რაზე ილაპარაკეს ჯანსუღ ჩარკვიანმა და ბიძინა ივანიშვილმა?

ჩემპიონი სიძულვილის ენაში - პოეტი ჯანსუღ ჩარკვიანი. ასეთია "ელგებეტეების" გამოკითხვის შედეგები. შემდეგ მოდის გაზეთი "ქრონიკა". ჯერჯერობით ამისთვის ფიზიკურად ვერავინ გვსჯის, მაგრამ აგერ, სადაცაა მიიღებენ ანტიდისკრიმინაციულ კანონს და მერე ნახეთ ჩვენი სიარული სასამართლოებში. მეტიც, ალბათ, მალე დადგება დრო, როცა ჩვენ, ჩვეულებრივი "ეტეროები", მოვითხოვთ თავისუფლების მოედანზე აღლუმების ჩატარებას და ჩვენი უფლებების დაცვას. რა თქმა უნდა, წინ ბატონი ჯანსუღ ჩარკვიანი წაგვიძღვება.

- ბატონო ჯანსუღ, საქართველოში უკვე ბევრს ფიქრობენ იმაზე, არის თუ არა ოჯახი კაცისა და ქალის ერთობა? მაგალითად, ზოგიერთი ამტკიცებს, რომ ეს შეცდომაა, თურმე ოჯახი კაცისა და კაცის ერთობაც ყოფილა და პარლამენტში კანონპროექტიც შეუტანიათ.
- ბიჭო, შეიძლება კაცი არ იყო ღრმად მორწმუნე, მაგრამ თუ ფსალმუნებში ჩახედული ხარ, ბიბლიაში ჩახედული ხარ, ბევრ რამეს გაითავისებ და მიხვდები. თუ შენი თვალი სუფთაა, სხეულიც სუფთა გექნება. ვინც საქართველოს ბოროტი თვალით უყურებს, ის ვერ გაიხარებს ამ ქვეყანაზე. "ახალ აღთქმაში" წერია: "და თვალმან უწყის მართალი გზა, უღვთოთა გზა კი წარიხვეტება". იმავე ფსალმუნში წერია, მაოხრებლები წავლენო და მიდიან კიდეც. მე მჯერა, რომ სისხლისმსმელები წავლენ, მაგრამ აქ ერთი რამეცაა...

- სისხლისმსმელები და მაოხრებლები უკვალოდ არ მიდიან.
- კი, დაბრუნებაც უნდათ... ამიტომ, ვინც მოვიდა, თუ ის ასეთივე მორწმუნეა, მაშინ უნდა იცოდეს, რომ დანაშაულის პატიება იგივე თანამონაწილეობას ნიშნავს. დღევანდელ დღეს რასაც ამბობენ... რა ჰქვია მაგათ, კაცი კაცთან რომ არის?

- რა ვიცი, მაგათ ბევრ რამეს ეძახიან, "ელგებეტეებსაც," გეებსაც, "პედერასტებსაც".
- მაგათ თახსირები ჰქვიათ... ეს ქმედებაა ღმერთის წინააღმდეგ, მაგრამ უფალმა შობა ადამ და ევა... და არა, ადამი და ადამი, ან ევა და ევა. ეს ადრეც გითხარი და კიდეც ვიმეორებდ. რაზეც დღეს არის ატეხილი ამბავი, ეს საშინელებაა. ჩემს თაობას კარგად ახსოვს კომუნისტების პერიოდი, როცა თბილისში სულ ოთხი ასეთი უბედური ადამიანი იყო. რა, ორი ათასი მაინც არ იქნებოდა? მაგრამ ეშინოდათ, ხმას ვერ იღებდნენ.

- ვინ იცის, იქნებ ამდენი არც იყო, ეს უბედურება ხომ მოდაში შემოვიდა?
- არ ვიცი, მე იმას ვამბობ, რომ ვინც იყო, ის მალავდა. ეს მარტო ავადმყოფობა კი არა, დანაშაულია. კი, ბატონო, ჩვენ ასეთებს ვერ დავხოცავთ, სამსახურებშიც მივიღებთ, მაგრამ ამ უბედურების აღიარება არ შეიძლება. რაც არ უნდა გამოკითხვები ატარონ, ეს არის ბოროტება და საშინელება. ადამიანს უნდა ჰყავდეს დედა და მამა. შეიძლება, ორივე მამა გყავდეს, კაცო? ეგეთი რამე ჩემს ცხოვრებაში არ გამიგია!

- სიტუაცია ძალიან აიჭრა, საით გვექაჩებიან, უკვე გაუგებარია.
- ყველამ იმიტომ აიშვა თავი, რომ დღევანდელები ცოტა მოისუსტებენ. როცა შენ ხელისუფლებაში მოხვედი, ნება უნდა იბოძო და აღასრულო სამართალი. როცა დაჭერილი გყავს მკვლელი და უბედური, იმას უნდა მიუსაჯო. შენ თუ ვერ უსჯი, მაშინ ვერ არის ჩვენი საქმე კარგად. "ნაციონალებმა" გაიხარეს იმით, რომ ვერ მოვერიეთ.

