რატომ დატოვეს ნინი ცნობილაძე იურმალას კონკურსის მიღმა
1 319 ნახვა
უკვე მეორე წელია მომღერალი ნინი ცნობილაძე იურმალას კონკურსში მოსახვედრად იბრძვის, მაგრამ უშედეგოდ. 2013 წელს მისი მეტოქე სალომე ქათამაძე იყო, წელს კი ნუცა ბუზალაძესთან მოუწია დაპირისპირება და კვლავ კონკურსის მიღმა დარჩა. როგორც ნინის პროდიუსერი ნატო დუმბაძე ამბობს, მათთვის იურმალას კონკურსი საინტერესო აღარ იყო და მონაწილეობა არც აპირებდნენ, რომ არა იურმალას ორგანიზატორების თხოვნა. საბოლოოდ კი ისე გამოვიდა, რომ არჩევანი სხვა მომღერალზე – ნუცა ბუზალაძეზე შეაჩერეს. ნატო დუმბაძე თვლის, რომ ამ მარცხს თავისი დადებითი მხარეც აქვს, კერძოდ, გარკვეული პიროვნებები ახლა მაინც დარწმუნდებიან, რომ ის "ჩაწყობით" არაფერს აკეთებს. ჟიურის გადაწყვეტილებას კი არასწორად მიიჩნევს, ფიქრობს, რომ კონკურსზე ორივე კანდიდატი უნდა გაეშვათ – ნუცაც და ნინიც.
ნატო დუმბაძე, ნინი ცნობილაძის პროდიუსერი:
– საერთოდ არ ვაპირებდით იურმალაზე წასვლას, მაგრამ კონკურსის ორგანიზატორებს თვითონ ჰქონდათ მოთხოვნა, რომ წელს ნინის მიეღო მონაწილეობა.
– რატომ არ გსურდათ იურმალას კონკურსზე გასვლა, რაიმე ეჭვი გქონდათ?
– შარშანაც იგივე მოხდა – ორი კონკურსანტი დატოვეს. ჩვენნაირ პატარა ქვეყანას ერთი კონკურსანტი უნდა ჰყავდეს. თუ ასე აკეთებ, მაშინ ორივე უნდა წაიყვანო, როგორც ეს რუსეთში ხდება, სამი კონკურსანტი რომ გადის.ამიტომ წინააღმდეგი ვიყავი, ნინის მონაწილეობა მიეღო. მივედი და ჟიურის ერთ–ერთ წევრს ვუთხარი, ნინის კანდიდატურას ვხსნი–მეთქი. მე და ნინი ნუცას წარმატებას ვუსურვებთ. ძალიან კარგი ბავშვია, მაგრამ მინდა, ბოდიში მომიხადოს იმ ხალხმა, ვისაც ეგონა, რომ ნატო დუმბაძეს "ჩაწყობილი" ჰქონდა. ნატო დუმბაძე არასდროს "აწყობს" და გვერდით ყოველთვის ღირსეული პიროვნებები ჰყავს, რომლებიც მზად არიან, კონკურსებზე გავიდნენ... თქვენი ჟურნალის საშუალებითაც მომიხადონ ბოდიში!
– ხომ არ თვლით, რომ ნინი ცნობილაძე დაიჩაგრა?
– საქართველო ყოველთვის იჩაგრება. ალბათ მეტი მოთხოვნის დაყენებაა საჭირო კონკურსის ორგანიზატორებთან. მე თუ შენს ეთერს ვყიდულობ და თან ისე, რომ ჯერ კიდევ არ ვიცი, ვის აინტერესებს და ვის – არა, კეთილი ინებე და, პატარა ქვეყნიდან გაიყვანე ერთი კონკურსანტი ან ორივე.
