8 წლის გოგონა ლიმონათით გამდიდრდა
სანამ სხვა ბავშვები ტკბილ ლიმონათებს აგემოვნებენ, 8 წლის გოგონა ვივიენ ჰარი ამერიკის ქალაქ ფერფაქსიდან მუხლჩაუხრელად მუშაობს. გოგონა გემრიელ ლიმონათს ამზადებს და ყიდის.
თანაც გეგმავს, ამ საქმიანობიდან მიღებული შემოსავალი მონებით ვაჭრობასთან ბრძოლას მოახმაროს.
მსოფლიო მონობის თემით ვივიენი ცოტა ხნის წინ დაინტერესებულა, ლიზა კრისტინას წიგნის "მონობის" წაკითხვის შემდეგ. თავის აქციას ადამიანებით ვაჭრობის წინააღმდეგ გოგონამ დაარქვა "ლიმონათი: თავისუფლების ტკბილი გემო".
თავდაპირველად თავის დამზადებულ ლიმონათს ერთ ჭიქას 2 დოლარად ყიდიდა, მაგრამ მერე ადამიანთა სიკეთის იმედით ფასი შეცვალა - "როგორც გული გიკარნახებთ". შედეგად, ჭიქის საშუალო ფასმა 18 დოლარი შეადგინა და გოგონამ ორ თვეში 30 ათასი დოლარი გამოიმუშავა. ის გეგმავს გააგრძელოს თავისი აქცია, სანამ 150 ათას დოლარს არ იშოვის.
