ჯგუფი ''სეიშენი'' არ დაშლილა
1 495 ნახვა
ჯგუფი ''სეიშენი'' საკმაოდ პოპულარული გახლდათ, თუმცა ბოლო პერიოდია, ბიჭები ნაკლებად ჩანან. ამისი მიზეზი კი ის გახლავთ, რომ ჯგუფის ორი წევრი ''სეიშენს'' დაემშვიდობა - ჯიმი ფხაკაძემ ცხოვრების სხვა გზა აირჩია და სასულიერო სემინარიაში დაიწყო სწავლა, ხოლო ზაზა ბანძელაძე ამერიკის შეერთებულ შტატებში გაემგზავრა. ამის გამო გაჩნდა მოსაზრება და ჭორები, რომ ''სეიშენი'' დაიშალა, თუმცა რედაქციაში ლევან წვერავა და ლაშა აბზიანიძე გვესტუმრნენ, რომლებიც თავიანთი თაყვანისმცემლების გასახარად ახალ ალბომს წერენ და მალე საზოგადოებას კლიპსაც შესთავაზებენ.
ლევანი:
- სულ გვესმოდა შეკითხვა, დაიშალა თუ არა ''სეიშენი''. ჯგუფი ნამდვილად არ დაშლილა, უბრალოდ, გარკვეული პერიოდის წინ ჯიმი გამოეთიშა ჯგუფს, თავისი მიზეზების გამო, სასულიერო სემინარიაში სწავლობდა და აღარ ჰქონდა დრო ამ ყველაფრისთვის. არადა, მანამდე იყო ხმები, თითქოს სკანდალურად წავიდა ჯგუფიდან, რაც სიმართლეს არ შეესაბამება. ხომ იცით, რომ ნაკლებად სკანდალური ადამიანები ვართ (იღიმის). ჩვენ ოჯახის წევრები ვართ. ზაზა ამერიკის შეერთებულ შტატებში გაემგზავრა.
ლაშა:
- თამამად მინდა ვთქვა, რომ არც ჯიმისთან და არც ზაზასთან არანაირი დაძაბულობა არ შეგვქმნია. ერთმანეთთან ვირტუალურად თუ ჩვეულებრივ ცხოვრებაშიც გვაქვს კონტაქტი.
ლევანი:
- მე და ლაშა დავდექით რეალობის წინაშე, რომ ჯგუფს შენარჩუნება სჭირდებოდა. დავსხედით, ვისაუბრეთ და გადავწყვიტეთ, რომ სიმღერას მხოლოდ ორი წევრი ვაგრძელებთ. რატომაც არა, ამხელა გამოცდილება, საკუთარი სტუდია გვაქვს. ვაკეთებთ ახალ პროექტს ''სეიშენ ნიუ''. აქ გამოჩნდება ჩვენი ახალი მიმართულება, ვამზადებთ ალბომს.
ლაშა:
- ინტენსიურად ვმუშაობთ სტუდიაში და შესაძლოა არა ერთი, არამედ ერთზე მეტი ალბომი გა-ვაკეთოთ. ყოველდღე სტუდიაში ვართ. გვინდა, პროგრამა განვაახლოთ. სადაც ცოცხლად იყო სამღერი, ყველგან ცოცხლად ვმღეროდით. გვინდა, რომ ძველი რეპერტუარიდან გადავახალისოთ ის სიმღერები, რომლებიც ხალხისთვის ცნობილი იყო და ორ შემსრულებელს მოვარგოთ. იმავდორულად, ახალ სიმღერებსაც შევთავაზებთ საზოგადოებას.
- არ გიფიქრიათ სხვა ორი წევრის დამატებაზე?
ლევანი:
- გვიფიქრია და ამასაც არ გამოვრიცხავთ, უბრალოდ, ამ ეტაპზე ასე გადაწყდა. შესაძლოა, ჩვენ ორმა იმდენად კარგად გავართვათ თავი ამ ყველაფერს, რომ სხვა წევრების დამატება არ გახდეს აუცილებელი.
