ფადი ასლი ოჯახურ კონფლიქტებსა და გავრცელებულ ჭორებზე - მიატოვა თუ არა ბიზნესმენმა ანა ონიანი

საქართველოში მოღვაწე ლიბანელი ბიზნესმენი ფადი ასლი და ანა ონიანი დაშორდნენ. ფადის და ანას ოჯახური კონფლიქტის შესახებ ჭორები თბილისში თითქმის ერთი წელია ვრცელდება. ამბობენ, რომ ისინი დიდი ხანია ერთად აღარ ცხოვრობენ; ანა ამერიკაშია, ფადი კი საქართველოში. თუმცა, ამბობენ, რამდენიმე დღის წინ საბოლოოდ დაშორდნენ ერთმანეთსო.

ანას და ფადის საერთო შვილიც ჰყავთ, ისინი ზუბალაშვილების ქუჩაზე ერთად ცხოვრობდნენ.

ფადი ასლი წარსულში მსახიობისა და ტელეწამყვანის, ია ფარულავას ქმარი იყო. ბიზნესმენი საზოგადოებისთვის ცნობილი, ფარულავას ქმრობით უფრო გახდა, ვიდრე საკუთარი საქმიანობით, თუმცა რამდენიმეწლიანი ურთიერთობის შემდეგ სკანდალურად დაშორდნენ. ფადიმ
მალევე იქორწინა ანა ონიანზე.

Ambebi.ge ფადი ასლის დაუკავშირდა:

– გავრცელდა ინფორმაცია, რომ ანა ონიანს დაშორდით, რა გახდა დაშორების მიზეზი?
– კარგია, რომ სალონ "ალდო კოპოლაში" გავრცელებულ ჭორებს ამოწმებთ. პირველად გავიგე თქვენგან ანა ონიანს რომ დავშორდი და მადლობა ამისთვის. ერთი რამის თქმა შემიძლია, მე არასდროს ვყოფილვარ მასთან ოფიციალურ ქორწინებაში.

თამარ ბოჭორიშვილი, Ambebi.ge