"აფხაზეთი და სამაჩაბლო საქართველოა" - ქართველი ემიგრანტი ჟურნალისტის ემოციური რეპორტაჟი იტალიიდან
1 595 ნახვა
"აი, გვინდოდა ასე მოგფერებოდით თითოეულ თქვენგანს დღევანდელ დღეს. იმედია გამოგვივიდა, გამოუვიდათ ჩვენი ანსამბლის წევრებს. დღევანდელი დღით სიკეთე, იმედი, წყალობა მოიღო უფალმა ჩვენზე და შევძელით ის, რომ ჩვენი სიმღერით, ჩვენი ცეკვით, ჩვენი სიყვარულით გამოგვეხატა თანადგომა და ერთგულება იმ ადამიანებისადმი, რომელთაც დღევანდელი საქველმოქმედო კონცერტით დავეხმარებით საქართველოში. თითოეულ თქვენგანს მადლობა მინდა გადაგიხადოთ, დღევანდელი დღისთვის, სიყვარულისა და თანადგომისათვის. ღმერთმა დაგლოცოთ და გაგაძლიეროთ. ამ უცხო მიწაზე ერთობით კეთილი საქმე გვეკეთებიოს. ამინ"
ამ სიტყვებით ფლორენციის წმინდა ნინოს სახელობის ტაძრის იღუმენმა მამა ანდრიამ (ლაცაბიძე) 27 აპრილს, იტალიის ქალაქ პიზაში, ამავე ტაძართან არსებული სიმღერისა და ცეკვის ანსამბლის "ნანილას" მიერ გამართულ საქველმოქმედო კონცერტზე სიტყვით მიმართა მრევლს, ქართველ ემიგრანტებსა და იტალიელ სტუმრებს. იმ დიდი მიზნის გარდა, რასაც მაღალ დონეზე ორგანიზებული ეს საქველმოქმედო კონცერტი ისახავდა, დახმარებოდნენ საქართველოში მცხოვრებ შეჭირვებულ ოჯახებს, ეს იყო ქართული ფესვების, გენის, სულის ნამდვილი ზეიმი უცხო მიწაზე. ემოციისგან აცრემლებული დარბაზი მხურვალე ტაშთან ერთად ყოველი ნომრის შესრულებისას მადლობას იხდიდა.
კონცერტი ჯერ დასრულებული არ გახლდათ, დარბაზში მაყურებელი უკვე კითხულობდა, როდის იქნებოდა მომდევნო კონცერტი. გაგრძელება კი აუცილებლად იქნება...
"ცხრა წელია იტალიაში ვცხოვრობ და ჩემი ქვეყნის სიყვარულის გარეშე ერთი წუთითაც არ მიცხოვრია. სამშობლოს სიყვარულმა, ყველაფერი ქართულის სიყვარულმა შეგვყარა ერთად, ეს მხოლოდ დასაწყისია" - განაცხადა ჩვენთან საუბარში ანსამბლის სამხარტვრო ხელმძღვანელმა მაკა მონიავამ.
- ქალბატონო მაკა,როგორ დაიბადა ანსამბლის დაარსების იდეა და როგორ შეძელით მოკლე დროში, შესრულების ასეთი მაღალი დონისათვის მიგეღწიათ, იმ გადატვირთული რეჟიმის ფონზე, რომელშიც ქართველი ემიგრანტები ცხოვრობენ საზღვარგარეთ.
- ყველაფერი ასე დაიწყო. 2011 წლის იანვარში ქართველი მრევლის მოთხოვნით, საქართველოს საპატრიარქომ ფლორენციაში მოავლინა მამა ანდრია (ლაცაბიძე) ძალიან განათლებული და არაჩვეულებრივი ადამიანი. ფლორენციის ცენტრში, დროებით სარგებლობაში გადმოგვეცა ტაძარი, სადაც უკვე სამ წელზე მეტია წირვა-ლოცვა ქართულ ენაზე აღევლინება.
