გიორგი მახარაშვილი: "სიმღერაზე და საერთოდ ყველაფერზე მეტად ქალი მიყვარს"
1 697 ნახვა
ახალგაზრდა მომღერალ გიორგი მახარაშვილს გოგონების მოხიბვლა არ უჭირს, გიტარის თანხლებით ერთს წაიღიღინებს და მათი გულიც მისია. მას არც მაყურებლის მოხიბვლა გაძნელებია. ჯერ "ჯეოსტარში" გამოჩნდა, მერე "ახალი ხმა" იყო მისთვის წინგადადგმული ნაბიჯი, ახლა კი "მის საქართველო 2003"–თან, ირინა ონაშვილთან ერთად მღერის პროექტში "ორი ვარსკვლავი".
გიორგი სულ რაღაც 21 წლის არის, მაგრამ მშვენიერ სქესთან დაკავშირებით უკვე ჩამოყალიბებული შეხედულებები და გემოვნება აქვს. თანატოლ გოგონებს ბევრ რამეს უწუნებს – განათლებას, დიასახლისობას, ჩაცმულობას, მაკიაჟსაც კი.
– გიორგი, მაყურებელი სხვადასხვა კონკურს–შოუებიდან გიცნობთ, გოგონებში ალბათ პოპულარული ხართ. მათგან დიდ ყურადღებას გრძნობთ?
– კონკურსებში გოგონებიც მგულშემატკივრობდნენ, კაცებიც და ქალებიც. სოციალურ ქსელში უფრო პატარა გოგოები მწერენ, კარგი ტემბრი გაქვს და მაგრად მღერიო. სამწუხაროდ, ამდენი წერილის წაკითხვას ვერ ვასწრებ, მაგრამ, რაც მთავარია, ვგრძნობ, რომ ხალხს ვუყვარვარ.
– თავად თუ გყავთ კონკრეტული სიყვარულის ობიექტი?
– ახლა არავინ მიყვარს, თუმცა სულ შეყვარებული ვარ. სიმღერაზე და საერთოდ ყველაფერზე მეტად ქალი მიყვარს, მაგრამ ხშირად ვამბობ, მთელი ცხოვრება ერთ ქალთან როგორ უნდა გავძლო–მეთქი. ჯერ პატარა ვარ სერიოზული ურთიერთობებისთვის და, იმედია, დავღვინდები.
როგორც გითხარით, სულ შეყვარებული ვარ. ბოლო ურთიერთობაზე საუბარი არ მინდა. გოგოს ნერვებს არ მოვუშლი, ტკივილს არ მივაყენებ და არ ვაწყენინებ. ბოლო ურთიერთობამ კიდევ უფრო გამზარდა და მივხვდი, ვის როგორ უნდა მოვექცე.
– საერთოდ როგორი გოგონები მოგწონთ?
