შორენა ბეგაშვილი თუ თამთა გოდუაძე - რომელ ქართველ ვარსკვლავს ირჩევს 17 წლის მხატვარი
2 654 ნახვა
17 წლის ლადო მხეიძეს სოციალურ ქსელში უკვე უამრავი ადამიანი იცნობს. პოპულარული საკუთარი ნახატებით გახდა. განსაკუთრებულად უყვარს უცხოელი და იშვიათად ქართველი ვარსკვლავების დახატვა. შესაძლოა, მომავალში პროფესიად ფსიქოლოგობა აირჩიოს. ახლა, სწავლისა და მეცადინეობის გარდა, მულტფილმზეც მუშაობს. მძიმე სამუშაო რეჟიმისა და შრომის მიუხედავად მაშინ არის ბედნიერი, როდესაც რამდენიმე საათის განმავლობაში, ხანდახან ჩაძინებამდეც ხატავს.
- 4 წლიდან ვხატავ, მაგრამ 7-13 წლამდე პაუზა მქონდა და 14 წლის ასაკში პორტრეტების ხატვა დავიწყე. ცნობილი ადამიანებიდან პირველად ოდრი ჰეპბერნი დავხატე, მაგრამ ვერ მივამსგავსე და ძალიან მეწყინა. მახსოვს, დედამ დამამშვიდა, არ ინერვიულო, ნელ-ნელა დაიხვეწებიო. მომწონს ადამიანების ფოტოდან ხატვა, თუმცა ხანდახან ისეც ვხატავ. ჩემი დახა-ტული ვარსკვლავებიდან ''ორიგინალს'' ყველაზე მეტად რიანა ჰგავს, ასევე - ანჯელინა ჯოლი და ადრიანა ლიმა.
- ქართველი ვარსკვლავების ხატვა როდის დაიწყე?
- ძირითადად, ჩემს მეგობრებს ვხატავდი, მაგრამ ვარსკვლავებიდან პირველად ჩემი დეიდაშვილი სალომე გოგიაშვილი დავხატე. ოჯახს მოსწონს, რომ ვხატავ, ახლა მხოლოდ იმაზე ფიქრობენ, რომ სამხატვრო აკადემიაში ჩავაბარო ან უცხოეთში წავიდე სასწავლებლად. მე ფსიქოლოგიის ფაკულტეტზე მინდა ჩაბარება, მაგრამ თუ საზღვარგარეთ წავალ, მაშინ აუცილებლად ხატვას ავირჩევ, ქვეყნებიდან კი, სავარაუდოდ, გერმანიას, სადაც ხატვის კარგი სკოლაა. ჩემი მეგობრის დედა - ანანო ბენაშვილი კარგი მხატვარია და განსაკუთრებულად მიყვარს, როდესაც მას მოსწონს და დადებითად აფასებს ჩემს ნამუშევრებს.
- პორტრეტების გარდა კიდევ რა ჟანრში მუშაობ?
- არ მიყვარს პეიზაჟები და ნატურმორტები, მაგრამ ხანდახან, ხელი რომ გავავარჯიშო, აუცილებელია დავხატო. ერთმეტრიანი ნახატი მაქვს აბსტრაქციის ჟანრის, ძალიან მომწონს.
- პორტრეტების შესაქმნელად რამდენი ხანი გჭირდება?
- ზომას გააჩნია, აბსტრაქციის შესაქმნელად 8-10 საათი დამჭირდა. საერთოდ, ერთხელ ვჯდები და ისე ვიწყებ და ვამთავრებ ყველა ნახატს, თუ არ ჩამეძინა. ჩვეულებრივ, ნახატებზე ორი საათი მჭირდება. თუ მინდა, რომ ძალიან მივამსგავსო, 5 საათი მაინც მჭირდება.
- დახატული გყავს ლიზა ყენია, ნინი ბადურაშვილი...
- ნინის ბავშვობიდან ვიცნობ, ძალიან ლამაზია და როგორ შეიძლება, მისი დახატვის სურვილი არ გამჩენოდა?!. ლიზა მოგვიანებით გავიცანი, მოსწონდა ჩემი ნახატები, მისი სურათებიდან ერთ-ერთი ამოვარჩიე და დავხატე. ორივე წინასწარ გავაფრთხილე და მოეწონათ ნახატები, რადგან სოციალურ ქსელში ორივეს გამოქვეყნებული აქვს.
- ლადო, სკოლაში სწავლის გარდა, როგორც ვიცი, მუშაობ.
