დათო იმედაშვილი: სკანდალები და დაპირისპირებები – რამ შეიწირა "ახალი ხმა"
1 836 ნახვა
მუსიკალური პროექტი "ახალი ხმა" ეთერში აღარ გავა. პროდიუსერ დათო იმედაშვილს ტელეკომპანია "იმედმა" ახალი სეზონის გაკეთების საშუალება არ მისცა, რადგან სხვა შოუ ამჯობინა. ასევე გაიყო მისი და კომპოზიტორ რუსა მორჩილაძის გზები. როგორც ამბობენ, ეს პროექტი სწორედ ამ დაპირისპირებას შეეწირა. დათო იმედაშვილი ახლა სხვა საქმეს აკეთებს სხვა არხზე. ის გადაცემა "თბილისი ლაივის" პროდიუსერია. თუ რა მოხდა სინამდვილეში, ვინ და რა გადაეღობა წინ "ახალ ხმას", ამას ტელეპროდიუსერი თავად გვეტყვის.
– დათო, მუსიკალური პროექტის, "ახალი ხმის" მესამე სეზონი რატომ აღარ დაიწყო?
– ტელეკომპანია "იმედმა" ასეთი გადაწყვეტილება მიიღო და ეს იმას ნიშნავს, რომ უკეთესი პროექტის გაკეთება გადაწყვიტეს.
– არ იკითხეთ მიზეზი?
– შემკვეთი "იმედი" იყო და რა უნდა მეთქვა? ჩემი პროდუქტი არ იყიდეს. ასეთი პროექტების ლიცენზიას არხი ყიდულობს და მერე უშვებს წარმოებაში. "იმედმა" წელს გადაწყვიტა, რომ "ახალი ხმა" აღარ უნდა.
– მის ნაცვლად მუსიკალური პროექტი "ორი ვარსკვლავი" დაიწყო. თანამშრომლობა არ შემოგთავაზეს?
– "ორი ვარსკვლავის" შექმნა თავდაპირველად მე შემომთავაზეს, გავერკვიე ფორმატში და ვთქვი, რომ ვერ გავაკეთებდი.
– უარი რატომ თქვით?
– იმიტომ, რომ, როდესაც "ახალი ხმა" მაქვს, "ორი ვარსკვლავი" არ უნდა გავაკეთო. ორი მუსიკალური პროექტის ერთდროულად წარმოებას კი არხის რესურსები ვერ გასწვდებოდა. დღესაც დარწმუნებული ვარ, რომ "ორი ვარსკვლავი" "ახალი ხმის" გვერდით არ უნდა გაკეთებულიყო და ეს "იმედის" ხელმძღვანელობასაც ვუთხარი.
– უფრო მეტი სირთულე ხომ არ დაინახეთ პროექტ "ორ ვარსკვლავში"?
– რას ლაპარაკობთ?! "ახალ ხმასთან" შედარებით როგორ შეიძლება, რომ "ორი ვარსკვლავი" რთული იყოს? ყველა პარამეტრით, "ახალი ხმა" უფრო მაღალი ხარისხის პროდუქტია, ვიდრე "ორი ვარსკვლავი".
– "ახალი ხმის" მეორე სეზონს პირველთან შედარებით ნაკლები რეიტინგი ჰქონდა, ამიტომ ხომ არ თქვა ტელეკომპანიამ მასზე უარი?