ალბომის ფარგლებში ვფიქრობთ სხვადასხვა ნიჭიერ ახალგაზრდა მუსიკოსთან თანამშრომლობას და აქ არ იგულისხმებიან მხოლოდ ვოკალისტები, ინსტრუმენტალისტებთანაც ვითანამშრომლებთ, ვთქვათ, გიტარისტთან. ასეთი არის ლელო ხოტივარი, რომელთან ერთადაც ჩავწერეთ სიმღერა და მალე მის პრემიერას შემოგთავაზებთ. შესაძლოა, მეორე სიმღერა გავაკეთოთ დიჯეისთან ერთად, მესამე ახალი თაობის კარგ გოგონა შემსრულებელთან, რეპერთან.
ლაშა:
- ზაზა ისე უცებ წავიდა ამერიკაში, რომ გარკვეული პრობლემის წინაშე დავდექით და ამიტომაც არ ვჩანდით, მაგრამ მუშაობა არ შეგვიწყვეტია. ათმაგად მოვინდომეთ. ვიცით, რომ ორნი დავრჩით, არც მესამეს ველოდებით და არც მეოთხეს. არ არის გამორიცხული, რომ მსმენელს სოლოსიმღერები შევთავაზოთ, მაგრამ ძირითადი დატვირთვა ექნება ჯგუფს.
- შოუბიზნესმა აშკარად უკან დაიხია.
ლევანი:
- ნამდვილად. თუკი გაქვს კონტაქტები, ეს მაინც მუშაობს, მაგრამ თამამად ვიტყვი, რომ შოუბიზნესმა უკან დაიხია. ადრე იყო რაღაც გზები, როცა შეგვეძლო პროექტის გაკეთება და სადმე წარდგენა. ახლა ასეთი გარემო აღარ არის. იმედია, გადმოგვხედავენ და მიხვდებიან, რომ საჭირო ხალხი ვართ და ზოგადად, საჭირო სფეროა.
ლაშა:
- ჩვენ ხელოვნებაში მაინც კარგად ვგრძნობთ თავს და გვირჩევნია, მაინც ეს საქმე ვაკეთოთ. მოვუწოდებ ყველა მომღერალს, მოცეკვავეს და იმ ადამიანებს, რომლებსაც აქვთ შეხება ამ სფეროსთან, შენ შენი საქმე უნდა აკეთო ისე, როგორც გამოგდის.
ლევანი:
- აქ ფინანსებიც დიდ როლს ასრულებს. რასაკვირველია, ჩვენ გვაქვს იმის საშუალება, რომ რადგან სტუდიას ვფლობთ, სიმღერები უსასყიდლოდ ჩავწეროთ. სიმღერის ჩაწერა, ტექსტი, არანჟირება ძალიან ძვირი ჯდება და ზოგიერთი შემსრულებელი ფიქრობს, ეს თანხა რომ დახარჯოს, მერე საიდან ამოიღოს.
ლაშა:
- თუმცა ახლა ინტერნეტი იმდენად ხელმისაწვდომი გახდა, რომ სტუდიის გარეშეც შეგიძლია შენი შემოქმედების ხალხისთვის გაცნობა. ჩაწერ სახლში და შემდეგ განათავსებ რომელიმე საიტზე. ეს შეიძლება ნახოს ვიღაც პროდიუსერმა და შენით დაინტერესდეს.
- თავის დროზე, როგორც ბოიბენდმა, პოპულარობა მოიპოვეთ. დღეს რამდენად ღიაა ქართული ბაზარი ბიჭების ჯგუფისთვის?
ლევანი:
- როცა ოთხი ბიჭი გამოდის, ამას თავისი ხიბლი აქვს, პირველ რიგში, მრავალხმიანობის კუთხით. ბიჭების ყველა ჯგუფს ყოველთვის ჰყავდა თავისი ფანკლუბი. ჩვენ ჩვენი თაყვანისმცემლები მეტ-ნაკლებად შევინარჩუნეთ. მათ სიყვარულს დღემდე ვგრძნობთ და გვინდა, რომ მთელი ცხოვრება ვიგრძნოთ.
