''ახალ ტალღაზე'' ორი ქართველი ერთმანეთს დაუპირისპირდება
1 639 ნახვა
როგორც ცნობილია, ''ახალ ტალღაზე'' საქართველოს სახელით მონაწილეობისთვის ნინი ცნობილაძესა და ნუცა ბუზალაძეს შორის კეთდებოდა არჩევანი. 24 აპრილს გადაწყდა, რომ იურმალაში საქართველოს ნუცა ბუზალაძე წარადგენს. ნუცას ამ ინფორმაციის მიღებიდან რამდენიმე საათში ვესაუბრეთ. მისი პროდიუსერები ''ახალ ტალღაზე'' ლელა წურწუმია და მამულიჩა იქნებიან.
- ნუცა, როდის გაიგე, რომ იურმალაში შენ მიემგზავრები?
- 24 აპრილს ღამის ოთხ საათზე დამირეკა ლელა წურწუმიამ და მითხრა, ''ახალ ტალღაზე'' შენ მიდიხარო. შოკი მივიღე, მერე აღარ დამიძინია, რა დამაძინებდა, თან პასუხს დიდი ხანია, ველოდებოდით. სულ ინტერნეტში ვიყავით ჩასაფრებული და ისეთ დროს დაიდო ნიუსი, რომ არ ველოდი. ძალიან გამიხარდა.
- ელოდი, რომ არჩევანს შენზე გააკეთებდნენ?
- მართლა არ ვიცოდი, რა კრიტერიუმებით გადაწყვეტდნენ, რომელი მომღერალი წასულიყო კონცერტზე. დიდი მოლოდინი არ მქონია, ამიტომ, როცა გავიგე, რომ მე მივდიოდი, ძალიან დიდი ემოციები დამეუფლა.
- ნინი ცნობილაძისგან მიიღე მილოცვა?
- არა, ჯერ არ მიმიღია.
- უკვე ალბათ დაიწყე იმაზე ფიქრი, როგორ გამოხვალ კონკურსზე.
- ამაზე ფიქრით ვეღარ დავიძინე. ყველაფერზე ერთდროულად ვფიქრობ.
- კახა მამულაშვილმა და ლელა წურწუმიამ უკვე გითხრეს, რა გეგმები აქვთ შენთან დაკავშირებით და რა სიმღერებზე შეაჩერებენ არჩევანს?
- საგულშემატკივროდ რომ აუცილებლად წამოვლენ, ზუსტად ვიცი, მაგრამ რეპერტუარი ჯერ ბოლომდე არ შეგვირჩევია. დარწმუნებული ვარ, ძალიან მაგარ სიმღერებს შევარჩევთ, ისეთს, რომ საქართველომ მოიგოს. ძალიან მინდა, წელს ამ კონკურსში საქართველომ გაიმარჯვოს.
- კონკურსის რომელიმე მონაწილეს იცნობ?
- არც ერთს არ ვიცნობ. გავიგე, რომ რუსეთის სახელით ქართველი გამოვა, ნოდარ რევია. სამწუხაროდ, არც მას ვიცნობ, მაგრამ ყველას გავიცნობ და იმედი მაქვს, მონაწილეებს დავუმეგობრდები.
- მოსკოვში გამართული შესარჩევი ტურის დეტალები იცი?
- მხოლოდ ის ვიცი, რომ 17 აპრილიდან თვის ბოლომდე უნდა გადაწყვეტილიყო, ვინ მიიღებდა მონაწილეობას. კიდევ არ არის გადაწყვეტილი, რამდენიმე ქვეყანას ვინ წარადგენს. არჩევის პროცესი ძალიან გაიწელა და მიხარია, რომ საქართველოსთან დაკავშირებით არჩევანი უკვე გაკეთდა.
- შენს წარმატებას ყოველთვის იმას უკავშირებენ, რომ ბერა ივანიშვილის მეგობარი ხარ...
- ამ შემთხვევაში ბერა არაფერ შუაშია. საქართველოშიც არ იმყოფება, ამერიკაშია წასული. არანაირად არ ჩარეულა ამ კონკურსში. ბერა არ გახლავთ ისეთი ადამიანი, რომ უსამართლოდ რამე ჩააწყოს. მგონი, არც იცის, ''ახალ ტალღაზე'' რომ გავდივარ. მასთან კონტაქტი დიდი ხანია, არ მქონია.
- პროექტ ''ერთი ერთშის'' დამთავრების შემდეგ ბერას არ შეხვედრიხარ?
- არა და ყველა ამას რატომ მეკითხება, არ ვიცი.