– მაღალი, გამხდარი და ძალიან კარგი ტიპები მომწონს. "კუკლა" გოგოები არ მიყვარს, შავგვრემნები უფრო მეტად მხიბლავს. ოდრი ჰეპბერნი ჩემთვის ყველაზე ლამაზი ქალია. გოგო შეიძლება ოდრი არ იყოს, მაგრამ სილაღითა და ტაქტიანობით გამოირჩეოდეს. ტაქტიანობაში ინტელექტსაც ვგულისხმობ. ბოლო პერიოდში მომრავლდნენ გოგოები, რომლებსაც მიამიტობა და ის, რომ რაღაცეები არ იციან, "საყვარლობად" მიაჩნიათ. სამწუხაროდ, ასეთები ხშირად მხვდებიან. შეიძლება ისტორია და გეოგრაფია არ იცოდნენ, მაგრამ ბორშჩის კეთება რომ არ იციან, ეს რატომ ეამაყებათ, ვერ ვხვდები! შეიძლება ბორშჩის კეთება კი არა, კარტოფილის შეწვა არ იცოდეს, მაგრამ არ უნდა ეგონოთ, რომ ამით მაგარი ტიპები არიან. დილის 5 საათზე გოგო რომ გეტყვის, ახლა სუშის შევჭამდიო, ასეთი რაღაცეები მეზიზღება. ვითომ "სვეცკობს" და ამ დროს შეიძლება სუში სულაც არ ჰქონდეს გასინჯული, თევზი ეზიზღებოდეს, მაგრამ იმიტომ მოუნდა, რომ ვიღაც მილიარდერმა ემილი დიდონატმა "ფეისბუქზე" ფოტო ატვირთა, როგორ ჭამა სუში. ჩვენს გოგოებს სხვისი მიბაძვა უყვართ. ცნობილი მოდელი რაღაცის გაკეთებას დაიწყებს და ქართველებიც აჰყვებიან ხოლმე. ეს არ არის ცუდი, მაგრამ რაღაც ვიღაცის გამო არ უნდა აკეთონ. მომწონს, როცა გოგო მანქანას კარგად მართავს, მაგრამ ცოტა მეგულება ისეთი, ვისაც ჩემი ავტომობილის საჭეს ვანდობ, ოღონდ განა იმიტომ, რომ დაამტვრევს, უბრალოდ ნერვები მეშლება უაზრო მანევრირებაზე. თან შენიშვნას მისცემ და შეკითხვას რომ გიბრუნებს, რატომო!
– მოდურად ჩაცმაზე გადაყოლილ გოგოებზე რა აზრის ხართ?
– მოდაში კარგად ვერ ვერკვევი, ამიტომ ამაზე ვერაფერს გეტყვით, თუმცა ბევრი გოგოს ჩაცმულობა არ მომწონს. ზედმეტად გადაპრანჭულები, რომლებიც თავსაც ვერ გაიქნევენ, თმა რომ არ დაეშალოთ და ამიტომ მთელი ტანით ბრუნდებიან, არ მომწონს. ზოგი ისეთ მაკიაჟს იკეთებს, სახეზე ვერ შეეხები. გოგოს გამოპრანჭვაც უნდა შეეძლოს, მაგრამ არა – ასე ზედმეტად და ყოველდღიურად. გოგოს რომ მივაკითხავ მანქანით და მეტყვის, 5 წუთში ჩამოვალო, ვიცი, რომ აბაზანიდან იმ მომენტშია გამოსული და მთელი პროცედურები აქვს ჩასატარებელი. ლოდინი კი ყველაზე მეტად მძულს! სადმე საჭმელად რომ უნდა გავიაროთ და ამისთვის საათობით ემზადება, მაღალქუსლიან ფეხსაცმელზე დგება და მალოდინებს, ასეთ გოგოს მეორედ როგორღა მივაკითხავ?! შეიძლება ასეთი გადაპრანჭული გოგო ვიღაცას მოსწონს, მაგრამ მე არ მიზიდავს.
– როცა გიყვართ, როგორ გამოხატავთ?
– თბილი და ზედმეტად ყურადღებიანი ვხდები. არ მიყვარს, როცა ამას გოგო ვერ ამჩნევს. თუ ასე ხდება, მის მიმართ მაშინვე ვცივდები.
როცა შეყვარებული ვარ, მინდა, რომ სულ ერთად ვიყოთ. გოგოსთვის არაერთხელ მიმღერია, ოღონდ ფანჯარასთან არასოდეს დავმდგარვარ ფიალით ხელში. გოგოს სხვა რით უნდა მოვაწონო თავი, თუ არა გიტარაზე სიმღერით? "მე საიდუმლოს შენახვაც ვიცი..." – ერთს წავიღიღინებ და ვხვდები, რომ მოსწონთ, ეს ჩემთვის ყველაზე დიდი სტიმულია. არ არის აუცილებელი, ჩემი მომავალი მეუღლე მღეროდეს, მაგრამ თუ იმღერებს, ძალიან მაგარი იქნება. შეიძლება მასთან ერთად სცენაზე არ დავდგე, მაგრამ სუფრასთან თუ ავმღერდებით ერთად, კარგი იქნება.