გამიხარდა კიდეც, ნინი რომ ვერ გავიდა. შარშან ვიყავი იურმალაზე სტუმრის სტატუსით და ვნახე, რა და როგორ ხდება. აქედან გამომდინარე, დიდი დანაკლისი არ იქნება ჩვენთვის. კიდევ ერთხელ ვიმეორებ, ჩვენ იქ წასვლას არ ვაპირებდით! დამირეკეს მოსკოვიდან და, რომ გაიგეს, ნინი კონკურსზე არ გადიოდა, თვითონ მითხრეს, სასწრაფოდ მიეღო მონაწილეობა. ამ ყველაფრის მერე კიდევ ორი კონკურსანტი რომ დატოვეს, ამიტომაც ვითხოვდი ნინის კანდიდატურის მოხსნას. ნუცას პირდაპირ ვუთმობდი ადგილს, მაგრამ ისინი წინააღმდეგები წავიდნენ – ჩვენ ნინი გვაინტერესებსო. წაგებულის პოზიციდან არ ვლაპარაკობ, მაგრამ ამ კონკურსზე გასვლას განვითარება არ მოჰყვება. ასე გავიდნენ დუეტი "ჯორჯია", სოფო ხალვაში, სალომე ქათამაძე, მაგრამ, როგორც ვხედავთ, იქ არავის არავინ დაუტოვებია. ყველა დაბრუნდა სახლში. ორი დღე იყო აჟიოტაჟი და შემდეგ არაფერი. ვიცი, ახლაც ასე იქნება.
– იცოდით, რომ ნუცა ბუზალაძის პროდიუსერი კახა მამულაშვილია?
– როგორც გავიგე, მამულიჩა ახლა გახდა ნუცას პროდიუსერი, მანამდე არ იყო. არც შიდა შესარჩევ კონკურსზე იყო ნუცას პროდიუსერად. წარმატებას ვუსურვებ და ზუსტად ისევე მინდა, წარმატებები მისურვონ!
...
ნინი ცნობილაძე ჟიურის გადაწყვეტილებას მშვიდად შეხვდა და მაშინვე სხვა უცხოური კონკურსისთვის დაიწყო მზადება, რომლის გამხელაც ჯერ არ სურს.
– ნინი, როგორ მიიღეთ ჟიურის გადაწყვეტილება?
– არ ვიცი, რა პრინციპით ირჩევენ კონკურსანტებს. კონკურსია და ყველაფერს ველოდი, მაგრამ... ორი წელი ზედიზედ მირჩევენ და მერე რა ხდება, არც ვიცი და ვერც გავიგებ. შარშან ძალიან მოვეწონე ჟიურის და მთხოვეს, შემდეგშიც მიმეღო მონაწილეობა. ნუცასა და ჩემ შორის ხმები გაიყო და ორივე აგვირჩიეს. წინა წელსაც ასე იყო სალომე ქათამაძესთან. როგორც მითხრეს, ჩემი რეპერტუარი არ მოეწონათ, მაგრამ მე საერთაშორისო სტანდარტის სიმღერები ავარჩიე, ამიტომ მართლა ვერ ვხვდები, რა მოხდა. ამაზე არ ვნერვიულობ, რადგან ასეთი შედეგი უფრო მაძლიერებს. ახლა უკვე მირჩევნია, სხვა ქვეყნის კონკურსზე მოვსინჯო ძალები, მაგრამ ჯერ ამაზე მეტს არაფერს ვიტყვი.
– ნუცა ბუზალაძეს მიულოცეთ გამარჯვება?
– არ მიმილოცავს. ნუცა სულ რაღაც მეორედ ვნახე კონკურსზე. თქვენი ჟურნალის საშუალებით ვულოცავ და წარმატებას ვუსურვებ. ვუგულშემატკივრებ. ნუცას პროექტ "ერთი ერთშიც" ვგულშემატკივრობდი. ჩვენ შორის კონკურენცია საერთოდ არ ყოფილა.
– იურმალას კონკურსი ძალიან მნიშვნელოვანი იყო თქვენთვის?
– "ახალი ტალღა" საერთაშორისო კონკურსი და კიდევ ერთი ნაბიჯია პროფესიული წინსვლისთვის. საქართველოში კონკურსით რაღაცის დამტკიცება აღარ მჭირდება. ჩემზეა დამოკიდებული, შევინარჩუნო და განვავითარო ის, რაც "ახალი ხმის" კონკურსიდან მივიღე – პოპულარობა, მსმენელის სიყვარული. მალე ჟურნალისტის დიპლომს ავიღებ. მერე კი ჩემს სასიმღერო კარიერასთან დაკავშირებით საზღვარგარეთ წასვლაზე ვიფიქრებ. რუსეთის შოუბიზნესი ძალიან დიდია. იქ სიამოვნებით მოვხვდებოდი. მართალია, რუსული ესტრადა ჩემი გემოვნების არ არის, მაგრამ თუ წარმატებას მიაღწევ, მაშინ... იქ წავალ, რომელ ქვეყანაშიც მიმიღებენ, მამღერებენ და მომცემენ საშუალებას, რომ საკუთარი თავი წარმოვაჩინო.