- რომელიმე სიმღერის შესრულება გინდა, რომელიც ფიქრობ, რომ აუცილებლად მოგიტანს წარმატებას?
- ვერ გეტყვით, არ ვიცი, როგორი ტიპის სიმღერები სჭირდება ამ კონკურსს, მე რა სიმღერებიც მომწონს და მიყვარს, შეიძლება, მათ არ მოეწონოთ.
- მონაწილეები მოსკოვში მიდიოდნენ ხოლმე შიდაშესარჩევ ტურზე. წელს შენი და ნინი ცნობილაძის მოსკოვში გამგზავრება რატომ არ გახდა საჭირო?
- გვითხრეს, ვიზების გამოგზავნა პრობლემააო და ამიტომ მოსკოვში ვერ წავედით. იმ სიმღერების ჩანაწერები ნახეს, რაც თბილისში ვიმღერეთ და გადაწყვეტილება ამის მიხედვით მიიღეს.
- ოჯახის წევრებიდან ვინ აპირებს საგულშემატკივროდ წამოსვლას?
- ძალიან დიდი სანათესავო მყავს და ბევრს უნდა წამოსვლა. წამოვლენ ოჯახის წევრები, დეიდები და დეიდაშვილები. ალბათ, ვისაც ექნება შესაძლებლობა, ყველა წამოვა.
- როგორც ვიცი, სკოლის მოსწავლე ხარ, როგორ ფიქრობ, კონკურსში მონაწილეობა სწავლაში ხომ არ შეგიშლის ხელს?
- არა. ''ერთი ერთშიც'' ძალიან დატვირთული ვიყავი. ბევრი რეპეტიცია მქონდა. ყოველდღე თუ არა, კვირაში სამჯერ მაინც მივდიოდი. ახლაც ჩვეულებრივად ვივლი სკოლაში, მასწავლებლები ხელს ძალიან მიწყობენ.
- ''ერთი ერთში'' გაგიცანით. დარწმუნებული ვარ, პროექტის მეორე სეზონსაც ადევნებ თვალს. ვის გულშემატკივრობ?
- ყველა ძალიან მაგარი მონაწილეა. არ იცი, რომელ ლაივზე ვინ რა სიურპრიზს შემოგთავაზებს. ძალიან მაგარი მეორე სეზონი გამოვიდა. უფრო მაგარია, ვიდრე პირველი სეზონი იყო. ძალიან მიხარია, რომ ასე მოხდა. ცუდად არ მინდა გამომივიდეს, მაგრამ მაინც ვიტყვი, რომ ჩემი ფავორიტი დუტა სხირტლაძეა. მომწონს, როგორც მსახიობი და მომღერალი.
''ერთი ერთში'' ის პროექტია, რომელმაც პოპულარობა მომიტანა და რომლითაც საზოგადოებამ გამიცნო. რაც მთავარია, ხალხმა შემიყვარა. ჩემ შესახებ ცუდ კომენტარებს არ წერენ და ყველას ვუყვარვარ. ზიზღით არავინ მიყურებს და ყველას მოსწონს, რასაც იმ პროექტში ვაკეთებდი და ახლაც, ''ახალ ტალღაზე'' რომ გავედი, ბევრი ადამიანის სიყვარული ვიგრძენი, რაც ძალიან მიხარია.
ნუცა ბუზალაძის ''ახალტალღაზე'' გამგზავრებას ნინი ცნობილაძის პროდიუსერი ნატო დუმბაძე გამოეხმაურა. ნატო განაწყენებულია, რომ წელსაც, ისევე როგორც შარშან, ნინი ცნობილაძე კონკურსის მიღმა აღმოჩნდა. საინტერესოა, რომ ნინიმ შესარჩევ ტურზე კიდევ ერთხელ მისვლა იმიტომ გადაწყვიტა, რომ წინა ჯერზე რამდენჯერმე გაუმეორეს, რომ შემდეგ წელს კონკრეტულად მისთვის ჩამოვიდოდნენ საქართველოში.
როდესაც გადაწყდა, რომ ნუცა ბუზალაძესა და ნინი ცნობილაძეს შორის უნდა გაკეთებულიყო არჩევანი მოსკოვში, ნატოს ნინის კანდიდატურის მოხსნა უნდოდა, მაგრამ უთხრეს, რომ ნინი ძალიან მოსწონდათ და რომ ის ''ახალი ტალღა'' იყო. ნინისა და ნატოს სხვა გეგმები ჰქონდათ, რომელიც უცხოეთს უკავშირდებოდა, მაგრამ ამგვარი შეფასებების მოსმენის შემდეგ გამგზავრება გადადეს. ''გასაგებია, რომ ეს საქართველოა და ბევრი კარგი მომღერალი გვყავს, ამიტომ, როდესაც ასე ლაპარაკობენ მონაწილეებზე, ნება იბოძონ და კონკურსზე ორი მომღერალი წაიყვანონ'', განაცხადა ნატო დუმბაძემ ჩვენთან საუბარში.