– თქვენი ცხოვრება მთლიანად სიმღერით არის შევსებული თუ პარალელურად რაიმე საქმითაც ხართ დაკავებული?
– ქართულ–ევროპულ აკადემიაში არქიტექტურის ფაკულტეტს ვამთავრებ. ვხატავ, ვხაზავ, ვმღერი, ადრე ვცურავდი, ახლა თხილამურებით ვსრიალებ.
– სასურველი სასიძოც ყოფილხართ.
– ჩემზე უკეთესებიც იქნებიან, მაგრამ მეც არ ვარ ცუდი.
– ორი სიტყვით შოუ "ორ ვარსკვლავზეც" ვისაუბროთ. კმაყოფილი ხართ მასში მონაწილეობით?
– ბაკურიანში ვიყავი, თხილამურებით ვსრიალებდი და დამირეკეს, ამ პროექტში ირინა ონაშვილთან ერთად თუ მიიღებ მონაწილეობასო და დავთანხმდი. ჩემ გვერდით სცენაზე ვინ დადგებოდა, ამას გადამწყვეტი მნიშვნელობა ჰქონდა. ირინა კარგად რომ მღეროდა, ვიცოდი, მაგრამ მასთან პირადი ნაცნობობა არ მაკავშირებდა, თუმცა ისე დავთანხმდი, არც დავფიქრებულვარ. პროექტში ყველა ძალიან კარგია, დროსტარებაში გადის რეპეტიციები, დავმეგობრდით კიდეც. პირველ დღეს ყველა ვნერვიულობდით. ვისაც სცენაზე დავუნახივარ, კარგად იციან, რომ მიკროფონი ყოველთვის შტატივზე მიდგას, არც ვცეკვავ და არც სცენაზე დავდივარ. პროექტის დაწყების დღეს კი შტატივის გარეშე მომიწია სიმღერა. პლასტიკით დიდად არ გამოვირჩევი და ჟიურიმ ეს აღნიშნა კიდეც, მაგრამ ჩემთვის მთავარი სიმღერაა. "ფეისბუქზე" კომენტარების კითხვით თავს არ ვიწუხებ, მაგრამ, რასაც მოვკარი თვალი, ჩვენს წყვილს ყველა აქებს.
– ჟიურის შეფასებები როგორ მიიღეთ?
– პირველი გამოსვლა ტური არ იყო, საჩვენებელი კონცერტით წარვდექით. ჟიურისგან ოდნავ ნაკლები კრიტიკა ცუდი არ იქნებოდა. "ფეისბუქზე" ბევრი ცუდიც იწერება. ყრუები რას მღერიანო, ამას რომ წერენ, არ შეიძლება. ხაზგასმით არის ნათქვამი, რომ ეს არის მეგაშოუ და არა – კონკურსი. სამწუხაროდ, ამას ხალხი ვერ ხვდება. ასეთ კომენტარებს არასოდეს ვპასუხობ, რაც უფრო მეტად ჩავერევი, მეტად მომეშლება ნერვები. მიხარია, რომ პროექტში ასეთი პარტნიორი მყავს. არ ვიცი, რა კრიტერიუმებით დაგვაწყვილეს, მაგრამ დაემთხვა, რომ ორივე მაღლები ვართ. ეს მათი კონკურსია და ჩვენ, მომღერლები, ვეხმარებით. სტივ უანდერის სიმღერა ირინას შერჩეულია. რაც მას მოუხდება, მეც ის უნდა ვიმღერო. ჩვენი ვოკალის პედაგოგები რუსა მორჩილაძე და ქეთი გაბისიანი არიან. ირინა იმდენად ნიჭიერია, რასაც ასწავლიან, იმ დღესვე თუ ვერ გაართვა თავი, მეორე დღეს უკვე კარგად გამოსდის. გემოვნებიანად აკეთებს ყველაფერს, მის შესრულებაში არანაირი შესწორება არ შემაქვს.
