„არ ვიცი, რამდენად აითვისებს ფართოტოტიან შარვალს ქართველი მომხმარებელი...“
1 773 ნახვა
დიზაინერ მაიკო ქურციკიძეს ბავშვობიდან უნდოდა, ამ პროფესიას დაუფლებოდა, მოდელირების ფაკულტეტზე ისწავლა და უკვე 10 წელია, ამ საქმეშია ჩართული. ძირითადად კომერციულ შეკვეთებზე მუშაობს და აღნიშნავს, რომ ქართველი ხალხი კარგი გემოვნებითა და პრეტენზიულობით გამოირჩევა.
- ტენდენციებზე საუბარს ფერებით დავიწყებ, წელს აქტუალურია ყვითელი, ლურჯი, მდოგვისფერი, ყავისფერი, ნარინჯისფერი, შავი და თეთრი, რომელიც კლასიკაა. ვინაიდან გაზაფხულია, უპირატესობა მაინც თამამ ფერებს ენიჭება. ფაქტურული თვალსაზრისით მოდურია კუბოკრული. თეთრისა და შავის, ან რამდენიმე ქსოვილის კომბინაცია, რაც ძალიან საინტერესოა და ხშირად ვიყენებ. ასევე - ტყავით და მეტალით გაფორმება, მაქმანები.
რაც შეეხება სილუეტს, ამ მხრივ 50-60-იანი წლები ახდენს გავლენას, გირჩევთ წელში გამოყვანილი, ან „ზბორიანი'', მუხლს ქვემოთ სიგრძის კაბების მორგებას, თუმცა ეს სიგრძე საკმაოდ პრეტენზიულია.
- შარვლის შერჩევისას რა დეტალები უნდა გავითვალისწინოთ?
- მაღალსათავიანი და ჭრელი ან ფერადი შარვლები ძალიან აქტუალურია. უნდა აღვნიშნო, რომ ძალიან მომწონს მაღალწელიანი შარვალი, რადგან საკმაოდ კარგ ტანს აჩენს, მით უმეტეს, თუ ადამიანს ცოტა დაბალი ფეხები აქვს, მის სხეულს უფრო ლამაზად წარმოაჩენს. რაც შეეხება შარვლის ტოტს, ფართოვდება, მაგრამ ქართველი მომხმარებელი იმდენად ვიწრო შარვალსაა მიჩვეული, როგორ გაითავისებს ამ სიახლეს, არ ვიცი. ალბათ, ცოტა გაგვიჭირდება.
- ზედატანის შემთხვევაში რა არის საგულისხმო?
- როდესაც ადამიანი ატარებს თავისუფალ ზედას, რაც ახლა საკმაოდ მოდურია, სასურველია, ქვედაბოლო იყოს მოხდენილი და ტანზე გამოყვანილი, წინააღმდეგ შემთხვევაში, სილუეტი არ ჩანს ლამაზად. მართალია, ჭრელი ზედები ძალიან აქტუალურია, მაგრამ როცა ასეთ ბლუზას ვიცვამთ, ქვედაბოლო თუ შარვალი უნდა იყოს სადა და პირიქით. ზომიერებაა საჭირო, მიუხედავად იმისა, რომ მოდაშია სიჭრელე.
- ფეხსაცმელზე რას გვეტყვით?
- 50-70-იანი წლების გავლენით აქტუალურია სქელქუსლიანი, მაგრამ ფერადი ფეხსაცმელი. წელს ფერებს ამ მხრივაც დიდი მნიშვნელობა ენიჭება.
ძალიან მომწონს სხვადასხვა სტილის კომბინაცია, მაგრამ რაც უნდა ეცვას ქალს, ქალურობა არ უნდა დაკარგოს. შეიძლება, სპორტულად იყოს გამოწყობილი, მაგრამ რაღაც თავისი დეტალი მაინც უნდა შეიტანოს.
- მაიკო, აქსესუარებსაც თავად ამზადებთ?
- დიახ. ვფიქრობ, რომ ეს ისეთი რამაა, რაც ქალმა აუცილებლად უნდა მოიხმაროს, მაგრამ სამკაული სწორად უნდა იყოს შერჩეული. სტილისტურად უნდა ერწყმოდეს სამოსს, საღამოს კაბაზე ტყავის აქსესუარს რომ ვერ გაიკეთებ, ეს ხომ ნათელია?! ამიტომაც საჭიროა სწორად შერჩევა. ამ სეზონზე უფრო მოდურია მკაცრი, მეტალებით გაჯერებული სამკაულები.
- გარდა აქსესუარებისა, ჩანთაც ძალიან მნიშვნელოვანია ქალისთვის...
