რატომ გააღიზიანა სტეფანე გიორგი გაბუნიამ - ''გაბუნიას დაერხა''...
1 885 ნახვა
7 აპრილს ''იქს ფაქტორის'' მორიგ შესარჩევ ტურს დავესწარი. სანტერესო გამოდგა ეს დღე, რადგან კონკურსის მონაწილეებს შორის ძლიერი ნაკადი სჭარბობდა. როგორც ყოველთვის, ''ხულიგნობდა'' გიორგი გაბუნია.
ვინც ამ პროექტის შესარჩევ ტურებს დასწრებია დამეთანხმება, რომ გაბუნია, ჟიურის ის წევრია, რომლისაც ყველაზე მეტად ეშინიათ კონკურსანტებს, რომელიც ყველაზე დიდხანს ფიქრობს სანამ თავის შეფასებას იტყვის და რომელიც უცნაურ მეტაფორებსა და შედარებებს იყენებს ამა თუ იმ მონაწილის დასახასიათებლად.
ეს ზოგჯერ შეურაცხყოფაშიც კი გადადის. სწორედ ამან გააღიზიანა გუშინ სტეფანე. ერთ-ერთი ანსამბლის გამოსვლის შემდეგ გიორგიმ მათ დროში აცდენა დააბრალა, - მოძველებულია თქვენი რეპერტუარი, შესრულების მანერა და ჩაცმის სტილიც კიო. ვითომ რა გაცვია მათგან განსხვავებულიო, გაცხარდა სტეფანე და იქვე დააფიქსირა თავისი აზრი, რომ მონაწილეების ჩაცმულობაზე ხაზგასმა არაეთიკურად მიაჩნია.
კიდევ ერთი დეტალი. მორიგი როკშემსრულებლის გამოსვლის შემდეგ, გაბუნიამ კონკურსანტი შეაქო და აქვე სტეფანესაც გაჰკრა კბილი, - ისეთი მაგარი შესრულება იყო, ჟიურის ქალ წარმომადგენლებთან ერთად სტეფანეც კი თმას იქნევდაო. გაბუნიას დაერხა, - უპასუხა სტეფანემ.
შესვენებაზე დღის მთავარ გმირებს ამ კინკლაობის მიზეზი ვკითხე.
გიორგი გაბუნია:
- გიორგი, მეტისმეტად კრიტიკული ხარ, ეს დავალებული გაქვს პროექტის მესვეურების მხრიდან?
- (იცინის) არა, ჩვენი პროექტის მესვეურები ისეთი კეთილები არიან, ასეთ დავალებებს არ იძლევიან. უბრალოდ მინდა კონკურსანტი ზუსტად მივახვედრო, რა შთაბეჭდილება მოახდინა ჩემზე და არ შევალამაზო ის სიმართლე, რასაც ვიღებ მათგან. ამიტომაც ვიყენებ ხოლმე ასეთ შედარებებს.
- დღეს სტეფანემ შენი ერთ-ერთი შეფასება გააპროტესტა, როცა ხაზი გაუსვით კონკურსანტების ჩაცმულობას.
- სტეფანე ყოველთვის აპროტესტებს ამას. მე მაინც მიმაჩნია, რომ ეს არ არის მხოლოდ ვოკალზე გათვლილი კონკურსი და ყველა დეტალი უნდა იყოს გათვალისწინებული, მათ შორის ჩაცმის სტილი, იმიჯი. პირველ ეფექტს მაყურებელზე ადამიანი ახდენს თავისი ვიზიუალით, ამიტომაც ვუსვამ ხაზს.
- ჟიურის კომპეტენციას სცდება გიორგის შეფასებებიო, ერთ-ერთ ინტერვიუში თქვა სტეფანემ.
- ალბათ სწორედ ჩემს აქცენტებს გულისხმობს მონაწილის ჩაცმულობაზე, სიარულზე, გამომეტყველებაზე. ვერ შევიცვლები, ეს ჩემთვის მნიშვნელოვანია.
- სტეფანე იმასაც უსვამს ხაზს, რომ შენ არ ხარ მუსიკოსი.
- ამას მხოლოდ სტეფანე არ აღნიშნავს. როდესაც დასახელდა ჟიურის წევრები, პირველი კითხვა ჩემთან დაკავშირებით სწორედ ეს გაჩნდა, ამას რაღა უნდა ჟიურიშიო, კითხულობდნენ. ყველას ვეტყვი, რომ ჟიურიში იმიტომ ვარ, რომ ხელი შევუშალო ჟიურის დანარჩენ წევრებს და ნერვები მოვუშალო კონკურსანტებს.
სტეფანე:
- ეს ყველაფერი შოუს ნაწილია. გიორგისთან ძალიან კარგი დამოკიდებულება მაქვს, ვმეგობრობთ, მაგრამ რადგან გამომიწვია, ვალში ხომ არ დავრჩებოდი? არ დავიხევ უკან.