სოფიო ბოჭორიძე, ჟურნალი სარკე
გიორგი სულ რაღაც 21 წლის არის, მაგრამ მშვენიერ სქესთან დაკავშირებით უკვე ჩამოყალიბებული შეხედულებები და გემოვნება აქვს. თანატოლ გოგონებს ბევრ რამეს უწუნებს – განათლებას, დიასახლისობას, ჩაცმულობას, მაკიაჟსაც კი.
– გიორგი, მაყურებელი სხვადასხვა კონკურს–შოუებიდან გიცნობთ, გოგონებში ალბათ პოპულარული ხართ. მათგან დიდ ყურადღებას გრძნობთ?
– კონკურსებში გოგონებიც მგულშემატკივრობდნენ, კაცებიც და ქალებიც. სოციალურ ქსელში უფრო პატარა გოგოები მწერენ, კარგი ტემბრი გაქვს და მაგრად მღერიო. სამწუხაროდ, ამდენი წერილის წაკითხვას ვერ ვასწრებ, მაგრამ, რაც მთავარია, ვგრძნობ, რომ ხალხს ვუყვარვარ.
– თავად თუ გყავთ კონკრეტული სიყვარულის ობიექტი?
– ახლა არავინ მიყვარს, თუმცა სულ შეყვარებული ვარ. სიმღერაზე და საერთოდ ყველაფერზე მეტად ქალი მიყვარს, მაგრამ ხშირად ვამბობ, მთელი ცხოვრება ერთ ქალთან როგორ უნდა გავძლო–მეთქი. ჯერ პატარა ვარ სერიოზული ურთიერთობებისთვის და, იმედია, დავღვინდები.
როგორც გითხარით, სულ შეყვარებული ვარ. ბოლო ურთიერთობაზე საუბარი არ მინდა. გოგოს ნერვებს არ მოვუშლი, ტკივილს არ მივაყენებ და არ ვაწყენინებ. ბოლო ურთიერთობამ კიდევ უფრო გამზარდა და მივხვდი, ვის როგორ უნდა მოვექცე.
– საერთოდ როგორი გოგონები მოგწონთ?
– მაღალი, გამხდარი და ძალიან კარგი ტიპები მომწონს. "კუკლა" გოგოები არ მიყვარს, შავგვრემნები უფრო მეტად მხიბლავს. ოდრი ჰეპბერნი ჩემთვის ყველაზე ლამაზი ქალია. გოგო შეიძლება ოდრი არ იყოს, მაგრამ სილაღითა და ტაქტიანობით გამოირჩეოდეს. ტაქტიანობაში ინტელექტსაც ვგულისხმობ. ბოლო პერიოდში მომრავლდნენ გოგოები, რომლებსაც მიამიტობა და ის, რომ რაღაცეები არ იციან, "საყვარლობად" მიაჩნიათ. სამწუხაროდ, ასეთები ხშირად მხვდებიან. შეიძლება ისტორია და გეოგრაფია არ იცოდნენ, მაგრამ ბორშჩის კეთება რომ არ იციან, ეს რატომ ეამაყებათ, ვერ ვხვდები! შეიძლება ბორშჩის კეთება კი არა, კარტოფილის შეწვა არ იცოდეს, მაგრამ არ უნდა ეგონოთ, რომ ამით მაგარი ტიპები არიან. დილის 5 საათზე გოგო რომ გეტყვის, ახლა სუშის შევჭამდიო, ასეთი რაღაცეები მეზიზღება. ვითომ "სვეცკობს" და ამ დროს შეიძლება სუში სულაც არ ჰქონდეს გასინჯული, თევზი ეზიზღებოდეს, მაგრამ იმიტომ მოუნდა, რომ ვიღაც მილიარდერმა ემილი დიდონატმა "ფეისბუქზე" ფოტო ატვირთა, როგორ ჭამა სუში. ჩვენს გოგოებს სხვისი მიბაძვა უყვართ. ცნობილი მოდელი რაღაცის გაკეთებას დაიწყებს და ქართველებიც აჰყვებიან ხოლმე. ეს არ არის ცუდი, მაგრამ რაღაც ვიღაცის გამო არ უნდა აკეთონ. მომწონს, როცა გოგო მანქანას კარგად მართავს, მაგრამ ცოტა მეგულება ისეთი, ვისაც ჩემი ავტომობილის საჭეს ვანდობ, ოღონდ განა იმიტომ, რომ დაამტვრევს, უბრალოდ ნერვები მეშლება უაზრო მანევრირებაზე. თან შენიშვნას მისცემ და შეკითხვას რომ გიბრუნებს, რატომო!