– "ახალ ხმას" თავისი რეიტინგი ყოველთვის ჰქონდა. პროექტის განვითარებისა და მოძლიერებისთვის რესურსების გაღებაა საჭირო. მიუხედავად იმისა, რომ ეს ნაკლებად ხდებოდა და პროექტის გაუმჯობესება იმ პირობებში შეუძლებელი იყო, "ახალ ხმას" თავისი ხარისხი და რეიტინგი მაინც ჰქონდა. ალბათ დამეთანხმება მკითხველი, რომ ეს პროექტი მაღალ მუსიკალურ დონეს ყოველთვის აჩვენებდა. უბრალოდ შეიძლება პირველ სეზონზე მაყურებელმა სალომე ქათამაძე შეიყვარა და მეორეზე მისნაირი ვეღარ იპოვეს. მეორე სეზონზეც იყვნენ გამოკვეთილი ტიპაჟები, რომლებიც ფინალში ვერ მოხვდნენ, რადგან ესემეს–ები არ ეყოთ. ეს კი ქართული შოუების ძალიან დიდი პრობლემაა. როგორც კი შანსი მომეცემა, რომ ჩვენს შოუებში ესემეს–ებს შევებრძოლო, ამას აუცილებლად გავაკეთებ.
– ეს რატომ ვერ ხერხდება, სირთულეს რა ქმნის?
– ამის ტექნიკური და ფინანსური რესურსები არ არსებობს, რადგან პატარა ქვეყანა ვართ და ესემეს–ებით ადვილად შეიძლება ხმების ყიდვა, მაგრამ შოუს შემქმნელს ხმების დათვლის სხვა საშუალება არც აქვს. "ახალი ხმა" ამ მიდგომამ ძალიან დააზარალა.
– როგორც ვიცი, პროექტის მუსიკალურ პროდიუსერ რუსა მორჩილაძესთანაც დაგეძაბათ ურთიერთობა. ამან ხომ არ ითამაშა გარკვეული როლი, რომ კონკურსი აღარ შედგა?
– როცა კომპანიაში შევდივარ, დაპირისპირება არავისთან მაქვს. როგორც კი ადამიანები ცდილობენ, ისე იმუშაონ, რაც, ვიცი, რომ საქმეს ზიანს მოუტანს, მათთან თანამშრომლობაზე უარს ვამბობ. რუსა მორჩილაძე მხოლოდ პირველ სეზონზე მუშაობდა ჩემთან.
– თქვენ შორის დაპირისპირება მოხდა?
– არა. როცა "ახალი ხმის" კეთებას ვიწყებდი, რუსა პედაგოგებში არც მოიაზრებოდა. ტელეკომპანია "იმედის" მაშინდელი ხელმძღვანელობის თხოვნა იყო, რომ ამ პროექტში დამეკავებინა და მხოლოდ ამიტომ იყო იქ, მაგრამ ურთიერთობა მაინც არ გამოგვივიდა და მერე ხელმძღვანელობის თხოვნაც აღარ გავითვალისწინე.
– როცა ქალბატონი რუსა პროექტიდან გაათავისუფლეთ, ტელეკომპანიის ხელმძღვანელობამ გისაყვედურათ?
– ასეთი რაღაც ნამდვილად იყო, მაგრამ როცა ჩემი წარმოება მაქვს, როგორც საჭიროდ ვთვლი, ისე უნდა მოვიქცე.
– ალბათ გული ძალიან გწყდებათ, თქვენი პროექტი რომ აღარ გავა ეთერში.
– კი, მაგრამ ტრაგედია არ მომხდარა. "ახალი ხმა" რომ აღარ გაკეთდა, შეიძლება იმის ბრალიც არის, რომ ამ პროექტს მე ვხელმძღვანელობდი, რაც ალბათ ბევრს არ უხაროდა.
– თქვენს პოლიტიკურ სიმპათიებს გულისხმობთ?
– არ ვიცი. ჩემი პოლიტიკური მოსაზრებები და სიმპათიები ამ საქმიანობაში არ უნდა ფიგურირებდეს და, თუ ფიგურირებს, ძალიან ცუდია. კონტრაქტის მიხედვით, "ახალი ხმა" ტელეკომპანია "იმედის" პროექტია, სხვა არხზე ვერ გავაკეთებ, მაგრამ ამ კონტრაქტით ისიცაა განსაზღვრული, რომ მწარმოებელი პროდიუსერი მე ვარ და, თუ სხვა ეცდება მის გაკეთებას, ჯარიმის გადახდა მოუწევს.