- დიდი ზომის ჩანთები ძალიან პრაქტიკული და კომფორტულია, ამიტომაც მისაღები აღმოჩნდა ქართული საზოგადოებისთვის და კარგად აითვისეს. სხვათა შორის, ჩანთის შემთხვევაშიც აქტუალურია მეტალის გამოყენება.
ციცი ომანიძე
ჟურნალი ''რეიტინგი''
- ტენდენციებზე საუბარს ფერებით დავიწყებ, წელს აქტუალურია ყვითელი, ლურჯი, მდოგვისფერი, ყავისფერი, ნარინჯისფერი, შავი და თეთრი, რომელიც კლასიკაა. ვინაიდან გაზაფხულია, უპირატესობა მაინც თამამ ფერებს ენიჭება. ფაქტურული თვალსაზრისით მოდურია კუბოკრული. თეთრისა და შავის, ან რამდენიმე ქსოვილის კომბინაცია, რაც ძალიან საინტერესოა და ხშირად ვიყენებ. ასევე - ტყავით და მეტალით გაფორმება, მაქმანები.
რაც შეეხება სილუეტს, ამ მხრივ 50-60-იანი წლები ახდენს გავლენას, გირჩევთ წელში გამოყვანილი, ან „ზბორიანი'', მუხლს ქვემოთ სიგრძის კაბების მორგებას, თუმცა ეს სიგრძე საკმაოდ პრეტენზიულია.
- შარვლის შერჩევისას რა დეტალები უნდა გავითვალისწინოთ?
- მაღალსათავიანი და ჭრელი ან ფერადი შარვლები ძალიან აქტუალურია. უნდა აღვნიშნო, რომ ძალიან მომწონს მაღალწელიანი შარვალი, რადგან საკმაოდ კარგ ტანს აჩენს, მით უმეტეს, თუ ადამიანს ცოტა დაბალი ფეხები აქვს, მის სხეულს უფრო ლამაზად წარმოაჩენს. რაც შეეხება შარვლის ტოტს, ფართოვდება, მაგრამ ქართველი მომხმარებელი იმდენად ვიწრო შარვალსაა მიჩვეული, როგორ გაითავისებს ამ სიახლეს, არ ვიცი. ალბათ, ცოტა გაგვიჭირდება.
- ზედატანის შემთხვევაში რა არის საგულისხმო?
- როდესაც ადამიანი ატარებს თავისუფალ ზედას, რაც ახლა საკმაოდ მოდურია, სასურველია, ქვედაბოლო იყოს მოხდენილი და ტანზე გამოყვანილი, წინააღმდეგ შემთხვევაში, სილუეტი არ ჩანს ლამაზად. მართალია, ჭრელი ზედები ძალიან აქტუალურია, მაგრამ როცა ასეთ ბლუზას ვიცვამთ, ქვედაბოლო თუ შარვალი უნდა იყოს სადა და პირიქით. ზომიერებაა საჭირო, მიუხედავად იმისა, რომ მოდაშია სიჭრელე.
- ფეხსაცმელზე რას გვეტყვით?
- 50-70-იანი წლების გავლენით აქტუალურია სქელქუსლიანი, მაგრამ ფერადი ფეხსაცმელი. წელს ფერებს ამ მხრივაც დიდი მნიშვნელობა ენიჭება.
ძალიან მომწონს სხვადასხვა სტილის კომბინაცია, მაგრამ რაც უნდა ეცვას ქალს, ქალურობა არ უნდა დაკარგოს. შეიძლება, სპორტულად იყოს გამოწყობილი, მაგრამ რაღაც თავისი დეტალი მაინც უნდა შეიტანოს.
- მაიკო, აქსესუარებსაც თავად ამზადებთ?
- დიახ. ვფიქრობ, რომ ეს ისეთი რამაა, რაც ქალმა აუცილებლად უნდა მოიხმაროს, მაგრამ სამკაული სწორად უნდა იყოს შერჩეული. სტილისტურად უნდა ერწყმოდეს სამოსს, საღამოს კაბაზე ტყავის აქსესუარს რომ ვერ გაიკეთებ, ეს ხომ ნათელია?! ამიტომაც საჭიროა სწორად შერჩევა. ამ სეზონზე უფრო მოდურია მკაცრი, მეტალებით გაჯერებული სამკაულები.
- გარდა აქსესუარებისა, ჩანთაც ძალიან მნიშვნელოვანია ქალისთვის...
- დიდი ზომის ჩანთები ძალიან პრაქტიკული და კომფორტულია, ამიტომაც მისაღები აღმოჩნდა ქართული საზოგადოებისთვის და კარგად აითვისეს. სხვათა შორის, ჩანთის შემთხვევაშიც აქტუალურია მეტალის გამოყენება.
ციცი ომანიძე
ჟურნალი ''რეიტინგი''
