელიმე ნაწილიდან ქრება, ეს ტოტალური ცვენაა. ხოლო როცა თმა მთელი ტანიდან გვცვივა, ეს უკვე თმის უნივერსალური ცვენა და ცალკე დაავადებაა. ქალებში თმის კატასტროფული შეთხელება შეიძლება ორსულობის შემდეგ დაიწყოს, საკვერცხეებზე ანთებითი პროცესის ან ქიმიოთერაპიის შედეგად.
- აქედანაა გავრცელებული აზრი, რომ უფრო ადრე ძლიერი პოტენციის მამაკაცები მელოტდებიან, სცვივათ თმა?
- ეს რეალობასთან მეტ-ნაკლებად შესაბამისობაშია, თუმცა, არასწორად არის გაგებული; ჰორმონის სიჭარბე, ტესტოსტერონის მომატება მართლაც ააქტიურებს თმის ცვენას. ამიტომ 100 პროცენტით თმის ცვენის შეჩერება ადრეულ ასაკში, 13-15 წლამდე მხოლოდ კასტრაციით შეიძლება, კასტრატებს თმა არ ცვივათ. დიახ, თმის ცვენა მამაკაცური ჰორმონის სიჭარბეზე მეტყველებს, ასეთია განწყობა, მიდრეკილება, მაგრამ ამან მამაკაცის სექსუალურ აქტიურობაზე, შესაძლოა, არც იმოქმედოს, ეს უფრო მითია.
- როგორ უნდა ავიცილოთ თავიდან თმის ცვენა? ხშირად მიმართავენ ე.წ. ხალხურ საშუალებებს: ჭინჭრის, ხახვი, ნივრის ნაყენს, საკუთარი შარდსაც კი...
- საერთოდ ადამიანს დღეში 100 ღერამდე თმა ცვივა, ეს ბუნებრივია, მაგრამ თუ ცვენა უფრო ხშირია, საგანგაშოა და ამის შეჩერება ხალხური მეთოდებით ნაკლებად ეფექტურია. ცალკეულ შემთხვევებში შესაძლოა, ამართლებს კიდეც, თუმცა ამაზე არანაირი კვლევა არ ჩატარებულა. თმის ცვენის საწინააღმდეგო ეფექტი აქვს ადგილობრივი სისხლძარღვოვანი ქსელის გასაუმჯობესებელ საშუალებებს, ამასთან, მთლიანად, 100 პროცენტით თმის ცვენას ვერაფერი აჩერებს.
ხახვი, ნიორი გამღიზიანებლებია, რისი ეფექტურობაც უცნობია და ხშირად ანეკდოტურიც. რაც შეეხება შარდს, ურინოთერაპია - შარდით მკურნალობა ცნობილი მეთოდია, თუმცა, იმის უკან შებრუნება, რაც ორგანიზმიდან გამოიყოფა, არაბუნებრივია.
- სტრესი, ემოცია თუ აჩქარებს თმის ცვენას?
- უარყოფითი ემოცია, შიში, ელდა მაპროვოცირებელი ფაქტორია, გენეტიკასაც დიდი მნიშვნელობა აქვს, ქართველები სამხრეთელები ვართ და ჩვენს ორგანიზმში ტესტოსტერონის რაოდენობაც მეტია, შესაბამისად, გამელოტების რისკიც. მით უმეტეს, თუ ოჯახში საამისო "განწყობაა" ანუ თუ მამას ახალგაზრდა ასაკში დაეწყო თმის ცვენა, შვილის ადრე გამელოტების ალბათობა უფრო მაღალია.
ნინო კვიტაშვილი , Ambebi.ge