– მწვრთნელების შემადგენლობაც ხომ არ გახდა პრობლემა, მაგალითად, ერთ–ერთი მწვრთნელი, მომღერალი სტეფანე მღებრიშვილი, კონკურენტ არხზე "იქს ფაქტორში" აღმოჩნდა.
– "ახალი ხმა" რომ დავასრულეთ, ქართულ "იქს ფაქტორზე" მაშინ ლაპარაკი არ იყო. სტეფანე რომც წასულიყო პროექტიდან, "ახალ ხმას" მაინც არ შეექმნებოდა პრობლემები, მაგრამ ვფიქრობ, რომ ის არ წავიდოდა.
– ახლანდელი გადასახედიდან რას ფიქრობთ სტეფანეზე, როგორც მწვრთნელზე?
– პროექტის მსვლელობისას ჩემი და სტეფანეს ურთიერთობა ხშირად დაძაბული იყო, ხშირად – მეგობრული. ბევრი რამ არ მომწონდა, ბევრიც მომწონდა. ვფიქრობ, რომ რაღაც მომენტებში სტეფანეს მხრიდან თავის შეკავება შესაძლებელი იყო, თუმცა ამ გაუგებრობას მაინც ვაგვარებდით. მუშაობის პროცესში ეს ძალიან ჩვეულებრივი რამ გახლავთ. ანალოგიური სიტუაცია მქონდა ყველა მწვრთნელთან, ზოგთან მეტი დაძაბულობით, ზოგთან – ნაკლებით, მაგრამ მაინც ვთვლი, რომ ფინიშამდე ისე გავდიოდით, ყველა პრობლემას ვაგვარებდით.
– ლელა წურწუმიამ, როგორც მწვრთნელმა, რამდენად გაამართლა თქვენი იმედები?
– ძალიან გამიმართლა იმედები. მიუხედავად იმისა, რომ ის, როგორც მწვრთნელი, გამოუცდელი იყო, გამოცდილ მგლებში ჩავარდა და ბრმა კასტინგზე მისი განადგურებაც სცადეს, მან რინგებიდან დაიბრუნა კარგი მომღერლები და სერიოზული ბრძოლა გამართა.
– დათო ფორჩხიძის სამჯერ გამარჯვება ხომ არ მოგბეზრდათ?
– ძალიან მომბეზრდა დათო ფორჩხიძის სამჯერ გამარჯვება... (იცინის). ეს პირდაპირ შემიძლია ვთქვა, მაგრამ ვერაფერს ვიზამდი, ხმებს ვერ გავაყალბებდი. დათო რადგან იმარჯვებდა, ესე იგი ეს ღირსეული გამარჯვება იყო. გამარჯვებულს არც სჯიან და არც განიკითხავენ. "ახალი ხმის" მწვრთნელებთან დღესაც მაქვს ურთიერთობა და ვმეგობრობთ კიდეც. თუკი რამეს გავაკეთებ, ისევ ითანამშრომლებენ ჩემთან.
– როგორც გამოცდილ პროდიუსერს, "იქს ფაქტორი" მოგწონთ?
– "რუსთავი 2" ხარისხს ყოველთვის დებს. "იქს ფაქტორიც" ძალიან ხარისხიანი პროექტია და დარწმუნებული ვარ, კიდევ უფრო გახურდება. ჟიურიც მომწონს. თამთა გოდუაძესთან მოლაპარაკებებს მეც ვაწარმოებდი, რომ "ახალი ხმის" მწვრთნელებში ყოფილიყო, მაგრამ შესაბამისი ფინანსური მხარდაჭერა არ მქონდა და ამ იდეაზე უარი ვთქვი. ის დადებითი ადამიანია და სწორ შეფასებებსაც აკეთებს. სტეფანეს "ახალი ხმის" გამოცდილება ამ შოუში ძალიან გამოადგა და იყენებს კიდეც. გიორგი გაბუნიაც ძალიან მომწონს. მიუხედავად იმისა, რომ მის გამონათქვამებს ბევრი კრიტიკა მოჰყვა, ვფიქრობ, ესეც კარგია.