– რატომ ცდილობენ ქართველი მომღერლები და მათ შორის თქვენც რუსულ შოუბიზნესში მოხვედრას და არა – ევროპულში ან ამერიკულში?
– ალბათ ენის ფაქტორიც არსებობს. რუსული ენა ყველამ იცის საქართველოში. პირადად მე და ბევრ სხვა მომღერალს არც ინგლისური ენის ბარიერი გვაქვს, მაგრამ რუსეთში წასვლა უფრო ადვილია. ევროპულ კონკურსში გასვლა ბევრ სირთულეს უკავშირდება, გარკვეული წესებია დასაცავი. ამის გამო საკმაოდ რთულია თუნდაც ბრიტანულ "ახალ ხმაში" მოხვედრა. არადა საზღვარგარეთ კონკურსში მონაწილეობისას უფრო თავისუფალი ხდები, დიდ გამოცდილებას იღებ, მეტად იხსნები საკუთარ თავთან. მე, პირადად, საქართველოში ძალიან ჩაკეტილი ვარ. საზღვარგარეთ მსმენელი თუ ჟიური ნაკლებად კრიტიკულები არიან და არ ცდილობენ, ნაკლი გიპოვონ. ჩვენ კი ვცდილობთ, პიროვნებაში ცუდი ვიპოვოთ და ნიჭიერ ადამიანს თუ რაიმე შეეშალა, ყველაფერს ვუკარგავთ.
– ქართული მუსიკალური პროექტების ჟიურის მუშაობა, მათი შეფასებები არ მოგწონთ?
– ჩემთვის ცინიკური კრიტიკა ყოვლად მიუღებელია. გაუგებარია, ჟიურის წევრი კონკურსანტს რომ დასცინის და შეურაცხყოფას აყენებს. ყველას, ვინც ჟიურიში იჯდა, ზის ან მომავალში დაჯდება, ვურჩევ, უცხოურ შოუებს უყურონ და ნახონ, იქ როგორი ჟიურია, როგორ აფასებენ კონკურსანტებს.
– კრიტიკას ვერ ეგუებით?
– მხოლოდ იმ შემთხვევაში ვიღებ, თუ ობიექტურია, მაგრამ კრიტიკას ვერ მივიღებ ისეთი ადამიანისგან, ვინც არაფერს წარმოადგენს. ხშირად თვალებს გვიბინდავენ და ვიღაცაზე გვეუბნებიან, რომ მისი მოსმენა ღირს, მაგრამ ამ დროს არაფერს წარმოადგენს. არ დავაკონკრეტებ, ვის ვგულისხმობ.
მანანა ნოდია, ჟურნალი სარკე
ნატო დუმბაძე, ნინი ცნობილაძის პროდიუსერი:
– საერთოდ არ ვაპირებდით იურმალაზე წასვლას, მაგრამ კონკურსის ორგანიზატორებს თვითონ ჰქონდათ მოთხოვნა, რომ წელს ნინის მიეღო მონაწილეობა.
– რატომ არ გსურდათ იურმალას კონკურსზე გასვლა, რაიმე ეჭვი გქონდათ?
– შარშანაც იგივე მოხდა – ორი კონკურსანტი დატოვეს. ჩვენნაირ პატარა ქვეყანას ერთი კონკურსანტი უნდა ჰყავდეს. თუ ასე აკეთებ, მაშინ ორივე უნდა წაიყვანო, როგორც ეს რუსეთში ხდება, სამი კონკურსანტი რომ გადის.ამიტომ წინააღმდეგი ვიყავი, ნინის მონაწილეობა მიეღო. მივედი და ჟიურის ერთ–ერთ წევრს ვუთხარი, ნინის კანდიდატურას ვხსნი–მეთქი. მე და ნინი ნუცას წარმატებას ვუსურვებთ. ძალიან კარგი ბავშვია, მაგრამ მინდა, ბოდიში მომიხადოს იმ ხალხმა, ვისაც ეგონა, რომ ნატო დუმბაძეს "ჩაწყობილი" ჰქონდა. ნატო დუმბაძე არასდროს "აწყობს" და გვერდით ყოველთვის ღირსეული პიროვნებები ჰყავს, რომლებიც მზად არიან, კონკურსებზე გავიდნენ... თქვენი ჟურნალის საშუალებითაც მომიხადონ ბოდიში!