მამა ანდრიას ჩამოსვლა სტიმული იყო აქ მყოფი ქართველებისთვის, მრევლმა ნელ-ნელა შემოკრება დავიწყეთ მამა ანდრიას გარშემო, ტაძარი ჩვენი ნავსაყუდელი გახდა. სიმღერისა და ცეკვის ანსამბლი "ნანილა" 2013 წლის ნოემბერში აკურთხა და გზა დაულოცა დასავლეთ ევროპის მიტროპოლიტმა მეუფე აბრაამმა (გარმელია) ანსამბლის წევრები არიან ტაძრის მგალობლები და მრევლი. ქორეოგრაფი არის რიტა სიმსივე, მუსიკალური ხელმძღვანელი ნანა ჩიხიაშვილი. ანსამბლს ვხელმძღვანელობ მე.
სანამ ანსამბლი ჩამოყალიბდებოდა, ჩავატარეთ რამდენიმე საღამო... 2011 წელს იყო პოეზიის საღამო - "მე უკვდავება მამულს გარეთ არ მწამებია". შემდეგ მამა ანდრიას კურთხევით მოვამზადე თემა და ძალიან საინტერესო საღამო გამოგვივიდა "წმინდანნი ქართველნი დედანი", შემდეგ იყო პოეზიის საღამო "ერთი რამის სიყვარული, დაფარვა რომ სჭირდება". შეიძლება ითქვას, რომ აქედან წამოვიდა შემდეგ ანსამბლის შექმნის იდეა. მამაოც დაგვეთანხმა და 2014 წლის 12 იანვარს პირველი კონცერტი ჩავატარეთ ფლორენციაში. ფაქტობრივად დრო არ გვაქვს, დასვენების დღეებს ეკლესიაში ვატარებთ. დილით წირვაზე ვართ და შემდეგ იქვე გვაქვს სარეპეტიციო დარბაზი და გვიანობამდე ვმუშაობთ. ფაქტობრივად თავი გადავდეთ ამ საქმისთვის, მაგრამ ყოველი კვირა დღე ისეთი სიხარულია, უკვე ვერცერთი ჩვენგანი ამაზე
უარს ვერ ვიტყვით.
- თან სრულიად უსასყიდლოდ. თქვენს კონცერტებს საქველმოქმედო სახე მიეცით, ვისი ინიციატივით მოხდა ეს და როგორ არჩევთ ოჯახს, რომელსაც უნდა დაეხმაროთ.
- ამ ყველაფრის სული და გული მამა ანდრიაა, ჩვენი ანაზღაურება კი თქვენი ტაშია, აღფრთოვანებული და აცრემლებული მაყურებელია, რომელიც ითვალისწინებს,რომ კვირაში მხოლოდ ერთი დღე გვაქვს ამ ყველაფრის გასაკეთებლად. რაც შეეხება ქველმოქმედებას, წინასწარ არ ვიცით ოჯახი, რომელსაც დავეხმარებით. ეს დასავლეთ ევროპის მიტროპოლიტ მეუფე აბრაამის (გარმელია) კურთხევით ხდება. პირველი საქველმოქმედო კონცერტის შემდეგ დავეხმარეთ ამილახვრების ოთხშვილიან ოჯახს და ვუყიდეთ სახლი სოფელ შოროპანში.
- დარბაზში არაერთი იტალიელი დავინახე, ერთ-ერთს რეჟისორობა აეღო საკუთარ თავზე...
- როგორ შეიძლება ქართული სიმღერის მიმართ გულგრილი დარჩეს ვინმე, დონ მარიოსაც ასე დაემართა, როდესაც პირველად მოისმინა ქართული სიმღერა მოიხიბლა მისი მრავალხმიანობით და ჰარმონიით. მას აქვს საკუთარი ხმის ჩამწერი სტუდია და საკუთარი ინიციატივით, სრულიად უსასყიდლოდ "ნანილას" მუსიკალურ ალბომსაც კი გვიწერს. წლების განმავლობაში აქ ცხოვრებამ იტალიელი მეგობრებიც შეგვძინა, ისინიც დავპატიჟეთ და ბევრი მათგანი სიამოვნებით წამოვიდა კონცერტზე. ჩვენი მიზანია გავაგრძელოთ ეს ლამაზად დაწყებული საქმე და განვაახლოთ რეპერტუარი. ასე გამოვხატოთ ჩვენი ქვეყნის მონატრება და სიყვარული, სამშობლოში მალე დაბრუნების იმედით.
