''მეუღლემ რატომ უნდა იეჭვიანოს. მე ხშირად მყავს სიმპათიური პარტნიორები''
1 515 ნახვა
'ორ ვარსკვლავში'' მიშა ბაღათურიასა და სოფო გელოვანის წყვილი ხშირად ჟიურის ფავორიტი ხდება. ნამღერის გარდა, მიშას კარგ გარეგნობას უსვამენ ხოლმე ხაზს.
სოფო კრიტიკას პროექტთან დაკავშირებით მხოლოდ ნაწილობრივ იზიარებს, ფიქრობს, რომ არის მცირე ხარვეზები, მაგრამ რუსული სიმღერის შესრულებასთან დაკავშირებული კრიტიკა გადამეტებულად მიაჩნია. მომღერალს ამ თემებზე ვესაუბრეთ.
- სოფო, ''ორ ვარსკვლავს'' ბევრი აკრიტიკებს. პროექტში მონაწილეობას ხომ არ ნანობ?
- რა თქმა უნდა, არ ვნანობ, პირველ რიგში, იმიტომ რომ ბევრი ახალი მეგობარი შევიძინე.
- ''ორი ვარსკვლავის'' მონაწილე რომ არ იყო და პროექტს რომ ადევნებდე თვალს, შეგიძლია, გულახდილად გვითხრა, რა არ მოგეწონებოდა?
- რასაკვირველია, პროექტში რაღაც ხარვეზები არის, მაგრამ ამ ყველაფერზე ხმამაღლა ლაპარაკი ჩემი მხრიდან არაკოლეგიალური იქნებოდა. მე შემიძლია, მხოლოდ შოუს მუსიკალურ მხარეზე ვილაპარაკო. არის მუსიკალური და ტექნიკური ხარვეზები, რომლებიც, დარწმუნებული ვარ, აუცილებლად გამოსწორდება.
- თქვენი ნამღერიდან კრიტიკა დაიმსახურა სოსო პავლიაშვილის სიმღერამ - ''ჟდიოტ ტებია გრუზინ''. კრიტიკოსთა შორის იყო მომღერალი მაია დარსმელიძე, რომელიც ამბობდა, რომ როდესაც ოკუპანტი 30 კილომეტრში დგას, რუსული სიმღერა არ უნდა შეგესრულებინათ...
- მხოლოდ ერთ რამეს ვიტყვი, ყველას თავისი შეხედულება აქვს და რა თქმა უნდა, აქვთ უფლება, თავიანთი პოზიცია დააფიქსირონ. ჩემი აზრით, ეს ნამღერი კრიტიკას არ იმსახურებდა.
- პროექტს აკრიტიკებენ, რომ ბევრი რუსული სიმღერა სრულდება. ხომ არ ფი-ქრობ, რომ მაყურებელი შეიძლება სამართლიანად ღიზიანდება?
- ვხვდები, რაზეც მიანიშნებთ, მაგრამ ამ პროექტში სრულდება ინგლისური, ფრანგული და იტალიური სიმღერები და ამაში ცუდს ვერაფერს ვხედავ. საქართველოში ხშირად პოლიტიკასა და ხელოვნებას ერთმანეთთან აიგივებენ. თურქეთიც იყო საქართველოს დამპყრობელი, მაგრამ თურქული სიმღერა რომ შევასრულოთ, ამაში ცუდი არაფერია.
- შენს მეწყვილეს, მიშა ბაღათურიას, ჟიურის წევრები სულ აქებენ. თეონა კონტრიძემ მის გარეგნობაზე რამდენჯერმე გაამახვილა ყურადღება და აღნიშნა, რომ ბედნიერი იქნებოდა, მისნაირი სიძე თუ ეყოლებოდა. მეუღლე ხომ არ ეჭვიანობს შენი მეწყვილის გამო?
- არა, რას ამბობთ, რატომ უნდა იეჭვიანოს. მე ხშირად მყავს სიმპათიური პარტნიორები. მეუღლე საერთოდ არ არის ეჭვიანი და მეცინება ხოლმე, ასეთ კითხვებს რომ მისვამენ.
- მეუღლე ყველა კონცერტს ესწრება და გგულშემატკივრობს?
- შეძლებისდაგვარად ესწრება.
- რომელ ტურს გამოარჩევდი? თქვენი შესრულებული სიმღერებიდან რომელი იყო ყველაზე კარგი?
