"მოესწრებით საქართველოში "ევროვიზიის" ჩატარებას!.."
1 425 ნახვა
გასულ კვირას მარიკო ებრალიძე ''ევროვიზიიდან'' დაბრუნდა. მომღერალს გული სტკივა, რომ ქართველებს იმედები გაუცრუა და ჯგუფ ''შინთან'' ერთად მისი ნომერი ფინალშიც ვერ გადავიდა. უნდა, ყველაფერი გააკეთოს იმისთვის, რომ მისი კარიერა წარმატებით გაგრძელდეს.
- ''ევროვიზიიდან'' რა ემოციებით ჩამოხვედი?
- ყველანაირად დადებითი ემოციები გამოგვყვა. ერთადერთი უარყოფითი ის იყო, რომ ფინალში ვერ გადავედით. დროს ძალიან მხიარულად ვატარებდით. დიდი გამოცდილება მივიღე. დიდი ხანი არაა, რაც ჯგუფ ''შინის'' წევრები გავიცანი, მაგრამ მათგან ბევრი კარგი რამ ვისწავლე. ''ევრო-ვიზიაზე'' ფინალში არგადასვლის გარდა ისეთი ემოციები მქონდა, ვერც აღვწერ. მინდა, ყველა მომღერალს ვუსურვო, იგივე განიცადოს.
- ''შინის'' წევრებმა თქვეს, კარგიც არის, რომ ის სიბინძურე, რაც იქ ხდება, საქართველოში არ წამოვიდაო. შენ რა კომენტარს გააკეთებ ამ ყველაფერთან დაკავშირებით?
- სიბინძურე? მე მთლად ასე ვერ ვიტყოდი. ასეთი რადიკალური ვერ ვიქნები. ჩვენ ძალიან კარ-გად მივიწევდით წინ ორი კვირის განმავლობაში, ამას ყველა დაადასტურებს და ის სტატიებიც, რომლებიც ჩვენზე იწერებოდა, ამაზე მეტყველებდა. ქართული დელეგაცია ყოველთვის გამოირჩეოდა. რამდენიმე ქვეყანამ საღამო გააკეთა და ყველამ მიგვიწვია. გამორჩეული იყო ირლანდია, სადაც 20 კაცი იყო დაპატიჟებული და ოთხი ქართველი ვიყავით. წითელ ხალიჩაზე ქართველების გამოჩენამ დიდი ფურორი მოახდინა. რა მიზეზით არ გადავედით ფინალში, ნამდვილად არ ვიცი. რაც შეეხება ფინალს, მე სხვებს ვგულშემატკივრობდი. ცოტა გული დამწყდა, რომ ჩემმა ფავორიტებმა ვერ გაიმარჯვეს.
- ვის გულშემატკივრობდი?
- შვედეთს, აზერბაიჯანს, ნიდერლანდებსა და სომხეთს. ფინალში რომ ვერ გადავედით, ეს ჩვენთვის ძალიან დიდი დარტყმა იყო. იმ კარგი შეფასებების მერე, რაც ჩვენმა ნომერმა მიიღო, ამას ნამდვილად არ ველოდით. გვეუბნებოდნენ, რომ ჩვენ ძალიან განსხვავებული ნომერი გვქონდა, იგივე თქვეს გამარჯვებულ ავსტრიის წარმომადგენელზე. ჩვენ კი ფინალშიც ვერ მოვხვდით. კონჩიტა ჩემთვის არ არის განსხვავებული.
- მსგავს მომღერალს იცნობ?
- ძალიან ცუდია, რომ არ ახსოვთ ''ქუინი''. ამ ჯგუფის ერთ-ერთ კლიპში ფრედი მერკურის აქვს ულვაშები, აცვია ქალის კაბა და მგონია, რომ კონჩიტაზე ბევრად კარგად მღერის. კონჩიტა არ არის ახალი ჩემთვის და ძალიან ცუდია, რომ ის მსოფლიოსთვის ახალია. ფრედი მერკურის სიმღერა 1983 წელს გამოვიდა. კონჩიტამ, მისგან განსხვავებით, წვერი უფრო მეტად მოუშვა. ის ჩემთვის ჩვეულებრივი ადამიანია. ამას სიბრაზით არ ვამბობ. როგორც კი დავინახე, მაშინვე ფრედი მერკური გამახსენდა. ჩემი აზრით, ფრედი მერკური ულვაშებით და ქალის სამოსში გამოწყობილი გაცილებით სექსუალური და მოქნილი იყო.