P.S. დაბოლოს, ჩემის მხრივ, არა როგორც ჟურნალისტის, არამედ როგორც რიგითი ემიგრანტის მხრივ ვიტყვი, რომ მთელი კონცერტის განმავლობაში ვცდილობდი ჩემს გვერდით მჯდომი უცნობი ქალბატონივით არ ავტირებულიყავი, მაგრამ კონცერტის ბოლოს სცენაზე აფრიალებულმა ქართულმა დროშამ და ტრანსფარენტებმა წარწერით "აფხაზეთი და სამაჩაბლო საქართველოა", თავისი გაიტანა და მეც ავტირდი.
ნინო მამუკაძე
სპეციალურად იტალიიდან
ამ სიტყვებით ფლორენციის წმინდა ნინოს სახელობის ტაძრის იღუმენმა მამა ანდრიამ (ლაცაბიძე) 27 აპრილს, იტალიის ქალაქ პიზაში, ამავე ტაძართან არსებული სიმღერისა და ცეკვის ანსამბლის "ნანილას" მიერ გამართულ საქველმოქმედო კონცერტზე სიტყვით მიმართა მრევლს, ქართველ ემიგრანტებსა და იტალიელ სტუმრებს. იმ დიდი მიზნის გარდა, რასაც მაღალ დონეზე ორგანიზებული ეს საქველმოქმედო კონცერტი ისახავდა, დახმარებოდნენ საქართველოში მცხოვრებ შეჭირვებულ ოჯახებს, ეს იყო ქართული ფესვების, გენის, სულის ნამდვილი ზეიმი უცხო მიწაზე. ემოციისგან აცრემლებული დარბაზი მხურვალე ტაშთან ერთად ყოველი ნომრის შესრულებისას მადლობას იხდიდა.
კონცერტი ჯერ დასრულებული არ გახლდათ, დარბაზში მაყურებელი უკვე კითხულობდა, როდის იქნებოდა მომდევნო კონცერტი. გაგრძელება კი აუცილებლად იქნება...
"ცხრა წელია იტალიაში ვცხოვრობ და ჩემი ქვეყნის სიყვარულის გარეშე ერთი წუთითაც არ მიცხოვრია. სამშობლოს სიყვარულმა, ყველაფერი ქართულის სიყვარულმა შეგვყარა ერთად, ეს მხოლოდ დასაწყისია" - განაცხადა ჩვენთან საუბარში ანსამბლის სამხარტვრო ხელმძღვანელმა მაკა მონიავამ.
- ქალბატონო მაკა,როგორ დაიბადა ანსამბლის დაარსების იდეა და როგორ შეძელით მოკლე დროში, შესრულების ასეთი მაღალი დონისათვის მიგეღწიათ, იმ გადატვირთული რეჟიმის ფონზე, რომელშიც ქართველი ემიგრანტები ცხოვრობენ საზღვარგარეთ.
- ყველაფერი ასე დაიწყო. 2011 წლის იანვარში ქართველი მრევლის მოთხოვნით, საქართველოს საპატრიარქომ ფლორენციაში მოავლინა მამა ანდრია (ლაცაბიძე) ძალიან განათლებული და არაჩვეულებრივი ადამიანი. ფლორენციის ცენტრში, დროებით სარგებლობაში გადმოგვეცა ტაძარი, სადაც უკვე სამ წელზე მეტია წირვა-ლოცვა ქართულ ენაზე აღევლინება.
მამა ანდრიას ჩამოსვლა სტიმული იყო აქ მყოფი ქართველებისთვის, მრევლმა ნელ-ნელა შემოკრება დავიწყეთ მამა ანდრიას გარშემო, ტაძარი ჩვენი ნავსაყუდელი გახდა. სიმღერისა და ცეკვის ანსამბლი "ნანილა" 2013 წლის ნოემბერში აკურთხა და გზა დაულოცა დასავლეთ ევროპის მიტროპოლიტმა მეუფე აბრაამმა (გარმელია) ანსამბლის წევრები არიან ტაძრის მგალობლები და მრევლი. ქორეოგრაფი არის რიტა სიმსივე, მუსიკალური ხელმძღვანელი ნანა ჩიხიაშვილი. ანსამბლს ვხელმძღვანელობ მე.