– შეიძლება ითქვას, რომ ახლა "რუსთავი 2"–ის ჯგუფის წევრი ხართ?
– არა. მე "იმედის" თანამშრომელიც არასოდეს ვყოფილვარ, გარე მწარმოებელი პროდიუსერი და სხვადასხვა პროექტების რეჟისორი ვარ. რადგან გადაცემა "თბილისი ლაივს" ტელეკომპანია "რუსთავი 2"–ზე ვაკეთებ, იმას არ ნიშნავს, რომ ამ ჯგუფის წევრი ვარ. იქ ვერასოდეს მნახავთ! "რუსთავი 2"–ში მხოლოდ გამზადებული პროდუქტი მიმაქვს.
– როგორ გახდით "თბილისი ლაივის" პროდიუსერი?
– ეს გადაცემა "იმედზე" გადიოდა. მისი წამყვანი, თიკო სადუნიშვილი, ყოველთვის ძალიან მომწონდა და ვთვლი, რომ ძალიან ნიჭიერი წამყვანია. მას შემდეგ, რაც "თბილისი ლაივი" დაიხურა, თიკოს და გადაცემის პროდიუსერ ალინა არველაძეს ხშირად ვეუბნებოდი, რომ იქნებ პროექტი სადმე აღგვედგინა. სხვათა შორის, "იმედზეც" ვცადეთ დაბრუნება, მაგრამ ხელმძღვანელობამ თიკოს ეთერში გაშვებაზე თავი შეიკავა და არც მიკითხავს, რატომ. ალინა არველაძე, როგორც ავტორი, ისევ ამ პროექტშია. ამ გადაცემის ეთერში დაბრუნება არც ისე იოლი იყო, მაგრამ ფაქტია, რომ გამოგვივიდა.
– რა ცვლილებებს გეგმავთ გადაცემაში?
– ფორმატში პატარა ცვლილებები უკვე შევიტანეთ. შესავლები კინოს სტილშია გაკეთებული, ჩანახატებივით. თიკოს რამის შეცვლა არ სჭირდება, მართლა ძალიან მაგარი და ნიჭიერია, კამერებს და მიკროფონს კარგად გრძნობს. ვერ მოგატყუებთ, რომ ამ პროექტის მიმართ ფინანსური დაინტერესება მაქვს. უბრალოდ მენანებოდა, თიკო ეთერში რომ არ იყო და ჩემი ყველაზე დიდი მოტივაცია ეკრანზე მისი დაბრუნებაა. თიკო ამ შრომას დამიფასებს თუ არა, ამას დრო გვიჩვენებს.
– სკანდალური იმიჯის მქონე ქალთან მუშაობა არ გაგიჭირდებათ?
– არ ვიცი, შეიძლება გაგვიჭირდეს კიდეც. პროექტის ფორმატზე უკვე ჩამოყალიბებულები ვართ. არსებობს რაღაცეები, რაზეც ვერ შევთანხმდით, მაგრამ ისეთი არაფერი ყოფილა, პროექტზე უარი მეთქვა. არ გამოვრიცხავ, ხვალ განვაცხადო, რომ მასთან მუშაობა აღარ მინდა. თიკო სადუნიშვილით, როგორც პროდუქტით, ჯერჯერობით კმაყოფილი ვარ, მაგრამ მუშაობის პროცესში მთლად ვერ შევეწყვეთ ერთმანეთს. პირველი ორი გადაცემის მერე ბევრმა თქვა, თიკო ძალიან კეთილი გახდა, მწარე ენა აღარ აქვსო.