- პირადად გაიცანი ''ევროვიზიის'' გამარჯვებული?
- ჩვენ ერთ სასტუმროში ვცხოვრობდით. კონჩიტა ორი კვირის განმავლობაში საკმაოდ ჩაკეტილ ცხოვრებას ეწეოდა. საუზმეზე არ ჩამოდიოდა. მარტო რეპეტიციების დროს ვხვდებოდით. პირადად ვერ გავიცანი.
- როგორ ფიქრობ, რატომ ეწეოდა ასეთ ჩაკეტილ ცხოვრებას?
- შეიძლება, ეს უბრალოდ იმიჯი იყო. მინდა აღვნიშნო, რომ ავსტრიის წარმომადგენელი ჩვეულებრივი გეია. ის არაა ტრანსსექსუალი. კაბა მხოლოდ სასცენო იმიჯისთვის აცვია. ისე კი ჯინსითა და მაისურით დადის. ბევრს ტრანსსექსუალი ჰგონია. ტრანსსექსუალი არ ატარებს წვერს და ულვაშს. ტრანსსექსუალი რომ იყოს, ყოველთვის ქალის ამპლუაში იქნებოდა.
- გამარჯვება არ მიგილოცავს?
- ვერ მივულოცე. ფინალში ჩვენ დარბაზში ვიყავით და დარბაზიდან კულისებში შეღწევა შეუძლებელი იყო. ძალიანაც რომ გვნდომებოდა, მაინც ვერ მოვახერხებდით.
- ხომ არ გაგიჩნდა ეჭვი, რომ კონკურსში ყველაფერი წინასწარ იყო გადაწყვეტილი. მით უმეტეს, რომ საქართველოდან წასული ხმების ნაწილი გაუქმდა?
- საქართველოდან ჟიურის ხმა გაუქმდა და მხოლოდ ზარების ხმა დაფიქსირდა. ამასთან დაკავშირებით სხვას ვერაფერს გეტყვით. ჟიურის ქულების მიხედვით, საქართველოდან თორმეტი ქულა ჰქონდა უკრაინას, ავსტრიას კი ჟიურიმ მხოლოდ სამი ქულა დაუწერა. დიდი წერილი აქვს მიწერილი ''პირველ არხს'' ''ევროვიზიის'' ორგანიზატორებთან და იმედია, მივიღებთ პასუხს, რატომ მოხდა ეს ყველაფერი. არ მიფიქრია იმაზე, რომ შეიძლება, რამე ჩაწყობილი ყოფილიყო. ერთადერთ მომენტში ვიფიქრეთ ფინალში ვერგადასვლის საშიშროებაზე, როდესაც პირველ ნახევარფინალში ვიყავით ჩვენს არამეზობელ ქვეყნებთან და აქედან გამომდინარე, ხმებიც ვერ მივიღეთ. მაგრამ მაინც არ შეგვშინებია იმის, რომ ვერ გადავიდოდით. გვინდოდა, ფინალში ღირსეულად მოვხვედრილიყავით. ისევე ღირსეულად, როგორიც იყო ჩვენი სიმღერა. და ამ დროს საერთოდ ვერ გადავედით...
- ყველა აღნიშნავს, რომ ''ევროვიზია'' უფრო პოლიტიკური კონკურსია და არა მუსიკალური.
