ექსკლუზივები "ერთი ერთშის" ახალი სეზონიდან
1 841 ნახვა
„ჯდს“-ის ეთერში მალე „ერთი ერთშის“ მეორე სეზონი დაიწყება. შოუში ბევრი სიახლე იგეგმება. შეიცვალნენ ჟიურის წევრები, მოიწვიეს ახალი ვოკალის პედაგოგი სისი სამი, რომელიც მანამდე ბრიტანულ „X ფაქტორსა“ და „ვოისთან“ თანამშრომლობდა. მასთან ერთად ჟიურის წევრი იქნება პირველი სეზონიდან ყველასთვის კარგად ნაცნობი ზაკ რისი და ასევე მსახიობი ზაზა კოლელიშვილი. პროექტის სხვა სიახლეებზე შოუს აღმასრულებელ პროდიუსერ ელენე კოლელიშვილს და მუსიკალურ პროდიუსერ გვანცა კილასონიას ვესაუბრეთ.
- რა იქნება განსხვავებული მეორე სეზონში?
გვანცა:
- შოუს პრინციპი არ დარღვეულა. მონაწილეთა შორის იქნებიან ოთხი გოგონა და ოთხი ბიჭი. საკონკურსო მარათონიც ზუსტად იმავენაირად წარიმართება. სიახლე გვაქვს ჟიურის შემადგენლობაში. გვეყოლება ჟიურის სამი მუდმივი და მეოთხე მოწვეული წევრი, რომელიც მონაწილეებს ასევე დაუწერს ქულებს.
- ქართულ ტელეარხებზე უკვე გადის „ორი ვარსკვლავი“ და იწყება „X ფაქტორი“. კონკურენციაზე რას ფიქრობთ?
ელენე:
- ჩვენს პროექტს ჰყავს თავისი ერთგული მაყურებელი, რომელიც, დარწმუნებული ვარ, ელოდება „ერთი ერთშის“ მეორე სეზონს. ჩვენი პროექტი არც ერთ შოუს არ ჰგავს. ჩვენს შოუში მთავარია გარდასახვა, გრიმი, კოსტიუმი და ვოკალი, ამიტომ პირადად მე არც ერთი სხვა პროექტის არ მეშინია.
გვანცა:
- პირველ სეზონზეც იმდენივე შოუ გადიოდა, რამდენიც წელსაა. მაშინ „ნიჭიერი“ იყო, ახლა „X ფაქტორი“ დაიწყება. „იმედზე“ „ახალი ხმა“ იყო და ახლა „ორი ვარსკვლავი“ გადის. ვფიქრობ, „ერთი ერთში“ სტაბილურად წარმატებული იქნება. არასდროს შევადარებ ორ სეზონს ერთმანეთს, მაგარს როდესაც ვამბობ, ვგულისხმობ, რომ პროექტზე მომუშავე გუნდმა მეტი გამოცდილება მიიღო. მიხარია, რომ ჯდს-ი, რამდენიმე წლის ტელევიზია, ძალიან თავისუფლად უწევს კონკურენციას მეგაშოუებს სხვა არხებზე და ერთ სეზონზე სატელევიზიო ბაზარზე ჯდს-მა თავისი ნიშა დაიკავა. როდესაც თქვენ, ჟურნალისტები შოუებს თვლით, ყოველთვის ახსენებთ ჩვენი არხის ამ პროექტს და ესაა არხის მთავარი წარმატება.
- აღნიშნავდნენ, რომ პირველ სეზონში კონკურსანტებს საუკეთესო გრიმი უკეთდებოდათ.
ელენე:
- სწორედ ამიტომ გრიმიორების იგივე ჯგუფი იმუშავებს ამ სეზონზეც. გრიმი და კოსტიუმი შოუში პირველ ეფექტს ახდენს. ამ შემთხვევაში დათმობებზე წასვლა არანაირად არ ღირს. თუ ნებისმიერი მომღერალი გარეგნულად არ ჰგავს მას, ვისაც ჰბაძავს, არ აქვს მნიშვნელობა, ხმით დაემსგავსება თუ არა. ბულგარელი იანა სტოიანოვა და ანა ანდრეევა, ქართველი გრიმიორები სოფო მაჭავარიანი და ელა ვოინვარცი იმუშავებენ ამ სეზონზეც. კოსტიუმების მხატვარი შევცვალეთ, მაგრამ ეფექტი, დარწმუნებული ვარ, იგივე იქნება. ასევე ახალი პედაგოგი გვყავს დრამაში – აჩიკო სოლოღაშვილი, და ვფიქრობთ, მისი გამოცდილება ძალიან წაადგება შოუს მონაწილეებს.