– მოდურად ჩაცმაზე გადაყოლილ გოგოებზე რა აზრის ხართ?
– მოდაში კარგად ვერ ვერკვევი, ამიტომ ამაზე ვერაფერს გეტყვით, თუმცა ბევრი გოგოს ჩაცმულობა არ მომწონს. ზედმეტად გადაპრანჭულები, რომლებიც თავსაც ვერ გაიქნევენ, თმა რომ არ დაეშალოთ და ამიტომ მთელი ტანით ბრუნდებიან, არ მომწონს. ზოგი ისეთ მაკიაჟს იკეთებს, სახეზე ვერ შეეხები. გოგოს გამოპრანჭვაც უნდა შეეძლოს, მაგრამ არა – ასე ზედმეტად და ყოველდღიურად. გოგოს რომ მივაკითხავ მანქანით და მეტყვის, 5 წუთში ჩამოვალო, ვიცი, რომ აბაზანიდან იმ მომენტშია გამოსული და მთელი პროცედურები აქვს ჩასატარებელი. ლოდინი კი ყველაზე მეტად მძულს! სადმე საჭმელად რომ უნდა გავიაროთ და ამისთვის საათობით ემზადება, მაღალქუსლიან ფეხსაცმელზე დგება და მალოდინებს, ასეთ გოგოს მეორედ როგორღა მივაკითხავ?! შეიძლება ასეთი გადაპრანჭული გოგო ვიღაცას მოსწონს, მაგრამ მე არ მიზიდავს.
– როცა გიყვართ, როგორ გამოხატავთ?
– თბილი და ზედმეტად ყურადღებიანი ვხდები. არ მიყვარს, როცა ამას გოგო ვერ ამჩნევს. თუ ასე ხდება, მის მიმართ მაშინვე ვცივდები.
როცა შეყვარებული ვარ, მინდა, რომ სულ ერთად ვიყოთ. გოგოსთვის არაერთხელ მიმღერია, ოღონდ ფანჯარასთან არასოდეს დავმდგარვარ ფიალით ხელში. გოგოს სხვა რით უნდა მოვაწონო თავი, თუ არა გიტარაზე სიმღერით? "მე საიდუმლოს შენახვაც ვიცი..." – ერთს წავიღიღინებ და ვხვდები, რომ მოსწონთ, ეს ჩემთვის ყველაზე დიდი სტიმულია. არ არის აუცილებელი, ჩემი მომავალი მეუღლე მღეროდეს, მაგრამ თუ იმღერებს, ძალიან მაგარი იქნება. შეიძლება მასთან ერთად სცენაზე არ დავდგე, მაგრამ სუფრასთან თუ ავმღერდებით ერთად, კარგი იქნება.
– თქვენი ცხოვრება მთლიანად სიმღერით არის შევსებული თუ პარალელურად რაიმე საქმითაც ხართ დაკავებული?
