ირაკლი ფირცხალავა ცოლს დაშორდა?

ოთხწლიანი ქორწინების შემდეგ, რუსეთში მოღვაწე ქართველი მომღერალი ირაკლი ფირცხალავა ცოლს დაშორდა. ამის შესახებ რუსული პრესა იტყობინება. წყვილს ორი ვაჟი - 4 წლის ილია და წლინახევრის ალექსანდრე ჰყავთ.

36 წლის მომღერლისა და 24 წლის მსახიობის (სერიალი "კლუბი") სოფია გრებენშიკოვას ოჯახი სამაგალითოდ მიიჩნეოდა რუსულ შოუ-ბიზნესში. ირაკლი, როგორც ამბობდნენ, სულს არ იშურებდა მეუღლისთვის - ის ცდილობდა მთელი თავისუფალი დრო ოჯახთან გაეტარებინა.

პრობლემები წყვილის ურთიერთობაში ჯერ კიდევ ნახევარი წლის წინ გაჩნდა. მაშინ ირაკლიმ მოსკოვში ყველა საქმე გვერდზე გადადო და სოფია დასასვენებლად მავრიკის კუნძულებზე წაიყვანა. თუმცა რომანტიკულმა მოგზაურობამ მათი ურთიერთობა მხოლოდ მცირე ხნით გაახანგრძლივა.

ჩხუბს და კამათს ბოლო აღარ უჩანდა... ბავშვების ფსიქოლოგიური ტრავმისგან დასაცავად, მომღერალმა ბინა დაიქირავა და საცხოვრებლად ცალკე გადავიდა. თუმცა ცოლთან ურთიერთობის გამოსწორება ვერც ასე შეძლო.

ტაბლოიდ Super-ის ჟურნალისტი ირაკლისა და სოფიას ოჯახის მეგობარს ესაუბრა.

"ირაკლის სოფია პირველივე დანახვისთანავე შეუყვარდა. ყველაფერი ზღაპარს ჰყავდა. ყველას უკვირდა მათი ურთიერთობა: ნუთუ ასეთი ლამაზი ისტორიები რეალურია? მათ ჯერ ილია, შემდეგ საშა შეეძინათ. რა ხდება ახლა, გაურებარია. ბოლო დროს სოფია ძალიან შეიცვალა. ირაკლი ამბობდა კიდეც, რომ მას ვეღარ ცნობდა. ეჭვიანობის ნიადაგზე ირაკლი და სოფია ძალიან ხშირად ჩხუბობდნენ. გასაგებია, რომ ის პოპულარული მომღერალია და გოგონების ყურადღებით განებივრებული იყო, მაგრამ ირაკლი ოჯახს ძალიან აფასებდა და გვერდზე არასდროს გაუხედავს. მან ყველაფერი გააკეთა ოჯახის შესანარჩუნებლად. ზამთარში გასტროლებიც გადადო და სოფია მავრიკის კუნძულებზე დასასვენებლად წაიყვანა. თუმცა მოსკოვში დაბრუნებისთანავე ჩხუბი თავიდან დაიწყო. უკვე რამდენიმე თვეა ისინი ცალ-ცალკე ცხოვრობენ. როგორც ჩანს, განქორწინებას აპირებენ", - აცხადებს წყარო.

განქორწინების თაობაზე მეუღლეებს ოფიციალურად განაცხადი ჯერჯერობით არ შეუტანიათ, თუმცა მომღერალი ყველა ღონისძიებას მარტო და ნიშნობის ბეჭდის გარეშე ესწრება. მიუხედავად ამისა, ირაკლი ყოველდღე ნახულობს შვილებს, დაჰყავს გადაღებებზე და მათთან ერთად პარკში სეირნობს. ფირცხალავა ამჟამად პოპულარული შოუს "ერთი ერთში" კონკურსანტია.

განქორწინებასთან დაკავშირებით კომენტარს არც ირაკლი და არც სოფია არ აკეთებენ.

შეგახსენებთ, აღდგომის დღეები მომღერალმა სამშობლოში ცოლ-შვილის გარეშე გაატარა.

მომზადებულია Super-ის მიხედვით.