გვანცა:
- ამ შოუში ყველაზე მნიშვნელოვანია, რომ გყავდეს სწორედ ასეთი პროფესიონალი გრიმიორები. მათ გარეშე შოუ ჩავარდება. თან ჩვენს ბულგარელ გრიმიორებს ანალოგიურ პროექტში სხვა ქვეყნებში აქვთ ნამუშევარი და ზუსტად იციან, რა და როგორ გააკეთონ.
- „ორმა ვარსკვლავმა“ დიდი კრიტიკა დაიმსახურა რუსული სიმღერების შესრულების გამო. „ერთი ერთშიც“ სრულდებოდა რუსულენოვანი სიმღერები. ამჯერად როგორ იქნება?
- ვიქნები ძალიან კოლეგიალური და ვერ დავუდგები გვერდში იმ არმიას, რომელმაც ეს პროექტი, მონაწილეებიდან დაწყებული პროდიუსერებით დამთავრებული, კრიტიკის ქარცეცხლში გაატარა. ვფიქრობ, რაღაც მომენტში კრიტიკაში გადააჭარბეს და გადაამლაშეს. როდესაც დიდი პროექტი მზადდება, მის უკან ძალიან დიდი გუნდი დგას. ბოლოს და ბოლოს ნოე სულაბერიძეს მონაწილეების უპრეცედენტო რაოდენობა ჰყავს. 24 კაცი უდგას სცენაზე. ამის გაკეთება კი ძალიან რთულია. არ მგონია, ამ შოუში მთავარი გასაკრიტიკებელი რუსული სიმღერა ყოფილიყო, მაგრამ „ორი ვარსკვლავის“ პირველ ტურში მეც ცოტა ზედმეტი მომეჩვენა რუსული სიმღერების რაოდენობა. ჩვენს შოუზე არასდროს გამიგია შენიშვნა, რა გააჭირეთ საქმე რუსული სიმღერითო. „ერთი ერთში“ თითო კონცერტზე მაქსიმუმ ერთი რუსულენოვანი სიმღერა გაჟღერდეს. ესეც ლოტოტრონზეა დამოკიდებული. ვფიქრობ, ეს ნამდვილად არავის გააღიზიანებს. იდეფიქსი არ გვექნება, რომ მომღერალს რუსული სიმღერა შევასრულებინოთ და კრიტიკის შიშით არც ლოტოტრონიდან ამოვიღებთ რუსი შემსრულებლების ფოტოებს.
- კონკურსანტებზე მინდა გკითხოთ, ერთ-ერთი იქნება დუტა სხირტლაძე. Dდუტა არის „ორ ვარსკვლავში“, მალე „იმედზე“ სხვა გადაცემასაც წაიყვანს და მონაწილეობს თქვენს პროექტშიც. თავადაც ამბობს, ახლა იტყვიან, აქაც დუტა იქნებაო. მინდა თქვენ მიპასუხოთ, რატომ იქნება აქაც დუტა?
- დუტა არის ცნობილი ტელეწამყვანი, მსახიობი და შოუმენი. ჩვენს შოუში დუტა იმიტომ მონაწილეობს, რომ ცნობილი ადამიანია. როგორი იქნება დუტა შეცვლილი გარეგნობით და რომელ მომღერლად გარდასახვა მოუწევს, დარწმუნებული ვარ, ეს მთელ საქართველოს დააინტერესებს. ყველამ კარგად იცის, როგორი წამყვანია და როგორი მსახიობია. დიახაც, ის „ერთი ერთშიც“ არის და ნებისმიერ პროდიუსერს მოუნდებოდა, ამ დონის პოპულარული ადამიანი თავის შოუში ჰყოლოდა. დუტას დათანხმება წამყვანობაზე მარტივია. დუტას დათანხმება შოუში მონაწილეობაზე, ეს ძალიან რთულია.
- როგორ დაითანხმეთ?
ელენე:
- ძალიან კარგი პროექტია და დიდ ინტერესს იწვევს მსახიობებში, წამყვანებში და ყველა პროფესიის ადამიანში. ყველაზე მომხიბვლელი შოუს მონაწილეებისთვის ის არის, რომ პროექტს არავინ ტოვებს და ყველაფერს აკეთებენ იმისთვის, რომ დაიხვეწონ და საინტერესო სახე შექმნან. დუტა არის ერთადერთი მონაწილე ამ შოუში, რომელიც მომღერალი არ გახლავთ.