– ქართულ–ევროპულ აკადემიაში არქიტექტურის ფაკულტეტს ვამთავრებ. ვხატავ, ვხაზავ, ვმღერი, ადრე ვცურავდი, ახლა თხილამურებით ვსრიალებ.
– სასურველი სასიძოც ყოფილხართ.
– ჩემზე უკეთესებიც იქნებიან, მაგრამ მეც არ ვარ ცუდი.
– ორი სიტყვით შოუ "ორ ვარსკვლავზეც" ვისაუბროთ. კმაყოფილი ხართ მასში მონაწილეობით?
– ბაკურიანში ვიყავი, თხილამურებით ვსრიალებდი და დამირეკეს, ამ პროექტში ირინა ონაშვილთან ერთად თუ მიიღებ მონაწილეობასო და დავთანხმდი. ჩემ გვერდით სცენაზე ვინ დადგებოდა, ამას გადამწყვეტი მნიშვნელობა ჰქონდა. ირინა კარგად რომ მღეროდა, ვიცოდი, მაგრამ მასთან პირადი ნაცნობობა არ მაკავშირებდა, თუმცა ისე დავთანხმდი, არც დავფიქრებულვარ. პროექტში ყველა ძალიან კარგია, დროსტარებაში გადის რეპეტიციები, დავმეგობრდით კიდეც. პირველ დღეს ყველა ვნერვიულობდით. ვისაც სცენაზე დავუნახივარ, კარგად იციან, რომ მიკროფონი ყოველთვის შტატივზე მიდგას, არც ვცეკვავ და არც სცენაზე დავდივარ. პროექტის დაწყების დღეს კი შტატივის გარეშე მომიწია სიმღერა. პლასტიკით დიდად არ გამოვირჩევი და ჟიურიმ ეს აღნიშნა კიდეც, მაგრამ ჩემთვის მთავარი სიმღერაა. "ფეისბუქზე" კომენტარების კითხვით თავს არ ვიწუხებ, მაგრამ, რასაც მოვკარი თვალი, ჩვენს წყვილს ყველა აქებს.
– ჟიურის შეფასებები როგორ მიიღეთ?
– პირველი გამოსვლა ტური არ იყო, საჩვენებელი კონცერტით წარვდექით. ჟიურისგან ოდნავ ნაკლები კრიტიკა ცუდი არ იქნებოდა. "ფეისბუქზე" ბევრი ცუდიც იწერება. ყრუები რას მღერიანო, ამას რომ წერენ, არ შეიძლება. ხაზგასმით არის ნათქვამი, რომ ეს არის მეგაშოუ და არა – კონკურსი. სამწუხაროდ, ამას ხალხი ვერ ხვდება. ასეთ კომენტარებს არასოდეს ვპასუხობ, რაც უფრო მეტად ჩავერევი, მეტად მომეშლება ნერვები. მიხარია, რომ პროექტში ასეთი პარტნიორი მყავს. არ ვიცი, რა კრიტერიუმებით დაგვაწყვილეს, მაგრამ დაემთხვა, რომ ორივე მაღლები ვართ. ეს მათი კონკურსია და ჩვენ, მომღერლები, ვეხმარებით. სტივ უანდერის სიმღერა ირინას შერჩეულია. რაც მას მოუხდება, მეც ის უნდა ვიმღერო. ჩვენი ვოკალის პედაგოგები რუსა მორჩილაძე და ქეთი გაბისიანი არიან. ირინა იმდენად ნიჭიერია, რასაც ასწავლიან, იმ დღესვე თუ ვერ გაართვა თავი, მეორე დღეს უკვე კარგად გამოსდის. გემოვნებიანად აკეთებს ყველაფერს, მის შესრულებაში არანაირი შესწორება არ შემაქვს.
სოფიო ბოჭორიძე, ჟურნალი სარკე