- დიახ, მულტფილმს ვხატავ. ახალგაზრდა ბავშვები არიან, ახლახან დაამთავრეს აკადემია და მათთან ვმუშაობ. მომწონს სამსახური, ამ დროს
ვახერხებ განტვირთვას, ბევრად ჯობია სკოლას. მულტფილმი თორმეტი ეპიზოდისგან შედგება, თითოეულში სამასი კადრია, რაც სათითაოდ უნდა დახატო და შემდეგ გააფერადო, ჩრდილები დაადო. სკოლისა და სამსახურის შეთავსება რთულია.
- უცხოელი ვარსკვლავებიდან ყველაზე ხშირად ანჯელინა ჯოლის ხატავ.
- დიახ, ძალიან მიყვარს. სოციალურ ქსელში უცხოელ ვარსკვლავებს ფოტოებს ვერ ვუგზავნი, რადგან პირადი გვერდი უცხოებისთვის დაბლოკილი აქვთ, ამიტომ მათ ფანგვერდებს გავუგზავნე. ასე იყო ანჯელინა ჯოლის შემთხვევაში, როდესაც ერთდროულად სამ ფანგვერდს გავუგზავნე. მეორე დღეს, დილას რვა საათზე თვალი რომ გავახილე, შევამოწმე და ერთ-ერთ ფანგვერდს ჩემი ნახატი დაედო. იმდენად გამიხარდა, რომ სკოლაში დავაგვიანე. შემდეგ მეორე გვერდმაც გამოაქვეყნა, დააწერეს, რომ ლადო მხეიძის ნახატი იყო. ამის შემდეგ უამრავი შემთხვევა მქონდა ასეთი. რიანას, როზი უიტნის ფანგვერდებმაც გამოაქვეყნეს ჩემი ნახატები. ახლა უკვე აღარ მაქვს ისეთი რეაქცია, რადგან შევეჩვიე, რომ გამოაქვეყნებენ.
- გამიკვირდა, ქართველი ვარსკვლავებიდან შორენა ბეგაშვილი რომ არ დაგიხატავს.
- არასოდეს მომნდომებია შორენას დახატვა... ახლა მინდა, თამთა გოდუაძე დავხატო და ერთი ფოტო უკვე შერჩეული მაქვს. უახლოეს მომავალში დავხატავ. ''ფეისბუქზე'' თითქმის ყოველდღე მწერენ გოგონები, ხანდახან ბიჭებიც, რომ დავხატო. ადრე მიხაროდა, ახლა შევეჩვიე და თუ ძალიან არ მომეწონა გარეგნულად ადამიანი, თხოვნით არ ვხატავ.
- ლადო, ახლა რაზე ოცნებობ?
- ძალიან მინდა, რომ უცხოელმა ვარსკვლავებმა ნახონ ჩემი ნახატები და თავად გამოაქვეყნონ სოციალურ ქსელში პირად გვერდებზე.
ნინო გიგიშვილი
ჟურნალი ''რეიტინგი''
- 4 წლიდან ვხატავ, მაგრამ 7-13 წლამდე პაუზა მქონდა და 14 წლის ასაკში პორტრეტების ხატვა დავიწყე. ცნობილი ადამიანებიდან პირველად ოდრი ჰეპბერნი დავხატე, მაგრამ ვერ მივამსგავსე და ძალიან მეწყინა. მახსოვს, დედამ დამამშვიდა, არ ინერვიულო, ნელ-ნელა დაიხვეწებიო. მომწონს ადამიანების ფოტოდან ხატვა, თუმცა ხანდახან ისეც ვხატავ. ჩემი დახა-ტული ვარსკვლავებიდან ''ორიგინალს'' ყველაზე მეტად რიანა ჰგავს, ასევე - ანჯელინა ჯოლი და ადრიანა ლიმა.
- ქართველი ვარსკვლავების ხატვა როდის დაიწყე?
- ძირითადად, ჩემს მეგობრებს ვხატავდი, მაგრამ ვარსკვლავებიდან პირველად ჩემი დეიდაშვილი სალომე გოგიაშვილი დავხატე. ოჯახს მოსწონს, რომ ვხატავ, ახლა მხოლოდ იმაზე ფიქრობენ, რომ სამხატვრო აკადემიაში ჩავაბარო ან უცხოეთში წავიდე სასწავლებლად. მე ფსიქოლოგიის ფაკულტეტზე მინდა ჩაბარება, მაგრამ თუ საზღვარგარეთ წავალ, მაშინ აუცილებლად ხატვას ავირჩევ, ქვეყნებიდან კი, სავარაუდოდ, გერმანიას, სადაც ხატვის კარგი სკოლაა. ჩემი მეგობრის დედა - ანანო ბენაშვილი კარგი მხატვარია და განსაკუთრებულად მიყვარს, როდესაც მას მოსწონს და დადებითად აფასებს ჩემს ნამუშევრებს.
