ქალმა ქორწილისთვის 200 კილო დაიკლო

40 წლის ბრიტანელმა მერი იტონმა ოცნება აისრულა და სულ მალე საყვარელ მამაკაცთან, რომლისგანაც უკვე 4 შვილი ჰყავს, ურთიერთობას ოფიციალურად გააფორმებს. აქამდე საქორწინო ცერემონიის გამართვას მისი წონა უშლიდა ხელს. წონაში მატება მერიმ ჯერ კიდევ 16 წლის ასაკში დაიწყო. ბოლოს ის 320 კილოს იწონიდა და ამის გამო ყოველდღიური სამოსის ყიდვაც უჭირდა. 

მერი იტონი დიდ ბრიტანეთში ყველაზე მსუქან ქალადაც კი დაასახელეს. ორი წლის წინ მან წონაში დაკლება გადაწყვიტა, ჯერ ოპერაციის საშუალებით კუჭი დაიპატარავა, შემდეგ კი დიეტა დაიცვა. ამჯამად იგი 120 კილოგრამს იწონის და ქორწილისთვის ემზადება.