- წელს ამბობენ, კონჩიტამ დაამტკიცა, რომ ''ევროვიზია'' მუსიკალური კონკურსიაო. მოსწონთ კონჩიტას ნომერი. ჩემთვის მან ფურორი ვერ მოახდინა. ისევ და ისევ მახსენდება ფრედი მერკური, რომელმაც მართლა ახალი სიტყვა თქვა. კონჩიტა ჩვეულებრივი ადამიანია. ფრედი მერკური კი ზეციური იყო. მის შემოქმედებასა და ცნობიერებაში დაუსრულებელი და ზეციური იგრძნობოდა. ის უკვდავია და ჩვენ მოკვდავები ვართ.
- როგორ ფიქრობ, რა უნდა შევთავაზოთ ევროპას, რომ ეს კონკურსი სა-ქართველოში ჩატარდეს?
- საქართველომ წელს მერვედ მიიღო მონაწილეობა. არიან ქვეყნები, რომლებიც 10-12 წელია მონაწილეობენ და არ მოუგიათ. ჩვენ ძალიან პატარა ქვეყანა ვართ, მაგრამ იმის ამბიცია გვაქვს, რომ მაგრები ვართ და ვიმსახურებთ გამარჯვებას. ეს ძალიან კარგია, იმიტომ რომ ამ ჯანსაღ ამბიციას აუცილებლად მოჰყვება გამარჯვება. პირველივე წელს გამარჯვება გვინდა. ბავშვი რომ იბადება, ჯერ ხომ ფეხი უნდა აიდგას და მერე სხვა რამ ისწავლოს. სამზადისი მიდის იმისკენ, რომ ეს კონკურსი საქართველოში ჩატარდეს. ნუ გეშინიათ, მოესწრებით საქართველოში ''ევროვიზიის'' ჩატარებას.
- რა გეგმები გაქვს?
- ძალიან ლამაზი გეგმები მაქვს. ''შინთან'' ერთად კარგ პროგრამას ვამზადებთ. ფინალში გადავიდოდით თუ ვერა, ''შინი'' მაინც აპირებდა, რომ ერთობლივად გვემუშავა. გული მტკივა, რომ ქართველ ხალხს იმედები გავუცრუე, მაგრამ ყველანაირად ვეცდები გამოვასწორო და ჩემი შემოქმედებით ვაჩვენო ყველას, რომ ''ევროვიზიის'' კონკურსის ფინალში ვერგადასვლით ჩემი კარიერა არ დამთავრებულა.
მერი კობიაშვილი
ჟურნალი ''რეიტინგი''
- ''ევროვიზიიდან'' რა ემოციებით ჩამოხვედი?
- ყველანაირად დადებითი ემოციები გამოგვყვა. ერთადერთი უარყოფითი ის იყო, რომ ფინალში ვერ გადავედით. დროს ძალიან მხიარულად ვატარებდით. დიდი გამოცდილება მივიღე. დიდი ხანი არაა, რაც ჯგუფ ''შინის'' წევრები გავიცანი, მაგრამ მათგან ბევრი კარგი რამ ვისწავლე. ''ევრო-ვიზიაზე'' ფინალში არგადასვლის გარდა ისეთი ემოციები მქონდა, ვერც აღვწერ. მინდა, ყველა მომღერალს ვუსურვო, იგივე განიცადოს.
- ''შინის'' წევრებმა თქვეს, კარგიც არის, რომ ის სიბინძურე, რაც იქ ხდება, საქართველოში არ წამოვიდაო. შენ რა კომენტარს გააკეთებ ამ ყველაფერთან დაკავშირებით?
- სიბინძურე? მე მთლად ასე ვერ ვიტყოდი. ასეთი რადიკალური ვერ ვიქნები. ჩვენ ძალიან კარ-გად მივიწევდით წინ ორი კვირის განმავლობაში, ამას ყველა დაადასტურებს და ის სტატიებიც, რომლებიც ჩვენზე იწერებოდა, ამაზე მეტყველებდა. ქართული დელეგაცია ყოველთვის გამოირჩეოდა. რამდენიმე ქვეყანამ საღამო გააკეთა და ყველამ მიგვიწვია. გამორჩეული იყო ირლანდია, სადაც 20 კაცი იყო დაპატიჟებული და ოთხი ქართველი ვიყავით. წითელ ხალიჩაზე ქართველების გამოჩენამ დიდი ფურორი მოახდინა. რა მიზეზით არ გადავედით ფინალში, ნამდვილად არ ვიცი. რაც შეეხება ფინალს, მე სხვებს ვგულშემატკივრობდი. ცოტა გული დამწყდა, რომ ჩემმა ფავორიტებმა ვერ გაიმარჯვეს.