მერი კობიაშვილი
ჟურნალი ''რეიტინგი''
- ნუცა, როდის გაიგე, რომ იურმალაში შენ მიემგზავრები?
- 24 აპრილს ღამის ოთხ საათზე დამირეკა ლელა წურწუმიამ და მითხრა, ''ახალ ტალღაზე'' შენ მიდიხარო. შოკი მივიღე, მერე აღარ დამიძინია, რა დამაძინებდა, თან პასუხს დიდი ხანია, ველოდებოდით. სულ ინტერნეტში ვიყავით ჩასაფრებული და ისეთ დროს დაიდო ნიუსი, რომ არ ველოდი. ძალიან გამიხარდა.
- ელოდი, რომ არჩევანს შენზე გააკეთებდნენ?
- მართლა არ ვიცოდი, რა კრიტერიუმებით გადაწყვეტდნენ, რომელი მომღერალი წასულიყო კონცერტზე. დიდი მოლოდინი არ მქონია, ამიტომ, როცა გავიგე, რომ მე მივდიოდი, ძალიან დიდი ემოციები დამეუფლა.
- ნინი ცნობილაძისგან მიიღე მილოცვა?
- არა, ჯერ არ მიმიღია.
- უკვე ალბათ დაიწყე იმაზე ფიქრი, როგორ გამოხვალ კონკურსზე.
- ამაზე ფიქრით ვეღარ დავიძინე. ყველაფერზე ერთდროულად ვფიქრობ.
- კახა მამულაშვილმა და ლელა წურწუმიამ უკვე გითხრეს, რა გეგმები აქვთ შენთან დაკავშირებით და რა სიმღერებზე შეაჩერებენ არჩევანს?
- საგულშემატკივროდ რომ აუცილებლად წამოვლენ, ზუსტად ვიცი, მაგრამ რეპერტუარი ჯერ ბოლომდე არ შეგვირჩევია. დარწმუნებული ვარ, ძალიან მაგარ სიმღერებს შევარჩევთ, ისეთს, რომ საქართველომ მოიგოს. ძალიან მინდა, წელს ამ კონკურსში საქართველომ გაიმარჯვოს.
- კონკურსის რომელიმე მონაწილეს იცნობ?
- არც ერთს არ ვიცნობ. გავიგე, რომ რუსეთის სახელით ქართველი გამოვა, ნოდარ რევია. სამწუხაროდ, არც მას ვიცნობ, მაგრამ ყველას გავიცნობ და იმედი მაქვს, მონაწილეებს დავუმეგობრდები.
- მოსკოვში გამართული შესარჩევი ტურის დეტალები იცი?
- მხოლოდ ის ვიცი, რომ 17 აპრილიდან თვის ბოლომდე უნდა გადაწყვეტილიყო, ვინ მიიღებდა მონაწილეობას. კიდევ არ არის გადაწყვეტილი, რამდენიმე ქვეყანას ვინ წარადგენს. არჩევის პროცესი ძალიან გაიწელა და მიხარია, რომ საქართველოსთან დაკავშირებით არჩევანი უკვე გაკეთდა.
- შენს წარმატებას ყოველთვის იმას უკავშირებენ, რომ ბერა ივანიშვილის მეგობარი ხარ...
- ამ შემთხვევაში ბერა არაფერ შუაშია. საქართველოშიც არ იმყოფება, ამერიკაშია წასული. არანაირად არ ჩარეულა ამ კონკურსში. ბერა არ გახლავთ ისეთი ადამიანი, რომ უსამართლოდ რამე ჩააწყოს. მგონი, არც იცის, ''ახალ ტალღაზე'' რომ გავდივარ. მასთან კონტაქტი დიდი ხანია, არ მქონია.
- პროექტ ''ერთი ერთშის'' დამთავრების შემდეგ ბერას არ შეხვედრიხარ?
- არა და ყველა ამას რატომ მეკითხება, არ ვიცი.
- რომელიმე სიმღერის შესრულება გინდა, რომელიც ფიქრობ, რომ აუცილებლად მოგიტანს წარმატებას?
- ვერ გეტყვით, არ ვიცი, როგორი ტიპის სიმღერები სჭირდება ამ კონკურსს, მე რა სიმღერებიც მომწონს და მიყვარს, შეიძლება, მათ არ მოეწონოთ.