– ეს თქვენი დამსახურება ხომ არ არის?
– ასე არ ვთვლი. ამ მხრივ მისთვის არაფერი მირჩევია. ადამიანები იცვლებიან და რატომღაც თიკოს ახლა ასეთი პერიოდი დაუდგა, რომ ენამწარე აღარ იყოს, მაგრამ ალბათ ის რაღაც ისევ ექნება, რაც მასში ხალხს მოსწონდა.
სოფიო ბოჭორიძე, ჟურნალი სარკე
– დათო, მუსიკალური პროექტის, "ახალი ხმის" მესამე სეზონი რატომ აღარ დაიწყო?
– ტელეკომპანია "იმედმა" ასეთი გადაწყვეტილება მიიღო და ეს იმას ნიშნავს, რომ უკეთესი პროექტის გაკეთება გადაწყვიტეს.
– არ იკითხეთ მიზეზი?
– შემკვეთი "იმედი" იყო და რა უნდა მეთქვა? ჩემი პროდუქტი არ იყიდეს. ასეთი პროექტების ლიცენზიას არხი ყიდულობს და მერე უშვებს წარმოებაში. "იმედმა" წელს გადაწყვიტა, რომ "ახალი ხმა" აღარ უნდა.
– მის ნაცვლად მუსიკალური პროექტი "ორი ვარსკვლავი" დაიწყო. თანამშრომლობა არ შემოგთავაზეს?
– "ორი ვარსკვლავის" შექმნა თავდაპირველად მე შემომთავაზეს, გავერკვიე ფორმატში და ვთქვი, რომ ვერ გავაკეთებდი.
– უარი რატომ თქვით?
– იმიტომ, რომ, როდესაც "ახალი ხმა" მაქვს, "ორი ვარსკვლავი" არ უნდა გავაკეთო. ორი მუსიკალური პროექტის ერთდროულად წარმოებას კი არხის რესურსები ვერ გასწვდებოდა. დღესაც დარწმუნებული ვარ, რომ "ორი ვარსკვლავი" "ახალი ხმის" გვერდით არ უნდა გაკეთებულიყო და ეს "იმედის" ხელმძღვანელობასაც ვუთხარი.
– უფრო მეტი სირთულე ხომ არ დაინახეთ პროექტ "ორ ვარსკვლავში"?
– რას ლაპარაკობთ?! "ახალ ხმასთან" შედარებით როგორ შეიძლება, რომ "ორი ვარსკვლავი" რთული იყოს? ყველა პარამეტრით, "ახალი ხმა" უფრო მაღალი ხარისხის პროდუქტია, ვიდრე "ორი ვარსკვლავი".
– "ახალი ხმის" მეორე სეზონს პირველთან შედარებით ნაკლები რეიტინგი ჰქონდა, ამიტომ ხომ არ თქვა ტელეკომპანიამ მასზე უარი?
– "ახალ ხმას" თავისი რეიტინგი ყოველთვის ჰქონდა. პროექტის განვითარებისა და მოძლიერებისთვის რესურსების გაღებაა საჭირო. მიუხედავად იმისა, რომ ეს ნაკლებად ხდებოდა და პროექტის გაუმჯობესება იმ პირობებში შეუძლებელი იყო, "ახალ ხმას" თავისი ხარისხი და რეიტინგი მაინც ჰქონდა. ალბათ დამეთანხმება მკითხველი, რომ ეს პროექტი მაღალ მუსიკალურ დონეს ყოველთვის აჩვენებდა. უბრალოდ შეიძლება პირველ სეზონზე მაყურებელმა სალომე ქათამაძე შეიყვარა და მეორეზე მისნაირი ვეღარ იპოვეს. მეორე სეზონზეც იყვნენ გამოკვეთილი ტიპაჟები, რომლებიც ფინალში ვერ მოხვდნენ, რადგან ესემეს–ები არ ეყოთ. ეს კი ქართული შოუების ძალიან დიდი პრობლემაა. როგორც კი შანსი მომეცემა, რომ ჩვენს შოუებში ესემეს–ებს შევებრძოლო, ამას აუცილებლად გავაკეთებ.