– ხომ არ თვლით, რომ ნინი ცნობილაძე დაიჩაგრა?
– საქართველო ყოველთვის იჩაგრება. ალბათ მეტი მოთხოვნის დაყენებაა საჭირო კონკურსის ორგანიზატორებთან. მე თუ შენს ეთერს ვყიდულობ და თან ისე, რომ ჯერ კიდევ არ ვიცი, ვის აინტერესებს და ვის – არა, კეთილი ინებე და, პატარა ქვეყნიდან გაიყვანე ერთი კონკურსანტი ან ორივე.
გამიხარდა კიდეც, ნინი რომ ვერ გავიდა. შარშან ვიყავი იურმალაზე სტუმრის სტატუსით და ვნახე, რა და როგორ ხდება. აქედან გამომდინარე, დიდი დანაკლისი არ იქნება ჩვენთვის. კიდევ ერთხელ ვიმეორებ, ჩვენ იქ წასვლას არ ვაპირებდით! დამირეკეს მოსკოვიდან და, რომ გაიგეს, ნინი კონკურსზე არ გადიოდა, თვითონ მითხრეს, სასწრაფოდ მიეღო მონაწილეობა. ამ ყველაფრის მერე კიდევ ორი კონკურსანტი რომ დატოვეს, ამიტომაც ვითხოვდი ნინის კანდიდატურის მოხსნას. ნუცას პირდაპირ ვუთმობდი ადგილს, მაგრამ ისინი წინააღმდეგები წავიდნენ – ჩვენ ნინი გვაინტერესებსო. წაგებულის პოზიციდან არ ვლაპარაკობ, მაგრამ ამ კონკურსზე გასვლას განვითარება არ მოჰყვება. ასე გავიდნენ დუეტი "ჯორჯია", სოფო ხალვაში, სალომე ქათამაძე, მაგრამ, როგორც ვხედავთ, იქ არავის არავინ დაუტოვებია. ყველა დაბრუნდა სახლში. ორი დღე იყო აჟიოტაჟი და შემდეგ არაფერი. ვიცი, ახლაც ასე იქნება.
– იცოდით, რომ ნუცა ბუზალაძის პროდიუსერი კახა მამულაშვილია?
– როგორც გავიგე, მამულიჩა ახლა გახდა ნუცას პროდიუსერი, მანამდე არ იყო. არც შიდა შესარჩევ კონკურსზე იყო ნუცას პროდიუსერად. წარმატებას ვუსურვებ და ზუსტად ისევე მინდა, წარმატებები მისურვონ!
...
ნინი ცნობილაძე ჟიურის გადაწყვეტილებას მშვიდად შეხვდა და მაშინვე სხვა უცხოური კონკურსისთვის დაიწყო მზადება, რომლის გამხელაც ჯერ არ სურს.
– ნინი, როგორ მიიღეთ ჟიურის გადაწყვეტილება?
– არ ვიცი, რა პრინციპით ირჩევენ კონკურსანტებს. კონკურსია და ყველაფერს ველოდი, მაგრამ... ორი წელი ზედიზედ მირჩევენ და მერე რა ხდება, არც ვიცი და ვერც გავიგებ. შარშან ძალიან მოვეწონე ჟიურის და მთხოვეს, შემდეგშიც მიმეღო მონაწილეობა. ნუცასა და ჩემ შორის ხმები გაიყო და ორივე აგვირჩიეს. წინა წელსაც ასე იყო სალომე ქათამაძესთან. როგორც მითხრეს, ჩემი რეპერტუარი არ მოეწონათ, მაგრამ მე საერთაშორისო სტანდარტის სიმღერები ავარჩიე, ამიტომ მართლა ვერ ვხვდები, რა მოხდა. ამაზე არ ვნერვიულობ, რადგან ასეთი შედეგი უფრო მაძლიერებს. ახლა უკვე მირჩევნია, სხვა ქვეყნის კონკურსზე მოვსინჯო ძალები, მაგრამ ჯერ ამაზე მეტს არაფერს ვიტყვი.