- როგორც ვხვდები, დუტა ისეთივე სიტუაციაშია, როგორშიც იყო ეკა ანდრონიკაშვილი, უბრალოდ, მას უკეთესი ვოკალური მონაცემები აქვს.
გვანცა:
- ვნახოთ, როგორ იმღერებს დუტა. ვიცი, რომ ამ სფეროში აქვს გამოცდილება, თელავში თავისი როკბენდი „ღამურები“ ჰქონდა. ჩვენთვის მთავარია, რომ კარგად გარდაისახოს და კარგად იმღეროს. დიახ, გვინდა, რომ ჩვენი შოუს ყველა მონაწილემ კარგად იმღეროს. შოუ არ უნდა იყოს იმაზე, როგორ ვერ მღერის მონაწილე. ჩემი აზრით, შოუ უნდა იყოს ისეთი, რომ თქვან, ნახე, მომღერალი არაა და რა მაგრად მღერისო. დარწმუნებული ვარ, დუტას შემთხვევაში ასეც იქნება.
- ალბათ გადაწყვეტილება, რომ ყველა მონაწილე კარგად მღეროდეს, პირველი სეზონის გამოცდილებიდანაც მიიღეთ. ეკა ანდრონიკაშვილს ყველა აკრიტიკებდა იმის გამო, რომ ვერ მღეროდა და იყო ხოლმე კომენტარები, რატომ იტანჯებაო...
ელენე:
- არ შეიძლება, მსახიობს სთხოვდე ისეთ დონეზე სიმღერას, როგორსაც მომღერალს სთხოვ. ეკა მსახიობია, რომელიც ცდილობდა, თავისი შესაძლებლობების მაქსიმუმი გაეკეთებინა. ბევრს შრომობდა და ძალიან მონდომებული იყო.
გვანცა:
- უბრალოდ, ეკას ვოკალის სისუსტე ნათლად გამოჩნდა პროექტის სხვა მომღერალი მონაწილეების ფონზე.
- უკვე გადაწყვეტილია, ვინ წაიყვანს შოუს მეორე სეზონს?
ელენე:
- ამ შემთხვევაში იძულებითი ცვლილება გვექნება. თორნიკე გოგრიჭიანი ვერ ახერხებს, რომ იყოს ჩვენთან ერთად, გასტროლებისა და გადაღებების გამო. პირდაპირი ეთერიდან წამყვანის გაქრობას ვერაფრით მოვახერხებდით.
გვანცა:
- ვხუმრობდით კიდეც, ვინმე ბიჭი ხომ არ ავიყვანოთ და გარდავსახოთ, ვითომ გოგრიჭიანიაო. ორივე წამყვანის შენარჩუნება ძალიან გვინდოდა, თორნიკემ რომ გვითხრა, ამერიკაში უნდა წავიდეო, დიდი კითხვის ნიშანი დადგა, რა გვექნა. გადავწყვიტეთ, რომ თუკი თორნიკე არ იქნებოდა, ანი მამულაშვილისთვის მეწყვილის მოძებნას, ჯობდა, წყვილი შეგვეცვალა. ჯდს-ის საპროდიუსერო გუნდმა ერთობლივად გადავწყვიტეთ, რომ შოუს ახალი წამყვანები ჰყავდეს. ესენი ყველასთვის ძალიან საყვარელი ადამიანები არიან - კახა კინწურაშვილი და რუსკა მაყაშვილი. დარწმუნებული ვარ, რუსკა და კახა არანაკლებ კარგი წამყვანები იქნებიან, ვიდრე გვყავდნენ.
- არხის მფლობელი ბერა ივანიშვილი პროექტის პირველ სეზონში აქტიურად იყო ჩართული.
ელენე:
- ბერა ყოველთვის დაინტერესებულია, რა ხდება ჯდს-ში და რასაკვირველია, „ერთი ერთშის“ მეორე სეზონშიც ჩაერთვება.
