''ქალი მამაკაცის სამოსში უფრო სექსუალურად გამოიყურება''
1 719 ნახვა
ნინო გურაბანიძე სამხატვრო აკადემიაში სამოსის დიზაინზე სწავლობდა, შემდეგ ცოტა ხანს რომის აკადემიაშიც დადიოდა. ბედი სცადა კოსტიუმების მხატვრის, ილუსტრატორის რანგში. გარდა ამისა, ოთხ ქვეყანაში იყო რამდენიმე ბრენდის ვიზუალის ხელმძღვანელი. სხვადასხვა სფეროში ძალების მოსინჯვით გამოცდილება დააგროვა და ახლა გადაწყვიტა, საკუთარი ბრენდი ჩამოაყალიბოს.
- სანამ მთლიანად ჩავერთვები ბრენდისა და ატელიე-სახელოსნოს საქმეში, მანამდე პატარ-პატარა კოლექციებს ვქმნი, რომლებიც ერთ-ერთ ქართულ მაღაზიაში იყიდება. ზამთარში გავაკეთე რამდენიმე პალტო, ახლა კი ვმუშაობ გაზაფხული-ზაფხულის სამოსზე, რომელიც იმავე მაღაზიაში გაიყიდება. ძალიან მინდა, საზღვარგარეთაც მოვსინჯო ძალები და ვნახოთ, როგორ წარიმართება საქმე.
- რაც შეეხება ამ სეზონის ზოგად ტენდენციებს...
- მსოფლიო მოდის სფეროში წითელმა, ლურჯმა და ყვითელმა ფერებმა წამოიწია. თითქმის ყველა დიზიანერის კოლექცია ცივი გამითაა დატვირთული, თუმცა პასტელური ტონებიც აქტუალურია. რაც შეეხება სილუეტს, ძირითადი აქცენტი გადატანილია წელზე, ზედა სამოსმა სიგრძეში მოიკლო. 40-50-იანი წლების ტენდენცია - წელზე მკვეთრად გადაჭრილი ბლუზები ისევ აქტუალურია. ასევე მოდურია ე.წ. ''ოვერსაიზ'' ზედები, ქვედაბოლოები კი უფრო დაგრძელდა და ქვედა წვივამდე ჩამოვიდა. შარვლების ძირითადი ხაზი შენარჩუნებულია, წელი მაღალია, მაგრამ ტოტი გაფართოვდა, ანუ თავიდანვე გაშლილი, ტრაპეციის ფორმის შარვლებია ტრენდული.
ამ სეზონისთვის მკვეთრად დამახასიათებელი ნიშანი დაპრინტული სამოსია. ძალიან დიდი პრინტებია მოდაში, არ აქვს მნიშვნელობა, ეს იქნება მცენარეული, გრაფიკული თუ სხვა. ქართველი მომხმარებელი ასე თუ ისე მისდევს მსოფლიო ტენდენციას და კარგია, რომ მუქი ფერები ღია ტონებმა ჩაანაცვლა, ხალხი ''გაფერადდა''. XXI საუკუნის მოდა მაინც ჩარჩოებიდან ამოვარდნილია, ამიტომ ტენდენციებს ბრმად არასდროს მივყვები; ყოველთვის ვაკეთებ იმას, რაც მომწონს, თუმცა მსოფლიო მოდის სფეროდან გარკვეულ საკითხებს ვითვალისწინებ.
- რას გვეტყვი მამაკაცური დეტალების ქალის სამოსში შეტანის საკითხზე.
- ბოლო წლებში უნისექსია აქტუალური, ვიდრე კონკრეტულად მამაკაცის ან ქალის ხაზი, ამიტომ დიზაინერები ცდილობენ, ამ სინთეზისას ქალი არ გახადონ ზედმეტად კაცური და მამაკაცის კოლექციაში არ შეიტანონ ბევრი ქალური დეტალი. თუმცა, ჩემი აზრით, ზოგჯერ, ქალი მამაკაცის სამოსში უფრო სექსუალურად გამოიყურება, ვიდრე გლამურულ კაბაში. მოკლედ, ამ საკითხში მთავარია შუალედის პოვნა, რომ სტილის შერწყმისას არ გადაამლაშო.
- რაც შეეხება ფეხსაცმელს...
- შარშანდელი მილიტარისტული სტილი და უხეში ფორმები ჯერ კიდევ შემორჩენილია. შეიძლება, თხელი ან ნაზი ქსოვილი დავსვათ სქელ ძირზე ან უხეში ფორმის ქუსლზე, აქაც ქალურობისა და მამაკაცურობის სინთეზია. თუმცა მოდა ითვალისწინებს ადამიანების ცხოვრების წესს და ამის მიხედვით გვთავაზობს ტენდენციებს.
- გაზაფხული პიჯაკების სეზონია, ამ მხრივ რა უნდა გავითვალისწინოთ?
- კლასიკური, ოდნავ ''ოვერსაიზ'' პიჯაკებია მოდური, ასევე - ორბორტიანები, ცოტა მამაკაცური დეტალებით. კარგი იქნება, თუ ამას შეუხამებთ ქალურ სილუეტს, კაბას, ქვედაბოლოს, ბლუზას და ა.შ.
- რაც შეეხება აქსესუარებს, რომლებიც სამოსს ამრავალფეროვნებს...
