თურქი ლამაზმანების ხუთეული სერიალებიდან - ''ასი'' თუ ''დიდებული საუკუნე''?

თურქული სერიალები რომ პოპულარულია საქართველოში ეს მურად ილდირიმის თბილისში სტუმრობითაც დადასტურდა. ვითვალისწინებთ საზოგადოების მაღალ ინტერესს თურქი მსახიობების მიმართ და გთავაზობთ თურქი ქალი მსახიობების ხუთეულს, რომლებიც თავიანთ ქვეყანაში ლამაზმანებად არიან აღიარებული.

5. მეხუთე ადგილს იკავებს სერენაი სარიკაია. გოგონა ჯერ კიდევ ძალიან ახალგაზრდაა და ბევრ სერიალში თამაში ვერ მოასწრო. სერენა 2010 წლის ''მის თურქეთის'' ტიტული მოიგო და მამაკაცების გულები დაიპყრო. თავის სიყვარულს გადასაღებ მოედანზე შეხვდა. თუმცა მისი რომანი ტალგაჰან საიშმანთან დიდხანს არ გაგრძელებულა და ახლა ლამაზმანი მარტოა.

4. მეოთხე ადგილს იკავებს ეზგი ეუბოღლუ. ბავშვობაში მას ბალერინობა უნდოდა. 2000 წელს მოიგო ''ელიტ მოდელ ლუქის'' კონკურსი და მოგვიანებით გახდა ''ვიცე მის თურქეთი''. პოპულარული გახდა სერიალ ''დიდებული საუკუნით''. სხვათა შორის, ეს მსახიობიც საყვარელ ადამიანს გადასაღებ მოედანზე შეხვდა.



3. მესამე ადგილს იკავებს ბერგიუზარ კორელი. მისი მშობლები ცნობილი თურქი მსახიობები არიან. ერთი პერიოდი ხელბურთს თამაშობდა და პარალელურად დაიწყო მსახიობობა. მისი ყველაზე ცნობილი როლი სერიალ ''ათას ერთი ღამეა'', სადაც მან გაიცნო მომავალი მეუღლე ჰალიტ ერგენჩი.



2. მეორე ადგილს იკავებს ბირჩე აკალაი. მსახიობმა უმაღლესის დამთავრებისთანავე დაიწყო სერიალებში თამაში და პარალელურად გახდა ტელეწამყვანი. ყველაზე დიდი წარმატება მოუტანა სერიალმა ''ცასა და მიწას შორის''.



1. და ბოლოს პირველ ადგილს იკავებს ტუბა ბუიკუსტი. მას ბევრი იცნობს, როგორც სერიალ ''ასის'' მთავრი როლის შემსრულებელს. მისი მეუღლე ონურ საილაკია, რომელიც სერიალ ''ასი''-ში ერთ-ერთ როლს ასრულებდა. მათზე თურქულ პრესაში ბევრი ჭორი იწერებოდა. ალბათ ეს გახდა მიზეზი, რომ წყვილმა ტყუპების დაბადების შემდეგ საფრანგეთში საცხოვრებლად გადასვლა გადაწყვიტა.



მერი კობიაშვილი
რეიტინგი