ლაშა:
- სიმპათიები არსებობს და მუდამ იარსებებს. თუკი შენ კარგ მუსიკას ქმნი და თანაც, ხალხში სიმპათიით სარგებლობ, სცენაზე დაბრუნება პრობლემა არ იქნება.
ლევანი:
- ძალიან მწყდება გული, რომ მართლა კარგი თაობა მოდის, მაგრამ კონკურსს იქით არაფერი ხდება. ჩვენს ქვეყანაში უფრო აქტიურობით აღწევენ წარმატებას, ვიდრე ნიჭით. ანუ თუ აქტიური არ ხარ, ვერაფერს მიაღწევ. არადა, პირველ რიგში, ნიჭი უნდა გიფასდებოდეს.
ლაშა:
- დარწმუნებული უნდა იყოთ, რომ სხვა ქვეყანაში ჩვენი ტიპის ჯგუფები, შემსრულებლები, რომლებიც პოპულარულები არიან, მინიმუმ, ''ლამბორჯინით'' ივლიდნენ. აქ მცირე ბაზარია და ეს შესაძლებელი არ არის. ალბომს მხოლოდ საიმიჯოდ წერენ, რადგან არ იყიდება. აქედან სადმე რომ გადიოდეს ჩვენი პროდუქცია, ბევრად წინ წავიდოდით.
- თქვენ რატომღა აკეთებთ მაშინ ახალ ალბომს?
ლევანი:
- ჩვენ აუცილებლად უნდა გავაკეთოთ იმიტომ, რომ ხალხმა დაინახოს, ჯგუფი აგრძელებს არსებობას და არ დაშლილა. შესაძლოა, ოთხი წლის მერე ისევ ოთხნი ვიყოთ, მაგრამ დღეს ასეთი სიტუაციაა.
ლაშა:
- არ არის გამორიცხული, რომ ხვალ და ზეგ შოუბიზნესი ისევ აღორძინდეს, ისევ და ისევ ჩვენნაირი მონდომებული ადამიანების დამსახურებით. შესაძლოა, შემდეგ კომპანიებიც დაინტერესდნენ, რომ მეტი დაფინანსება გაჩნდეს. ჩვენ, ყოველ შემთხვევაში, გვინდა, რომ ასე მოხდეს.
ლევანი:
- გვაქვს მოლაპარაკებები ადამიანებთან, რომლებიც პროდიუსერობას გაგვიწევენ, ასე რომ, მხოლოდ ჩემი და ლაშას თავები არ იმუშავებს ჩვენს ჯგუფზე.
- იყო დრო, როცა თქვენი საქმით ფულს შოულობდით. ალბათ, გენატრებათ ის დრო.
- გვენატრება. იყო ბევრი კონცერტი. ხანდახან იმის დროც კი არ გვქონდა, რომ ახალი სიმღერები ჩაგვეწერა.
- რამდენი იყო თქვენი ჰონორარი?
- პირდაპირ ვიტყვი, რომ ამაში ალბათ წვლილი მიუძღვის როგორც ჩვენს პროფესიონალიზმს, ისე იმ ადამიანებს, რომლებიც ძალიან გვეხმარებოდნენ, მზია ღამბაშიძესა და ნატო დუმბაძეს, ჩვენი ჰონორარი იწყებოდა ათასიდან და მიდიოდა ზევით. ჩვენ, რასაკვირველია, კმაყოფილი ვიყავით და მუშაობის ინტერესი გვქონდა.
- ორივე დაქორწინებული ხართ. მეუღლეები როგორ შეხვდნენ თქვენს გააქტიურებას?