გვანცა:
- ბერა სულ ესწრებოდა ლაივებს და არასდროს უნდოდა დარბაზში ჯდომა. ძალიან გაგვიჭირდა მისი დათანხმება, რომ დარბაზში ყოფილიყო, როცა ნუცა ბუზალაძე მის სიმღერას ასრულებდა. არ აქვს იმის ამბიცია, რომ რადგან მისი ტელევიზიაა, წინა რიგში იჯდეს და სულ ჩანდეს. კონცერტის შემდეგ მონაწილეებს სულ ამხნევებდა და ახლაც დღე ისე არ ჩაივლის, რომ არ გვკითხოს, რამე ხომ არ გვჭირდება. გამხნევება ბერამ ძალიან კარგად იცის და მის გვერდში დგომას ყოველთვის ვგრძნობთ.
მერი კობიაშვილი
ჟურნალი ''რეიტინგი''
- რა იქნება განსხვავებული მეორე სეზონში?
გვანცა:
- შოუს პრინციპი არ დარღვეულა. მონაწილეთა შორის იქნებიან ოთხი გოგონა და ოთხი ბიჭი. საკონკურსო მარათონიც ზუსტად იმავენაირად წარიმართება. სიახლე გვაქვს ჟიურის შემადგენლობაში. გვეყოლება ჟიურის სამი მუდმივი და მეოთხე მოწვეული წევრი, რომელიც მონაწილეებს ასევე დაუწერს ქულებს.
- ქართულ ტელეარხებზე უკვე გადის „ორი ვარსკვლავი“ და იწყება „X ფაქტორი“. კონკურენციაზე რას ფიქრობთ?
ელენე:
- ჩვენს პროექტს ჰყავს თავისი ერთგული მაყურებელი, რომელიც, დარწმუნებული ვარ, ელოდება „ერთი ერთშის“ მეორე სეზონს. ჩვენი პროექტი არც ერთ შოუს არ ჰგავს. ჩვენს შოუში მთავარია გარდასახვა, გრიმი, კოსტიუმი და ვოკალი, ამიტომ პირადად მე არც ერთი სხვა პროექტის არ მეშინია.
გვანცა:
- პირველ სეზონზეც იმდენივე შოუ გადიოდა, რამდენიც წელსაა. მაშინ „ნიჭიერი“ იყო, ახლა „X ფაქტორი“ დაიწყება. „იმედზე“ „ახალი ხმა“ იყო და ახლა „ორი ვარსკვლავი“ გადის. ვფიქრობ, „ერთი ერთში“ სტაბილურად წარმატებული იქნება. არასდროს შევადარებ ორ სეზონს ერთმანეთს, მაგარს როდესაც ვამბობ, ვგულისხმობ, რომ პროექტზე მომუშავე გუნდმა მეტი გამოცდილება მიიღო. მიხარია, რომ ჯდს-ი, რამდენიმე წლის ტელევიზია, ძალიან თავისუფლად უწევს კონკურენციას მეგაშოუებს სხვა არხებზე და ერთ სეზონზე სატელევიზიო ბაზარზე ჯდს-მა თავისი ნიშა დაიკავა. როდესაც თქვენ, ჟურნალისტები შოუებს თვლით, ყოველთვის ახსენებთ ჩვენი არხის ამ პროექტს და ესაა არხის მთავარი წარმატება.
- აღნიშნავდნენ, რომ პირველ სეზონში კონკურსანტებს საუკეთესო გრიმი უკეთდებოდათ.
ელენე:
- სწორედ ამიტომ გრიმიორების იგივე ჯგუფი იმუშავებს ამ სეზონზეც. გრიმი და კოსტიუმი შოუში პირველ ეფექტს ახდენს. ამ შემთხვევაში დათმობებზე წასვლა არანაირად არ ღირს. თუ ნებისმიერი მომღერალი გარეგნულად არ ჰგავს მას, ვისაც ჰბაძავს, არ აქვს მნიშვნელობა, ხმით დაემსგავსება თუ არა. ბულგარელი იანა სტოიანოვა და ანა ანდრეევა, ქართველი გრიმიორები სოფო მაჭავარიანი და ელა ვოინვარცი იმუშავებენ ამ სეზონზეც. კოსტიუმების მხატვარი შევცვალეთ, მაგრამ ეფექტი, დარწმუნებული ვარ, იგივე იქნება. ასევე ახალი პედაგოგი გვყავს დრამაში – აჩიკო სოლოღაშვილი, და ვფიქრობთ, მისი გამოცდილება ძალიან წაადგება შოუს მონაწილეებს.
გვანცა:
- ამ შოუში ყველაზე მნიშვნელოვანია, რომ გყავდეს სწორედ ასეთი პროფესიონალი გრიმიორები. მათ გარეშე შოუ ჩავარდება. თან ჩვენს ბულგარელ გრიმიორებს ანალოგიურ პროექტში სხვა ქვეყნებში აქვთ ნამუშევარი და ზუსტად იციან, რა და როგორ გააკეთონ.