- ვის გულშემატკივრობდი?
- შვედეთს, აზერბაიჯანს, ნიდერლანდებსა და სომხეთს. ფინალში რომ ვერ გადავედით, ეს ჩვენთვის ძალიან დიდი დარტყმა იყო. იმ კარგი შეფასებების მერე, რაც ჩვენმა ნომერმა მიიღო, ამას ნამდვილად არ ველოდით. გვეუბნებოდნენ, რომ ჩვენ ძალიან განსხვავებული ნომერი გვქონდა, იგივე თქვეს გამარჯვებულ ავსტრიის წარმომადგენელზე. ჩვენ კი ფინალშიც ვერ მოვხვდით. კონჩიტა ჩემთვის არ არის განსხვავებული.
- მსგავს მომღერალს იცნობ?
- ძალიან ცუდია, რომ არ ახსოვთ ''ქუინი''. ამ ჯგუფის ერთ-ერთ კლიპში ფრედი მერკურის აქვს ულვაშები, აცვია ქალის კაბა და მგონია, რომ კონჩიტაზე ბევრად კარგად მღერის. კონჩიტა არ არის ახალი ჩემთვის და ძალიან ცუდია, რომ ის მსოფლიოსთვის ახალია. ფრედი მერკურის სიმღერა 1983 წელს გამოვიდა. კონჩიტამ, მისგან განსხვავებით, წვერი უფრო მეტად მოუშვა. ის ჩემთვის ჩვეულებრივი ადამიანია. ამას სიბრაზით არ ვამბობ. როგორც კი დავინახე, მაშინვე ფრედი მერკური გამახსენდა. ჩემი აზრით, ფრედი მერკური ულვაშებით და ქალის სამოსში გამოწყობილი გაცილებით სექსუალური და მოქნილი იყო.
- პირადად გაიცანი ''ევროვიზიის'' გამარჯვებული?
- ჩვენ ერთ სასტუმროში ვცხოვრობდით. კონჩიტა ორი კვირის განმავლობაში საკმაოდ ჩაკეტილ ცხოვრებას ეწეოდა. საუზმეზე არ ჩამოდიოდა. მარტო რეპეტიციების დროს ვხვდებოდით. პირადად ვერ გავიცანი.
- როგორ ფიქრობ, რატომ ეწეოდა ასეთ ჩაკეტილ ცხოვრებას?
- შეიძლება, ეს უბრალოდ იმიჯი იყო. მინდა აღვნიშნო, რომ ავსტრიის წარმომადგენელი ჩვეულებრივი გეია. ის არაა ტრანსსექსუალი. კაბა მხოლოდ სასცენო იმიჯისთვის აცვია. ისე კი ჯინსითა და მაისურით დადის. ბევრს ტრანსსექსუალი ჰგონია. ტრანსსექსუალი არ ატარებს წვერს და ულვაშს. ტრანსსექსუალი რომ იყოს, ყოველთვის ქალის ამპლუაში იქნებოდა.
- გამარჯვება არ მიგილოცავს?
- ვერ მივულოცე. ფინალში ჩვენ დარბაზში ვიყავით და დარბაზიდან კულისებში შეღწევა შეუძლებელი იყო. ძალიანაც რომ გვნდომებოდა, მაინც ვერ მოვახერხებდით.
- ხომ არ გაგიჩნდა ეჭვი, რომ კონკურსში ყველაფერი წინასწარ იყო გადაწყვეტილი. მით უმეტეს, რომ საქართველოდან წასული ხმების ნაწილი გაუქმდა?
