ცუდია, რომ შვილებს არაფერს ეკითხებიან.
1 958 ნახვა
ცუდია, რომ შვილებს არაფერს ეკითხებიან. თავის დროზე არც იმაზე ფიქრობენ, ბავშვის დაბადებით რა სურთ, რატომ აჩენენ შვილს და მერე არც იმაზე ზრუნავენ, მათ რამე არ ეწყინოთ, რამე არ ეტკინოთ. ამას წინათ ჩემმა თანატოლმა ბიჭმა მითხრა, საკუთარ თავში ჩაკეტილი გოგო ხარ, შენგან ვერაფერს გაიგებს კაციო. ასეთი არ ვიყავი, მაგრამ ოჯახში ისეთი სიტუაცია მაქვს, ლაპარაკის უნარი აღარ გამაჩნია. მშობლების გამუდმებულ ჩხუბს ვეღარ ვუძლებ, ეს საშინელება არა და არ დამთავრდა.
16 წლის ვარ. ძალიან ვამაყობდი, რომ ახალგაზრდა მშობლები მყავდნენ. დედაჩემი 34 წლის არის, მამა კი – 35 წლის. მეგობრები შემომნატროდნენ, რა კარგია, თანამედროვე მშობლები რომ გყავსო. განსაკუთრებით კი ერთი ჩემი დაქალი ნატრობდა, ნეტა, ჩემი დედ–მამაც ასეთი ახალგაზრდები იყვნენ, უფრო კარგად გამიგებდნენო.
ჩემი დაქალი ძალიან გვიან ასაკში გააჩინეს, მისი მშობლები 50 წელს არიან გადაცილებული. ახლა კი მე შევნატრი მას, რადგან მისი დედ–მამა შვილს თან ყვებიან. რა გაუკეთონ, აღარ იციან. მათ სახლში რომ მივდივარ, სულიერად ვისვენებ, რადგან, ჯერ ერთი, იქ საოცარი სიმშვიდეა, მეორეც, ყველა სიყვარულით მხვდება, ყურადღებას მაქცევენ, რითი მცენ პატივი, აღარ იციან და მესამეც, ჩემს დაქალს აბსოლუტურად ყველაფერი აქვს იმისათვის, რომ თავი კარგად იგრძნოს. მის ოთახში დედა ფარდებსაც კი ხშირ–ხშირად ცვლის, რომ შვილი გაახალისოს, თავი კარგად იგრძნოს.
ამას წინათ მივედი და ჩემი მეგობრის ოთახში კედლებსა და ფარდებზე ჭიამაიები და პეპლები იყო მიმაგრებული. ისეთი ლამაზი ოთახი იყო... დაქალმა მითხრა, სკოლიდან რომ მოვედი, დედამ ასე დამახვედრაო. გული ჩამწყდა, განა იმიტომ, რომ მეგობრის შემშურდა, არა, უბრალოდ ჩემს ახალგაზრდა მშობლებს აზრად არ მოუვათ, ასე გამახალისონ და ასეთი სიურპრიზებით გამანებივრონ. სიურპრიზს და საჩუქარს ვინ ჩივის, სულ ჩხუბობენ, ერთმანეთს ზოგჯერ მუშტი–კრივსაც უმართავენ.
ჩემი დედ–მამა ალბათ მზად არ იყვნენ, მშობლები გამხდარიყვნენ. ისინი მხოლოდ საკუთარ თავზე, საკუთარ გრძნობებზე ფიქრობენ და სულ არ აინტერესებთ, მე რა მდგომარეობაში ვარ. ერთხელაც არ უკითხავთ, რა მიჭირს, რა მინდა. ეგოისტურად იქცევიან, არადა მე მეძახიან, ეგოისტი ხარო. ნეტა, ასეთი ახალგაზრდა მშობლები არ მყავდეს. ასაკით უფროსები რომ იყვნენ, იქნებ მეც მეგრძნო მშობლის სითბო, რომელიც ნამდვილად არ ვიცი, რა არის. ასე რომ, არც ისე სატრაბახო და სანატრელია ახალგაზრდა მშობლები.
"სარკის" ერთგული მკითხველი
16 წლის ვარ. ძალიან ვამაყობდი, რომ ახალგაზრდა მშობლები მყავდნენ. დედაჩემი 34 წლის არის, მამა კი – 35 წლის. მეგობრები შემომნატროდნენ, რა კარგია, თანამედროვე მშობლები რომ გყავსო. განსაკუთრებით კი ერთი ჩემი დაქალი ნატრობდა, ნეტა, ჩემი დედ–მამაც ასეთი ახალგაზრდები იყვნენ, უფრო კარგად გამიგებდნენო.
ჩემი დაქალი ძალიან გვიან ასაკში გააჩინეს, მისი მშობლები 50 წელს არიან გადაცილებული. ახლა კი მე შევნატრი მას, რადგან მისი დედ–მამა შვილს თან ყვებიან. რა გაუკეთონ, აღარ იციან. მათ სახლში რომ მივდივარ, სულიერად ვისვენებ, რადგან, ჯერ ერთი, იქ საოცარი სიმშვიდეა, მეორეც, ყველა სიყვარულით მხვდება, ყურადღებას მაქცევენ, რითი მცენ პატივი, აღარ იციან და მესამეც, ჩემს დაქალს აბსოლუტურად ყველაფერი აქვს იმისათვის, რომ თავი კარგად იგრძნოს. მის ოთახში დედა ფარდებსაც კი ხშირ–ხშირად ცვლის, რომ შვილი გაახალისოს, თავი კარგად იგრძნოს.
ამას წინათ მივედი და ჩემი მეგობრის ოთახში კედლებსა და ფარდებზე ჭიამაიები და პეპლები იყო მიმაგრებული. ისეთი ლამაზი ოთახი იყო... დაქალმა მითხრა, სკოლიდან რომ მოვედი, დედამ ასე დამახვედრაო. გული ჩამწყდა, განა იმიტომ, რომ მეგობრის შემშურდა, არა, უბრალოდ ჩემს ახალგაზრდა მშობლებს აზრად არ მოუვათ, ასე გამახალისონ და ასეთი სიურპრიზებით გამანებივრონ. სიურპრიზს და საჩუქარს ვინ ჩივის, სულ ჩხუბობენ, ერთმანეთს ზოგჯერ მუშტი–კრივსაც უმართავენ.
ჩემი დედ–მამა ალბათ მზად არ იყვნენ, მშობლები გამხდარიყვნენ. ისინი მხოლოდ საკუთარ თავზე, საკუთარ გრძნობებზე ფიქრობენ და სულ არ აინტერესებთ, მე რა მდგომარეობაში ვარ. ერთხელაც არ უკითხავთ, რა მიჭირს, რა მინდა. ეგოისტურად იქცევიან, არადა მე მეძახიან, ეგოისტი ხარო. ნეტა, ასეთი ახალგაზრდა მშობლები არ მყავდეს. ასაკით უფროსები რომ იყვნენ, იქნებ მეც მეგრძნო მშობლის სითბო, რომელიც ნამდვილად არ ვიცი, რა არის. ასე რომ, არც ისე სატრაბახო და სანატრელია ახალგაზრდა მშობლები.
"სარკის" ერთგული მკითხველი