- ვერც ერთს ვერ გამოვარჩევ. მგონია, რომ წინ ყველაზე წარმატებული ტურები გველოდება. მიშას უფრო ბევრის გაკეთება შეუძლია სცენაზე და დარწმუნებული ვარ, შემდეგ ტურებში უფრო კარგად იმღერებს.
- მიშას წყალობით წყალბურთის გულშემატკივარი ხომ არ გახდი?
- წყალბურთის გულშემატკივარი მანამდეც ვიყავი. ჩემი შვილის ნათლია წყალბურთელი კოტე გეგელაშვილია. მთელი ოჯახი ვგულშემატკივრობთ საქართველოს ნაკრებს. მათ დიდ წარმატებას ვუსურვებ. მალე ევროპის ჩემპიონატი დაიწყება და ჩვენი მხარდაჭერა დასჭირდებათ. ახლა ჩემს პარტნიორთან ერთად რეპეტიციების გავლას ვერ ვახერხებ, სერბეთშია წასული. ინტერნეტით მიწევს კონტაქტი, ''სკაიპში'' ვსწავლობთ სიმღერას. იმედია, ყველაფერი კარგად ჩაივლის და ჩვენს სიმღერას არ დაეტყობა, რომ ერთად რეპეტიცია მხოლოდ ერთხელ გავიარეთ.
- პროექტში რომელიმე სიმღერის მორგება გაგიჭირდა?
- ჩემთვის რთული არ არის ნებისმიერი სიმღერის შესრულება. ამ შემთხვევაში ყველანაირად ვცდილობ, რომ ისეთი სიმღერა შევასრულოთ, რომელიც მიშას გაუადვილდება. ჩემს თავზე და ჩემს გამოვლენაზე აღარ ვფიქრობ. მე როგორ ვმღერი, ეს საინტერესო აღარაა.
- მომავალში შენ და მიშა სიმღერის ერთად ჩაწერას ხომ არ გეგმავთ?
- შესაძლებელია, ასეც მოხდეს. ვნახოთ, როგორ დავამთავრებთ ამ პროექტს.
- პროექტის შემდეგ რა გეგმები გაქვს?
- ცოტა ხნის წინ ბერლინში მქონდა კონცერტი და ახლა მეორედ დაიგეგმა.
პ.ს.მასალაში გამოყენებული ფოტო ეკუთვნის გიორგი ცაავას.
მერი კობიაშვილი
ჟურნალი ''რეიტინგი''
სოფო კრიტიკას პროექტთან დაკავშირებით მხოლოდ ნაწილობრივ იზიარებს, ფიქრობს, რომ არის მცირე ხარვეზები, მაგრამ რუსული სიმღერის შესრულებასთან დაკავშირებული კრიტიკა გადამეტებულად მიაჩნია. მომღერალს ამ თემებზე ვესაუბრეთ.
- სოფო, ''ორ ვარსკვლავს'' ბევრი აკრიტიკებს. პროექტში მონაწილეობას ხომ არ ნანობ?
- რა თქმა უნდა, არ ვნანობ, პირველ რიგში, იმიტომ რომ ბევრი ახალი მეგობარი შევიძინე.
- ''ორი ვარსკვლავის'' მონაწილე რომ არ იყო და პროექტს რომ ადევნებდე თვალს, შეგიძლია, გულახდილად გვითხრა, რა არ მოგეწონებოდა?
- რასაკვირველია, პროექტში რაღაც ხარვეზები არის, მაგრამ ამ ყველაფერზე ხმამაღლა ლაპარაკი ჩემი მხრიდან არაკოლეგიალური იქნებოდა. მე შემიძლია, მხოლოდ შოუს მუსიკალურ მხარეზე ვილაპარაკო. არის მუსიკალური და ტექნიკური ხარვეზები, რომლებიც, დარწმუნებული ვარ, აუცილებლად გამოსწორდება.
- თქვენი ნამღერიდან კრიტიკა დაიმსახურა სოსო პავლიაშვილის სიმღერამ - ''ჟდიოტ ტებია გრუზინ''. კრიტიკოსთა შორის იყო მომღერალი მაია დარსმელიძე, რომელიც ამბობდა, რომ როდესაც ოკუპანტი 30 კილომეტრში დგას, რუსული სიმღერა არ უნდა შეგესრულებინათ...
