კიმ ჩენ ინის „დახვრეტილი შეყვარებული“ ცოცხალი აღმოჩნდა

მსოფლიო მედიის მიერ გავრცელებული ინფორმაცია ჩრდილოეთ კორეის ლიდერის შეყვარებულის სიკვდილით დასჯის თაობაზე, მცდარი აღმოჩნდა.


ჩრდილოეთ კორეის სახელმწიფო ტელევიზიამ აჩვენა საზეიმო ღონისძიების კადრები, რომელშიც გამოჩნდა სამხედრო ფორმაში გამოწყობილი ხიონ სონ ვოლი - ჩრდილოეთ კორეაში პოპულარული ელექტრომუსიკალური ინსტრუმენტების ორკესტრის სოლისტი და ქვეყნის ლიდერის „შეყვარებული“.


შარშან სამხრეთ კორეულმა და იაპონურმა მედიამ გაავრცელა ინფორმაცია, რომ ჩრდილოეთ კორეის შეყვარებული ხიონ სონ ვოლი და ორკესტრის სხვა წევრები დააპატიმრეს. მედია იტყობინებოდა, რომ დაკავებულებს ბრალად წაუყენეს პორნოგადაღებებში მონაწილეობა და ამ მასალის გავრცელება. ასევე ვრცელდებოდა ცნობა, რომ დაკავებულები 2013 წლის 20 აგვისტოს დახვრიტეს, ხოლო მათი ოჯახები დააპატიმრეს.


მედიის ცნობით კიმ ჩენ ინმა ხიონ სონ ვოლი 2000-იან წლებში გაიცნო. ქვეყნის მაშინდელმა მმართველმა კიმ ჩენ ირმა შვილის რომანს მომღერალთან წერტილი დაუსვა, ისინი ერთმანეთს დააცილა, ხოლო ხიონ სონ ვოლი თავის დაცვის ერთ-ერთ ოფიცერზე დააქორწინა.


მედიის მტკიცებით, კიმ ჩენ ინი ხიონ სონ ვოლთან ურთიერთობას ქორწინების რეგისტრაციის შემდეგაც განაგრძობდა.


mediamall.ge