ეს ის დუტა აღარ არის - წარმოუდგენელი მსგავსება, გაოგნებული მაყურებელი, განუმეორებელი შოუ!

16 აპრილს არხ GDS-ზე პოპულარული გასართობი შოუ "ერთი ერთში"-ს მეორე ეპიზოდის პრემიერა შედგა. ჟიურიში ცვლილებაა: ნანუკა ხუსკივაძე, ეფრემ შანელი და კახა კანდელაკი სისი სამმა, ზაზა კოლელიშვილმა და ელენე კალანდაძემ შეცვალეს. აქედან ელენე ცვალებადი ჟიურის წევრი იქნება. რაც შეეხება ზაკ რ
ისს, ის კვლავ თავის ადგილზე რჩება.

"ერთი ერთში"-ს მეორე სეზონის მონაწილეები: ბორის ბედია, დუტა სხირტლაძე, ვერიკო ტურაშვილი, იოანე არაბული, ლევან მასპინძელაშვილი, ნათია დუმბაძე, ნინო ძოწენიძე და ქეთი ორჯონიკიძე არიან, ხოლო წამყვანები - რუსკა მაყაშვილი და კახა კინწურაშვილი.

პირველ ეპიზოდში ყველაზე დიდი მოწონება დუტა სხირტლაძემ დაიმსახურა, რომელმაც ჯო კოკერი განასახიერა. დუტამ მომღერლის ცნობილი სიმღერა You Are So Beautiful შეასრულა, ჟიურისგან უმაღლესი შეფასებები მიიღო და შოუს გამარჯვებულადაც დასახელდა.