– ნუცა ბუზალაძეს მიულოცეთ გამარჯვება?
– არ მიმილოცავს. ნუცა სულ რაღაც მეორედ ვნახე კონკურსზე. თქვენი ჟურნალის საშუალებით ვულოცავ და წარმატებას ვუსურვებ. ვუგულშემატკივრებ. ნუცას პროექტ "ერთი ერთშიც" ვგულშემატკივრობდი. ჩვენ შორის კონკურენცია საერთოდ არ ყოფილა.
– იურმალას კონკურსი ძალიან მნიშვნელოვანი იყო თქვენთვის?
– "ახალი ტალღა" საერთაშორისო კონკურსი და კიდევ ერთი ნაბიჯია პროფესიული წინსვლისთვის. საქართველოში კონკურსით რაღაცის დამტკიცება აღარ მჭირდება. ჩემზეა დამოკიდებული, შევინარჩუნო და განვავითარო ის, რაც "ახალი ხმის" კონკურსიდან მივიღე – პოპულარობა, მსმენელის სიყვარული. მალე ჟურნალისტის დიპლომს ავიღებ. მერე კი ჩემს სასიმღერო კარიერასთან დაკავშირებით საზღვარგარეთ წასვლაზე ვიფიქრებ. რუსეთის შოუბიზნესი ძალიან დიდია. იქ სიამოვნებით მოვხვდებოდი. მართალია, რუსული ესტრადა ჩემი გემოვნების არ არის, მაგრამ თუ წარმატებას მიაღწევ, მაშინ... იქ წავალ, რომელ ქვეყანაშიც მიმიღებენ, მამღერებენ და მომცემენ საშუალებას, რომ საკუთარი თავი წარმოვაჩინო.
– რატომ ცდილობენ ქართველი მომღერლები და მათ შორის თქვენც რუსულ შოუბიზნესში მოხვედრას და არა – ევროპულში ან ამერიკულში?
– ალბათ ენის ფაქტორიც არსებობს. რუსული ენა ყველამ იცის საქართველოში. პირადად მე და ბევრ სხვა მომღერალს არც ინგლისური ენის ბარიერი გვაქვს, მაგრამ რუსეთში წასვლა უფრო ადვილია. ევროპულ კონკურსში გასვლა ბევრ სირთულეს უკავშირდება, გარკვეული წესებია დასაცავი. ამის გამო საკმაოდ რთულია თუნდაც ბრიტანულ "ახალ ხმაში" მოხვედრა. არადა საზღვარგარეთ კონკურსში მონაწილეობისას უფრო თავისუფალი ხდები, დიდ გამოცდილებას იღებ, მეტად იხსნები საკუთარ თავთან. მე, პირადად, საქართველოში ძალიან ჩაკეტილი ვარ. საზღვარგარეთ მსმენელი თუ ჟიური ნაკლებად კრიტიკულები არიან და არ ცდილობენ, ნაკლი გიპოვონ. ჩვენ კი ვცდილობთ, პიროვნებაში ცუდი ვიპოვოთ და ნიჭიერ ადამიანს თუ რაიმე შეეშალა, ყველაფერს ვუკარგავთ.
– ქართული მუსიკალური პროექტების ჟიურის მუშაობა, მათი შეფასებები არ მოგწონთ?
– ჩემთვის ცინიკური კრიტიკა ყოვლად მიუღებელია. გაუგებარია, ჟიურის წევრი კონკურსანტს რომ დასცინის და შეურაცხყოფას აყენებს. ყველას, ვინც ჟიურიში იჯდა, ზის ან მომავალში დაჯდება, ვურჩევ, უცხოურ შოუებს უყურონ და ნახონ, იქ როგორი ჟიურია, როგორ აფასებენ კონკურსანტებს.
– კრიტიკას ვერ ეგუებით?
– მხოლოდ იმ შემთხვევაში ვიღებ, თუ ობიექტურია, მაგრამ კრიტიკას ვერ მივიღებ ისეთი ადამიანისგან, ვინც არაფერს წარმოადგენს. ხშირად თვალებს გვიბინდავენ და ვიღაცაზე გვეუბნებიან, რომ მისი მოსმენა ღირს, მაგრამ ამ დროს არაფერს წარმოადგენს. არ დავაკონკრეტებ, ვის ვგულისხმობ.
მანანა ნოდია, ჟურნალი სარკე