- მეტალის დიდი, უფორმო აქსესუარებია მოდაში. შეიძლება, სამკაული აქსესუარადაც არ აღიქმებოდეს, მაგრამ გამოიყენო და იყო ორიგინალური. შესაძლებელია, ყოფითი ცხოვრებიდან აღებული რაიმე ნივთი გამოიყენო აქსესუარად. გარდა ყელსაბამებისა, ასევე ტრენდულია სამაჯურები და ქამრები, რადგან ამ სეზონზე აქცენტი მაინც წელზე კეთდება.…
ციცი ომანიძე
ჟურნალი ''რეიტინგი''
- სანამ მთლიანად ჩავერთვები ბრენდისა და ატელიე-სახელოსნოს საქმეში, მანამდე პატარ-პატარა კოლექციებს ვქმნი, რომლებიც ერთ-ერთ ქართულ მაღაზიაში იყიდება. ზამთარში გავაკეთე რამდენიმე პალტო, ახლა კი ვმუშაობ გაზაფხული-ზაფხულის სამოსზე, რომელიც იმავე მაღაზიაში გაიყიდება. ძალიან მინდა, საზღვარგარეთაც მოვსინჯო ძალები და ვნახოთ, როგორ წარიმართება საქმე.
- რაც შეეხება ამ სეზონის ზოგად ტენდენციებს...
- მსოფლიო მოდის სფეროში წითელმა, ლურჯმა და ყვითელმა ფერებმა წამოიწია. თითქმის ყველა დიზიანერის კოლექცია ცივი გამითაა დატვირთული, თუმცა პასტელური ტონებიც აქტუალურია. რაც შეეხება სილუეტს, ძირითადი აქცენტი გადატანილია წელზე, ზედა სამოსმა სიგრძეში მოიკლო. 40-50-იანი წლების ტენდენცია - წელზე მკვეთრად გადაჭრილი ბლუზები ისევ აქტუალურია. ასევე მოდურია ე.წ. ''ოვერსაიზ'' ზედები, ქვედაბოლოები კი უფრო დაგრძელდა და ქვედა წვივამდე ჩამოვიდა. შარვლების ძირითადი ხაზი შენარჩუნებულია, წელი მაღალია, მაგრამ ტოტი გაფართოვდა, ანუ თავიდანვე გაშლილი, ტრაპეციის ფორმის შარვლებია ტრენდული.
ამ სეზონისთვის მკვეთრად დამახასიათებელი ნიშანი დაპრინტული სამოსია. ძალიან დიდი პრინტებია მოდაში, არ აქვს მნიშვნელობა, ეს იქნება მცენარეული, გრაფიკული თუ სხვა. ქართველი მომხმარებელი ასე თუ ისე მისდევს მსოფლიო ტენდენციას და კარგია, რომ მუქი ფერები ღია ტონებმა ჩაანაცვლა, ხალხი ''გაფერადდა''. XXI საუკუნის მოდა მაინც ჩარჩოებიდან ამოვარდნილია, ამიტომ ტენდენციებს ბრმად არასდროს მივყვები; ყოველთვის ვაკეთებ იმას, რაც მომწონს, თუმცა მსოფლიო მოდის სფეროდან გარკვეულ საკითხებს ვითვალისწინებ.
- რას გვეტყვი მამაკაცური დეტალების ქალის სამოსში შეტანის საკითხზე.
- ბოლო წლებში უნისექსია აქტუალური, ვიდრე კონკრეტულად მამაკაცის ან ქალის ხაზი, ამიტომ დიზაინერები ცდილობენ, ამ სინთეზისას ქალი არ გახადონ ზედმეტად კაცური და მამაკაცის კოლექციაში არ შეიტანონ ბევრი ქალური დეტალი. თუმცა, ჩემი აზრით, ზოგჯერ, ქალი მამაკაცის სამოსში უფრო სექსუალურად გამოიყურება, ვიდრე გლამურულ კაბაში. მოკლედ, ამ საკითხში მთავარია შუალედის პოვნა, რომ სტილის შერწყმისას არ გადაამლაშო.
- რაც შეეხება ფეხსაცმელს...
- შარშანდელი მილიტარისტული სტილი და უხეში ფორმები ჯერ კიდევ შემორჩენილია. შეიძლება, თხელი ან ნაზი ქსოვილი დავსვათ სქელ ძირზე ან უხეში ფორმის ქუსლზე, აქაც ქალურობისა და მამაკაცურობის სინთეზია. თუმცა მოდა ითვალისწინებს ადამიანების ცხოვრების წესს და ამის მიხედვით გვთავაზობს ტენდენციებს.
- გაზაფხული პიჯაკების სეზონია, ამ მხრივ რა უნდა გავითვალისწინოთ?
- კლასიკური, ოდნავ ''ოვერსაიზ'' პიჯაკებია მოდური, ასევე - ორბორტიანები, ცოტა მამაკაცური დეტალებით. კარგი იქნება, თუ ამას შეუხამებთ ქალურ სილუეტს, კაბას, ქვედაბოლოს, ბლუზას და ა.შ.
- რაც შეეხება აქსესუარებს, რომლებიც სამოსს ამრავალფეროვნებს...
- მეტალის დიდი, უფორმო აქსესუარებია მოდაში. შეიძლება, სამკაული აქსესუარადაც არ აღიქმებოდეს, მაგრამ გამოიყენო და იყო ორიგინალური. შესაძლებელია, ყოფითი ცხოვრებიდან აღებული რაიმე ნივთი გამოიყენო აქსესუარად. გარდა ყელსაბამებისა, ასევე ტრენდულია სამაჯურები და ქამრები, რადგან ამ სეზონზე აქცენტი მაინც წელზე კეთდება.…
ციცი ომანიძე
ჟურნალი ''რეიტინგი''