სანამ ანსამბლი ჩამოყალიბდებოდა, ჩავატარეთ რამდენიმე საღამო... 2011 წელს იყო პოეზიის საღამო - "მე უკვდავება მამულს გარეთ არ მწამებია". შემდეგ მამა ანდრიას კურთხევით მოვამზადე თემა და ძალიან საინტერესო საღამო გამოგვივიდა "წმინდანნი ქართველნი დედანი", შემდეგ იყო პოეზიის საღამო "ერთი რამის სიყვარული, დაფარვა რომ სჭირდება". შეიძლება ითქვას, რომ აქედან წამოვიდა შემდეგ ანსამბლის შექმნის იდეა. მამაოც დაგვეთანხმა და 2014 წლის 12 იანვარს პირველი კონცერტი ჩავატარეთ ფლორენციაში. ფაქტობრივად დრო არ გვაქვს, დასვენების დღეებს ეკლესიაში ვატარებთ. დილით წირვაზე ვართ და შემდეგ იქვე გვაქვს სარეპეტიციო დარბაზი და გვიანობამდე ვმუშაობთ. ფაქტობრივად თავი გადავდეთ ამ საქმისთვის, მაგრამ ყოველი კვირა დღე ისეთი სიხარულია, უკვე ვერცერთი ჩვენგანი ამაზე
უარს ვერ ვიტყვით.
- თან სრულიად უსასყიდლოდ. თქვენს კონცერტებს საქველმოქმედო სახე მიეცით, ვისი ინიციატივით მოხდა ეს და როგორ არჩევთ ოჯახს, რომელსაც უნდა დაეხმაროთ.
- ამ ყველაფრის სული და გული მამა ანდრიაა, ჩვენი ანაზღაურება კი თქვენი ტაშია, აღფრთოვანებული და აცრემლებული მაყურებელია, რომელიც ითვალისწინებს,რომ კვირაში მხოლოდ ერთი დღე გვაქვს ამ ყველაფრის გასაკეთებლად. რაც შეეხება ქველმოქმედებას, წინასწარ არ ვიცით ოჯახი, რომელსაც დავეხმარებით. ეს დასავლეთ ევროპის მიტროპოლიტ მეუფე აბრაამის (გარმელია) კურთხევით ხდება. პირველი საქველმოქმედო კონცერტის შემდეგ დავეხმარეთ ამილახვრების ოთხშვილიან ოჯახს და ვუყიდეთ სახლი სოფელ შოროპანში.
- დარბაზში არაერთი იტალიელი დავინახე, ერთ-ერთს რეჟისორობა აეღო საკუთარ თავზე...
- როგორ შეიძლება ქართული სიმღერის მიმართ გულგრილი დარჩეს ვინმე, დონ მარიოსაც ასე დაემართა, როდესაც პირველად მოისმინა ქართული სიმღერა მოიხიბლა მისი მრავალხმიანობით და ჰარმონიით. მას აქვს საკუთარი ხმის ჩამწერი სტუდია და საკუთარი ინიციატივით, სრულიად უსასყიდლოდ "ნანილას" მუსიკალურ ალბომსაც კი გვიწერს. წლების განმავლობაში აქ ცხოვრებამ იტალიელი მეგობრებიც შეგვძინა, ისინიც დავპატიჟეთ და ბევრი მათგანი სიამოვნებით წამოვიდა კონცერტზე. ჩვენი მიზანია გავაგრძელოთ ეს ლამაზად დაწყებული საქმე და განვაახლოთ რეპერტუარი. ასე გამოვხატოთ ჩვენი ქვეყნის მონატრება და სიყვარული, სამშობლოში მალე დაბრუნების იმედით.
P.S. დაბოლოს, ჩემის მხრივ, არა როგორც ჟურნალისტის, არამედ როგორც რიგითი ემიგრანტის მხრივ ვიტყვი, რომ მთელი კონცერტის განმავლობაში ვცდილობდი ჩემს გვერდით მჯდომი უცნობი ქალბატონივით არ ავტირებულიყავი, მაგრამ კონცერტის ბოლოს სცენაზე აფრიალებულმა ქართულმა დროშამ და ტრანსფარენტებმა წარწერით "აფხაზეთი და სამაჩაბლო საქართველოა", თავისი გაიტანა და მეც ავტირდი.
ნინო მამუკაძე
სპეციალურად იტალიიდან