- მხოლოდ ერთ რამეს ვიტყვი, ყველას თავისი შეხედულება აქვს და რა თქმა უნდა, აქვთ უფლება, თავიანთი პოზიცია დააფიქსირონ. ჩემი აზრით, ეს ნამღერი კრიტიკას არ იმსახურებდა.
- პროექტს აკრიტიკებენ, რომ ბევრი რუსული სიმღერა სრულდება. ხომ არ ფი-ქრობ, რომ მაყურებელი შეიძლება სამართლიანად ღიზიანდება?
- ვხვდები, რაზეც მიანიშნებთ, მაგრამ ამ პროექტში სრულდება ინგლისური, ფრანგული და იტალიური სიმღერები და ამაში ცუდს ვერაფერს ვხედავ. საქართველოში ხშირად პოლიტიკასა და ხელოვნებას ერთმანეთთან აიგივებენ. თურქეთიც იყო საქართველოს დამპყრობელი, მაგრამ თურქული სიმღერა რომ შევასრულოთ, ამაში ცუდი არაფერია.
- შენს მეწყვილეს, მიშა ბაღათურიას, ჟიურის წევრები სულ აქებენ. თეონა კონტრიძემ მის გარეგნობაზე რამდენჯერმე გაამახვილა ყურადღება და აღნიშნა, რომ ბედნიერი იქნებოდა, მისნაირი სიძე თუ ეყოლებოდა. მეუღლე ხომ არ ეჭვიანობს შენი მეწყვილის გამო?
- არა, რას ამბობთ, რატომ უნდა იეჭვიანოს. მე ხშირად მყავს სიმპათიური პარტნიორები. მეუღლე საერთოდ არ არის ეჭვიანი და მეცინება ხოლმე, ასეთ კითხვებს რომ მისვამენ.
- მეუღლე ყველა კონცერტს ესწრება და გგულშემატკივრობს?
- შეძლებისდაგვარად ესწრება.
- რომელ ტურს გამოარჩევდი? თქვენი შესრულებული სიმღერებიდან რომელი იყო ყველაზე კარგი?
- ვერც ერთს ვერ გამოვარჩევ. მგონია, რომ წინ ყველაზე წარმატებული ტურები გველოდება. მიშას უფრო ბევრის გაკეთება შეუძლია სცენაზე და დარწმუნებული ვარ, შემდეგ ტურებში უფრო კარგად იმღერებს.
- მიშას წყალობით წყალბურთის გულშემატკივარი ხომ არ გახდი?
- წყალბურთის გულშემატკივარი მანამდეც ვიყავი. ჩემი შვილის ნათლია წყალბურთელი კოტე გეგელაშვილია. მთელი ოჯახი ვგულშემატკივრობთ საქართველოს ნაკრებს. მათ დიდ წარმატებას ვუსურვებ. მალე ევროპის ჩემპიონატი დაიწყება და ჩვენი მხარდაჭერა დასჭირდებათ. ახლა ჩემს პარტნიორთან ერთად რეპეტიციების გავლას ვერ ვახერხებ, სერბეთშია წასული. ინტერნეტით მიწევს კონტაქტი, ''სკაიპში'' ვსწავლობთ სიმღერას. იმედია, ყველაფერი კარგად ჩაივლის და ჩვენს სიმღერას არ დაეტყობა, რომ ერთად რეპეტიცია მხოლოდ ერთხელ გავიარეთ.
- პროექტში რომელიმე სიმღერის მორგება გაგიჭირდა?
- ჩემთვის რთული არ არის ნებისმიერი სიმღერის შესრულება. ამ შემთხვევაში ყველანაირად ვცდილობ, რომ ისეთი სიმღერა შევასრულოთ, რომელიც მიშას გაუადვილდება. ჩემს თავზე და ჩემს გამოვლენაზე აღარ ვფიქრობ. მე როგორ ვმღერი, ეს საინტერესო აღარაა.
- მომავალში შენ და მიშა სიმღერის ერთად ჩაწერას ხომ არ გეგმავთ?
- შესაძლებელია, ასეც მოხდეს. ვნახოთ, როგორ დავამთავრებთ ამ პროექტს.
- პროექტის შემდეგ რა გეგმები გაქვს?
- ცოტა ხნის წინ ბერლინში მქონდა კონცერტი და ახლა მეორედ დაიგეგმა.
პ.ს.მასალაში გამოყენებული ფოტო ეკუთვნის გიორგი ცაავას.
მერი კობიაშვილი
ჟურნალი ''რეიტინგი''