- საქართველოდან ჟიურის ხმა გაუქმდა და მხოლოდ ზარების ხმა დაფიქსირდა. ამასთან დაკავშირებით სხვას ვერაფერს გეტყვით. ჟიურის ქულების მიხედვით, საქართველოდან თორმეტი ქულა ჰქონდა უკრაინას, ავსტრიას კი ჟიურიმ მხოლოდ სამი ქულა დაუწერა. დიდი წერილი აქვს მიწერილი ''პირველ არხს'' ''ევროვიზიის'' ორგანიზატორებთან და იმედია, მივიღებთ პასუხს, რატომ მოხდა ეს ყველაფერი. არ მიფიქრია იმაზე, რომ შეიძლება, რამე ჩაწყობილი ყოფილიყო. ერთადერთ მომენტში ვიფიქრეთ ფინალში ვერგადასვლის საშიშროებაზე, როდესაც პირველ ნახევარფინალში ვიყავით ჩვენს არამეზობელ ქვეყნებთან და აქედან გამომდინარე, ხმებიც ვერ მივიღეთ. მაგრამ მაინც არ შეგვშინებია იმის, რომ ვერ გადავიდოდით. გვინდოდა, ფინალში ღირსეულად მოვხვედრილიყავით. ისევე ღირსეულად, როგორიც იყო ჩვენი სიმღერა. და ამ დროს საერთოდ ვერ გადავედით...
- ყველა აღნიშნავს, რომ ''ევროვიზია'' უფრო პოლიტიკური კონკურსია და არა მუსიკალური.
- წელს ამბობენ, კონჩიტამ დაამტკიცა, რომ ''ევროვიზია'' მუსიკალური კონკურსიაო. მოსწონთ კონჩიტას ნომერი. ჩემთვის მან ფურორი ვერ მოახდინა. ისევ და ისევ მახსენდება ფრედი მერკური, რომელმაც მართლა ახალი სიტყვა თქვა. კონჩიტა ჩვეულებრივი ადამიანია. ფრედი მერკური კი ზეციური იყო. მის შემოქმედებასა და ცნობიერებაში დაუსრულებელი და ზეციური იგრძნობოდა. ის უკვდავია და ჩვენ მოკვდავები ვართ.
- როგორ ფიქრობ, რა უნდა შევთავაზოთ ევროპას, რომ ეს კონკურსი სა-ქართველოში ჩატარდეს?
- საქართველომ წელს მერვედ მიიღო მონაწილეობა. არიან ქვეყნები, რომლებიც 10-12 წელია მონაწილეობენ და არ მოუგიათ. ჩვენ ძალიან პატარა ქვეყანა ვართ, მაგრამ იმის ამბიცია გვაქვს, რომ მაგრები ვართ და ვიმსახურებთ გამარჯვებას. ეს ძალიან კარგია, იმიტომ რომ ამ ჯანსაღ ამბიციას აუცილებლად მოჰყვება გამარჯვება. პირველივე წელს გამარჯვება გვინდა. ბავშვი რომ იბადება, ჯერ ხომ ფეხი უნდა აიდგას და მერე სხვა რამ ისწავლოს. სამზადისი მიდის იმისკენ, რომ ეს კონკურსი საქართველოში ჩატარდეს. ნუ გეშინიათ, მოესწრებით საქართველოში ''ევროვიზიის'' ჩატარებას.
- რა გეგმები გაქვს?
- ძალიან ლამაზი გეგმები მაქვს. ''შინთან'' ერთად კარგ პროგრამას ვამზადებთ. ფინალში გადავიდოდით თუ ვერა, ''შინი'' მაინც აპირებდა, რომ ერთობლივად გვემუშავა. გული მტკივა, რომ ქართველ ხალხს იმედები გავუცრუე, მაგრამ ყველანაირად ვეცდები გამოვასწორო და ჩემი შემოქმედებით ვაჩვენო ყველას, რომ ''ევროვიზიის'' კონკურსის ფინალში ვერგადასვლით ჩემი კარიერა არ დამთავრებულა.
მერი კობიაშვილი
ჟურნალი ''რეიტინგი''