- როლანდ ახალაია რომ ეროვნულ-განმათავისუფლებელ მოძრაობას წამოიწყებს საქართველოში, ღმერთმა არ უნდა გაიცინოს? ვის ათავისუფლებს, ვისგან ათავისუფლებს?
- ბიჭო, როცა მის შვილს სასამართლო
ამართლებს, რაღაზე უნდა ვილაპარაკო? მე ერთი რამე არ მესმის, როცა შენ ბრძოლა წამოიწყე ფაშიზმის წინააღმდეგ, ის ბოლომდე უნდა დაამარცხო, აქ სანახევრო თამაში არ გამოვა. ბოლო-ბოლო, მე მესმის: პური ჩვენი არსობისა მოგვეც დღეს ჩვენ, მაგრამ ადამიანს პურიც უნდა მისცე და ისეთი პირობებიც უნდა შეუქმნა, რომ ცოტა გაიხაროს კიდეც. დღეს რომ თავისუფლებაა, ცხადია, ეს ფაქტია, ხალხმა ცოტა გაიღიმა, მაგრამ მე მეგონა, ვინც ქართველებს ებრძოდა, დაამარცხე. ვერ გავიგე, თურმე ვერ დაამარცხე? მაგათ დაბრუნებაზე კი არ უნდა ილაპარაკონ, საერთოდ ხმა ვერ უნდა ამოიღონ. რამდენს ბედავენ, წარმოგიდგენია? ხან იმ დასკვნამდე მივდივარ, რომ საქართველოში ერთი პარტია უნდა იყოს, რა ამბავია, ამდენი სისხლისმწოველი და წურბელა?

- ჩვენი წურბელა სააკაშვილი უკვე იმ დონეზე მივიდა, რომ მთელ მსოფლიოს მოძღვრავს და რუსეთის წინააღმდეგ საომრად მოუწოდებს, თან ცალი თვალი აქეთ უჭირავს, იქნებ რამე გამომივიდესო.
- ჰო, თან იძახის, მეორე "მაიდანს" მოგიწყობთო, ისე არ ჩამოვალო... ესენი კიდევ აქაურ მინისტრს ებრძვიან, რატომ თქვა, რომ რაღაცები მზადდებაო? ყოფილი პრეზიდენტი იქიდან გვემუქრება, დედას გიტირებთო და მეტი რაღა უნდა მომზადდეს? მე კიდევ იმას ვამბობ, რომ მტერს ხმა არ უნდა ამოაღებინო. "ნაციონალური მოძრაობა" ოპოზიცია კი არა, მტერია. ისე იჭერენ და უშვებენ, ამ ქვეყანაში პასუხი არავის არ უგია, რაღაცა 10 ათასს რომ ახდევინებ და ამით მთავრდება, ეგრე სად არი? მე კარგად მახსოვს, სააკაშვილი რომ მოვიდა საკრებულოს თავმჯდომარედ, შევარდნაძეს უყვიროდა, ხალხს უთხარი, კრწანისიდან სამსახურამდე რამდენ ლიტრ ბენზინს წვავ დღეშიო? შევარდნაძე გაგიჟებულა, იანგარიშეს და 20 ლიტრი ყოფილა. ახლა ვინმე რამეს ამბობს, სააკაშვილს რამდენი მილიონი დაუჯდა თავისი გემები და თვითმფრინავები? ბიჭო, ხალხი გაქცეულია, მილიარდები აქვთ წაღებული, აქ ვინც დარჩა, იმათ მილიონები შეიტყაპუნეს და ვერ ვიჭერთ?!

- მე ვატყობ და ამაზე უკვე ლაპარაკობენ, პოლიტიკაში ბიძინა ივანიშვილის მობრუნება აუცილებელი გახდება.
- მე იმას ვფიქრობ, რომ არც უნდა წასულიყო.

- თქვენ როგორ წარმოგიდგენიათ, რა ფორმით უნდა მობრუნდეს? თქვენ ხომ რამდენჯერმე ნახეთ ივანიშვილი, მაგაზე ლაპარაკი ხომ არ ყოფილა?
- არა, მაგაზე მე არ მილაპარაკია, მაგრამ მან თქვა: მე კი არ წავედი, მოვედიო. მისი მობრუნება არის აუცილებელი, რადგან ამ პიროვნებამ დაამარცხა "ნაციონალები", ისევ მან უნდა მიიყვანოს საქმე ბოლომდე. ახლა ღარიბაშვილს ეძახიან, ივანიშვილის კაცი ხარო... აბა, ვისი უნდა იყოს? ამისი ხარ, იმისი ხარო, სააკაშვილი ვისი იყო? ამერიკელებისაც და რუსებისაც. მე კიდევ ვამბობ, თუ ეს უბედურება არ დამარცხდა, არაფერიც არ გამოვა.

მივალთ გზებით სისხლიანით,
ძმას ძმობს ძმა და ძმობილი,
ჩვენს წინაშე ზის მღიმარი,
მტერი ჩვენივ შობილი.
დაიკარგა სამართალი,
წინაპართა სამკვიდრო,
ეს ქვეყანა გადამთვრალი
სანამ გინდათ - ადიდოთ?
შეძახილი სუნთქვით გვესმის,
არც იმ მთის და არც იმ ტყის,
მთავარია, უწმინდესი,
უწმინდესი რას იტყვის,
ის ჩვენს სულში ზის ქართველად,
ვითარ მამა-პაპანი,
ლოცვა მისი სიმართლეა,
სიტყვა მისი ლამპარი.
თვალი ტირის,
გული კვნესის,
ქართველს თურმე არ ესმის,
გვესმის ჩვენი უწმინდესის,
ჩვენი უნეტარესის!

გელა ზედელაშვილი
გაზეთი "ქრონიკა"