- „ორმა ვარსკვლავმა“ დიდი კრიტიკა დაიმსახურა რუსული სიმღერების შესრულების გამო. „ერთი ერთშიც“ სრულდებოდა რუსულენოვანი სიმღერები. ამჯერად როგორ იქნება?
- ვიქნები ძალიან კოლეგიალური და ვერ დავუდგები გვერდში იმ არმიას, რომელმაც ეს პროექტი, მონაწილეებიდან დაწყებული პროდიუსერებით დამთავრებული, კრიტიკის ქარცეცხლში გაატარა. ვფიქრობ, რაღაც მომენტში კრიტიკაში გადააჭარბეს და გადაამლაშეს. როდესაც დიდი პროექტი მზადდება, მის უკან ძალიან დიდი გუნდი დგას. ბოლოს და ბოლოს ნოე სულაბერიძეს მონაწილეების უპრეცედენტო რაოდენობა ჰყავს. 24 კაცი უდგას სცენაზე. ამის გაკეთება კი ძალიან რთულია. არ მგონია, ამ შოუში მთავარი გასაკრიტიკებელი რუსული სიმღერა ყოფილიყო, მაგრამ „ორი ვარსკვლავის“ პირველ ტურში მეც ცოტა ზედმეტი მომეჩვენა რუსული სიმღერების რაოდენობა. ჩვენს შოუზე არასდროს გამიგია შენიშვნა, რა გააჭირეთ საქმე რუსული სიმღერითო. „ერთი ერთში“ თითო კონცერტზე მაქსიმუმ ერთი რუსულენოვანი სიმღერა გაჟღერდეს. ესეც ლოტოტრონზეა დამოკიდებული. ვფიქრობ, ეს ნამდვილად არავის გააღიზიანებს. იდეფიქსი არ გვექნება, რომ მომღერალს რუსული სიმღერა შევასრულებინოთ და კრიტიკის შიშით არც ლოტოტრონიდან ამოვიღებთ რუსი შემსრულებლების ფოტოებს.
- კონკურსანტებზე მინდა გკითხოთ, ერთ-ერთი იქნება დუტა სხირტლაძე. Dდუტა არის „ორ ვარსკვლავში“, მალე „იმედზე“ სხვა გადაცემასაც წაიყვანს და მონაწილეობს თქვენს პროექტშიც. თავადაც ამბობს, ახლა იტყვიან, აქაც დუტა იქნებაო. მინდა თქვენ მიპასუხოთ, რატომ იქნება აქაც დუტა?
- დუტა არის ცნობილი ტელეწამყვანი, მსახიობი და შოუმენი. ჩვენს შოუში დუტა იმიტომ მონაწილეობს, რომ ცნობილი ადამიანია. როგორი იქნება დუტა შეცვლილი გარეგნობით და რომელ მომღერლად გარდასახვა მოუწევს, დარწმუნებული ვარ, ეს მთელ საქართველოს დააინტერესებს. ყველამ კარგად იცის, როგორი წამყვანია და როგორი მსახიობია. დიახაც, ის „ერთი ერთშიც“ არის და ნებისმიერ პროდიუსერს მოუნდებოდა, ამ დონის პოპულარული ადამიანი თავის შოუში ჰყოლოდა. დუტას დათანხმება წამყვანობაზე მარტივია. დუტას დათანხმება შოუში მონაწილეობაზე, ეს ძალიან რთულია.
- როგორ დაითანხმეთ?
ელენე:
- ძალიან კარგი პროექტია და დიდ ინტერესს იწვევს მსახიობებში, წამყვანებში და ყველა პროფესიის ადამიანში. ყველაზე მომხიბვლელი შოუს მონაწილეებისთვის ის არის, რომ პროექტს არავინ ტოვებს და ყველაფერს აკეთებენ იმისთვის, რომ დაიხვეწონ და საინტერესო სახე შექმნან. დუტა არის ერთადერთი მონაწილე ამ შოუში, რომელიც მომღერალი არ გახლავთ.
- როგორც ვხვდები, დუტა ისეთივე სიტუაციაშია, როგორშიც იყო ეკა ანდრონიკაშვილი, უბრალოდ, მას უკეთესი ვოკალური მონაცემები აქვს.