ლაშა:
- ძალიან კარგად. ჩემი აზრით, ეს ჩვენი ოჯახებისთვის პირიქით კარგია. ბავშვებსაც ძალიან მოსწონთ. სამი შვილი მყავს, ისინიც აქტიურები არიან.
- ცოლი არ იეჭვიანებს?
- მგონი, უკვე მოჰბეზრდა და დაიღალა. ეჭვიანობა ადრე იყო თუ იყო (იცინის). თუკი ქალი ეჭვიანობს, ე.ი. უყვარხარ.
- ლევან, შენ გყავს შვილი?
- მე ყველაზე გვიან დავოჯახდი ბიჭებს შორის. თავიდან შვილზე არ ვფიქრობდით. ჩემი მეუღლე სწავლობს, მაგრამ ახლა უკვე ვფიქრობთ ბავშვზე. ეჭვიანობაზე იკითხე და ამასაც უნდა ჰქონდეს საფუძველი. მამაკაცს შეუძლია ყველაფრის ისე მოგვარება, რომ ეჭვიანობა არ გამოიწვიოს, პანიკის გარეშე, ''ტონკად'' მოაგვაროს. ჩვენს ოჯახში ეჭვიანობა არ ყოფილა (იცინის).
- კარგი. ვიცი, რომ ახალი სიმღერა უკვე ტრიალებს რადიოში.
- სიმღერას ჰქვია ''შემიყვარდი'' და უკვე მოიპოვა პოპულარობა, მისი მელოდია ეკუთვნის ლაშას, ხოლო ტექსტი - მაიკო ფუტკარაძეს. მეორე სიმღერას საკმაოდ საინტერესო ისტორია აქვს, გალაკტიონის მერიზეა. ნანა ცინცაძემ დაწერა ტექსტი გალაკტიონის ამ ცნობილი ლე-ქსიდან გამომდინარე. რა თქმა უნდა, ამას მარკეტინგული დატვირთვა აქვს.
ლაშა:
- რასაკვირველია, გალაკტიონი მეფეა, მაგრამ ნანას ტექსტი ძალიან კარგია და მელოდიაშიც საინტერესოდ ჩაჯდა.
- იმედია, ზოგიერთი არ იფიქრებს, რომ თბილისის მერს უმღერით.
- (იცინიან) არა, სიმღერიდან აშკარად ჩანს, რომ ის ქალაქის მერს არ ეძღვნება!.. ვისაც უნდა, იმან მიიწეროს, მათ, ვისაც მერი ჰქვიათ და გინდათ, ქალაქის მერმაც (იღიმის).
ნინო მურღულია
ჟურნალი ''რეიტინგი''
ლევანი:
- სულ გვესმოდა შეკითხვა, დაიშალა თუ არა ''სეიშენი''. ჯგუფი ნამდვილად არ დაშლილა, უბრალოდ, გარკვეული პერიოდის წინ ჯიმი გამოეთიშა ჯგუფს, თავისი მიზეზების გამო, სასულიერო სემინარიაში სწავლობდა და აღარ ჰქონდა დრო ამ ყველაფრისთვის. არადა, მანამდე იყო ხმები, თითქოს სკანდალურად წავიდა ჯგუფიდან, რაც სიმართლეს არ შეესაბამება. ხომ იცით, რომ ნაკლებად სკანდალური ადამიანები ვართ (იღიმის). ჩვენ ოჯახის წევრები ვართ. ზაზა ამერიკის შეერთებულ შტატებში გაემგზავრა.
ლაშა:
- თამამად მინდა ვთქვა, რომ არც ჯიმისთან და არც ზაზასთან არანაირი დაძაბულობა არ შეგვქმნია. ერთმანეთთან ვირტუალურად თუ ჩვეულებრივ ცხოვრებაშიც გვაქვს კონტაქტი.