– ეს რატომ ვერ ხერხდება, სირთულეს რა ქმნის?
– ამის ტექნიკური და ფინანსური რესურსები არ არსებობს, რადგან პატარა ქვეყანა ვართ და ესემეს–ებით ადვილად შეიძლება ხმების ყიდვა, მაგრამ შოუს შემქმნელს ხმების დათვლის სხვა საშუალება არც აქვს. "ახალი ხმა" ამ მიდგომამ ძალიან დააზარალა.
– როგორც ვიცი, პროექტის მუსიკალურ პროდიუსერ რუსა მორჩილაძესთანაც დაგეძაბათ ურთიერთობა. ამან ხომ არ ითამაშა გარკვეული როლი, რომ კონკურსი აღარ შედგა?
– როცა კომპანიაში შევდივარ, დაპირისპირება არავისთან მაქვს. როგორც კი ადამიანები ცდილობენ, ისე იმუშაონ, რაც, ვიცი, რომ საქმეს ზიანს მოუტანს, მათთან თანამშრომლობაზე უარს ვამბობ. რუსა მორჩილაძე მხოლოდ პირველ სეზონზე მუშაობდა ჩემთან.
– თქვენ შორის დაპირისპირება მოხდა?
– არა. როცა "ახალი ხმის" კეთებას ვიწყებდი, რუსა პედაგოგებში არც მოიაზრებოდა. ტელეკომპანია "იმედის" მაშინდელი ხელმძღვანელობის თხოვნა იყო, რომ ამ პროექტში დამეკავებინა და მხოლოდ ამიტომ იყო იქ, მაგრამ ურთიერთობა მაინც არ გამოგვივიდა და მერე ხელმძღვანელობის თხოვნაც აღარ გავითვალისწინე.
– როცა ქალბატონი რუსა პროექტიდან გაათავისუფლეთ, ტელეკომპანიის ხელმძღვანელობამ გისაყვედურათ?
– ასეთი რაღაც ნამდვილად იყო, მაგრამ როცა ჩემი წარმოება მაქვს, როგორც საჭიროდ ვთვლი, ისე უნდა მოვიქცე.
– ალბათ გული ძალიან გწყდებათ, თქვენი პროექტი რომ აღარ გავა ეთერში.
– კი, მაგრამ ტრაგედია არ მომხდარა. "ახალი ხმა" რომ აღარ გაკეთდა, შეიძლება იმის ბრალიც არის, რომ ამ პროექტს მე ვხელმძღვანელობდი, რაც ალბათ ბევრს არ უხაროდა.
– თქვენს პოლიტიკურ სიმპათიებს გულისხმობთ?
– არ ვიცი. ჩემი პოლიტიკური მოსაზრებები და სიმპათიები ამ საქმიანობაში არ უნდა ფიგურირებდეს და, თუ ფიგურირებს, ძალიან ცუდია. კონტრაქტის მიხედვით, "ახალი ხმა" ტელეკომპანია "იმედის" პროექტია, სხვა არხზე ვერ გავაკეთებ, მაგრამ ამ კონტრაქტით ისიცაა განსაზღვრული, რომ მწარმოებელი პროდიუსერი მე ვარ და, თუ სხვა ეცდება მის გაკეთებას, ჯარიმის გადახდა მოუწევს.
– მწვრთნელების შემადგენლობაც ხომ არ გახდა პრობლემა, მაგალითად, ერთ–ერთი მწვრთნელი, მომღერალი სტეფანე მღებრიშვილი, კონკურენტ არხზე "იქს ფაქტორში" აღმოჩნდა.