გვანცა:
- ვნახოთ, როგორ იმღერებს დუტა. ვიცი, რომ ამ სფეროში აქვს გამოცდილება, თელავში თავისი როკბენდი „ღამურები“ ჰქონდა. ჩვენთვის მთავარია, რომ კარგად გარდაისახოს და კარგად იმღეროს. დიახ, გვინდა, რომ ჩვენი შოუს ყველა მონაწილემ კარგად იმღეროს. შოუ არ უნდა იყოს იმაზე, როგორ ვერ მღერის მონაწილე. ჩემი აზრით, შოუ უნდა იყოს ისეთი, რომ თქვან, ნახე, მომღერალი არაა და რა მაგრად მღერისო. დარწმუნებული ვარ, დუტას შემთხვევაში ასეც იქნება.
- ალბათ გადაწყვეტილება, რომ ყველა მონაწილე კარგად მღეროდეს, პირველი სეზონის გამოცდილებიდანაც მიიღეთ. ეკა ანდრონიკაშვილს ყველა აკრიტიკებდა იმის გამო, რომ ვერ მღეროდა და იყო ხოლმე კომენტარები, რატომ იტანჯებაო...
ელენე:
- არ შეიძლება, მსახიობს სთხოვდე ისეთ დონეზე სიმღერას, როგორსაც მომღერალს სთხოვ. ეკა მსახიობია, რომელიც ცდილობდა, თავისი შესაძლებლობების მაქსიმუმი გაეკეთებინა. ბევრს შრომობდა და ძალიან მონდომებული იყო.
გვანცა:
- უბრალოდ, ეკას ვოკალის სისუსტე ნათლად გამოჩნდა პროექტის სხვა მომღერალი მონაწილეების ფონზე.
- უკვე გადაწყვეტილია, ვინ წაიყვანს შოუს მეორე სეზონს?
ელენე:
- ამ შემთხვევაში იძულებითი ცვლილება გვექნება. თორნიკე გოგრიჭიანი ვერ ახერხებს, რომ იყოს ჩვენთან ერთად, გასტროლებისა და გადაღებების გამო. პირდაპირი ეთერიდან წამყვანის გაქრობას ვერაფრით მოვახერხებდით.
გვანცა:
- ვხუმრობდით კიდეც, ვინმე ბიჭი ხომ არ ავიყვანოთ და გარდავსახოთ, ვითომ გოგრიჭიანიაო. ორივე წამყვანის შენარჩუნება ძალიან გვინდოდა, თორნიკემ რომ გვითხრა, ამერიკაში უნდა წავიდეო, დიდი კითხვის ნიშანი დადგა, რა გვექნა. გადავწყვიტეთ, რომ თუკი თორნიკე არ იქნებოდა, ანი მამულაშვილისთვის მეწყვილის მოძებნას, ჯობდა, წყვილი შეგვეცვალა. ჯდს-ის საპროდიუსერო გუნდმა ერთობლივად გადავწყვიტეთ, რომ შოუს ახალი წამყვანები ჰყავდეს. ესენი ყველასთვის ძალიან საყვარელი ადამიანები არიან - კახა კინწურაშვილი და რუსკა მაყაშვილი. დარწმუნებული ვარ, რუსკა და კახა არანაკლებ კარგი წამყვანები იქნებიან, ვიდრე გვყავდნენ.
- არხის მფლობელი ბერა ივანიშვილი პროექტის პირველ სეზონში აქტიურად იყო ჩართული.
ელენე:
- ბერა ყოველთვის დაინტერესებულია, რა ხდება ჯდს-ში და რასაკვირველია, „ერთი ერთშის“ მეორე სეზონშიც ჩაერთვება.
გვანცა:
- ბერა სულ ესწრებოდა ლაივებს და არასდროს უნდოდა დარბაზში ჯდომა. ძალიან გაგვიჭირდა მისი დათანხმება, რომ დარბაზში ყოფილიყო, როცა ნუცა ბუზალაძე მის სიმღერას ასრულებდა. არ აქვს იმის ამბიცია, რომ რადგან მისი ტელევიზიაა, წინა რიგში იჯდეს და სულ ჩანდეს. კონცერტის შემდეგ მონაწილეებს სულ ამხნევებდა და ახლაც დღე ისე არ ჩაივლის, რომ არ გვკითხოს, რამე ხომ არ გვჭირდება. გამხნევება ბერამ ძალიან კარგად იცის და მის გვერდში დგომას ყოველთვის ვგრძნობთ.
მერი კობიაშვილი
ჟურნალი ''რეიტინგი''