ლევანი:
- მე და ლაშა დავდექით რეალობის წინაშე, რომ ჯგუფს შენარჩუნება სჭირდებოდა. დავსხედით, ვისაუბრეთ და გადავწყვიტეთ, რომ სიმღერას მხოლოდ ორი წევრი ვაგრძელებთ. რატომაც არა, ამხელა გამოცდილება, საკუთარი სტუდია გვაქვს. ვაკეთებთ ახალ პროექტს ''სეიშენ ნიუ''. აქ გამოჩნდება ჩვენი ახალი მიმართულება, ვამზადებთ ალბომს.
ლაშა:
- ინტენსიურად ვმუშაობთ სტუდიაში და შესაძლოა არა ერთი, არამედ ერთზე მეტი ალბომი გა-ვაკეთოთ. ყოველდღე სტუდიაში ვართ. გვინდა, პროგრამა განვაახლოთ. სადაც ცოცხლად იყო სამღერი, ყველგან ცოცხლად ვმღეროდით. გვინდა, რომ ძველი რეპერტუარიდან გადავახალისოთ ის სიმღერები, რომლებიც ხალხისთვის ცნობილი იყო და ორ შემსრულებელს მოვარგოთ. იმავდორულად, ახალ სიმღერებსაც შევთავაზებთ საზოგადოებას.
- არ გიფიქრიათ სხვა ორი წევრის დამატებაზე?
ლევანი:
- გვიფიქრია და ამასაც არ გამოვრიცხავთ, უბრალოდ, ამ ეტაპზე ასე გადაწყდა. შესაძლოა, ჩვენ ორმა იმდენად კარგად გავართვათ თავი ამ ყველაფერს, რომ სხვა წევრების დამატება არ გახდეს აუცილებელი.
ალბომის ფარგლებში ვფიქრობთ სხვადასხვა ნიჭიერ ახალგაზრდა მუსიკოსთან თანამშრომლობას და აქ არ იგულისხმებიან მხოლოდ ვოკალისტები, ინსტრუმენტალისტებთანაც ვითანამშრომლებთ, ვთქვათ, გიტარისტთან. ასეთი არის ლელო ხოტივარი, რომელთან ერთადაც ჩავწერეთ სიმღერა და მალე მის პრემიერას შემოგთავაზებთ. შესაძლოა, მეორე სიმღერა გავაკეთოთ დიჯეისთან ერთად, მესამე ახალი თაობის კარგ გოგონა შემსრულებელთან, რეპერთან.
ლაშა:
- ზაზა ისე უცებ წავიდა ამერიკაში, რომ გარკვეული პრობლემის წინაშე დავდექით და ამიტომაც არ ვჩანდით, მაგრამ მუშაობა არ შეგვიწყვეტია. ათმაგად მოვინდომეთ. ვიცით, რომ ორნი დავრჩით, არც მესამეს ველოდებით და არც მეოთხეს. არ არის გამორიცხული, რომ მსმენელს სოლოსიმღერები შევთავაზოთ, მაგრამ ძირითადი დატვირთვა ექნება ჯგუფს.
- შოუბიზნესმა აშკარად უკან დაიხია.
ლევანი:
- ნამდვილად. თუკი გაქვს კონტაქტები, ეს მაინც მუშაობს, მაგრამ თამამად ვიტყვი, რომ შოუბიზნესმა უკან დაიხია. ადრე იყო რაღაც გზები, როცა შეგვეძლო პროექტის გაკეთება და სადმე წარდგენა. ახლა ასეთი გარემო აღარ არის. იმედია, გადმოგვხედავენ და მიხვდებიან, რომ საჭირო ხალხი ვართ და ზოგადად, საჭირო სფეროა.
ლაშა:
- ჩვენ ხელოვნებაში მაინც კარგად ვგრძნობთ თავს და გვირჩევნია, მაინც ეს საქმე ვაკეთოთ. მოვუწოდებ ყველა მომღერალს, მოცეკვავეს და იმ ადამიანებს, რომლებსაც აქვთ შეხება ამ სფეროსთან, შენ შენი საქმე უნდა აკეთო ისე, როგორც გამოგდის.