– "ახალი ხმა" რომ დავასრულეთ, ქართულ "იქს ფაქტორზე" მაშინ ლაპარაკი არ იყო. სტეფანე რომც წასულიყო პროექტიდან, "ახალ ხმას" მაინც არ შეექმნებოდა პრობლემები, მაგრამ ვფიქრობ, რომ ის არ წავიდოდა.
– ახლანდელი გადასახედიდან რას ფიქრობთ სტეფანეზე, როგორც მწვრთნელზე?
– პროექტის მსვლელობისას ჩემი და სტეფანეს ურთიერთობა ხშირად დაძაბული იყო, ხშირად – მეგობრული. ბევრი რამ არ მომწონდა, ბევრიც მომწონდა. ვფიქრობ, რომ რაღაც მომენტებში სტეფანეს მხრიდან თავის შეკავება შესაძლებელი იყო, თუმცა ამ გაუგებრობას მაინც ვაგვარებდით. მუშაობის პროცესში ეს ძალიან ჩვეულებრივი რამ გახლავთ. ანალოგიური სიტუაცია მქონდა ყველა მწვრთნელთან, ზოგთან მეტი დაძაბულობით, ზოგთან – ნაკლებით, მაგრამ მაინც ვთვლი, რომ ფინიშამდე ისე გავდიოდით, ყველა პრობლემას ვაგვარებდით.
– ლელა წურწუმიამ, როგორც მწვრთნელმა, რამდენად გაამართლა თქვენი იმედები?
– ძალიან გამიმართლა იმედები. მიუხედავად იმისა, რომ ის, როგორც მწვრთნელი, გამოუცდელი იყო, გამოცდილ მგლებში ჩავარდა და ბრმა კასტინგზე მისი განადგურებაც სცადეს, მან რინგებიდან დაიბრუნა კარგი მომღერლები და სერიოზული ბრძოლა გამართა.
– დათო ფორჩხიძის სამჯერ გამარჯვება ხომ არ მოგბეზრდათ?
– ძალიან მომბეზრდა დათო ფორჩხიძის სამჯერ გამარჯვება... (იცინის). ეს პირდაპირ შემიძლია ვთქვა, მაგრამ ვერაფერს ვიზამდი, ხმებს ვერ გავაყალბებდი. დათო რადგან იმარჯვებდა, ესე იგი ეს ღირსეული გამარჯვება იყო. გამარჯვებულს არც სჯიან და არც განიკითხავენ. "ახალი ხმის" მწვრთნელებთან დღესაც მაქვს ურთიერთობა და ვმეგობრობთ კიდეც. თუკი რამეს გავაკეთებ, ისევ ითანამშრომლებენ ჩემთან.
– როგორც გამოცდილ პროდიუსერს, "იქს ფაქტორი" მოგწონთ?
– "რუსთავი 2" ხარისხს ყოველთვის დებს. "იქს ფაქტორიც" ძალიან ხარისხიანი პროექტია და დარწმუნებული ვარ, კიდევ უფრო გახურდება. ჟიურიც მომწონს. თამთა გოდუაძესთან მოლაპარაკებებს მეც ვაწარმოებდი, რომ "ახალი ხმის" მწვრთნელებში ყოფილიყო, მაგრამ შესაბამისი ფინანსური მხარდაჭერა არ მქონდა და ამ იდეაზე უარი ვთქვი. ის დადებითი ადამიანია და სწორ შეფასებებსაც აკეთებს. სტეფანეს "ახალი ხმის" გამოცდილება ამ შოუში ძალიან გამოადგა და იყენებს კიდეც. გიორგი გაბუნიაც ძალიან მომწონს. მიუხედავად იმისა, რომ მის გამონათქვამებს ბევრი კრიტიკა მოჰყვა, ვფიქრობ, ესეც კარგია.
– შეიძლება ითქვას, რომ ახლა "რუსთავი 2"–ის ჯგუფის წევრი ხართ?