- პორტრეტების გარდა კიდევ რა ჟანრში მუშაობ?
- არ მიყვარს პეიზაჟები და ნატურმორტები, მაგრამ ხანდახან, ხელი რომ გავავარჯიშო, აუცილებელია დავხატო. ერთმეტრიანი ნახატი მაქვს აბსტრაქციის ჟანრის, ძალიან მომწონს.
- პორტრეტების შესაქმნელად რამდენი ხანი გჭირდება?
- ზომას გააჩნია, აბსტრაქციის შესაქმნელად 8-10 საათი დამჭირდა. საერთოდ, ერთხელ ვჯდები და ისე ვიწყებ და ვამთავრებ ყველა ნახატს, თუ არ ჩამეძინა. ჩვეულებრივ, ნახატებზე ორი საათი მჭირდება. თუ მინდა, რომ ძალიან მივამსგავსო, 5 საათი მაინც მჭირდება.
- დახატული გყავს ლიზა ყენია, ნინი ბადურაშვილი...
- ნინის ბავშვობიდან ვიცნობ, ძალიან ლამაზია და როგორ შეიძლება, მისი დახატვის სურვილი არ გამჩენოდა?!. ლიზა მოგვიანებით გავიცანი, მოსწონდა ჩემი ნახატები, მისი სურათებიდან ერთ-ერთი ამოვარჩიე და დავხატე. ორივე წინასწარ გავაფრთხილე და მოეწონათ ნახატები, რადგან სოციალურ ქსელში ორივეს გამოქვეყნებული აქვს.
- ლადო, სკოლაში სწავლის გარდა, როგორც ვიცი, მუშაობ.
- დიახ, მულტფილმს ვხატავ. ახალგაზრდა ბავშვები არიან, ახლახან დაამთავრეს აკადემია და მათთან ვმუშაობ. მომწონს სამსახური, ამ დროს
ვახერხებ განტვირთვას, ბევრად ჯობია სკოლას. მულტფილმი თორმეტი ეპიზოდისგან შედგება, თითოეულში სამასი კადრია, რაც სათითაოდ უნდა დახატო და შემდეგ გააფერადო, ჩრდილები დაადო. სკოლისა და სამსახურის შეთავსება რთულია.
- უცხოელი ვარსკვლავებიდან ყველაზე ხშირად ანჯელინა ჯოლის ხატავ.
- დიახ, ძალიან მიყვარს. სოციალურ ქსელში უცხოელ ვარსკვლავებს ფოტოებს ვერ ვუგზავნი, რადგან პირადი გვერდი უცხოებისთვის დაბლოკილი აქვთ, ამიტომ მათ ფანგვერდებს გავუგზავნე. ასე იყო ანჯელინა ჯოლის შემთხვევაში, როდესაც ერთდროულად სამ ფანგვერდს გავუგზავნე. მეორე დღეს, დილას რვა საათზე თვალი რომ გავახილე, შევამოწმე და ერთ-ერთ ფანგვერდს ჩემი ნახატი დაედო. იმდენად გამიხარდა, რომ სკოლაში დავაგვიანე. შემდეგ მეორე გვერდმაც გამოაქვეყნა, დააწერეს, რომ ლადო მხეიძის ნახატი იყო. ამის შემდეგ უამრავი შემთხვევა მქონდა ასეთი. რიანას, როზი უიტნის ფანგვერდებმაც გამოაქვეყნეს ჩემი ნახატები. ახლა უკვე აღარ მაქვს ისეთი რეაქცია, რადგან შევეჩვიე, რომ გამოაქვეყნებენ.
- გამიკვირდა, ქართველი ვარსკვლავებიდან შორენა ბეგაშვილი რომ არ დაგიხატავს.
- არასოდეს მომნდომებია შორენას დახატვა... ახლა მინდა, თამთა გოდუაძე დავხატო და ერთი ფოტო უკვე შერჩეული მაქვს. უახლოეს მომავალში დავხატავ. ''ფეისბუქზე'' თითქმის ყოველდღე მწერენ გოგონები, ხანდახან ბიჭებიც, რომ დავხატო. ადრე მიხაროდა, ახლა შევეჩვიე და თუ ძალიან არ მომეწონა გარეგნულად ადამიანი, თხოვნით არ ვხატავ.
- ლადო, ახლა რაზე ოცნებობ?
- ძალიან მინდა, რომ უცხოელმა ვარსკვლავებმა ნახონ ჩემი ნახატები და თავად გამოაქვეყნონ სოციალურ ქსელში პირად გვერდებზე.
ნინო გიგიშვილი
ჟურნალი ''რეიტინგი''