ლევანი:
- აქ ფინანსებიც დიდ როლს ასრულებს. რასაკვირველია, ჩვენ გვაქვს იმის საშუალება, რომ რადგან სტუდიას ვფლობთ, სიმღერები უსასყიდლოდ ჩავწეროთ. სიმღერის ჩაწერა, ტექსტი, არანჟირება ძალიან ძვირი ჯდება და ზოგიერთი შემსრულებელი ფიქრობს, ეს თანხა რომ დახარჯოს, მერე საიდან ამოიღოს.
ლაშა:
- თუმცა ახლა ინტერნეტი იმდენად ხელმისაწვდომი გახდა, რომ სტუდიის გარეშეც შეგიძლია შენი შემოქმედების ხალხისთვის გაცნობა. ჩაწერ სახლში და შემდეგ განათავსებ რომელიმე საიტზე. ეს შეიძლება ნახოს ვიღაც პროდიუსერმა და შენით დაინტერესდეს.
- თავის დროზე, როგორც ბოიბენდმა, პოპულარობა მოიპოვეთ. დღეს რამდენად ღიაა ქართული ბაზარი ბიჭების ჯგუფისთვის?
ლევანი:
- როცა ოთხი ბიჭი გამოდის, ამას თავისი ხიბლი აქვს, პირველ რიგში, მრავალხმიანობის კუთხით. ბიჭების ყველა ჯგუფს ყოველთვის ჰყავდა თავისი ფანკლუბი. ჩვენ ჩვენი თაყვანისმცემლები მეტ-ნაკლებად შევინარჩუნეთ. მათ სიყვარულს დღემდე ვგრძნობთ და გვინდა, რომ მთელი ცხოვრება ვიგრძნოთ.
ლაშა:
- სიმპათიები არსებობს და მუდამ იარსებებს. თუკი შენ კარგ მუსიკას ქმნი და თანაც, ხალხში სიმპათიით სარგებლობ, სცენაზე დაბრუნება პრობლემა არ იქნება.
ლევანი:
- ძალიან მწყდება გული, რომ მართლა კარგი თაობა მოდის, მაგრამ კონკურსს იქით არაფერი ხდება. ჩვენს ქვეყანაში უფრო აქტიურობით აღწევენ წარმატებას, ვიდრე ნიჭით. ანუ თუ აქტიური არ ხარ, ვერაფერს მიაღწევ. არადა, პირველ რიგში, ნიჭი უნდა გიფასდებოდეს.
ლაშა:
- დარწმუნებული უნდა იყოთ, რომ სხვა ქვეყანაში ჩვენი ტიპის ჯგუფები, შემსრულებლები, რომლებიც პოპულარულები არიან, მინიმუმ, ''ლამბორჯინით'' ივლიდნენ. აქ მცირე ბაზარია და ეს შესაძლებელი არ არის. ალბომს მხოლოდ საიმიჯოდ წერენ, რადგან არ იყიდება. აქედან სადმე რომ გადიოდეს ჩვენი პროდუქცია, ბევრად წინ წავიდოდით.
- თქვენ რატომღა აკეთებთ მაშინ ახალ ალბომს?
ლევანი:
- ჩვენ აუცილებლად უნდა გავაკეთოთ იმიტომ, რომ ხალხმა დაინახოს, ჯგუფი აგრძელებს არსებობას და არ დაშლილა. შესაძლოა, ოთხი წლის მერე ისევ ოთხნი ვიყოთ, მაგრამ დღეს ასეთი სიტუაციაა.
ლაშა:
- არ არის გამორიცხული, რომ ხვალ და ზეგ შოუბიზნესი ისევ აღორძინდეს, ისევ და ისევ ჩვენნაირი მონდომებული ადამიანების დამსახურებით. შესაძლოა, შემდეგ კომპანიებიც დაინტერესდნენ, რომ მეტი დაფინანსება გაჩნდეს. ჩვენ, ყოველ შემთხვევაში, გვინდა, რომ ასე მოხდეს.