– არა. მე "იმედის" თანამშრომელიც არასოდეს ვყოფილვარ, გარე მწარმოებელი პროდიუსერი და სხვადასხვა პროექტების რეჟისორი ვარ. რადგან გადაცემა "თბილისი ლაივს" ტელეკომპანია "რუსთავი 2"–ზე ვაკეთებ, იმას არ ნიშნავს, რომ ამ ჯგუფის წევრი ვარ. იქ ვერასოდეს მნახავთ! "რუსთავი 2"–ში მხოლოდ გამზადებული პროდუქტი მიმაქვს.
– როგორ გახდით "თბილისი ლაივის" პროდიუსერი?
– ეს გადაცემა "იმედზე" გადიოდა. მისი წამყვანი, თიკო სადუნიშვილი, ყოველთვის ძალიან მომწონდა და ვთვლი, რომ ძალიან ნიჭიერი წამყვანია. მას შემდეგ, რაც "თბილისი ლაივი" დაიხურა, თიკოს და გადაცემის პროდიუსერ ალინა არველაძეს ხშირად ვეუბნებოდი, რომ იქნებ პროექტი სადმე აღგვედგინა. სხვათა შორის, "იმედზეც" ვცადეთ დაბრუნება, მაგრამ ხელმძღვანელობამ თიკოს ეთერში გაშვებაზე თავი შეიკავა და არც მიკითხავს, რატომ. ალინა არველაძე, როგორც ავტორი, ისევ ამ პროექტშია. ამ გადაცემის ეთერში დაბრუნება არც ისე იოლი იყო, მაგრამ ფაქტია, რომ გამოგვივიდა.
– რა ცვლილებებს გეგმავთ გადაცემაში?
– ფორმატში პატარა ცვლილებები უკვე შევიტანეთ. შესავლები კინოს სტილშია გაკეთებული, ჩანახატებივით. თიკოს რამის შეცვლა არ სჭირდება, მართლა ძალიან მაგარი და ნიჭიერია, კამერებს და მიკროფონს კარგად გრძნობს. ვერ მოგატყუებთ, რომ ამ პროექტის მიმართ ფინანსური დაინტერესება მაქვს. უბრალოდ მენანებოდა, თიკო ეთერში რომ არ იყო და ჩემი ყველაზე დიდი მოტივაცია ეკრანზე მისი დაბრუნებაა. თიკო ამ შრომას დამიფასებს თუ არა, ამას დრო გვიჩვენებს.
– სკანდალური იმიჯის მქონე ქალთან მუშაობა არ გაგიჭირდებათ?
– არ ვიცი, შეიძლება გაგვიჭირდეს კიდეც. პროექტის ფორმატზე უკვე ჩამოყალიბებულები ვართ. არსებობს რაღაცეები, რაზეც ვერ შევთანხმდით, მაგრამ ისეთი არაფერი ყოფილა, პროექტზე უარი მეთქვა. არ გამოვრიცხავ, ხვალ განვაცხადო, რომ მასთან მუშაობა აღარ მინდა. თიკო სადუნიშვილით, როგორც პროდუქტით, ჯერჯერობით კმაყოფილი ვარ, მაგრამ მუშაობის პროცესში მთლად ვერ შევეწყვეთ ერთმანეთს. პირველი ორი გადაცემის მერე ბევრმა თქვა, თიკო ძალიან კეთილი გახდა, მწარე ენა აღარ აქვსო.
– ეს თქვენი დამსახურება ხომ არ არის?
– ასე არ ვთვლი. ამ მხრივ მისთვის არაფერი მირჩევია. ადამიანები იცვლებიან და რატომღაც თიკოს ახლა ასეთი პერიოდი დაუდგა, რომ ენამწარე აღარ იყოს, მაგრამ ალბათ ის რაღაც ისევ ექნება, რაც მასში ხალხს მოსწონდა.
სოფიო ბოჭორიძე, ჟურნალი სარკე