- მონაწილეები მოსკოვში მიდიოდნენ ხოლმე შიდაშესარჩევ ტურზე. წელს შენი და ნინი ცნობილაძის მოსკოვში გამგზავრება რატომ არ გახდა საჭირო?
- გვითხრეს, ვიზების გამოგზავნა პრობლემააო და ამიტომ მოსკოვში ვერ წავედით. იმ სიმღერების ჩანაწერები ნახეს, რაც თბილისში ვიმღერეთ და გადაწყვეტილება ამის მიხედვით მიიღეს.
- ოჯახის წევრებიდან ვინ აპირებს საგულშემატკივროდ წამოსვლას?
- ძალიან დიდი სანათესავო მყავს და ბევრს უნდა წამოსვლა. წამოვლენ ოჯახის წევრები, დეიდები და დეიდაშვილები. ალბათ, ვისაც ექნება შესაძლებლობა, ყველა წამოვა.
- როგორც ვიცი, სკოლის მოსწავლე ხარ, როგორ ფიქრობ, კონკურსში მონაწილეობა სწავლაში ხომ არ შეგიშლის ხელს?
- არა. ''ერთი ერთშიც'' ძალიან დატვირთული ვიყავი. ბევრი რეპეტიცია მქონდა. ყოველდღე თუ არა, კვირაში სამჯერ მაინც მივდიოდი. ახლაც ჩვეულებრივად ვივლი სკოლაში, მასწავლებლები ხელს ძალიან მიწყობენ.
- ''ერთი ერთში'' გაგიცანით. დარწმუნებული ვარ, პროექტის მეორე სეზონსაც ადევნებ თვალს. ვის გულშემატკივრობ?
- ყველა ძალიან მაგარი მონაწილეა. არ იცი, რომელ ლაივზე ვინ რა სიურპრიზს შემოგთავაზებს. ძალიან მაგარი მეორე სეზონი გამოვიდა. უფრო მაგარია, ვიდრე პირველი სეზონი იყო. ძალიან მიხარია, რომ ასე მოხდა. ცუდად არ მინდა გამომივიდეს, მაგრამ მაინც ვიტყვი, რომ ჩემი ფავორიტი დუტა სხირტლაძეა. მომწონს, როგორც მსახიობი და მომღერალი.
''ერთი ერთში'' ის პროექტია, რომელმაც პოპულარობა მომიტანა და რომლითაც საზოგადოებამ გამიცნო. რაც მთავარია, ხალხმა შემიყვარა. ჩემ შესახებ ცუდ კომენტარებს არ წერენ და ყველას ვუყვარვარ. ზიზღით არავინ მიყურებს და ყველას მოსწონს, რასაც იმ პროექტში ვაკეთებდი და ახლაც, ''ახალ ტალღაზე'' რომ გავედი, ბევრი ადამიანის სიყვარული ვიგრძენი, რაც ძალიან მიხარია.
ნუცა ბუზალაძის ''ახალტალღაზე'' გამგზავრებას ნინი ცნობილაძის პროდიუსერი ნატო დუმბაძე გამოეხმაურა. ნატო განაწყენებულია, რომ წელსაც, ისევე როგორც შარშან, ნინი ცნობილაძე კონკურსის მიღმა აღმოჩნდა. საინტერესოა, რომ ნინიმ შესარჩევ ტურზე კიდევ ერთხელ მისვლა იმიტომ გადაწყვიტა, რომ წინა ჯერზე რამდენჯერმე გაუმეორეს, რომ შემდეგ წელს კონკრეტულად მისთვის ჩამოვიდოდნენ საქართველოში.
როდესაც გადაწყდა, რომ ნუცა ბუზალაძესა და ნინი ცნობილაძეს შორის უნდა გაკეთებულიყო არჩევანი მოსკოვში, ნატოს ნინის კანდიდატურის მოხსნა უნდოდა, მაგრამ უთხრეს, რომ ნინი ძალიან მოსწონდათ და რომ ის ''ახალი ტალღა'' იყო. ნინისა და ნატოს სხვა გეგმები ჰქონდათ, რომელიც უცხოეთს უკავშირდებოდა, მაგრამ ამგვარი შეფასებების მოსმენის შემდეგ გამგზავრება გადადეს. ''გასაგებია, რომ ეს საქართველოა და ბევრი კარგი მომღერალი გვყავს, ამიტომ, როდესაც ასე ლაპარაკობენ მონაწილეებზე, ნება იბოძონ და კონკურსზე ორი მომღერალი წაიყვანონ'', განაცხადა ნატო დუმბაძემ ჩვენთან საუბარში.
მერი კობიაშვილი
ჟურნალი ''რეიტინგი''