ლევანი:
- გვაქვს მოლაპარაკებები ადამიანებთან, რომლებიც პროდიუსერობას გაგვიწევენ, ასე რომ, მხოლოდ ჩემი და ლაშას თავები არ იმუშავებს ჩვენს ჯგუფზე.
- იყო დრო, როცა თქვენი საქმით ფულს შოულობდით. ალბათ, გენატრებათ ის დრო.
- გვენატრება. იყო ბევრი კონცერტი. ხანდახან იმის დროც კი არ გვქონდა, რომ ახალი სიმღერები ჩაგვეწერა.
- რამდენი იყო თქვენი ჰონორარი?
- პირდაპირ ვიტყვი, რომ ამაში ალბათ წვლილი მიუძღვის როგორც ჩვენს პროფესიონალიზმს, ისე იმ ადამიანებს, რომლებიც ძალიან გვეხმარებოდნენ, მზია ღამბაშიძესა და ნატო დუმბაძეს, ჩვენი ჰონორარი იწყებოდა ათასიდან და მიდიოდა ზევით. ჩვენ, რასაკვირველია, კმაყოფილი ვიყავით და მუშაობის ინტერესი გვქონდა.
- ორივე დაქორწინებული ხართ. მეუღლეები როგორ შეხვდნენ თქვენს გააქტიურებას?
ლაშა:
- ძალიან კარგად. ჩემი აზრით, ეს ჩვენი ოჯახებისთვის პირიქით კარგია. ბავშვებსაც ძალიან მოსწონთ. სამი შვილი მყავს, ისინიც აქტიურები არიან.
- ცოლი არ იეჭვიანებს?
- მგონი, უკვე მოჰბეზრდა და დაიღალა. ეჭვიანობა ადრე იყო თუ იყო (იცინის). თუკი ქალი ეჭვიანობს, ე.ი. უყვარხარ.
- ლევან, შენ გყავს შვილი?
- მე ყველაზე გვიან დავოჯახდი ბიჭებს შორის. თავიდან შვილზე არ ვფიქრობდით. ჩემი მეუღლე სწავლობს, მაგრამ ახლა უკვე ვფიქრობთ ბავშვზე. ეჭვიანობაზე იკითხე და ამასაც უნდა ჰქონდეს საფუძველი. მამაკაცს შეუძლია ყველაფრის ისე მოგვარება, რომ ეჭვიანობა არ გამოიწვიოს, პანიკის გარეშე, ''ტონკად'' მოაგვაროს. ჩვენს ოჯახში ეჭვიანობა არ ყოფილა (იცინის).
- კარგი. ვიცი, რომ ახალი სიმღერა უკვე ტრიალებს რადიოში.
- სიმღერას ჰქვია ''შემიყვარდი'' და უკვე მოიპოვა პოპულარობა, მისი მელოდია ეკუთვნის ლაშას, ხოლო ტექსტი - მაიკო ფუტკარაძეს. მეორე სიმღერას საკმაოდ საინტერესო ისტორია აქვს, გალაკტიონის მერიზეა. ნანა ცინცაძემ დაწერა ტექსტი გალაკტიონის ამ ცნობილი ლე-ქსიდან გამომდინარე. რა თქმა უნდა, ამას მარკეტინგული დატვირთვა აქვს.
ლაშა:
- რასაკვირველია, გალაკტიონი მეფეა, მაგრამ ნანას ტექსტი ძალიან კარგია და მელოდიაშიც საინტერესოდ ჩაჯდა.
- იმედია, ზოგიერთი არ იფიქრებს, რომ თბილისის მერს უმღერით.
- (იცინიან) არა, სიმღერიდან აშკარად ჩანს, რომ ის ქალაქის მერს არ ეძღვნება!.. ვისაც უნდა, იმან მიიწეროს, მათ, ვისაც მერი ჰქვიათ და გინდათ, ქალაქის მერმაც (იღიმის).
ნინო მურღულია
ჟურნალი ''რეიტინგი''