- გაბუნიას დაერხაო, ასეთი რამ თქვი დარბაზში.
- ჯერ კიდევ ვუყურებ, პერსპექტივაში არის შეტევა (იცინის).
ნინო მჭედლიშვილი
''რეიტინგის''
ვინც ამ პროექტის შესარჩევ ტურებს დასწრებია დამეთანხმება, რომ გაბუნია, ჟიურის ის წევრია, რომლისაც ყველაზე მეტად ეშინიათ კონკურსანტებს, რომელიც ყველაზე დიდხანს ფიქრობს სანამ თავის შეფასებას იტყვის და რომელიც უცნაურ მეტაფორებსა და შედარებებს იყენებს ამა თუ იმ მონაწილის დასახასიათებლად.
ეს ზოგჯერ შეურაცხყოფაშიც კი გადადის. სწორედ ამან გააღიზიანა გუშინ სტეფანე. ერთ-ერთი ანსამბლის გამოსვლის შემდეგ გიორგიმ მათ დროში აცდენა დააბრალა, - მოძველებულია თქვენი რეპერტუარი, შესრულების მანერა და ჩაცმის სტილიც კიო. ვითომ რა გაცვია მათგან განსხვავებულიო, გაცხარდა სტეფანე და იქვე დააფიქსირა თავისი აზრი, რომ მონაწილეების ჩაცმულობაზე ხაზგასმა არაეთიკურად მიაჩნია.
კიდევ ერთი დეტალი. მორიგი როკშემსრულებლის გამოსვლის შემდეგ, გაბუნიამ კონკურსანტი შეაქო და აქვე სტეფანესაც გაჰკრა კბილი, - ისეთი მაგარი შესრულება იყო, ჟიურის ქალ წარმომადგენლებთან ერთად სტეფანეც კი თმას იქნევდაო. გაბუნიას დაერხა, - უპასუხა სტეფანემ.
შესვენებაზე დღის მთავარ გმირებს ამ კინკლაობის მიზეზი ვკითხე.
გიორგი გაბუნია:
- გიორგი, მეტისმეტად კრიტიკული ხარ, ეს დავალებული გაქვს პროექტის მესვეურების მხრიდან?
- (იცინის) არა, ჩვენი პროექტის მესვეურები ისეთი კეთილები არიან, ასეთ დავალებებს არ იძლევიან. უბრალოდ მინდა კონკურსანტი ზუსტად მივახვედრო, რა შთაბეჭდილება მოახდინა ჩემზე და არ შევალამაზო ის სიმართლე, რასაც ვიღებ მათგან. ამიტომაც ვიყენებ ხოლმე ასეთ შედარებებს.
- დღეს სტეფანემ შენი ერთ-ერთი შეფასება გააპროტესტა, როცა ხაზი გაუსვით კონკურსანტების ჩაცმულობას.
- სტეფანე ყოველთვის აპროტესტებს ამას. მე მაინც მიმაჩნია, რომ ეს არ არის მხოლოდ ვოკალზე გათვლილი კონკურსი და ყველა დეტალი უნდა იყოს გათვალისწინებული, მათ შორის ჩაცმის სტილი, იმიჯი. პირველ ეფექტს მაყურებელზე ადამიანი ახდენს თავისი ვიზიუალით, ამიტომაც ვუსვამ ხაზს.
- ჟიურის კომპეტენციას სცდება გიორგის შეფასებებიო, ერთ-ერთ ინტერვიუში თქვა სტეფანემ.
- ალბათ სწორედ ჩემს აქცენტებს გულისხმობს მონაწილის ჩაცმულობაზე, სიარულზე, გამომეტყველებაზე. ვერ შევიცვლები, ეს ჩემთვის მნიშვნელოვანია.
- სტეფანე იმასაც უსვამს ხაზს, რომ შენ არ ხარ მუსიკოსი.
- ამას მხოლოდ სტეფანე არ აღნიშნავს. როდესაც დასახელდა ჟიურის წევრები, პირველი კითხვა ჩემთან დაკავშირებით სწორედ ეს გაჩნდა, ამას რაღა უნდა ჟიურიშიო, კითხულობდნენ. ყველას ვეტყვი, რომ ჟიურიში იმიტომ ვარ, რომ ხელი შევუშალო ჟიურის დანარჩენ წევრებს და ნერვები მოვუშალო კონკურსანტებს.
სტეფანე:
- ეს ყველაფერი შოუს ნაწილია. გიორგისთან ძალიან კარგი დამოკიდებულება მაქვს, ვმეგობრობთ, მაგრამ რადგან გამომიწვია, ვალში ხომ არ დავრჩებოდი? არ დავიხევ უკან.
- გაბუნიას დაერხაო, ასეთი რამ თქვი დარბაზში.
- ჯერ კიდევ ვუყურებ, პერსპექტივაში არის შეტევა (იცინის).
ნინო მჭედლიშვილი
''რეიტინგის''
